|
سيدي الرئيس نريدها ( فرة ) داخلية ...
|
بعد ان استمتعنا واستمتع معنا كل شرفاء العالم بالجولات الماكوكية الخطافية للسيد رئيس الجمهورية اطال الله عمره . بعد ان نزلت كل هذه الجولات الخاطفة بردا وسلاما علينا جميعا وعلى اعداء السودان حمما بركانية ووهجا محرقا بعد كل هـــــــذا نريد سيدي الرئيس ( فرة ) داخلية تروي ظما هذا الشعب الابي التائق الى لقاء فخامتكم ....
وفقكم الله وسدد خطاكم وحفظكم من كل سوء ...
|
|
|
|
|
|
|
|
Re: سيدي الرئيس نريدها ( فرة ) داخلية ... (Re: ود الباوقة)
|
شنو يا ود الباوقة ما بدري ياخليفة..!!! ولسع ياخي منتظرين فرات وفرات حتي ارض الفرات نريد للطائر الميمون ان يرفرف فوق رشيدها.. وبعدين بالله متعونا بفرة فرتين كده اروبيات حتي يرعوي اوكمابو ومن لف لفه من الرعاديد الخونة ماسحي جوخ الامبريالية الماسونية الصهيونية القاصفة للاراضي السودان الطاهرة..وحكومتها ذات الفرات والفرفرة عاملة نيام نيام..
| |
|
|
|
|
|
|
Re: سيدي الرئيس نريدها ( فرة ) داخلية ... (Re: Deng)
|
كلام جميل ياود الباوقه ,, فليبدأها بزيارة موقع القصف الجوى بشرق السودان والترحم على أرواح ( الفطائس ) من أبناء السودان الذين إستشهدوا بسبب تلك الغارات الجويه , ويواسى ذويهم ,, ويعلن لنا من هناك الرد الرد الرد ,,
| |
|
|
|
|
|
|
Re: سيدي الرئيس نريدها ( فرة ) داخلية ... (Re: Elmosley)
|
Quote: بعد ان نزلت كل هذه الجولات الخاطفة بردا وسلاما علينا جميعا وعلى اعداء السودان حمما بركانية ووهجا محرقا |
بعد كل هذه الجولات لازالت ..... حلايب محتلة !!!!!!!!!!!!!!!
بعد كل هذه الجولات لازالت ...... الفشقة محتلة!!!!!!!!!!!!!
بعد كل هذه الجولات لازالت ...... آلمي محتلة !!!!!!!!!!!!!!
و نظرآ بأنكم فى قمة السعادة التى نزلت عليكم بردآ و سلامآ بسبب جولات "بشكيركم " المفدى فأنني سأحجب بقية القائمة و التى تحل " فقط " بعض المواضيع " الغير " هامة لك او لسيادته مثل الشهداء ببورتسودان و كجبار و دارفور.....
| |
|
|
|
|
|
|
Re: سيدي الرئيس نريدها ( فرة ) داخلية ... (Re: azhary taha)
|
ود الباوقه كيف حالك لو متذكر نسوان السودان عندهن توب بسموه توب الجيران ممكن ينزلوه من الحبل وبدون مكوة بلفحنوا ساكت ويمرقن لكن المرقات الرسميه بتجهزن ليها ...مش؟؟ هسه خلونا من مرقة الجيران دى وخلى الرئيس يزور اى دولة اوربيه.. قادر الله،،،،
| |
|
|
|
|
|
|
Re: سيدي الرئيس نريدها ( فرة ) داخلية ... (Re: الأمين عثمان صديق محمد)
|
ود الباوقه جمعه مباركه...Quote: سيدي الرئيس نريدها ( فرة ) داخلية ... |
ياخي الصقر اللخطفك فررر ... قول امين...
الطيارات تصقع في بلدنا جاي وجاي ...سماك في البحر ما خلتو... وناس متشعلقين في اللواري ما خلتهم ... وانت شايل طارك تكورك في سيدك الريس عايزه فره جوانيه...ياخي الفره الترميك من الحمار قول يامين...
| |
|
|
|
|
|
|
Re: سيدي الرئيس نريدها ( فرة ) داخلية ... (Re: ود الباوقة)
|
ودالباوقة : تحياتي بس فرة داخلية بعجلات .. يقوموا الجماعة يشوفوا الموكب وكثرة العربات يروح في شربة موية مثل ضحايا الشرق .. البلد برا وبحرا وجوا ملك خالص للغير لا لحكومتكم.. خلاص لا سيادة ولا رمزها .. نساءل الله التخفيف على المواطن الضعيف . الشفيع
| |
|
|
|
|
|
|
Re: سيدي الرئيس نريدها ( فرة ) داخلية ... (Re: Deng)
|
والله انت في الزمان الغلط والمكان الغلط، والله لو عاصرت ناس ابونواس وابي العتاهية والبحتري والمتنبي كانوا ماتوا من الجوع والا يمشوا يسكنوا في بلاط شارلمان او قصور اباطرة الصين، لكن في بلاط حاكم ناطق بالعربية لومك على اكان اكلوا معاك عيش. بس عايز اوصيك التلج دا لما يتطاير اوعى يخش ليك في عيونك ولا اقول ما مشكلة بعالجوك في روسيا وكسر كسر ولا يهمك. ما عارفة قصة الفرة الداخلية دي ذكرتني قصة (الفيلة دايرا ليها رفيقة) امانة ما ضعت يا غريبة.
| |
|
|
|
|
|
|
|