|
Re: بوستات حكايتهم حكاية !!!(( توجد إثارة ... مبالغات وهرش )) (Re: د.نجاة محمود)
|
Quote: سفيان سلام
زي ما يقولوا المصريين ما دقش !!!!
المنبر الايام دي حاجه تطمم البطن ,,,
كل الود |
هههههههه هاااااههههههه يا حاج العوض بطل حنكك ده ياخ قال المنبر يطمم البطن قال هههههههههه يا راجل قول كلام غير ده قول انت قابط قروش وارقو وزايغ من الرهط ياخ قالو انت دقشته الراجل دقشه شديده هههههههههههههه
بالمناسبة :- الزول ابو جلابية ده منو الفي صورتك دى الزول ده انا بعرفو معرفة شديدة يتخيل لي بس ما متذكر .
| |
|
|
|
|
|
|
Re: بوستات حكايتهم حكاية !!!(( توجد إثارة ... مبالغات وهرش )) (Re: محمد المختار الزيادى)
|
Quote: سفيان اوعى تتقرن مع هباني بتلقى اسمك مرفوع في عنوان بوست..
نحنا ناس طيبين شديد
مودتي التي تعرفها ديك |
والله يا نجاة محبة وريد لي الله
وشايف ليك بوست كده حكايتو حكاية ماليها نهاية هههههه والنصيحة خفته من الشبكة الفيهو .
والله لا جاب القرنه مع مع العمدة ود هبانى جد جد يا نجاة رغم انى المنبر ده من يومي الجيتو اصلي ما شغال بيهو الا لحظة اكون قاعد اقرأ فيهو وبس لكن اللحظة دى ذاته لما اقعده بكون متحير من بعض البوستات والمداخلات واكتر مايحيرنى فيها مرات فكرة كاتب البوست يا نجاة في ناس بتجى تكتب وفاكرة انو مافي زول اعرف منهم ولا قرأ اكتر منهم وديل لما يتزنقوا مسمين لي فكرتهم الكتبوا عنها ذاتو ، اوعه تجي تقولي لي ديل منو شيلي المنبر وشيلي معاك (غوغو*) وحياتك تجي مالياهو لا عن عينو هههههههههههههه
ـــــــــــ * هو الكيس او قطعة قماش كبيرة يحمل فيها عمال (الجنقو) أو عمال (السكب) في المشاريع الزراعية اشيائهم ومستلزماتهم الشخصية.
| |
|
|
|
|
|
|
Re: بوستات حكايتهم حكاية !!!(( توجد إثارة ... مبالغات وهرش )) (Re: Amira Elsheikh)
|
Quote: سفيان مالها الايامات دى بوستاتك بقت كلها عن المنبر
وكشف حال للبوستات والعضوية...
ياخ يوم الهكر داك...تذكر??كان عندنا ونسة لذيذة خلاس جيت الصباح
لقيت الدنيا نضيفة حتى من ونستنا السمحة ديك... |
تقولي شنو يابت الشيخ يا أختي ! ما ما ممكن كمان الواحد يتعب تعب شديد عشان يلقي حاجة يستفيد منها .
هسي يا أميرة عندي ليك ونسة لزيزة خليها اتهكرت ديك افزعي وراء كده واي بوست فيهو شبكة واثارة ومبالغات وجاكات وهرش جيبيهو هنا وصنفيهو وانا بجي بصنف معاك . اها قلتي شنو ؟
ــــــــــــــ اوعه تجيبي السيرة دي للرهط .
| |
|
|
|
|
|
|
|