|
معسكر الهـــــــــــلال بالدوحه
|
يقيم نادي الهلال السوداني معسكرا تدريبا بمدينه الدوحه القطريه, سنحاول في هذا البوست التوثيق للمعسكر و عكس بعض الانطباعات عن نجوم الهلال المنتقليين اليه حديثاعلما بان اثنين منهم لم ينخرطو في المعسكر بعد وهم ايفوسا المنتقل اليه من المريخ والاعب الكنغولي القادم من الهلال السعودي بالاضافه الي علاء الدين يوسف العريس ويتوقع ان ينضم ثلاثتهم للمعسكر يوم الاثنين 2/2/2009
|
|
|
|
|
|
|
|
Re: معسكر الهـــــــــــلال بالدوحه (Re: Omar Bob)
|
تتكون البعثه من 25 لاعباو 4 اعضاء في الجهاز الفني هم المدرب البرازيلي ومساعده كابتن الديبه وعيسي الهاشماب مدرب الحراس ومدرب اللياقه ومترجم للمدرب بالاضافه الي الطاقم الاداري المكون من عماد الامين العام لمجلس اداره نادي الهلال رئيساللبعثه ومدير الكره وطبيب الفريق وهناك عدد من الصحافيين المرافقيين للبعثه تقيم البعثه بالاجنحه الملكيه للشقق الفندقيه لصاحبها الاستاذ محمد بشير حمزه رئيس رابطه اهل الهلال بدوله قطر
| |
|
|
|
|
|
|
Re: معسكر الهـــــــــــلال بالدوحه (Re: Omar Bob)
|
ألف مرحب بفريق الهلال السودانى فى دوحة الخير والمحبه ونتمنى أن يكون معسكره مفيدا . وبالتأكيد سوف يكون ناجحا طالما توأزره وتقف خلفه رابطة أهل الهلال بالدوحه والتى تجمع أناس من خيرة السودانيين بقطر . بإسم المكتب التنفيذى للجاليه نكرر ترحيبنا بالهلال ونتمنى له إقامه طيبه .
| |
|
|
|
|
|
|
Re: معسكر الهـــــــــــلال بالدوحه (Re: نادر)
|
سلام يا نادر اللاعب الكنغولي قد يكون مقلب وقد لا يكون لانو انا في تقديري اذا الاعب توفرت له الموهبه فمساله نجاحو من عدمو بتعمد علي الظروف والجو المحيط بيه في النادي المعين ومدي انسجامه مع بقيه اعضاء الفريق (لاعبين ومدربين) ودونك تجربه قودوين ونجاحه الداوي مع الهلال وفشله الدواي مع كل الفرق التي ذهب اليها بعد الهلال و اللاعب الكنغولي كانت له تجربه ناجحه مع الصفاقسي التونسي علي ما اعتقد بناءا علي المباره التي شاهدته فيها وهي المباره النهائيه امام المريخ في كاس الاتحاد الافريقي والتي احرز فيها هدفيين علي ما اظن- الا اذا كان هو فاشل في مجمل تجربته مع الصفاقسي وتلك المباره كانت استثناء- في هذه الحاله يجوز التشكيك في مهارته لانه فشل في تجربتيه اللاحقتين
تحياتي لمريم ومحمود
| |
|
|
|
|
|
|
Re: معسكر الهـــــــــــلال بالدوحه (Re: Omar Bob)
|
اللاعبون المتواجدون بالمعسكر -من الذاكره- 1- المعز محجوب 2- عبد الرحمن الدعبع 3- سامي عبد الله 4- اسامه التعاون 5- ديمبا 5- محترف انيمبا 6- طارق مختار 7- عمار مرق 8- حموده بشير 9- عمر بخيت 10- سيف مساوي 11- هيثم مصطفي 12- احمد عادل 13- سولي شريف 14- المحترف البرازيلي 15- مهند الطاهر 16 زرياب 17- صالح عبد الله 18- نعيم
| |
|
|
|
|
|
|
Re: معسكر الهـــــــــــلال بالدوحه (Re: Omar Bob)
|
العزيز / عمربوب تحية واحترام بصراحة امبيلي ده مقلب كبير شربه الهلال ... تعرف اللاعب ده كان احتياطي للاعب صغيراسمه سلمان مؤشر لايتجاوز عمره ال 18 عاما وهو لاعب من ناشى الهلال تحت 19 سنة ..
ــــــــــــــــــــ الكنغولي ماسورة 100 بوصة
تحياتي
| |
|
|
|
|
|
|
Re: معسكر الهـــــــــــلال بالدوحه (Re: ارصد محمد جلال)
|
Quote: اللاعب الكنغولي قد يكون مقلب وقد لا يكون لانو انا في تقديري اذا الاعب توفرت له الموهبه فمساله نجاحو من عدمو بتعمد علي الظروف والجو المحيط بيه في النادي المعين ومدي انسجامه مع بقيه اعضاء الفريق (لاعبين ومدربين) ودونك تجربه قودوين ونجاحه الداوي مع الهلال وفشله الدواي مع كل الفرق التي ذهب اليها بعد الهلال و اللاعب الكنغولي كانت له تجربه ناجحه مع الصفاقسي التونسي علي ما اعتقد بناءا علي المباره التي شاهدته فيها وهي المباره النهائيه امام المريخ في كاس الاتحاد الافريقي والتي احرز فيها هدفيين علي ما اظن- الا اذا كان هو فاشل في مجمل تجربته مع الصفاقسي وتلك المباره كانت استثناء- في هذه الحاله يجوز التشكيك في مهارته لانه فشل في تجربتيه اللاحقتين اللاعب الكنغولي قد يكون مقلب وقد لا يكون لانو انا في تقديري اذا الاعب توفرت له الموهبه فمساله نجاحو من عدمو بتعمد علي الظروف والجو المحيط بيه في النادي المعين ومدي انسجامه مع بقيه اعضاء الفريق (لاعبين ومدربين) ودونك تجربه قودوين ونجاحه الداوي مع الهلال وفشله الدواي مع كل الفرق التي ذهب اليها بعد الهلال و اللاعب الكنغولي كانت له تجربه ناجحه مع الصفاقسي التونسي علي ما اعتقد بناءا علي المباره التي شاهدته فيها وهي المباره النهائيه امام المريخ في كاس الاتحاد الافريقي والتي احرز فيها هدفيين علي ما اظن- الا اذا كان هو فاشل في مجمل تجربته مع الصفاقسي وتلك المباره كانت استثناء- في هذه الحاله يجوز التشكيك في مهارته لانه فشل في تجربتيه اللاحقتين
|
والله يا عمر بوب كان لعب في الصفاسي ولا في الجن الأزرق الزول ده ما لاعب ومما سجلو هلال السعودية ما أحرز ولا هدف، وبعدين قودون ده زاااااتو القاليك لاعب كورة منو، قودون ده ظهرت حقيقتو لما جاء هنا في الملاعب النظيفة المافيها مطبات طبيعية وصناعية، وكان بينو وبين إنو يثبت إنو لاعب حريف بس مهاراتو، أها زولك طلع مولاي كما خلقتني، في ملاعبنا هو يرجف والكورة ترجف وتدق ليها في محل عالي واطي كده تخش القون ويلا، وكان على أقوانو الجابها في كأس أفريقيا فالأمر لا يخلو من بعض حظ وتوفيق، علييييك الله يا عمر شوف ليك مباراة لي قودون ده بتمعّن كده - وانت زول لاعب كورة يعني ما جاي من الشارع للشغلة دي - وأحكم عليهو. قودون كنترولو في الكورة كعب كعب كعب وبيضحك عديييييل كده، ياخي هنا الناس بيضحكوا فيهو ويقولو (شوف ويش سوو فينا السودانيين، دي آخرت اللي يسجل منهم) الكلام ده إتكتبت في الجرايد ... وحسه ليلي ولا شنو ده حتشوفو براك. أنا في تقديري ومن واقع ما تابعته في تسجيلات الهلال الأخيرة، أستطيع القول أنها فاشلة بكامل معنى الكلمة، وما على جماهير الهلال (الصاااابرة) إلا مزيداً من الصبر لسنوات حالكات قادمة. والله من وراء القصد.
| |
|
|
|
|
|
|
Re: معسكر الهـــــــــــلال بالدوحه (Re: محمد البشرى الخضر)
|
سلامات با محمد البشرى قونو ده في الاتفاق، فريق كل سنة بكابس في إنو يثبت في الأولى، وأنا لم قلت ما جاب قون ما قصدي بالمعنى الحرفي انما إنت لم تسجل ليك مهاجم وبي حفنة ما هينة من الدولارات بتكون مؤمل إنو على أقل تقدير يبقة ليك هداف الدوري ويحل ليك مشكلة الهجوم، قوينات زولنا الفي متل ناس الاتفاق دي ناس مرق من الدفاع بجيبوها عندنا هناك. أنا ما براهن على فشلو ولا عايزو يفشل مع الهلال السوداني، أنا بسرد واقع وفق معطيات كانت واضحة أمام إدارة الهلال السوداني لما سجل ليلو ده. ثم ثانياُ(لوووول عندنا زول بيبدأ معاك الكلام بي ثم ثانياًمافي أولاً)ً لو كان فيهو فايدة الأندية السعودية ما كانت فرّطت فيهو، كان بعد الهلال بيخطفو أي فريق، ولو متابعة الكرة السعودية اتذكر معاي سيرجيو البرازيلي الأخلاقو نتشة داك. وتحياتي
| |
|
|
|
|
|
|
Re: معسكر الهـــــــــــلال بالدوحه (Re: نادر)
|
سلامات نادر ...Quote: وأنا لم قلت ما جاب قون ما قصدي بالمعنى الحرفي |
لا كان كدا آسفين وحقك علينا بس كان تنبهنا لأنو العبارة واضحة " ماجاب قون مما سجل في الهلال" ولا يهمك ياعمك و نسال الله يفتح بصيرتنا على فهم ما وراء الكلمات بالنسبة لمهارات أمبيلي واقوانو كدي راجع الرابط دا فيه فيديو مجمع بعض أهدافو- و حركاتو - يمكن تغير رايك
Re: سبب تسمية ستاد المريخ بالـ " Red Castle "
بعدين القون خلّيه أسي مرق كان سوى حركة المروحة دي بقدر يمشي تاني
| |
|
|
|
|
|
|
رد (Re: Omar Bob)
|
وعندهم تمرين في النادي العربي الساعة سبعة اليوم الخميس يعني بعد نص ساعة
| |
|
|
|
|
|
|
Re: رد (Re: SHIBKA)
|
دون الالتفات لما يكتبه الاعلام الرياضي الفقير
ليلو مبيلي : لاعب ماهر جدا....شاء من شاء وأبي من أبي
نجاحه أو فشله مع الهلال السعودي لا يقلل من أن اللاعب حريف لان هناك ظروف معينة تواجه اللاعب في الملاعب الخليجية عامة ونادي الهلال خاصة لا يعرفها الا من يعيش بداخل المملكة او مدينة الرياض خاصة...هناك امثلة كثيرة أهمها اللاعب المغربي أحمد بهجا والذي فشل فشلا كبيرا مع نادي الهلال السعودي لنفس اسباب فشل ليلو مبيلي...ولكن عندما انتقل لنادي الاتحاد جدة من اول موسم كان هداف الدوري وبعدد قياسي من الاهداف لم يسجل من قبل في الدوري السعودي
ليلو مبيلي لاعب فنان وبرز في اندية شمال افريقيا القوية
أرجو البعد عن اللعبة الخبيثة التي يمارسها أعلامنا الهدام
اتمني للهلال كل التوفيق في معسكره بالدوحة
| |
|
|
|
|
|
|
Re: رد (Re: yasir Abdelgadir)
|
بوب سلامات
لم اتمكن من مشاهدة تمارين الهلال حتي الان لكن التقرير ومصادرنا من هناك
بان خليفة (حمام هالك)
وكواريزما فيهو (دخنة)
سامي قالو كويس
ورئيس البعثة هندامه غير جيد افيدنا اخي الكريم كما يقول الكيزان
| |
|
|
|
|
|
|
Re: رد (Re: khaleel)
|
Quote: نجاحه أو فشله مع الهلال السعودي لا يقلل من أن اللاعب حريف لان هناك ظروف معينة تواجه اللاعب في الملاعب الخليجية عامة ونادي الهلال خاصة لا يعرفها الا من يعيش بداخل المملكة او مدينة الرياض خاصة...هناك امثلة كثيرة أهمها اللاعب المغربي أحمد بهجا والذي فشل فشلا كبيرا مع نادي الهلال السعودي لنفس اسباب فشل ليلو مبيلي...ولكن عندما انتقل لنادي الاتحاد جدة من اول موسم كان هداف الدوري وبعدد قياسي من الاهداف لم يسجل من قبل في الدوري السعودي
|
سلامات يا ياسر أسمح لي أن أختلف معك في النقطة أعلاه، مسألة النجاح والفشل دي ما ليها علاقة بالموهبة الكروية والإمكانيات البملكها اللاعب، دي براها ودي براها، لو كلامك عن الإعلام الهدام ده موجه لي وجهة نظري الكتبتها هنا دي، فأنا قصدي إمكانيات اللاعب لا تؤهله يلعب في الهلال كمحترف أجنبي بالعملة الصعبة يحل للهلال مشكلة التهديف، كان الأجدى البحث عن حلول أخرى غير الأوراق المحروقة. وبعيد ليك كلامي الفي مداخلة الرد على محمد البشرى، لو ليلو فيهو فايدة والله أندية السعودية ما تخليهو يعتب برا وتتلقفوا بعد الهلال مباشرةً وبأي سعر.
| |
|
|
|
|
|
|
Re: رد (Re: نادر)
|
خالص الإعتذار يا بوب لو حرفنا البوست عن وجهته، لكن والله الواحد قلبو على الهلال وشعبو المسكين الصابر دا. تحياتي
| |
|
|
|
|
|
|
Re: رد (Re: نادر)
|
أهلنا الوصيفاب الإعزاء
نتمنى أن لا يمحي الهلال الصورة الجميلة التي تركها الزعيم هناك.. لا تعملوا فضائح وخلوكم محافظين على المجد الذي خلقه الزعيم..
تحياتي
| |
|
|
|
|
|
|
Re: رد (Re: نادر)
|
Quote: نجاحه أو فشله مع الهلال السعودي لا يقلل من أن اللاعب حريف لان هناك ظروف معينة تواجه اللاعب في الملاعب الخليجية عامة ونادي الهلال خاصة لا يعرفها الا من يعيش بداخل المملكة او مدينة الرياض خاصة...هناك امثلة كثيرة أهمها اللاعب المغربي أحمد بهجا والذي فشل فشلا كبيرا مع نادي الهلال السعودي لنفس اسباب فشل ليلو مبيلي...ولكن عندما انتقل لنادي الاتحاد جدة من اول موسم كان هداف الدوري وبعدد قياسي من الاهداف لم يسجل من قبل في الدوري السعودي ليلو مبيلي لاعب فنان وبرز في اندية شمال افريقيا القوية أرجو البعد عن اللعبة الخبيثة التي يمارسها أعلامنا الهدام |
.. تسلم ايدك يا دكتور ياسر .. اعادة تدوير انتاج بعض الاعلاميين الفاشلين في الكورة السودانية هي من ضمن آفات الكورة السودانية .. ومن ضمن تدني مستوى اللعيبة ومن ضمن اسباب تدمير اللاعبين .. ما هو الهلال السعودي ..؟ أو ما هي الاندية السعودية بشكل عام ..؟ بامكانية اي من الفرق السعودية استجلاب بيليه (هيم سيلف ) ليعود إلى اللعب من جديد .. فقط ليقف في ارضية الملعب ليعلنوا أنهم سجلوا اللاعب الفلاني .. (الرقم المميز) في تاريخ اللعبة .. اللاعب المحترف في الاندية السعودية الكبيرة الهلال الاتحاد الاهلي .. بيظل دائما بين سندان الإدارة واللعيبة والاعلام الموجه من طرف وبين مطرقة جماهير النادي .. لو نجح في أنو يثبت عطمتو كاحسن لاعب .. بين يوم وليلة تدنى مستواهو في مباراة واحدة البتكتب فوقو تاني يوم والله جبل ما يتسحملو ويرحل في الحال لانو لاعب فاشل ..
والله الحاجة المضحكة الناس البتنظر في الكورة وفي التسجيلات بتاعت الهلال .. نعمل شنو بس ...؟ لو العجلاتي عندنا عايز يفتي ليك وينظر في عملية قلب مفتوح .. من كونو جراح أو عندو صاحبو جراح .. يا بوب .. سلامات .. والله الواحد كره تشجيع الكورة .. والكلام فيها ... علشان التنظير والفلسفة بتاعت الناس الما بتعرف كورة .. ياريت من خلال البوست بتاعك دا .. وحضورك المكثف تعكس لينا برؤيتك الثاقبة الشكل العام للمجموعة .. بالنسبة لي لا اعشم في اي بطولات خارجية أو داخليه مع الشكل الجديد للمنتخب .. بما فيهو المدرب .. لانو المسالة محتاجة شوية وقت للانسجام .. والتوظيف السليم حسب رؤية الجهاز الفني .. لكن القحة ولا صممت الخشم طالما انو المعسكر منتظم بشكل جيد ..
| |
|
|
|
|
|
|
Re: رد (Re: معتصم محمد صالح)
|
سلامات يا شباب: ساقوم بانزال بعض الصور من تمرين الامس واعود للرد علي المتداخليين وتحيه خاصه للمرجف الكبير ود المايقوما لانو المريخابي الوحيد الجانا في البوست ده
________________________________ كمال سالم انا عاديك هلالابي بس شايلاك هاشميه بتاعت جدك من مؤسسي نادي المريخ وكده
| |
|
|
|
|
|
|
Re: رد (Re: Omar Bob)
|
الاعب البرازيلي الجديد المحترف في صفوف الهلال في تقديري ان هذا هة اللاعب الاهم من بين كل المسجليين في صفوف الهلال هذا الموسم فالهلال عاني من ضعف هجومه في الموسم السابق بصوره واضحه وقد تك تسجيل هذا اللاعب وسط ضجه اعلاميه باعتباره الحل السحري لمشكله الهلال يجب التنويه ان الهلال اجري حوالي الست تماريين منهم فقط تمرينين بتقسيمه كامله من الفريق الاساسي المرشح ضد الاحتياطي المرشح قام المدرب اثناءهما بعده تغيرات بنقل بعض اللاعبين من فريق للاخر التمرينين قطعا ليسا كافيين للحكم عن اي لاعب نهايك عن لاعب جديد جوا ومناخا ولغه ولكن لفت نظري لقطتين للاعب الجديد الاولي: استلم الكره داخل خط سته تحت ضغط كبير من سامي عبد الله واسامه التعاون قلبي الدفاع فتحكم في الكره بمهاره كبيره وانخرط بينهم وسجل هدفا جميلا الثانيه: بعد عده تمريرات بينه وسيف مساوي وهيثم و مدثر كاريكا وصلته الكره علي مشارف خط سته وهو في مواجهه المعز محجوب فاطاح بالكره فوق العارضهبطريقه يحسده عليهازكريا محترف المريخ النيجري السابق
| |
|
|
|
|
|
|
Re: رد (Re: yasir Abdelgadir)
|
سولي شريف نجم تمارين المعسكر
بالامس اجري الهلال مرانا مسائيا باستاد النادي العربي وقد اشتمل المران علي احماء وفك عضلات ثم جرت نقسيمه من منتصف الملعب حوت علي عده جمل تكتيكيه ابرزها هي تثبيت اربع اجنحه تصلهم الكره فيقومو بعكسها داخل الصندوق وقد برز بشكل لافت في هذا المران اللاعب سولي شريف والذي احرز هدفيين جمليين احدهم من تسديده علي الطائر. في تقديري ان هذا اللاعب هو نجم كل تمارين المعسكر حتي الان بمجهوده الوافر ولو ان التمارين مؤشر لما سيحدث في المباريات فسيكون لسولي شريف شان كبير هذا الموسم اذا ما اعطي الفرصه
| |
|
|
|
|
|
|
Re: رد (Re: Omar Bob)
|
مهند الطاهر ومدثر كاريكا الذي تعول عليه جماهير الهلال كثير لتفعيل هجوم الهلال مع البرازيلي الجديد ويظهر في الصوره ايضا صالح عبد الله و نعيم امبده
| |
|
|
|
|
|
|
|