|
|
 ده الشغل .. الخرطوم ستشهد هذا العام نقلة تضعها في مصاف العواصم الخليجيه
|
الخرطوم : منى خوجلي
صادق مجلس وزراء ولاية الخرطوم امس على خطة وزارة التخطيط لعام 2009م التي قدمها الوزير المهندس عبدالوهاب محمد عثمان ، مؤكداً أن الاوليه ستكون لمشروعات المياه التي رصدت لها (63) مليون جنيه ، والصرف الصحي والسطحي الذين رصدت لهما (95) مليون جنيه.
واعلن الوزير عن تنفيذ طريق جديد بطول (152) كلم ، وتوسعة وإعادة تأهيل طرق بطول (180) كلم ، واضاف ان هذا العامسيشهد تكملة جسر الحلفايا كرري ، فيما يكتمل جسر الدباسين منتصف العام القادم ، وأكد إجراء دراسة تأهيل كبري الحريه وكبري المسلميه والبدء في تنفيذ (4) تقاطعات بالطريق الدائري الداخلي بإنشاءانفاق امام جسر شمبات وصينية الازهري والسوق المركزي .
وأكد عثمان البدء خلال هذا العام ايضاً في صيانة جسر النيل الازرق القديم ، إلى جانب إكتمال اول خريطة ديجيتال للولايه بعد إكتمال عمليات التصوير الجوي ، مشيراً إلى أن المخطط الهيكلي وصل مرحلة مناقشة السيناريوهات التي تحدد مستقبل الخرطوم وأكد أنه سيتم إنشاء موقف متعدد الطوابق في منطقة السوق العربي ، كما وجه المجلس الوزارة بمعالجة مشاكل الانقاض وكسورات المياه ومخلفات المباني واكمال التخطيط ومعالجة السكن العشوائي .
.............
لايفوتنا هنا تحية القائمين على هذا الأمر والإشادة بمجهوداتهم الجباره حتى يعيش جميع سكان ولاية الخرطوم واقعاً أفضل وأجمل .
|
|
 
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: محمد فرح)
|
أخونا ود فرح..
نقلة نعم..
بس مصاف العواصم الخليجية دي زودت ليها المحلبية..
ياحبيبي العواصم الخليجية فيها طرق متينة وواسعة جدا
وفواصل وعلامات ارشادية ومرورية، وطرق خدمة وأنفاق وكباري طائرة
الخرطوم تعاني من الاختناقات وقلة منافذ الدخول إلى وسط المدينة
وتعاني كذلك من ضيق الشوارع رغم الاجتهادات الأخيرة
أكتر من أعجبني في الخرطوم في زيارتي الأخيرة
وجود الإشارات الرقمية.. دي تقنية ما موجودة حتى في السعودية
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: أيمن دياب)
|
أيمن دياب
| Quote: بس مصاف العواصم الخليجية دي زودت ليها المحلبية.. |
ياخوي انا كنت داير أكتب الأوروبيه عديل
العام القادم بالإضافه للمشاريع أعلاه دي حيتم إفتتاح كبري توتي
وواحة الخرطوم
ده غير الأبراج الكتيره جداً التي يتم تشطيبها الآن والتي ستعطي الخرطوم بعداً آخر .
وهناك مشاريع جميله جداً لتنجيل الشوارع وزرع الورود بها ده غير الحدائق المفتوحه (حبيبي مفلس) التي إنتشرت في أرجاء العاصمه .
أغلب المغتربين لايغلقون أفواههم من الدهشة عند زيارة الخرطوم حتى يصلون لأهلهم
يالخرطوم يالعندي جمالك
جنة رضوان
طول عمري ماشفت مثالك
في أي زمان
أنا هنا تبيت ياوطني
زيك مالقيت ياوطني
مؤونة عام من الود
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: محمد فرح)
|
وانا سأكون في الإنتظار أخ ادم
مثل هذه النماذج مفيده جداً لأخذ العبر منها ومعرفة طريقة عملهم وتخطيطهم
السودان يؤخره فقط هذه الحروب السخيفة المدعومه من الغرب والتي تهدف لإجلاس بلادنا ومنعها من النهوض
لكن رغم هذه الحروب واللمهددات تجدنا نعمل ونعمل وننتج وننجز على قدر الإستطاعه
إسأل معي الله أن يهدي حركات دارفور المسلحه لوضع السلاح حتى نلتفت جميعاً وبكلياتنا للتنميه فقط لالشيء سواها .
مؤونة عام من الود
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: مجاهد عبدالله)
|
Quote: ياخوي انا كنت داير أكتب الأوروبيه عديل
|
بالمناسبة ياود فرح
الشوارع الموجودة في الخليج.. ما بتلقاها في أوربا..
واحد من ناس لندن زار الرياض قبل فترة.. واندهش للغاية
من البنية التحتية في مجال الطرق والجسور والأنفاق
قال لندن مافيها كلام زي ده.. خالص خالص
أعرض شارع بكون مسارين بس..
بينما هنا بتلقى عشرة مسارات..
خمسة رايح وخمسة جاي..
عشان كده كان عايز تقول الاوربية قول ساي..
مؤنة نصف عام من الود
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: محمد فرح)
|
يا محمد فرح كيفنك
يعني عايز تقول لي لمن امشي في شهر 8
ما حا اسمع صوت القعونجات وانا نايم
في الدرابزين بتاع بيتنا عشان الصرف
الصحي حا يكون اشتغل...
خارج النص:
شفت خطوط الضغط العالي الجاية من جهة اركويت والرياض
وماشة علي الامتداد والصحافات ديك
اسأل مهندس كهربائي عليك الله
وقول ليه وجود الخطوط دي بي ضغطها
العالي داك ممكن تسبب شنو للسكان
غايتو الله في
ويوم الحساب دة حا يكون عسير
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: Nagi Ahmed)
|
| Quote: و البلد مقبلة على فترة حا تهرب منها كل اموال المستثمرين |
وهذا هو المطلوب
في ماليزيا القي القبض على نائب رئيس الوزراء الولد الذهبي
قاموا بضربه في السجن وتلفيق التهم له..
رفض انور تدخل اي جهات اجنبية وقال انه يثق في القضاء الماليزي
ويرفض تدخل اي جهات اجنبية. لانه خائف على الاستثمار في بلاده
الماشة بسرعة الصاروخ.. ولانه رجل وطني يحب وطنه ويعتقد ان حقوقه الشخصية
تتضاءل امام وطنه الشامخ..
بهذا الوعي تجاوزت ماليزيا هزتها الاقتصاية والسياسية
لكن ناس قريعتي راحت ديل شغالين بمستوى فهم حوا في القصة دي
* صرخ منادي لحواء التي كانت تفلح حقلها : يا حوا قطيتك حرقت..
وقفت حوا وقالت كدي عجبني للمرقوت
حوا= المعارضة
القطية = الوطن
المرقوت= ناس الجبهة..
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: حامد محمد حامد)
|
Quote: الاشادة والتحفيز مهم لشحذ الهمم
ولكن المبالغة والتغنى فى مثل هذه الامور لا يجدى , فانت تعلم وكلنا بان الاشياء تتم فى السودان على الطريقة السودانية فقط (No standard) فارجوك لا تبالغ وكلنا نظر
لك شكرى للمعلومة |
أخ حامد
تحيه طيبه
وكما يقول مثلنا السوداني
الشكرو رقد
بالنسبه لكميات النقد الخرافيه التي يسمعها القائمون على أمر ولاية الخرطوم الأمر الذي يسبب إحباطاً مابعده إحباط أعتقد أن هذه الجرعه من الـ(تشكير) قد تزن المعادله (قليلاً).
وسأحاول ماإستطعت عدم المبالغه
مؤونة عام من الود
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: طارق جبريل)
|
أخ طارق
إزيك
بدون شك وجود خطوط الضغط العالي هكذا وسط المدينه وداخل الأحياء السكنيه أمر مزعج جداً
المخططون لمدينة الخرطوم لم يضعوا في إعتباراتهم إطلاقاً هذا التمدد الخرافي الذي حدث الآن وهذا ماصعب الأمر
في إعتقادي حتى تزداد المدينة ألقاً لابد من إحداث تنميه حقيقيه بالولايات حتى يعود لها أهلها وحالياً أعتقد أن سكان الشمال سيبدأون بالعوده فقط المؤسف أن أهل الجنوب وبعد أن عاد غالبية نازحيهم بعد السلام عادوا أدراجهم للولاية مرةً أخرى ولدي عدة نماذج لشباب جنوبي تناقشت معه فحدثني بأسف شديد عن الغلاء وصعوبة العيش هناك في ظل إنعدام الخدمات الأساسيه ففي ملكال الكهرباء مقطوعه منذ رأس السنه وحتى اللحظه وعلى ذلك قس
مؤونة عام من الود
| |
|
|
|
|
|
|
|
|
|
Re: ده الشغل .. الخرطوم ستشهد هذا العام نقلة تضعها في مصاف العواصم الخليجيه (Re: محمد فرح)
|
| Quote: الشغلانه دايره تخطيط سليم وتصميم على أن يكون المستقبل أجمل |
ود فرح كيفك ... المشكلة مافي التخطيط والله التخطيط متواجد بكثرة عقول مستنيرة ... المشكلة في الزمم الانعدمت .. تجد عشرة شغالين ومائة يخربوا وينهبوا ... الخرطوم والله انا كل ما امش اجد فيها كتير من التغير بالرغم من هذا ....
نسال الله ان نشوف الخرطوم احسن من العواصم الخليجية...
بس ما تنسوا الريف عشان الناس دي ما تجيكم كلها في الخرطوم .... والمدن الكبيرة ايضا ما تنسوها ناس مدنى وما شابه ذلك.
تحياتي
الامين
| |
|
|
|
|
|
|
|
| |
محمد فرح
Adam Omer
Deng
طارق جبريل
حامد محمد حامد
منعمشوف
Mohamed Yassin Khalifa
فيس بوك
تويتر
انستقرام
يوتيوب
بنتيريست