|
Re: للهاوين بس (Re: willeim andrea)
|
سبحان الخالق المصور ده جمال دمار لا املك الا ان اقول سبحان الله العظيم الخالق المصور المبدع
لاحظ للون الفى الرقبة ونفس اللون على الاجنحة نفس الفصيلة
شوف ديل عظمة لابسين ولا افخم بدلة ولا اقدام الحمام كانهن بجوارب
ديل كانهم مزينين عند كوفير خبير ديل عجبونى شديد ديل ملوك جمال الحمام الصور
هديل الحمائم جمال الخالق ياوليااااام والله ابداع وبوست 100 100
| |
|
|
|
|
|
|
Re: للهاوين بس (Re: willeim andrea)
|
و الله لكن زول فنان بجد
يعني يا ويلي بوستك داك فتحتوا علشان الجمال دا كلو
و الله تستاهل دروس و ندفع ليك كمان
و الله فعلاً للهاوين بس لأنو غير الهاويين ما في زول بقدر كل الجمال دا
تحياتي يا فنان
| |
|
|
|
|
|
|
Re: للهاوين بس (Re: ممدوح أبارو)
|
ابارو الجميل وينك يا راجل...... ومن ديك وعيك..... تعال استمتع بقدرة الخالق .... ومرحب بيك في نادي الهواة..... محبتي
| |
|
|
|
|
|
|
Re: للهاوين بس (Re: ABUHUSSEIN)
|
ابو حسين ازيك يا راجل مين يستحسن الجمال غير عيون واحساس فنان ...... وبعدين البوست داك بعد البوست ده وبوست تاني ... فيما يتعلق بالانكماش الاقتصادي وتاثيره في حركة التداول ومن ضمنها العربات ... اظن اسمه بالتقسيط المريح...... ما علينا .... مرحب بيك في نادي الهواة يا فنان ... محبتي
| |
|
|
|
|
|
|
Re: للهاوين بس (Re: willeim andrea)
|
الأخ العزيز وليم .....
تحية طيبة
يعني شردت من بوست الجاز الزماااان داك ونفتش ليك ونفتش ليك ما لقيناك الا اسي ....عوداً حميداً ....
عندما رأيت وللوهلة الاولى صور الحمام قفزت لذاكرتي صورة العم فضل الحسن وداعة الله وهو زوج خالتي و(حمامجي ) درجة اولى اغترب فترة طويلة في ابوظبي وعندما عاد للسودان كان اهم ما احضره معه قفص به نوع نادر من الحمام أعتقد أنه الحمام اليمني والذي وسبحان الله على خلقه يصدر صوتاً جميلاً عند مواعيد صلاة الفجر وكأنه (يؤذن ) للصلاة .... من أصدقاء عم فضل الفنان كمال كيلا وهم من هواة تربية الحمام مجموعة يجتمعون كل فترة في منزل أحدهم حيث يتبادلون ( الأزواج ) الجيدة من الحمام ولهم طرائف كثيرة مع بعض .... العم فضل ربنا يديه الصحة والعافية علمنا كثيراً عن الحمام وانواعه .. وأذكر أنه كان يمتلك حمام زاجل أعتقد انه كان يراسل به صديقه في جزيرة توتي .. من الأنواع التي اذكرها الحمام الرقاص والحمام الروماني ( دائماًيكون أبيض اللون يتميز هذا النوع بالقامة الممشوقة وألوانه الفراشية وعيونه حمراء أو سوداء ، منقاره صغير جداً وله غرة حادة الطرف.) والكنج (على ما أعتقد ) وهو الحمام العادي الذي نراه ويعرف ب ملك الحمام ، له جسم مستدير الشكل ، منقاره طويل ، عيونه سوداء أو أصفر غالباً ، ذيله قصير، شكل الذكر يدل على (العنطظة) وكأنو ملك بالجد وأيضاً هناك الحمام السوداني لون جسمه أبيض أما لون رأسه وذيله فهو أسود أو بني غالباً ، له غرة ، لون عينيه أبيض أو أسود عادة. والتركي والبلجيكي ولونغ فيس والهندي .....
أطمع فيمن يذكرني أكثر ....
لك التحية
اسامة
| |
|
|
|
|
|
|
Re: للهاوين بس (Re: willeim andrea)
|
الخال وليم
طبعاً بعد قلت ( المدرسة الوسطى ) بقيت خال..... وبعد مفردات (حمام حر ) و (شرابات ) عرفتك حمامجي ....
نعم هو الخال فضل ربنا يمتعه بالصحة والعافية من اولاد حي العمدة والآن يسكن الثورة ولا يزال الحمام وريشه يغطي منزله العامر ولكنه ليس كالأول تقدم العمر مع المرض وأيضاً تأثر بمرض إحدى بناته تأثراً شديداً واقعده هذا المرض في منزله نتمنى له الصحة والعافية وأن يعود لحمامه وقفشاته المشهور بها .....
من قفشاته انه وعند يوم زواج ابنه البكر خالد (يوم الغداء) كانت النساء تمر (بحوش الصالون ) وتعلقن ( الحمام ده مبشتن البيت والله ) أو ( بالله اسي لو القفص ده كان برة البيت موش أحسن ) أو ( انتو يا بناتي الحمام ده ما كان يضايروهو كده ) فما كان من الخال فضل وكان يجلس في الحوش مع الرجال إلاّ وان انتصب واقفاً وقال ( أربي حمام أربي جداد أربي (بلي - من بليّة - ) بيتي ,انا حر فيه ..... وبعدين انا ما قاعد هنا للعرس انا حارس حمامي ........
شئ آخر أريد أن أسألك منه مشكلة ( العين ) مع الحمام شنو ؟ أذكر انه في كل مرة يرى احد حمام الخال فضل ويعلق عليه يرد الخال فضل ( خلاص قشطوهو) الله يقشطكم ...... واذكر انه لم يكن يخرج الحمام الحر لمعاينته من قبل اصحابه بل كان يخرج لهم ما كان عدده كثير وكان يعلل ذلك بأنه ( لو ادوهو لي عين في زيو كتير ) ...
لم أتمكن من مطاردة ( الحمامجية ) في بلد الخواجات دي ولكن لمن كنت في السعودية كنت أعرف أحد السودانيين في جمعية تربية الحمام الداجن بالمدينة المنورة وكنت أذهب له في بعض المرات عندما يشتري ( جوز ) جديد واذكر شكوى زوجته لي بانه يضيع نص المرتب في الحمام وكان يرد عليها والنص التاني للحمام ابو رجلين ....يقصد بناته التلاتة .... المهم أنا معاك .....
مودتي الواصلة
اسامة
| |
|
|
|
|
|
|
Re: للهاوين بس (Re: willeim andrea)
|
الخال وليام معليش مشغوليات وشوية زهج خلونا نبعد عن النت ...
فيصل الذي ذكرته ليس شقيق الخال فضل وانما صديقه منذ الطفولة وكثير من الناس يعتقدون انهم اشقاء إن لم يكونا تيمان .. الحركات والشكل العام وحتى شكل الوجه بل وطريقة الكلام التي (تخلبط ) اي شخص لا يعرفهما معرفة شخصية ... المهم راجينك (تطلع العندك )
من اشقائه و يمكن ان يكون في نفس عمرك صلاح وهو موجود بالثورة..... وربما تقصد بالآخر إبن اخته عز الدين لأن البقية خلصوا الجامعة في الستينات .....
ابنك اسامة
برضو راجينك تجيب قفصك وتجي .....
| |
|
|
|
|
|
|
Re: للهاوين بس (Re: willeim andrea)
|
ياسلام اهو كده جبته الرايحه... عزالدين الشاب الظريف واها كان سابقني باربي بسنه او سنتين اها هسي انته مطلوب تديني عناوين الناس دي او اقله تلفونات في اي ميلي الموجود في البروفايل ... وصدقني اسجل للخال والاخ الحبيب الزميل عزالدين زياره ... ياخي ذكرتني بالزمن الجميل وعجلات الفيلبس الهولنديه الاسبورت والرالي الانجليزيه ....... زمن كانت الرابعه اخر محطه .. تحياتي واحترامي للكل....
القفص.... يا حليل القفص غايتو قفص في الخيال ...... ولو ربنا ادنا العمر والصحه نسعي من جديد زي الصور الفوق دي واحسن ...
| |
|
|
|
|
|
|
Re: للهاوين بس (Re: willeim andrea)
|
..... الشكلبلظ ...... الكوشكات........ الروماني......... اليمني...... الرقاص او الهزاز..... النفاخ....... الزاجل.... الكنج..... القطاوي.... الجقادي..... النمس او الجقلوبين...... النحاسي .... الباكستاني.... القطيفي..... انواع من انواع من الحمام.... ونواصل
| |
|
|
|
|
|
|
|