|
Re: باركوا لي بتي بقت كوزة (Re: جعفر محي الدين)
|
الاخ جعفر
تحايا
Quote: يا زول انتظر حكاية أوكامبو دي تخلص بعدين قرر
العمر لسه قدامها طويل والمشوار أطول من العمر ذاته |
لو حكاية اوكامبو دي جلت بكون ضيعت علي نفسي فرصة العمر
ياخي الدنيا يا دوب عايزة تبتسم لينا
ما تضيعوا لينا الموهبة دي
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: abuguta)
|
بارك الله لك فيها ياأخ حامد بعدين هو أي زول بقول هي لله ويبكي على المآسي التي تحدث بغزه خلاص إلا يكون كوز حاول أنشأها على مباديء ديننا الحنيف حتى تجد الخير في الدنيا والآخره
ولها مؤونة عشرة أعوام من الود
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: abuguta)
|
ابو قوتة
سلام
Quote: انا بنتى ما بتتكلم لكنها حارسة قناة ساهور
وقاعدة ترقص مع فيحاء |
ابشرك بي كوزة كبيرة
البداية كانت كدا عندنا برضو رقيص مع فيحاء و الجيلي الصافي
عملت شنو مع البرادو ؟ ياخي شد و اركب انعل ابوها
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
الاخ محمد فرح
تحايا
Quote: بارك الله لك فيها ياأخ حامد بعدين هو أي زول بقول هي لله ويبكي على المآسي التي تحدث بغزه خلاص إلا يكون كوز حاول أنشأها على مباديء ديننا الحنيف حتى تجد الخير في الدنيا والآخره |
اشكرك كتير علي صالح الدعاء لابنتي
بعدين كلمة هي لله دي صدقني انا ما سمعتها الا من الكيزان في السودان لحدي هسة ما سمعت زول تاني قاعد يقولها و بعض الكيزان افقدوها مضمونها بالسعي وراء الملذات
بخصوص غزة انا مؤمن جدا( كرأي شخصي )انو الايدلوجيا سطت علي الوطنية بسفور واضح و الدليل الموقف المخزئ لبعض الحكام العرب في موضوع غزة و ربطه بتوجه حماس الاسلامي و طبعا ليس بالضرورة كل من يزرف دمعه علي القتلي كوز انا شخصيا لو لاقي طريقة بضغطة زر ابيد اليهود لفعلتهالانهم عنصريين
لك من الود اكثره
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: SAIF MUstafa)
|
سيف مصطفى
ياخ ازيك
يا زول مافي لوم، عارفين الدوامة النحنا فيها و الله في موضوع الهوية دا يا سيف البنيات فاتن الحد، ياخ يوم رقية-نمرة اتنين ستة سنوات- جات من المدرسة و معاها علم السودان و الله الله يشهد ما حصل وريتهن ليه و رافعاه فوق سريرها و اذاعة امدرمان تلعلع كاننا في امدرمان! كنت بسأل عنك ناقش و قال لي كويس، طبعا انا بكون عايز اعرف حاجات تانية بس ما بديني فرصة. شنو الحاصل ايه؟ تمنياتنا ليك بكل جميل، يا زول اسرع خلينا نفرح.
يا سيف هو حمد ده حمد فنان الكلية، ياخ انا كنت قايلو حمد العربي!
ازيك يا حمد، زي ما قال سيف الفن في الدم. اذا ما اتذكرتني، انا كنت دايما مع سيف في الكافتيريا!
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: Badreldin Ahmed Musa)
|
بدر الدين
كيفنك
ياخي الفترة طبعا طالت شوية وانت عارف انو الغربة دي مرات بتعمل للواحد ذهللة لكن صدقني الرنين بتاع اسمك دا اصلا ما كنت شايف انو غريب علي و هسة طبعا بعد تداخل سيف الصورة اكتملت عندي خالص و تذكرت كل العفش مرحب بيك كتير و نشوفك
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: SAIF MUstafa)
|
يا ود عبد الغفار
تحيات ليك وليه اصغر عضو عندنا الامورة حقتكم اطال الله ذكرها
كدى بالله عليك الله كون زول ديمقراطى ومؤمن بحرية الاعتناق ...
وطوالى سلمنا العضوية حقتنا دى ( عشان نضيفها ليــة عضويتنا فى روضة كوزات حلتكم ) .
ونرجو ونحذر من ممارسة اى ضغوط سلطوية لتغيير ولاء العضوة بتاعتنا ...
قلتى ليــه انت مكانك وين عشان نرســل ليك مندوب شئون العضوية عاجلا ...
ترمــــة بدردينيـــة :
نقترح بـــس الكلمة التحتها خـــط تبدل بالاسرائيليين تمشيا مع نبذ العنصرية
Quote: انا شخصيا لو لاقي طريقة بضغطة زر ابيد اليهود لفعلتهالانهم عنصريين |
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: SAIF MUstafa)
|
ابو السيوف
وينك يا راجل معقول الكلام دا ووينك هسة
شوق شديد
Quote: حمد عبدالغفار ...شفتك حايم بى هنا من مدة ولكين ماكنت متأكد إنو دا إنت حتى فكرت أقول ليك الأسم البقولو نور الجليل بس مالقيت فرصة. بعدين ياخى البنية ربنا يخليها بتتعلم فى الغنا ، إنت نسيت علم الوراثة ولا كراهية فى دكتور نافع ساكت؟ |
كل شئ و لا اسامي نور الجليل دي بتجيب هواء كتير اعمل حسابك المنبر دا محروس
و البنية طريقة غناء ليها مافي كفي ابوها ما ضيعوا الا الغناء جدول الامتحانات معلق و نحن في النجيلة نغني
تعرف دكتور نافع دا عندو معاي قصة طويلة في امتحان الوراثة في اخر خمسة دقائق جاء شاف الورقة حقتي قام قال لي انت متأكد انو شغلك دا بباصيك قمت قلت ليهو هسة دا اسلوب دا ضحك و انا قمت جمعت طوالي لانو لو قعدت كان كوجنتها من جديد من زمان لاعب باعصابنا
تاني لك تحية و خلينا نسمعك
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
اخونا حمد كل سنة وانت طيب وكل اسرتك بخير وعافية والله يخلى ليك بتك الصغيرة ويجعلها من بنات السودان البارات الطامحات
خليها تقول (هى لله هى لله) لانها بتختلف فى مقصدها مع الكيزان
الكيزان عاملنها تجارة واستغلال للسودانيين وهى بتقولها من قلبها وما راجية من وراها حاجة
الكيزان ديل حكاية
نصيحتى ليك ما تتسرع تضيع مستقبل البنية دنيا واخرة وتبقيها كوزة
الناس ديل اوكامبو لو خلاهم
انحنا باقى لينا معاهم شهور اكيد حيكونو (سابقا)
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: دوت مجاك)
|
الاخ دوت مجاك
تحياتي و تسلم
Quote: نصيحتى ليك ما تتسرع تضيع مستقبل البنية دنيا واخرة وتبقيها كوزة |
انا ما بقيتها هي براها و بمساعدة التلفزيون عايزة تبقي و انا زول ديمقراطي اعمل شنو؟
و بعدين لو بقت كوزة الدنيا دي تب ما بطلعني منها
قروش تقيلة
لانو انا خايف حنك اوكامبو دا اطلع بيش ساي
و بيني و بينك كدا اوكامبو دا انا ما معاهو
لانو انا بعتقد انو اي زول يعتلي وظيفة هامة في المنظمات الدولية دي لازم يكون متعطر بعطر ال CIA
و قاشر بجزمة المخابرات البريطانية
الرهان فقط علي الشعب السوداني
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
سلامات يا حمد يا فنان ما عارف ليه وأنا بين ضحكي الكتير على موضوع الأمورة حفظها الله تذكرت قريبك عفيف مشرف شارطناهو ونحن في رابعة جامعة إن كان يستطيع أن يقول لنا ( التشهد ) شراطنا كان مغرياً ( جنيه ) من طرفي وعبدالكافي إن قرأه صاح ومع ذلك لم يستطع تطوع عبدالكافي لتحفيظه التشهد فبدأ بقوله
التحيات لله ،
لم يدع عفيف أخونا عبدالكافي من الإستمرار فقاطعه قائلاً
لا .. أبداهو لى من الأول .
_________________
ما تضغط على البنية رغم كل مواقفي من ناس الجبهة سافرت إجازة للسودان عام 1992 وقد كانت الأولى لى منذ إستلامهم للسلطة بعد عودتي لبلاد المهجر وجدتني أدندن مرات عديدة
في حماك ربنا وفي سبيل ديننا لا يروعنا الفناء فتولى أمرنا
الناس ديل شطار في نجر الهتافات
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: عاطف عمر)
|
عاطف وينك ياخي مشتاقين
تعرف انا زاتي بقيت شغال معاها هي لله
( يكبر المرء علي دين ابنائه فهم يكوزنونه او يشوعنونه)
Quote: تطوع عبدالكافي لتحفيظه التشهد فبدأ بقوله
التحيات لله ،
لم يدع عفيف أخونا عبدالكافي من الإستمرار فقاطعه قائلاً
لا .. أبداهو لى من الأول |
.
ياخي دي كتلتني ضحك
تعرف عفيف دا في سلوكه تقول من اولياء الله لكن في الدين دا تعبان شديد خلاص
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: سيف بخيت موسي)
|
انا ما عارف ياخي الناس ديل كيف ما بخجلوا من الله!!!! يعني كانوا بقولوا : "الصلعه دي لله"!!! يعني الله يسوي شنو بي صلعه شينه...؟؟!! الغريبه عاملين فيها بمدحوا وبسمعوا مديح وما نجح مديحهم البي هجيجو ده في تهذيبهم مع الله !!! الشيخ البرعي قالها بي صراحه في واحده من مدايحو: (ان الله طيب ، لا يقبل شيء الا طيب .. اذكر الله)!!!
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: مدثر محمد عمر)
|
الاخ احمد عبدالغفار
تحياتي واهنيئكم علي البوست الظريف ذو الدم الخفيف
والمداخلات الظريفة وتعقيبكم الاظرف
جد الواحد محتاج
واصلو ونحن كان لقينا وقت بنتاوق
ربنا يخلي الامورة.
من هسه محجوزة للولد الشقي تبو .
سنتين وسبعة سنوات مناسبين جدا مع بعض.
لكن شكله كدا عندو راي في الكوزنة .... والاحتمال الأكبر يغيرها ليك.
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: مدثر محمد عمر)
|
الاخ مدثر محمد عمر
سلام
Quote: "الصلعه دي لله"!!! |
بما انو كل شئ لله اذن الصلعة دي لله
شئ غريب طبعا لو قلت ليه الرد حيكون انو خلقها الله اذن هي لله التبرير موجود و جاهز
و قصة المديح دي طويييييييلة لانو ما اي زول مؤهل انو يمدح الرسول (ص )
ياخي واحدين قلبوها سكسكة عديل كدا
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
الاخ حسن طه
تحية
Quote: ربنا يخلي الامورة.
من هسه محجوزة للولد الشقي تبو .
سنتين وسبعة سنوات مناسبين جدا مع بعض.
لكن شكله كدا عندو راي في الكوزنة .... والاحتمال الأكبر يغيرها ليك |
امين وربنا كمان يخلي ليك تبو و نقول ليك مبروك مقدما
بس حكاية عندو رأي في الكوزنة دي ما معانا
نحن ما صدقنا ياخي
و تاني عشان يغيرها دي دايرة تضحيات جسام
و يا حليل زمن الناس البتضحي عشان التغيير
المهم لو غيرا او غيرتو بنكون فزنا باحدي الحسنيين
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
اخونا حمد سلام
Quote: كل شئ و لا اسامي نور الجليل دي بتجيب هواء كتير اعمل حسابك المنبر دا محروس |
يازول ماتتجرس اناكنت عايز اقول ليك انت حمد ود...عمى عبد الغفا ؟؟؟؟؟؟ انت يا حمد دحين دكتورنور الجليل دا مش معاكم؟ بلغو تحياتى لو عندك بيهو اتصال...
Quote: دي ما بغيرا لانو انا ما قاصد بيها الديانة و لانو كراهيتي للامريكان و الاسرائيلين ما فيها اي مساومة |
Quote: و بيني و بينك كدا اوكامبو دا انا ما معاهو
لانو انا بعتقد انو اي زول يعتلي وظيفة هامة في المنظمات الدولية دي لازم يكون متعطر بعطر ال CIA
و قاشر بجزمة المخابرات البريطانية |
تعرف يا حمد اصلك ما بتخلى الدروشة....... تكره الحكومة الامريكية دا رايك لكين الامريكان ديل مالهم ما ترى كلما تكرهو ا حكومة بغيروها ليكم ..... واسمعنى كويس الجماعة ديل ما يغشوكم ويقولوا ليكم دا كلو من الامريكان .... انت الامريكان ديل قايلم منم ؟ ما ياهم ناس سيف وبريمة و بدر الدين ومعاهم ناس رياض ومحمد الطيب و صلاح الفادنى و يوسف العبيد و.و.و...لو عديت ليك ناسك البتعرفهم هنا بتفثش عودك وتجينا بى جاى....وبعدين بنيتك دى ذاتا جيبا التتربى مع ناس رقية بت بدرالدين ...مين عارف يمكن رئيسة امريكا تكون واحدة منهن..هو ود عمك حسين اوباما احسن فى شنو ؟ وبعدين الكيزان الخايف منهم ديل زاتهم ما امريكان ربنا ساخطهم..يغشوا فى الناس ويقولوليهم حركات اوكامبو دي من الامريكان...وهم عارفين كويس امريكا لا عندها شغلة بالمحكمة بتاعتو دى ولا بتعترف بيها..وجماعتك ديل لمان يجوا يتكلوا هنا بيجيبوهم بى طائرات الحكومة الامريكية الخاصة...الجماعة ديل زمان غشوكم وانتو صدقتوا الانتفاضة وما عارف شنو وسويتوها كلها كورالات ومهرجانات لما لقيتوهم لحسوا السودان..دحين هسه ماراح شى فما يغشوكم فى امريكا ويكرهوكم فيها وتصحوا للمرة التانية وتلقوهم متكلين بى جاى بعد ما بوظوا الفضل فى اعصابكم وخلوا ليكم ام ضريوة خلا..وليكن شعارك حمد لايلدغ من الكيزان مرتين....
Quote: تعرف دكتور نافع دا عندو معاي قصة طويلة في امتحان الوراثة في اخر خمسة دقائق جاء شاف الورقة حقتي قام قال لي انت متأكد انو شغلك دا بباصيك قمت قلت ليهو هسة دا اسلوب دا ضحك و انا قمت جمعت طوالي لانو لو قعدت كان كوجنتها من جديد من زمان لاعب باعصابنا |
اها انشاء اله باصاك وما جابك اورال...انا غايتو مرة جابنى اورال و قرب يفوتنى العيد لوما دكتورالطيب حاج على...
خلاص يا حمد ورينا حاتجيب لينا البنية دى متين.. ياخى هنا لو غنت بس القروش االبتجيبها تكفى ابوها واصحاب ابوها.
ولك الود سيف
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حسن طه محمد)
|
الاخ حسن
Quote: الود الشقي تبو هو اللي بالبمين .
باقي ليك دا ممكن يتكوزن |
؟؟؟
زولك دا شكلو شفت خالص
الكيزان الله يعوضهم في اصلب العناصر دي
بس يا حسن لو ممكن تصغير عرض الصورة شوية كدا
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
Quote: بس يا حسن لو ممكن تصغير عرض الصورة شوية كدا
|
اخ حمد
تحياتي
لو رجعت لبوست المغتربين ستجد اني نوهت عن حجم الصورة وقلت الجهل في الفنيات مصيبة.
ساحاول التصغير .
بالمناسبة انت ما مغترب ؟
عندنا بهناك بوست مولع خاص بقضايا المغتربين .
يا ريت تشاركنا فيه حتي ولو انت ما مغترب .
دمتم
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: SAIF MUstafa)
|
سيف ياخي و الله انا ما مصدق ياخي امس مر بي شريط طويييييييييييييييييييل
Quote: يازول ماتتجرس اناكنت عايز اقول ليك انت حمد ود |
لسة مذكر طبعا دي حركات نور الجليل و نبهاني و الاتنين هنا نبهاني قاعد لسة في صرمحتو ديك و بقي ابو جكس كمان انا قلت ليه شيل شيلتك غايتو و كمان حسين الياس و شلة كبيرة بجاي
Quote: اها انشاء اله باصاك وما جابك اورال...انا غايتو مرة جابنى اورال و قرب يفوتنى العيد لوما دكتورالطيب حاج على... |
جابني اورال ساي جابني و زراني فيهو زرة ما باقي لي الا الروب
Quote: تكره الحكومة الامريكية دا رايك لكين الامريكان ديل مالهم ما ترى كلما تكرهو ا حكومة بغيروها ليكم |
طبعا في كل حال ما مقصودة الشعوب يا سيف انما الحكومات لكن كيف تفصل حكومة منتخبة من شعب و هو الداعم ليها من هذا الشعب يعني نفس التفكير بتاع الرئيس هو موجود عند الشعب الداعم للحكومة و حتي في حالة الشعب ما المقصود كل الشعب الامريكي انما الانجلوساكسون اما بقية المهاجرين ما اعتقد عندهم نفس العنصرية بتاعة الانجلوساكسون و لا الميل لقهر الشعوب الاخري انما بتلقاهم دائما في جماعات الضغط البتواجه صلف الحكومات الامريكية اما الكراهية دي ما ليها علاقة باعلام الكيزان دي كراهية قديمة و هي ما للامريكان فقط انما شاملة لكل من يحارب الشعوب في استقرارها و حرياتهاو مواردهاو يحاول لي ارادتها ياخي انا مرة سمعت انو في تقرير امريكي بقول انو السودان دا كنز يجب ان يكون محفوظا في باطن الارض الي حين الحاجة اليه يعني مسألة انو تغير لينا الحكومات دي هي قاعدة تعملا بي فهم و بتحافظ علي الحكومة الهي عايزاها كسبا لي زمن هي حاسباهو كويس و نحن نهلل يعني هسة امريكا بعد عشرين سنة عايزة تغير لينا الحكومة لا ما تغيرا و لا عايزين تغييير زي دا عشان بكرة تجي ديمقراطية و تكون امريكا جهزت الضابط البقوم بالانقلاب الجديد؟
ياخي وريني بلد امريكا انحشرت فيهو ضاق عافية
Quote: ما ياهم ناس سيف وبريمة و بدر الدين ومعاهم ناس رياض ومحمد الطيب و صلاح الفادنى و يوسف العبيد |
ديل سلم لي عليهم كتير يا سيف
لك ودي
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: Abdlaziz Eisa)
|
الاخ عبد العزيز عيسي
تحايا
Quote: الله يبارك ليك في الأمورة بنتك.. ونقول لك: الجاتك في بنتك سامحتك!!
لا تخاف لو جلت حكاية اوكامبو وما أظنها.. الناس عمرهم قصير |
كتر الف خيرك
يا اخوي الناس ديل انا بعد دا ما عايز عمرهم اقصر
بس بيني و بينك الشفع ديل ما مضمونين هسة بكرة تقلب بي اصبح الصبح
تدخلهم في ضيقة
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: حمد عبد الغفار عمر)
|
الاخ حمد
الاعلام المرئــي ورسالته فى تشكيل الابناء
هــى رسالة جادة طرحها هذا البوســـت
محتوى الرسالة الاعلامية يتسلل الى منازلنا دون قوامــة اسرية عليه الا ما نــدر للإنشغال بهموم الدنيا
قيــم الرسالة الاعلامية تنساب داخل المادة المقدمة ( الاطفال ) فى ثنايا space toon وrt واخريات تشكل وجدان اطفالنا
فى غياب تام للاسرة .
ارتباط المادة المقدمة بقيمــنا سلوكياتنا مثلنا مستقبلنا ( موضوع بحـث ) .
كســـرة :
الوعـــى بهذا الوسيط الاعلامـــى وعـــى باجيالنا غدا .
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: بدر الدين اسحاق احمد)
|
سلامات تعرف سنة 1995 رجعنا السودان في اجازة اها كان ايام اغاني ياهو ديل دفاعنا الشعبي.. والجلالات .. بناتي حفظوها صم كلو يوم يغنوهم لما رجعنا اختي جات بعد فترة عشان تزورنا وجابت للبنات دلاليك.. وديل ما كضبن يوميا يقعدن تحت السلم ويغنن ياهو ديل اختي استحلمت كونها ضيفة وكدا بس يوم طلعت من طورها وصرخت فيهم يا بنات انا ما جاية مخسرة ماهية سنة في تذكرة عشان اسمع ياهو ديل..كرهتونا..
ومبروك بت حية الشعور .. وسليمة الفطرة.
__________ حية الشعور عشان بتتعاطف مع ناس غزة وسليمة الفطرة عشان بتقول هي لله فاهمين؟؟؟
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: د.نجاة محمود)
|
د. نجاة محمود
مرحب بيك و بعودتك الميمونة ومبروك بت حية الشعور .. وسليمة الفطرة.
الله يبارك فيك
بس ممكن نكون فاهمين نص كم
صحيح سلامة الفطرة هي في البحث عن الذات و عن خالق الذات و من ثم التوجه اليه بنقاء فطري مدعما بعقل الحياة لكن هل لطفل /ة ان تكون له المقدرة علي التفكير في هذه البحوث و انما المسالة هي تأثر بما يراه امامه من موسيقي مصاحبة لكلام يجد صعوبة حتي في نطقه يترعرع هذا التأثر في نفسه حتي يصبح عنده من ينطق بهذه الشعارات هو الشخص السليم و هو المقتدي في حين يكون الامر غير ذلك
و هنا يجب التوقف عند هذا الحشد الاعلامي في اجهزة الميديا و البعد بها عن مخاطبةالصغار بأشياء الكبار
| |
![Edit](https://sudaneseonline.com/db/blank.gif)
|
|
|
|
|
|
Re: باركوا لي بتي بقت كوزة (Re: بدر الدين اسحاق احمد)
|
الاخ بدر الدين تحايا
Quote: الاعلام المرئــي ورسالته فى تشكيل الابناء
هــى رسالة جادة طرحها هذا البوســـت |
اراك وصلت الان الي ما ارمي اليه( و البركة في الهكر جاب البوست قريب)
خطورة الاعلام علي الاطفال و استعجال تنشئتهم علي امور تبدو في احيان كثيرة منافية للواقع
،امل ان ينال الموضوع حظا اوفر من النقاش
شكرا ليك
| |
![Edit](https://sudaneseonline.com/db/blank.gif)
|
|
|
|
|
|
|