يوميات زلابية الحنّانة

مرحبا Guest
اخر زيارك لك: 06-06-2024, 00:00 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة هشام ادم(هشام آدم)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-21-2006, 03:17 PM

هشام آدم
<aهشام آدم
تاريخ التسجيل: 11-06-2005
مجموع المشاركات: 12249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يوميات زلابية الحنّانة (Re: هشام آدم)

    ( المرة الضكرانة . . وأدب الفضايح )



    جلست (زلابية) بين نساء الحلة، وهي تُمسك بقدم (عشوشة). بللت قدمها بقليل من الماء، وبدأت تمسح عليها بالحِلبة، وهي تقول:

    * والله يا بنات أمي كان شفتن (التومة بت حسن) عملت شنو أُمبارح، أكان تستغربن. سجمنا المرة دي ما صعبة عدييييييل.

    هزت إحدى النسوة الحاضرات رأسها باهتمامٍ بالغ:

    - مالا عملت شنو؟

    رفعت (زلابية) رأسها وهي ما تزال ممسكة بقدم (عشوشة) ابنة الخمس وعشرين بعدما رفعت - بطرف أصابعها - ثوبها الذي سقط عن رأسها، فكشف عن شعرها الأجعد القصير:

    * والله جنس مِحن . . قالوا المرة دي مشت السوق البارحة. سوق الخدار بتاع محطة ستة.

    - آآي آآي . . أها؟

    * بس!! قال ليكِ في راجل جهامة جا صاقرا ليكِ في الزحمة.

    - سجمنا . . الرُجال ديل ما بختشو عاد . . أها ؟

    * أها شنو، والله قال ليكِ ساعة المرة دي اتلفتت عليهو، وصييييي أدتو كف !!

    - ووب علي، قِدام الناس؟

    وهنا تدخل فتاة كانت تجلس في مكانٍ غير بعد:

    = والله عافيت منها.

    - يا بت صُمّي خشمك سااااي، هو عليكِ الله في واحدة تدور الفضيحة لي روحا؟

    * والله يا (تضامر) قال ليكِ ساعة الناس ديل اتلمو . . السوق ما يديكِ درب.

    - حسي عليكن الله المرة دي غبيانة، في داعي للفضايح دي؟

    = أها وتعمل شنو يعني؟ تسكت؟ والله أنا لو كنتَ مكانا ما بسكت، أسكت ليه؟ والله ده الفضّل كمان.

    - هوووي يا بنيّة ما قلنا ليكِ صُمّي خشمك ده.

    = ليه يعني؟ شايفاني صغيرة وله شنو؟

    - آآي صغيرة . . حسي عليك الله كان ضارت روحا وزحت منو سااااااي ما كان أخير ليها بدل ما توري ناس السوق ديل كلهم.

    * هو قالوا ليكِ السوق بس الفيهو الحاجات دي، والله أكان تشوفي البحصل في البصات تستغربي!

    = حسي يا خالة (زلابية) ناس السوق سابو الراجل ده، ولا دقّوهو؟

    * والله يا بت أمي السمعتو، إنو ناس السوق زااااااتهم انقسمو. عِلّ الكلام ده كان قِدّام دكان (وقيع الله)

    - (وقيع الله) بتاع الهَتَش؟

    * بسسسس، ياهو زاااتو. و(وقيع الله) ده ما زول شَكَل.

    - عارفااااااهو ما متزكرة لمّن اتشاكل مع (ود المحجوب) والله قالوا ليكِ (ود المحجوب) ده قعد شهرين ما بمرق من البيت.

    = لا بس . . الناس المفروض ما تسكت على الحاجات دي. دي قلّة أدب.

    * اسمعي كلام خالتك (زلابية) يا بت أمي، البنات ديل ألزم ما عليهن شرفن وسمعتن. والمرة لمن تتشاكل مع الرجال، حتى لو كانت على حق، بتطلع غلطانة في عين الناس.

    = يعني تسكت وتاكُل الموضوع في حنانا ولا كيف يعني؟

    - تسكت آآآي، بس ما تاكل الموضوع في حنانا. النسوان بتصرفن. بس ما في داعي للفضيحة.

    في هذه الأثناء كانت (زلابية) قد بدأت تُركز على وضع كُتلة الحناء في قدم (عشوشة) التي كانت تستمع بإنصات للحوار الذي دار بينها وبين (تماضر) و (إيناس) التي كانت تجلسُ في مكانٍ غير بعيد.



    (عدل بواسطة هشام آدم on 01-21-2006, 03:22 PM)
                  

العنوان الكاتب Date
يوميات زلابية الحنّانة هشام آدم01-21-06, 01:51 PM
  Re: يوميات زلابية الحنّانة القلب النابض01-21-06, 02:35 PM
    Re: يوميات زلابية الحنّانة هشام آدم01-21-06, 02:46 PM
      Re: يوميات زلابية الحنّانة هشام آدم01-21-06, 03:17 PM
  Re: يوميات زلابية الحنّانة يوسف السماني يوسف01-21-06, 03:48 PM
    Re: يوميات زلابية الحنّانة هشام آدم01-22-06, 10:42 AM
  Re: يوميات زلابية الحنّانة ناصر محمد خليل01-22-06, 02:09 PM
    Re: يوميات زلابية الحنّانة هشام آدم01-22-06, 02:25 PM
  Re: يوميات زلابية الحنّانة ناصر محمد خليل01-22-06, 02:58 PM
    Re: يوميات زلابية الحنّانة هشام آدم01-23-06, 08:41 AM
      Re: يوميات زلابية الحنّانة elham ahmed01-23-06, 08:47 AM
        Re: يوميات زلابية الحنّانة هشام آدم01-23-06, 04:53 PM
          Re: يوميات زلابية الحنّانة هشام آدم01-24-06, 12:27 PM
            Re: يوميات زلابية الحنّانة هشام آدم01-29-06, 10:12 AM
              Re: يوميات زلابية الحنّانة هشام آدم01-30-06, 10:05 AM
                Re: يوميات زلابية الحنّانة هشام آدم02-01-06, 04:06 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de