|
Re: أمبارح سد المال .. الليلة سد مروي .. بكرة سد عين الشمس !! (Re: عمر الفاروق)
|
آهلين بأهل العروس ..
ما باطل يا أبو النسب عشان المعروف إنو شروط صحة الزواج تلاتة .. 1 ) ألا تكون المرأة محرمة على الرجل : و الحرمة هنا منتفية يا أبو عمير و إنتا عارف العروس و العريس أولاد عم لزم و العريس أكبر من العروس كمان . 2 ) أن يتولى العقد ولي المرأة : أهة الزول العقد ليهم أمبارح دة مش ولي البلد دي كووولها و كان في وجود ( أبوها ). 3 ) أن يكون العقد أمام شهود : لكن هم شهو نصاح و اللاي تاني إلا نجيب ليكم ( شهود يهوا ) يا أخوي العقد كان أمام الدنيا و العالمين و منقول على الهوا كمان .. يعني عرس حلال حلال و ما فيهو أتنين تلاتة ..
Quote: الكلتشي والعروس رضعوا مع بعض تلاتة رضعات مشبعات .. يعني اخوان يا دهب .. |
ما أخوان يا أخونا ديل رضعوا حليب ( فورموست ) ساي ..
Quote: إلا لاسانا ده ما بعرفو ليك الا يكون رضع حسب فتوى الازهر .. |
لاسانا يا مان دخلوا بالهيد بتاعو كمان ..
ــ
| |
|
|
|
|
|
|
Re: أمبارح سد المال .. الليلة سد مروي .. بكرة سد عين الشمس !! (Re: عصام دهب)
|
اهل العريس : نحن عرس ما شهد فيهو اوكامبو ده ما بنعترف بيهو .. زواج على المذهب النيجيري ده بيكون كلو راندوك وكواديك .. العروس ما كانت راضية لكن شغل الحجبات ده خلااها وافقت بدون ما تشعر .. والله يا عصام العروس دي عاملين ليها عمل .. اصبر ساي ..في لاهاي ..عريسكم هناي..وعروسنا تقع قون بي جاي وقون بي جاي ..وتبقوا انتو في ما دايرين واي واي..
| |
|
|
|
|
|
|
Re: أمبارح سد المال .. الليلة سد مروي .. بكرة سد عين الشمس !! (Re: عمر الفاروق)
|
نسابتنا الحلوين:
Quote: نحن عرس ما شهد فيهو اوكامبو ده ما بنعترف بيهو .. |
أهة يا الخواجات .. إن شاء الفولكلور دة يكون عجبكم .. نحنا الزواج بتاعنا دة شرعي و فيهو طلاق و رجعة و رضوة كمان .. و لو عايزين ( كاثوليكي ) برضو ما عندكم مشكلة يا خواجة ..
Quote: زواج على المذهب النيجيري ده بيكون كلو راندوك وكواديك .. |
و حات سيدي الحسن عروسكم خافت ( البورة ) و جرت وراهو لمن عرسا ..
Quote: العروس ما كانت راضية لكن شغل الحجبات ده خلااها وافقت بدون ما تشعر .. والله يا عصام العروس دي عاملين ليها عمل .. |
دي حركات ( جقق ) سكت .. الزمن دة يا أخوي في ( مرة عزباء) بتابا العرس ..
Quote: اصبر ساي ..في لاهاي ..عريسكم هناي..وعروسنا تقع قون بي جاي وقون بي جاي ..وتبقوا انتو في ما دايرين واي واي.. |
أبشر وقوم .. في الخرطوم .. عريسنا يحوم .. في صدرو نجوم .. شال الكاس .. دهب مختوم .. و أهل العروس .. جافو النوم ..
| |
|
|
|
|
|
|
|