|
Re: اي "مهمش" يحبه الجلابة فهو "جرقاس" (Re: humida)
|
Quote: و اي شخص يدعي بأنه ( دكتور ) .. فهو ( صبي صيدلي ) ..!! |
حميده
واولا حمدا لله علي السلامة والف الف مبروك الزواج ووفقك الله اخي العزيز
ــــــــــــــــــــــــــــــــــــــــــ
قلته لي الدال دي قاعده ساااكت في السهله؟
| |
|
|
|
|
|
|
Re: اي "مهمش" يحبه الجلابة فهو "جرقاس" (Re: humida)
|
Quote: ( صبي صيدلي ) ..!! |
كويس بقى صيدلي يا حميدة يا حرامي القوقل
انت وينك
المهم
المهمش ما يكون جرقاس عليه اللعنة
لانو ليس هناك وضيعة "اوضع" من وضعيةانسان
يلحس عطايا الجلابة المسروقة من دولة الغلابة ليستخدمها في ابادة شعبه كما فعل امثال احمد هارون ومن لف لفهم
| |
|
|
|
|
|
|
((كلب)) (Re: د. بشار صقر)
|
Quote: واي مرتزق يدعو الي تفكيك السودان والتفريق بين ابنائه من ناحية الدين واللون والعرق ... كلب وحقير |
فيصل الرشيد: لماذا كل هذه الإساءة للكلاب؟؟؟؟
| |
|
|
|
|
|
|
Re: ((كلب)) (Re: علاء الدين يوسف علي محمد)
|
Quote: متلازمة الإحساس بالدونية مرض خطير |
رغم الحروف التي تسبق اسماؤهم الا انهم يعانون من اوجاع طبيقيه يكون ضحيتها هذا الوطن
الله يشفيهم...
معليش يا علاء نسيت اسلم عليك
تقبل فائق مودتي
| |
|
|
|
|
|
|
Re: سألني عزام مِن الدَوحة (Re: عزام حسن فرح)
|
أما انا فعايز فتوي من نوع النضال اب بوخا يلوي داك
او طالما انت صيدلي...توصف لي حبوب ضد المسكنة.. عشان اصرفها لي جلابتنا المساكين ديك...كان يتحركوا شوية
يا اخي انا واهلي من الجلابة المهمشين لي الدين من قبال زمن عبود لا جانا حاكم...ساكت نهتف معاه او ضده...لا جاتنا كهربا لا موية لا مدارس...لا تموين...لا اغاثة...لا صليب احمر او اخضر...درب اللواري الكانن بجن شاحنات قريب فروت...ونسكهن يرموا لينا منهم قريباية غيروه وبقوه بي فوق...اذا عايز تمشي ليه ...بي حمار نشيط بتصلوا تاني يوم العصر...
اما الاسبتالية...فأقرب مستشفي متخصص الا نقطع ليه البحر وهو مسافة 30 كيلو وعربية واحدة في الحلة مافي...(شغالين نأكل مما نزرع وكراتين ناس الخرطوم)
وحتي قوق ايرث ما جيبنا في الخريطة...ومع ذلك جلابة وجعليين.. فاذا لاقاك تهميش زي دا قول لي عوك... اها نزيدك...التساب كل سنتين او تلاتة بكسر نص بيوت طين الحلة ويخلي عناقريبنا في السهلة وبهماتنا يدغن بي الشدر...وتاني نبني بيوتنا...بالنفير...(الكلام دا ما فيه لا مبالغة ولا مزحة)
حقيقة...اسأل منو اكوك دينق...ربي يطراهو بالخير...ما عارف وين هسي سقتو معاي مرة اجازة...والدنيا بدايات سقط النخل والصهيب... تاني يوم من الصباح قال لي راجع...وناس الحلة كلهم يحنسوا فيه وهو يقول ليهم معليش...معليش ...معليش ويتر بي شنطنتو علي قفاهو...
لامن مرق من الباب....وتنفس الصعداء...وشهق شهقة الخلاص
قلت ليه حا تمشي كيف هسي مافي مواصلات الا نمشي معاك درب العربات الفي الخلا امكن تلاقي لوري...قال...حا يمشي بي رجليه...وفعلا مشي مسافة 20 كيلو...ومن ديك تاني ما شفتو؟
| |
|
|
|
|
|
|
محاولات بائسه (Re: د. بشار صقر)
|
د. بشار سلام
محاولة ترسيخكم لمتدوالة جلابي على انها النقيض لمهمش محاوله بائسه جدا عدا كونها غير امينه وتفتقر للنزاهه ..
سلام
| |
|
|
|
|
|
|
Re: محاولات بائسه (Re: وليد محمد المبارك)
|
Quote: جلابة : ليست مضاد مفردة مهمش |
يا وليد...فوق لي تعليقك بي تعليقين انا قلت نحن جلابة ووصفت جلبنتا...وعايز ليها فتوي...تحت اي درجات التهميش يمكن ادراجنا؟
اها ونزيدكم كمان من الشعر بيتين...لاهسي جزء من ناس حلتنا مغتربين في الجنينة...ولامن يجونا...بكسوا الحلة كلها وبوكلوها سمن وعسل...(
| |
|
|
|
|
|
|
Re: محاولات بائسه (Re: أحمد الشايقي)
|
كتبت هذا النص في نيو سودان
من اين رضع عيال الجلابة كل هذه العنجهية والتعامل المسطح الخفيف المستهتر مع الثورة في الهامش
الى اي تاريخ يستندون في خفتهم هذا فالهامش الذي يقاتل نظام الابادة اليوم هو من صنع شكل جمهورية السودانية القائمة قبل ان تختطف من قبل ربائب المستعمر والهامش الذي يقاتل نظام الابادة اليوم هو من دشن ممالكا وامبراطوريات سادت قرونا تلو قرون والهامش الذي يقاتل نظام الابادة اليوم يضم شعوبا وامما تاريخهم ممتد فوق الجغرافيا السودانية وعمق تاريخها الالاف السنين على شهادة مؤرخين من ازمنة سحيقة فمن اين لهولاء الذين لا يتعد عمر تاريخهم الوجودي كلو كلو بضع مئات السنين!!!!؟ ولا يعرف لهم ملكا اصيلا او سلطانا مقيما (داخل حدود السودان) او حضارة قائمة على مشهد التاريخ وانما محض صور مخترعة من نسج المخيال من اين لهم كل هذه الخفة في قراءة الثورة ان امر هذه الخفة في حاجة الى تفكيكات عميقة . انظر فقط الى تعليقات عيال الجلابة واتباعهم الذين صدقوا "السرديات الكبرى" لدولة الجلابة على اخبار الثورة وانتصاراتها في الهامش السوداني ستبهت من امر هذه الخفة العجيبة؟ انظر الى مثل التعليق المسطح اعلاه كنموذج كيف يسخر من امر ثورة جعلت من ضربة واحدة كل الجهاز التنفيذي في الدولة محض اضحوكة وقلّبت برامج الدولة ومسارها راسا على عقب وامسكت بين يديها بكل اوراق اللعب بعض ان افلتتها من ايدي الحكام الجلادين حتى اصبح كل شغل راس الدولة في السودان لمن يشاهد تلفزيونهم محض هلاويس مثل "هلوسة اوكامبو" وهلوسة اعلان رئيس النظام الكاذب المنافق من مناصير المنكوبة وهو يقول : ثورة انقاذ ثورة المهمشين!!؟ انظر كيف جعلنا راس النظام المهزوم يتبنى شعاراتنا بخفة تشبه خفة صاحب التعليق اعلاه
لان المنهل واحد العقلية واحدة استهبال الممنهج والنفاق المؤسسي التي تنتجها "الامة المخترعة" لتقود امما حقيقية ولكن هذه الامة المخترعة هاهي تنهار على وقع الثورة مثل اوراق الشجر وما هذه التعليقات المسطحة على المسائل الملحة الا شكلا من اشكال التنفيس على طريقة هذه الجماعة النخبوية المخترعة المستهبلة التي قادت شعوبنا الى الحجيم نصف قرن من زمان؟
ده موضوع طويل غايتو داير ليهو مساحة تانية المهم تهانينا لكل عشاق التحرر على هذا النصر وما اروع منهج "سباق الحمير" الذي يقرا به عيال الدولة الفاشلة ثورة المهمشين.
http://www.newsudan.org/vb3/showthread.php?t=16425
في القرن الرابع عشر القريب ده بث! لن تجد في شمال السودان غير النوبيين الذين يغرّقون اليوم في مياه السدود غرقا ليسوح على خضرة الجنائن التي تقوم فوق جثثهم مصريين وصينيين واماراتيين وواقواقيين وطبعاالجلابة! وهل يعيرون انتباها للموروثات الثقافية و التاريخية لهذه الشعوب طالما لم يعيرو انتباها لانسانها الذي انتجها
ولن تجد في شرق السودان غير امم البجا ترى كيف يتفاصح امما اخترعت في بضع مئات من السنين على على اوهام سلالات بعضها قيل لم يخلفو !
كيف لهم ان يستهترو بحقوق شعوب اقل ممالكهم عمرها قرون
من اين لهم بكل هذه الخفة! ولكن لماذا نستغرب اذا كانت اول دولة للجلابة تنهار في بضه سنين
| |
|
|
|
|
|
|
Re: محاولات بائسه (Re: أحمد الشايقي)
|
يا بشاره....تحياتي...
ياخي الامم التانيه (رووحت) ولحقت القمر... وبنو بلدهم...وانت للان مقسم الناس كيمان كيمان...شئ جلابي وشئ عربي وشئ جرقاس وشئ جنجويد وشئ سليسيون...
ياخي داير اسالك سؤال... خليل ابراهيم ده ما متزوج جلابيه اذا كان بفهمك انو اي زول جاي من الشمال جلابي... موقعو شنو من عنوانك الفوق ده!!!
تاني حاجه... انت الجلابي ده فرقو شنو من الغرباوي ولا الجنوبي ولا الشرقاوي (سواء كان عربي ولا غير عربي)... ما يا هو الناس ديل كلهم (مسهوكين) سهك الجن في حكومة السجم والرماد دي ....
ما داير اقول ليك انو العنوان الكاتبو ده ما بتناسب مع مرتبتك التعليميه ... لكن بقول ليك انو اذا كان متعلمينا بيقولو الكلام ده فبعد شويه حنبقي بدون بلد ونحن شعب نسبة الاميه في قبله الاربعه اكثر من 40 في الميه...عشان كده توعية الشعوب ما بتتم بتقسيمها لكيمان وتوزيع فصوص وقلائد النضال لمن يتفقون معنا وسلخ وبتر لمن لا يتفقون معنا...السودان ده يا بشاره جدودنا سلمونا ليهو اكتر من مليون ميل مربع وعايزين نسلموا برضو لاولادنا اكتر من مليون ميل مربع...
انا بتفق معاك زي ما بتفقو معاي كتيرين انو في مشاكل كثيرة في بلدنا الكبيره دي متمثله في التنميه وعدم التوزيع العادل للثروه والسلطه بعض من هذا الارث الكبير ليهو ترسبات عرقيه واثنيه...لكن الاختلاف بيجي من حتة كيف يكون الحل وهنا بتظهر الفوارق يا اما نسمع لبعض ونطرح مشاكلنا ونسعي للحل مع الشخص المغتصب للسلطه بليل وده ما شرطا يكون جلابي زي ما انت بتفتكر ممكن يكون شخص جاي من اقصي مناطق الهامش لكن بتجمعو مع شخص اخر مغتصب نفس الايدلوجيه الاقصائيه... يعني باختصار كلنا ضد الايدلوجيه البتكرس للاضطهاد سواء كان جات من شخص اصوله من قبل السودان الاربعه...
لكن تجي تقول لي (البحب) ناس فلان داك هو جرقاس والبيحبوه ناس علان داك ود نفاش ..كده منطقك ده بيقسم الناس ليكمان... وكده الجلابيه الكبيره الاسمها السودان دي (بتتشقق) وبعد ما تتشقق صدقني ما حتنفع فيها اي قطعه...
| |
|
|
|
|
|
|
Re: محاولات بائسه (Re: Elsanosi Badr)
|
هسي الحشّر الجنجويد
هنا شنو يا سنوسي بدر
بعدين قرن العشرين ده كان
ما جا ولا شنو لمان كنت تحاور
دكتورة امتنان
والا نجيبها
عشان ترجع للقرن
القديم بتاعنا دي!
حاجة عجيبة
الواحد عندو خطاب في كل لزوم
ودلوكة في كل زفة
| |
|
|
|
|
|
|
|