|
Re: اعتراف مجموعة (صدق) و اتحاد النقابات بالجنائية: دفاع عن البشير أم عن السودان؟ (Re: Kabar)
|
Quote: المحكمة موجودة وتعمل وفق نظام روما ومقرها لاهاى ... المشكلة ما مشكلة الإعتراف بيها .. المشكلة مشكلة الإقرار بسلطتا فى النظر فى القضية ...
المحكمة ممكن تقول القضية ما Admissible رغم انو طلب أوكامبو تضمن فقرة Admissibility !
أو تجيها counter argument انو القضية ما admissible وما شرط تجيها من وين طالما هو ليس إقرار بسلطتا ...
زى لمن تعمل شكلة فى السوق وتمشى تقدم عريضة للجنة شكاوى خاصة بالطيران المدنى ...
لو هم ما قالوا ليك دا ما اختصاصنا ... خصمك ممكن يمشى يقول ليهم "دا ما اختصاصكم" ... ما فيها اعتراف أو عدمو ....
والحكومة عموماً بتحاول تتجنب التعامل المباشر مع المحكمة ... ودى سياسة حكيمة لغاية ما تتضح الرؤية.
|
ولد ابا تبارك.. حبابك هبي نيو اير.. كتر خيرك على المرور من هنا.. الإعتراف شنو و الإقرار شنو؟.. ما قلنا الحكومة ناكرة انو في مبنى في مكان ما من هذا العالم اسمو المحكمة الجنائية الدولية..لكن كلامنا كلو في الإقرار بسلطة المحكمة..و الحيكومة من بدري قالت الروب..و انها ممكن تتعامل مع المحكمة عن طريق طرف ثالث..و بعد مجابدة توصلت الحيكومة أنو الطرف التالت ده ممكن يكون المجموعات التي قدمت المذكرة..و ديل يا اخوي صحيح هم طرف تالث 0غير مباشر).. لكن انا لو في محل الحيكومة بكون اكثر جدية..لأنو طرف زي ده ممكن يسقط حجرها تماما..
اكامبو اثار مبدأ القبول..و اختصاص المحكمة الجنائية الدولية..و ده شغل قانون (كن سليم او اعوج)..و كان ينبغى على المذكرة أن تتناول بالحجة المسائل القانونية المثارة..يعني كان تقول بصورة واضحة مافيش اختصاص.. أو ما فيش عناصر ممكن تشكل جرائم.. أو البينات المعتمد عليها المدعي العام بينات تعبانة ساكت..لو المذكرة عملت كده بتكون فعلا اتكلمت بالقانون..و ممكن تكون فاتحة مخارجة للجماعة ديل.. لكن يا حبيب المذكرة بتلف و بتدور والله لو قبضتوا الرجال هادا.. يصير كيت كيت..و شمار اليكس دوال..و شمار بونا ملوال.. دي محكمة قانون مش محكمة شمارات..!
اما قصة منو ممكن يقيف قدام المحكمة و يتكلم.. فدي تب ما فهمتها..و كلامي من الأول متركز على نقطة معينة التعامل مع المحكمة هو اقرار بسلطتها..و الإ منو ح يقوم يشطب طلب اكامبو؟..لأنو اكامبو لمن اتقدم بطلب للقبض على الجماعة ديل قدمو قدام المحكمة الجنائية الدولية..و هسع لمن الجماعة ديل دايرين يعارضوا طلب اكامبو مشوا وين؟.. مش مشوا للمحكمة الجنائية الدولية؟..و تيب..!
شكرا ليك و نشوفك طوالي يا تبارك..
كبر
|
|
|
|
|
|
|
|
|