الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
من المختصين وفطاحلة اللغة الانجليزية اطلب المساعدة
|
بسم الله الرحمن الرحيم
الاخوة والاخوات الافاضل ارجو منكم المساعدة العاجلة في تفسير وتاويل الجملة الاتية التي وصلتني في رسالة من احد زملاء العمل بعد اختلاف حاد بيننا في امور تتعلق بالعمل
عندما قراتها انتابني شك وراودني شعور بان كاتبها يرمي الي اساءة عنصرية بسبب اختلاف جنسياتنا وعندما رفعت الامر الي مديري المباشر تجدث الي كاتب الرسالة ورد علي استيضاحي بان هذاالعبارة لا تحمل اي مضمونا عنصريا وانها عبارة متداولة ومروفة في اللغة الانجليزية الا انني لم ارتح لذلك لان العبارة قد زوج بها في الموضوع بدون مبررات كافية لذلك والعبارة كمايلي Clearly, you are free to do what you like but hopefully you also understand where I’m coming from as well.
فهل يحق لي ان افسرها كما شككت ام انني حملتها اكثر مما تعني وان كانت تعني كما فهمت انا بماذا انتم ناصحي ان افعل ارجو من العالمين ببواطن اللغة الانجليزية والمهتمين بمكافحة العنصرية الافادة العاجلة مع خالص الشكر
|
|
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Abdlaziz Eisa)
|
نصيحة ليك من أخت أكبر منك -مامتأكدة لكن.شكلك صغير وناقصاك خبرة- المهم أصلك ماتمشي لمديرك المباشر ولا غير المباشر مشتكي في الهينة والقاسية وتانيا ماتتعامل مع الناس بإرثك إنت وثقافتك بس ووسع قماشة تحملك للاخر وخليها ماهلة وكدي أقعد بينك وبين نفسك وأسألها لو العبارة دي فعلا الزول داك قاصد بيها فهم عنصري حتضرك بشنو ?
والفطاحلة دي خجلتنا بيها ساكت وماحاأفتي لاني مامنهم
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Rawia)
|
الاخت راوية العباسي تحياتي اختي العزيزة لا اعتقد المسالة لها علاقة بالعمروالخبرة عندما يتعلق الامر بامتهان الكرامة ممكن العمر والخبرة تساعد في مناقشة الامر بطريقة اكثر موضوعية وهدوء اعصاب حتي لا تخسر قضتك هنا اتفق معك علي العموم لو انك من مواليد ١٩٠٠ م فقطع شك انا اكبر منك هاها
دمت بخير
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Abdlaziz Eisa)
|
الاخ عبد القادر
لست من الفطاحلة
ولك ان تعرف ان الاتصال عبر البريد الالكترونى وبالذات فى مجال العمل خطير جدا اذا لم تضع الكلمات الواردة اليك فى سياقها الصحيح
وهذا شبيه بما يحدث هنا فى هذا المنبر ( معلومة عامة)
اما العبارة فهى بريئة جدا فى وجهة نظرى من اى عنصرية كما اوضح الزملاء والزميلات
وحاول ان تتخلص من الحساسية المفرطة اذا كنت تعانى منها ويمكنك بالتمارين
لك شكرى
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Anwar Ahmed)
|
Quote: اثناء نقاشى مع احدهم فاجانى بجملة (I know where u coming from)
الحقيقه اتعقدت وقلت فى سرى الزول الوهم ده بعايرنى ولا شنو مالو و مال انا جاى من وين ..ان شالله جاى من السماء الاحمر احنا بنتناقش فى موضوع وما ليهو علاقه بانا جاى من وين.. يبدو ان تعابير وجهى قد اقلقت محدثى لان الارتباك بدا عليه ويبدو انه انتبه ان جملته الاخيره سببها..وبدا فى تفسير ماذا يقصد.. والجمله اعلاه يقصد بها" انا متفهم وجهه نظرك والاسس المنيه عليها"
|
وهكذا
المحترم النصرى امين فى بوست انجليزى الشارع يختلف عن انجليزية الكتب
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Naji A.Moniem)
|
What one means, from one's point of view, based on one's background or prior experience. For example, I don't believe in capital punishment, but as a pacifist you know where I'm coming from. [Second half of 1900s]
الاقتباس أعلاه من موقع Answer.com أرجو مراجعة التالي عند الدخول: Idioms: where one is coming from تحياتي
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: عبد العظيم احمد)
|
الأخ : Abdelgadir Galal Ahmed تحية واحتراما أسمح لي بمحاولة أخرى للتوضيح: Idioms: where one is coming from What one means, from one's point of view, based on one's background or prior experience. For example, I don't believe in capital punishment, but as a pacifist you know where I'm coming from. [Second half of 1900s] الحقوق محفوظة لموقع : Answer.com
محاولة لترجمة ما تحته خط ومقارنته مع ما أوردته: لا أؤمن بعقوبة الاعدام، بيد أني (كرجل) مسالم (أعتقد انك تتفهم) وجهة نظري. لا أؤمن بعقوبة الإعدام، واعتقد أنك تتفهم ذلك من واقع حبي للسلام. لا أؤمن بعقوبة الإعدام بناء على حبي للسلام. او بناء على وجهة نظري لنبذ العنف. Clearly, you are free to do what you like but hopefully you also understand where I’m coming from as well بوضوح، أنت حر لتفعل ما تشاء، ولكني آمل (منكم، فيكم) كذلك تفهم وجهة نظري. بوضوح، أنت حر لتفعل ما تشاء، بيد أني أتطلع لتفهم ما أرمي إليه. (بصراحة كدا، أعمل اللي عاوزه، بس يا أخي برضو أفهم قصدي). تحياتي.
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Omer Sakin)
|
الاستاذ عبدالقادر
لك التحية
لما شفت عنوان البوست شيلتنى هم زى الليلة و امبارح !!!
و شمرت و قلت اشوف الحاصل شنو !!!
المهم فى الامر اقرب ترجمة هى ما جاء به الاستاذ محمد الحاج و يبدو ان للرجل باع طويل و من الفطاحلة الذى عنيت
Quote: "ياخي بالواضح كدا انت حر تعمل الدايرو لكن ياريت بس تكون فهمت وجهة نظري"
|
تحياتى
الطيب رحمه
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: nazar hussien)
|
الاخ عبدالقادر ، الظاهر انت مرمطه بيهو الواطة الزول ده وما ا حترمت رايو وعملت الفي راسك عشان كده قال ليك انت حر تعمل الداير تعملو لكن كمان ماتنسى خبرتي وتعليمي دي طبعا مامكتوبه لكن تفهم من الكلام والمنطقة الجاي منها منطقة مابيعيش فيها الا زول مفتح .
حسب معرفتي البسيطة لا ارى اي سلوك مشين او عنصرية في الموضوع ، بعدين الراجل مامكن يكتب بي يدو كلمات ممكن تودرو شمار في مرقة
الحياة العملية مليئة بالضغوطات النفسية والبدنية ، اعمل مايرضي نفسك وضميرك ومايرضي مديرك برضو
ذكرتني مرة من المرات مديرنا عنجليزي عمل لينا زيادات بعدين كانت غير مرضية بالمقارنة مع الاقسام الاخرى اها صاحبك فرحان وعمل لينا اجتماع في القسم قال لينا رايكم شنو اها اخوك كان زعلان قلت ليهو اتس بول شت اها صاحبك لمن اتخلع ووشو اتغير المهم اكل الكلمة واتخارج سريع ، الجماعة قالوا لي بالغت مع الراجل فما كان مني الا ان ارسلت ليهو ايميل وصورة لي كل من كان في المكتب واعتذرت ليهو عن الكلمة وانها طلعت من غير قصد وكنا منتظرين حاجة كبيرة لكن احبطنا وكده . اها صاحبك ضرب لي تلفون وقال لي اتس اوكي اي ول دو ماي بست اها بعد يومين الشغلانة جاتنا مزبطه وكان متكيف مني لحدي ما سافر كل ماتجي ترقية يكون خاتي اسمي اول واحد من المرشحين اها الجماعة كل مايجي مدير يزعجنا بي حاجة الجماعة يقولوا لي اديهو واحده بول شت لووول يكه
احترام المدير في العمل اساس النجاح
تحياتي
زاتوووو
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: ALZOLZATOO)
|
الاخ Alzolzato تحياتي واحترامي اضحكتني والله بقصتك الطريفة دي الزول دا ما مديري والله هو في نفس مستواي الاداري والوظيفي لكن حكمة الله مابدورني ساكت كدا لله اي اجتماع ناطي لي في حلقي حتي ان كان الجميع موافقين علي ما قلت الا هو تكرر ذلك كم مرة اها دا انا اعمل ليهو شنو بس سلاماتي
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: ترهاقا)
|
Quote: Clearly, you are free to do what you like but hopefully you also understand where I’m coming from as well |
بالواضح، انت حر ان تفعل ما تريد، لكن اتمنى انك تتفهم منطلقاتي ( او جزور موقفي) ايضا.
هو تعبير عامي (slang) يستعمل في حالة وجود مستوى من التفاهم بحيث لا تحتاج ان يشرح لك الطرف الاخر منطلقاته، غالبا لنقاشات سابقة.
| |
|
|
|
|
|
|
هذا كذلك نموزج آخر يا صديقي...فهنا بطاطس سخنة بدون لحم غاطس
(عمتي بتقول...سمع اضاني دي اتنيزن لامن لحقن سوق الحمير) وهي لا تقصد مكان بيع الحمير بل تقصد وصلن حد النبذ...
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Naji A.Moniem)
|
الاخ ناجي عبد المنعم سلامات (يبدو ان تعابير وجهى قد اقلقت محدثى لان الارتباك بدا عليه ويبدو انه انتبه ان جملته الاخيره سببها..وبدا فى تفسير ماذا يقصد..) هنا المصيبة الزول دا انسان طيب شعر برد فعل وعدم رضا الطرف الاخر ففسر مقاصد عبارته لكن زولي انا شايف نفسو شوية كدا وما راضي يوضح ماذا يقصد
مع اطيب الامنيات
| |
|
|
|
|
|
|
رد (Re: Abdelgadir Galal Ahmed)
|
فعلا يا قدورة معناها هو:
Quote: "ياخي بالواضح كدا انت حر تعمل الدايرو لكن ياريت بس تكون فهمت وجهة نظري |
بس أنا من رأي إنك تعمل منها مشكلةكبييييرة وتقدم استقالتك !!!.. تعال السودان ياخي ..
| |
|
|
|
|
|
|
Re: رد (Re: محمد ابراهيم قرض)
|
بسم الله الرحمن الرحيم
السلام والاحترام لكم فردا فردا لم تخيبوا عشمي فيكم ابدا فدمتم اخوه كرام انا متاسف جدا لتاخير وسارد عليكم واحد بعد الاخر علي حسب ترتيب المداخلات الحمد لله اني استشرتكم قبل ان ارتكب خطا فادحا الشكر لكم اجزله
| |
|
|
|
|
|
|
Re: رد (Re: Abdelgadir Galal Ahmed)
|
Quote: الأخ : Abdelgadir Galal Ahmed تحية واحتراما أسمح لي بمحاولة أخرى للتوضيح: Idioms: where one is coming from What one means, from one's point of view, based on one's background or prior experience. For example, I don't believe in capital punishment, but as a pacifist you know where I'm coming from. [Second half of 1900s] الحقوق محفوظة لموقع : Answer.com
محاولة لترجمة ما تحته خط ومقارنته مع ما أوردته: لا أؤمن بعقوبة الاعدام، بيد أني (كرجل) مسالم (أعتقد انك تتفهم) وجهة نظري. لا أؤمن بعقوبة الإعدام، واعتقد أنك تتفهم ذلك من واقع حبي للسلام. لا أؤمن بعقوبة الإعدام بناء على حبي للسلام. او بناء على وجهة نظري لنبذ العنف. Clearly, you are free to do what you like but hopefully you also understand where I’m coming from as well بوضوح، أنت حر لتفعل ما تشاء، ولكني آمل (منكم، فيكم) كذلك تفهم وجهة نظري. بوضوح، أنت حر لتفعل ما تشاء، بيد أني أتطلع لتفهم ما أرمي إليه. (بصراحة كدا، أعمل اللي عاوزه، بس يا أخي برضو أفهم قصدي). تحياتي. |
قطعت جهيزة قول كل خطيب
| |
|
|
|
|
|
|
Re: رد (Re: على احمد النعيم)
|
Quote: Clearly, you are free to do what you like but hopefully you also understand where I’m coming from as well.
|
هذه هي العنصرية أم جناحين
الجناح الأول وصفك بالهمجية التي لا حدود لها وهي فعل ما يحلو لك .. وليس هناك حر يفعل ما يحلو له إلا الذي لا يخضع لأي قانون أو المجنون
الجناح الثاني طالبك بإحترام عرقيته ومرتبته التي أتى منها وهذه الجملة إذا كانت تصحبها دلالات مثل أن يكون هو من الهند وأنت من أفريقيا أو هو أبيض وأنت أسود هنا إشارة إلى العرقية ووصفك بالدونية وأحياناً تقال في صيغة لا تنسى وأحيانا تقال في صيغة يجب عليك الفهم
والأسلوب هذا متبع للتبخيس
بالنظر إلى الإختلاف الذي حدث بينكم فهو قام بتلخيص الشتائم كلها في هذه الجملة..
وهذا لزوم التوضيح
| |
|
|
|
|
|
|
Re: رد (Re: المسافر)
|
الاخ المسافر سلامات ياخي دا طبعا تفسيري انا برضو كدا لاني اعرف نفسيات قائلها تماما فبالرغم ان التعبير لاغبار عليه ومتداول لكن الشخص هذا بيت سوء النية في استخدامه معي ودي
| |
|
|
|
|
|
|
Re: رد (Re: Abdelgadir Galal Ahmed)
|
Quote: الحمد لله اني استشرتكم قبل ان ارتكب خطا فادحا الشكر لكم اجزله |
كنت عايز تمد ليه اصبعك في عيونو وتقول ليه
هييييييييي...(أرعي بي قيدك) Harvest with your Constraint
لو انت واقع من السماء انا اللازيك ...جائي من وين يعني
If you fell from the Sky I should be the one who pushed you What you mean by from where you came
ولازم تكون مغمض وتقول في كلامك دا بدون ان تدردد الي مواضع الخطأ
يا راجل في خواجة قبل كدي قال لي
Who Is you?
وأكلتها في حناني ساكت
| |
|
|
|
|
|
|
Re: رد (Re: nazar hussien)
|
الاخ نزار حسين سلامات والله ربك يستر ساكت علينا غايتو الله في لكن ماااااابنقدر ناكلا في حنانا لانو حنانا زاتو كمل خلاص الله في تحياتي
| |
|
|
|
|
|
|
Re: رد (Re: محمد ابراهيم قرض)
|
الاخ محمد ابراهيم قرض سلام واحترام والله انا ذاتي قلت كدا والظاهر دا الحايحصل لاني مصر علي ان اتلقي تفسيرا لهذا التعبير ولكن الزول قال مابفسر والحاصل يحصل. شفت كيف
تحيات لك مباركة
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Adil Isaac)
|
لا لا لا يا اخي الزول ده قاصدك شديد: الظاهر انو ابيض وعيونو خدر، ورِد نِك كمان.. كيف يقول ليك (يو آر فري ناو).آ؟ يعني كأنو مشتريك ويحدد ليك انك فري او خلافو وكمان يقول (هوبفولي) تكون فهمتني؟ يعني هو مفتكر نفسو برااو البفهم؟ اصلهم كده عاملين فيها اسياد الفهم والغيرهم ما بفهم ده ما كلام بمشو بيهو للمدير تاخد حقك بأيدك آزول
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: mutwakil toum)
|
الأخ عبدالقادر بداية ارجو ان تفبل مني هذه المساهمة المتواضعة ..وبرضو شكرا ليك لأنها معلومة جديدة وشخصيا كنت حأفسرها بمعناها الظاهر ..لكن بعد كدة ..حاستعملها واشوف ردة الفعل شنو بالصدفة وجدت موضوعك في سودانيزاونلاين .....انا غير مشترك لذلك اردت المساهمة من على البعد ..ويبدو ان الموضوع مر على خير والحمد لله .... .وجدت في احد المواقع المهتمة باستخدام الجمل الانجليزية ومعناها ما يلي "Now you don't know where I'm coming from," Means : you are confused and you can't understand what I have just said to you, or why I might have said it. محمد مجبوب _______________________________________________________________________________________
الاخ محمد مجبوب بوخالد تحيات واحترام شكرا جزيلا شوف ايميلك مع خالص الود وتحايا لجميع الهناك
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: mutwakil toum)
|
لا أدري في أي البلاد مقيما أنت اخي الفاضل ... إن كنت في البلاد العربية فأملي أن تحرص آنياً ومستقبلاً على التمتع بالحلم والحكمة ... ومهما حاولت أن تتابع هذه الترهات فلن تسقط إلا من نفسك الكثير من القدر... ويجب أن تثق في نفسك من أنت وإلى من تنتمي ... وتذكر كرامة شعبك وكرمه والكثير من خصاله الحميدة .... والكثير من دول الجوار لا يعرفون عن بلادنا شيئاً ... إلا غير تلك السحنة التي وهبنا لها الله العلي القدير ....وبالعامية كده .. العارف عزه مستريح ... فلا تدع للشيطان مداخل وتزعج نفسك بالتفسير والتأويل ... عن مدلول هذه العبارة ... لطالما أنه ذكرها بهذه الصورة المبهمة ولو أحضرت له الكتب المنزلة مستعد يحلف عليها أنه لا يقصد بها شيئاً ...
الثقة بالنفس هي إحساس الشخص بقيمة نفسه بين من حوله فتترجم هذه الثقة بالحديث عنها بموفور المعرفة وإسقاط أشكال هذه الأفكار بالحجة والمنطق والاشفاق على صاحبها الذي يحملها ... وصراحة أنا أشفق على أمثال هؤلاء دون التأثر بحال أو إن كنت مقصودا بأفكارهم ... أقطع حبل التفكير ورد لصاحبك بكل هدوء عما فهمته من هذه الكلمة واسأله ألا يكررها مجددا طالما تألمت منها ... أفعل ذلك بكل شجاعة ولا تشتكيه لأحد وثق في نفسك إن الثقة بالنفس من أهم مقومات نجاح الإنسان في حياته، سواء كانت الإجتماعية أو الأسرية أو حتى النفسية، فبدونها يفقد الإنسان كل شيء، ومن أهم ما سيفقده ذاته .... فمهما قالوا لا تفقد ذاتك وهذه المسأله في تصاعد خاصة في الدول العربية .. --
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Abdelgadir Galal Ahmed)
|
سلام يا عبدالقادر عنوان بوستيك ذكرني "بالهمبول"، والهمبول لمن لا يعرفه هو عراقي ولّ جلابيّة قديمة توضع علي عود، لإبعاد الطيور وغيرها من الحيوانات عن المحصول / الزرع .. يا عبد القادر إنت ما إكتفيت بي همبول واحد-المختصين- وإن كان وحده كفيل بإبعادي من زرعك، بل وضعت همبول آخر-فطاحلة- ونفخت فيهو روح عديل، وتعدّت مهمته بعد الطيور والحيوانات ليبعد الحراميّة ذاتهم.. ياخي لي يومين من ما أشوف المختصين والفطاحلة، أكبر اللفة، والله كلك ساكت ما عملتها عليهو، ياخي طلعتني "طيرة" ساكت، وأصحابي المعقبين الفوق ديل أي واحد/ة ثبّت ليك إنو ما مختص/ة وما ما فطحل / ة (وش، وش حلة)، وهم ذاتهم وكتين لا مختصين ولا فطاحلة المدخلهم البوست شنو؟؟؟ (وش نفرو براهو).. وطالما الأمر بهذه "الإستشكاليّة"، خليني أثبت ليك في الأول إنو أنا مُختص وفطحل؛ وخليني أفتل ليك من جنس حبلك، وأعقد ليك الإمور كما تراءت لك (وش مديدة حارة)؛ الزول ده قال ليك بالواضح كده: أعمل الداير تعملو، ولكن -إتمنى- ما تنسى أنا جاي من وين"؛ كلمة أتمنى دي زائدة، ما تشتغل بيها، الزول ده لو أبيض، أكيد قاصد ليك كلام متوكل توم الفوق ده، وأزيدك من شعر متوكل بيت، الزول ده قال ليك إتحداااااك عديل كده، ولو داير تعمل من الحبة قبة، ما تنسى إنت منو وأنا منو؛ والزول ده -ظانِن- إنو هارشك وعارف مقدراتو ووممكن يعمل فيك ما لم يعمله خبّاز في عيشة، إن لم تأخذ بنصيحته، وإنت في الحالة دي البحر خلفك والعدو أمامك، قول لي كيف! قلت لي كيف! لو اخذت بنصيحته بيفتكر إنو رسالتو وصلت والعين لا تعلو على الحاجب، وإن لم تأخذ بنصيحته، يا ويلك، سهر الجداد ولا نومو، زي شغلانيّة أوكامبو للبشير، وقد تكون أزرط، لأنو الموضوع فيهو قطع أرزاق، وقديماً قالوا: قطع الرقاب ولا قطع الأرزاق؛ ولكن لو كنت مكانك، لن آخذ برأيه، وكتلوك ولا جوك جوك.. المهم يا زميل، نحنا وريناك وإنت بعد ده إتصرف، وإتذكر إنو الحماقة ممكن تتطفشك من وظيفتك، والبلد براها في حالة رِسيشّن، وإن كانت الوظيفة مستاهلة، إستحمل الذِلة (وش وش هِندي) __ المهم، وحتى لا أطيل، أترك الفرصة للزملاء سيف مساعد، وبقال، ومحمد عادل،.. وإلخ، لكي لا تفوتك نصائحهم (وش جادي)
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Yassir Tayfour)
|
الأخ/ عبد القادر،
العبارة ما فيها أي حاجة عنصرية ومعروفة في اللغة الإنجليزية العاميَّة‘ ويمكنك أن تجدها في قاموس: Oxford Advanced Learner's Dictionary- Sixth Edition في صفحة 237 السطر التاسع من فوق في العمود الأيسر. وعشان أوفَّر عليك:
Where sb is coming from: (informal, spoken) somebody's ideas, beliefs, personality, etc. that makes them say what they have said
For example: I see where you're coming from = I understand what you mean
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: ABUZEEGH)
|
سلامات ABUZEEGH
شكرا للمداخلة
وشكرا علي الايضحات لقد اتفق الاغلبية هنا بان العبارة معروفة ومتادولة ولا تحمل اي نوع من الاساءة وبعض الاخوة افاد بانه يجب فهم العبارة حسب السياق الذي قيلت فيه علي حسب مافهمت . انا شخصيا ولاني اعرف شخصية قائلها فحتي الان اعتقد بانه رمي للاساءة
تحياتي
| |
|
|
|
|
|
|
Re: من المختصين وفطاحلة اللغة الانجليزية اطلب المساعدة (Re: Yassir Tayfour)
|
الاخ ياسر طيفور سلامات ياحبوب والله العظيم مداخلة ثمينة جدا تشكر عليها الزول دا مارئيسي يا ياسر الزول مدير قسم زي واحد لكن الزول عند اعتقاد ان كل زول ما من بلد المنشاة يجب ضطهاده ياخي الزول دا منجض الناس نجاض وقدر ماتسكت هو يتمادي في الاساءة لك وبطريقة خبيثة جدا لايمكن تدينه حسب الكود اوف كوندكت بعرف يعمل جستفكيشن بطريقة ابليس مافكر فيها وانا اصلا قررت انفذ الفي راسي رغم اعتراضه
غايتو المرة دي انا حرقتها معاهو مرة واحد وبالبحصل اليحصل مع خالص التقدير والاحترام
| |
|
|
|
|
|
|
http://www.sudaneseonline.com/cgi-bin/sdb/2bb.cgi?seq=msg&board=190&msg=1233585569 (Re: Abdelgadir Galal Ahmed)
|
الأخ/ عبدالقادر سلامات
تابعت معكم منذ البداية وكان فى ذهنى الرجوع لمرجع معين بحكم خلفيتنا واستطعت بالأمس مراجعته.
مثل هذه العبارة ومن معناها الحرفى لا تحمل أى إساءة ... ولكن الأمر يعتمد على السِياق الذى قيلت فيه - مناسبته- وفقما أفاد الكثيرون
غيرى.
لدينا فرع مدنى من القانون يُعنى بمثل هذه الأشياء وعنوانه ( المسئولية التقصيرية) Tortious Liability
كما سبق القول أن الجملة – وأى جملة- يمكن ألا تعنى شيئاً ولكن الأمر فى تقرير ما إذا كانت قيلت بغرض التعريض أو إشانة السمعة كل ذلك يعتمد على السِياق الذى قيلت فيه. لم تورد تفاصيل بخصوص طبيعة الخلاف .. ولكن ذلك لا يمنعنى من إيراد بعض المواقف التى يمكن أن يعتبرها القانون تعريضية للحد الذى يكون فيها إشانة سمعة : القانون يُعرِّف إشانة السمعة بأنها نشر كلام الغرض منه التقليل من مكانة شخص معين فى نظر أصحاب الرأى القويم ( الشخص العادى) فى المجتمع عامة ... أو أن يكون ذلك النشر بغرض التعريض بالشخص والحط من قدره أو لجعل الناس يتجنبونه.
المعنى باللغة الإنجليزية أكثر وضوحاً كالآتى:
Defamation is the publication of a statement which tends to lower a person in the estimation of the right-thinking members of society generally; or which tends to make them shun or avoid that person. The words must tend to give rise to the feelings mentioned in the definition.
This written defamatory statement is called libel because it is in permanent form.
A statement which disparages a man in his reputation in his relation to his office, profession, calling, trade or business may be defamatory, e.g. the imputation of some quality which may be detrimental or the absence of some quality which is essential to the successful carrying out of his office, trade or profession, such as want of ability, incompetence and, of course, dishonest or fraudulent conduct. The statement must disparage the reputation of the plaintiff personally, and not merely the goods which he sells.
The essentials of defamation you must prove that: 1- The words must be defamatory. 2- They must refer to you. 3- They must be “maliciously” published.
الدفاع الوحيد المتاح أمامع واحد من ثلاثة:
1- Justification ( or truth). أن ما قاله صحيح ويُطابق الواقع 2- Fair comment. أن ما قاله جاء فى إطار تعليقه على وقائع ما راه وجاء تعليقه موضوعياً 3- Privilege. أن هنالك حماية قانونية تعفيه من المسئولية ( إتفاقية أو من واقع عقد معين أو مستند سبق التوقيع عليه)
بصراحة أرى أن العبارات تحمل معنى التشهير والإزدراء وأنت أقدر على الوصول لهذه النتيجة وفقاً لتفاصيل ما دار بينكما.
| |
|
|
|
|
|
|
Re: http://www.sudaneseonline.com/cgi-bin/sdb/2bb.cgi?seq=msg&board=190&msg=1233585569 (Re: Osama Mohammed)
|
(QUOTE) سلام يا عبدالقادر عنوان بوستيك ذكرني "بالهمبول"، والهمبول لمن لا يعرفه هو عراقي ولّ جلابيّة قديمة توضع علي عود، لإبعاد الطيور وغيرها من الحيوانات عن المحصول / الزرع .. يا عبد القادر إنت ما إكتفيت بي همبول واحد-المختصين- وإن كان وحده كفيل بإبعادي من زرعك، بل وضعت همبول آخر-فطاحلة- ونفخت فيهو روح عديل، وتعدّت مهمته بعد الطيور والحيوانات ليبعد الحراميّة ذاتهم.. ياخي لي يومين من ما أشوف المختصين والفطاحلة، أكبر اللفة، والله كلك ساكت ما عملتها عليهو، ياخي طلعتني "طيرة" ساكت، وأصحابي المعقبين الفوق ديل أي واحد/ة ثبّت ليك إنو ما مختص/ة وما ما فطحل / ة (وش، وش حلة)، وهم ذاتهم وكتين لا مختصين ولا فطاحلة المدخلهم البوست شنو؟؟؟ (وش نفرو براهو).. وطالما الأمر بهذه "الإستشكاليّة"، خليني أثبت ليك في الأول إنو أنا مُختص وفطحل؛ وخليني أفتل ليك من جنس حبلك، وأعقد ليك الإمور كما تراءت لك (وش مديدة حارة)؛ الزول ده قال ليك بالواضح كده: أعمل الداير تعملو، ولكن -إتمنى- ما تنسى أنا جاي من وين"؛ كلمة أتمنى دي زائدة، ما تشتغل بيها، الزول ده لو أبيض، أكيد قاصد ليك كلام متوكل توم الفوق ده، وأزيدك من شعر متوكل بيت، الزول ده قال ليك إتحداااااك عديل كده، ولو داير تعمل من الحبة قبة، ما تنسى إنت منو وأنا منو؛ والزول ده -ظانِن- إنو هارشك وعارف مقدراتو ووممكن يعمل فيك ما لم يعمله خبّاز في عيشة، إن لم تأخذ بنصيحته، وإنت في الحالة دي البحر خلفك والعدو أمامك، قول لي كيف! قلت لي كيف! لو اخذت بنصيحته بيفتكر إنو رسالتو وصلت والعين لا تعلو على الحاجب، وإن لم تأخذ بنصيحته، يا ويلك، سهر الجداد ولا نومو، زي شغلانيّة أوكامبو للبشير، وقد تكون أزرط، لأنو الموضوع فيهو قطع أرزاق، وقديماً قالوا: قطع الرقاب ولا قطع الأرزاق؛ ولكن لو كنت مكانك، لن آخذ برأيه، وكتلوك ولا جوك جوك.. المهم يا زميل، نحنا وريناك وإنت بعد ده إتصرف، وإتذكر إنو الحماقة ممكن تتطفشك من وظيفتك، والبلد براها في حالة رِسيشّن، وإن كانت الوظيفة مستاهلة، إستحمل الذِلة (وش وش هِندي) __ المهم، وحتى لا أطيل، أترك الفرصة للزملاء سيف مساعد، وبقال، ومحمد عادل،.. وإلخ، لكي لا تفوتك نصائحهم (وش جادي) >>>>>>>>>>>>>>>>>>>>>>>>>>>>>>>>>>>>>>>أ
أها أنا كمان زى ياسر طيفور متخصص وفطحل وبقول ليك الزول ده اذا بريطانى ولا أمريكى ولا فرنسي معناه قاصدك عديل .. وفي الحالة دى بأيد كلام ياسر بالحتة
| |
|
|
|
|
|
|