|
|
 Re: احتجاز مسؤول في صحيفة في جنوب السودان بسبب مقال بشأن بيع أراض (Re: Frankly)
|
"السودان سلة غذاء العربي"
زي "الهبلة ومسكوها طبلة"
كل واحد ، حتى "زعماءنا" - ودي المصيبة-
يردد فيهو زي الأهبل!!
ودا شعار زي شعار "وحدة وادي النيل"
وشعار "العمق الاشتراتيجي"
كلها شعارات مصنوعة في الخارج،
وأصبحنا ليها زبائن.
بالله هل سمعتم بوحدة "وادي الأمازون" مثلاً؟؟
هل سمعتم بوحدة "وادي الراين"؟؟
يا عالم استحوا من نفسكم ،
وبطلوا هبالة.
نصف قرن من الزمان، والشعوب طارت
ونحن ما قادرين نتخلص من الدلاقين بتاعتنا؟؟
وعلي حس سلة غذاء العربي" دي ،
كل واحدجايب معاهو هدومه
وهداياه عشان يقابل أي واحد من "الخدامين"
ويقطع ليهو آلاف الأفدنة؛
طبعاً أنحن في الشمال بندي أخواننا العرب،
والحنوبيين بيدوا الصوماليين لأنهم برضو ،
في نظرهم ، اخوان عرب!
والحقيقة : لا نحن الشماليين، ولا أخواننا الجنوبيين،
ولا الإخوة الصوماليين، مافي زول ،
من العرب "الحرين" الأصليين ،
معترف بأننا عرب !!
أصبروا شوية ،
كلها كم سنة وحتلقوا نفسكم زي الفلسطينيين،
باعوا ارضهم ، وانطلقوا شحادين في الدنيا ،
وهسع جايين يفتشوا عليها!!
وبعد ستين سنة أحفادكم حينتفضوا
ويجوا نفس أحفاد الجماعة الباعوا
يبقوا ليهم زعماء،
ومع جيرانكم يتاجروا بي قضيتهم.
خموا وصروا !!
تحياتي
|
|
 
|
|
|
|
فيس بوك
تويتر
انستقرام
يوتيوب
بنتيريست