|
Re: ورق البردي (Re: عمر عبد الخالق سعيد)
|
الانيق بروبر تعرف يا خبير الكميرات والعدسات (الغير لاصقه) احيانا اتغلب واتعزب في سوات الشاى وابريقنا الانته عارفو داك كان شاي اخدر ولا احمر واحيانا اشيل خطاي واتمرد على النعاس والكوابيس البتفتش لي كل ليله وبتجد في ونسته معاي متعه منقطعة النظير وبعد مرات تلقاني اهبهب من الحر بالجريده واترغب دخول المغيب في اي وكت عشان البراد والنسام الما بتعرفو جاييك من وين كمان بعد مرات ده كلو بيكون كوم والحاله الانا فيها اليومين دي كوم تاني عارف لمن يكون ضهرك ماكلك وما قادر تحكو ولا لمن تكن في قرصه في وطاية رجلك وما عارف تصل ليها كيف علشان تكرشه المهم يا عزيزي والله سؤالك ده سمح وبخلي الواحد يفتح عيوناتو ديل بالغسب ويحاول يستنشق ليهو شوية هوى نقي من نسايمك تعرف ياجميل احساس النهايات الملازمني اليومين ديل احساس متعب ومنهك وبفكر اتغلب عليهو بعدم النوم لزوم تشطيب البدايات اللازمتني طول حياتي المهم انته خليك هادي وعادي الامور كلها بتمشي فيما قدر لها ودي بمثابة رساله الى صديق رحله طويله وشارفت ان اصل محطتي فيها وبعدين طبعا يجوك علماء الاثار الكضابين منهم والصادقين وطبعا معظمهم بينجر حكاوي لزوم السياحه والصحافه بعد ما ينقبو ويلقو جمجمتي ويدخلوها معاملم يقولو ليك الانسان ده كان (ومن هنا بيبدا الكضب) عارف ليه لانو انحنا اصلا ما عشنا انسانيتنا ولا عرفنا ليها طريق لمن الواحد عيونو زغللن وزهج من جلدو اللابسو بالغسب ده مع انو اجمل حاجه الواحد يمتلكه في الدنيا دي خصوصا وهى انتاج ذاتي من اجسام ساكنه فيك ومحبوبه لانها ادتنا اجمل لون في الطبيعه
عموما سلامي ليك كتير
|
|
![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
ورق البردي | احمد العربي | 02-20-08, 08:56 AM |
Re: ورق البردي | sadiq elbusairy | 02-20-08, 09:31 AM |
Re: ورق البردي | احمد العربي | 02-20-08, 10:30 AM |
Re: ورق البردي | احمد العربي | 02-20-08, 10:37 AM |
Re: ورق البردي | عمر عبد الخالق سعيد | 02-21-08, 02:56 AM |
Re: ورق البردي | Sahar Abdelrahman | 02-21-08, 08:08 AM |
Re: ورق البردي | احمد العربي | 02-21-08, 10:01 AM |
Re: ورق البردي | احمد العربي | 02-21-08, 09:16 AM |
Re: ورق البردي | عمر عبد الخالق سعيد | 02-21-08, 10:34 AM |
Re: ورق البردي | عمر عبد الخالق سعيد | 02-23-08, 01:06 PM |
Re: ورق البردي | احمد العربي | 02-24-08, 06:18 AM |
Re: ورق البردي | هند محمد | 02-24-08, 07:05 AM |
Re: ورق البردي | احمد العربي | 02-24-08, 07:27 AM |
Re: ورق البردي | احمد العربي | 02-24-08, 10:09 AM |
Re: ورق البردي | ماجدة عوض خوجلى | 02-28-08, 08:16 AM |
Re: ورق البردي | احمد العربي | 03-13-08, 03:27 AM |
Re: ورق البردي | تماضر الخنساء حمزه | 02-28-08, 08:35 AM |
Re: ورق البردي | احمد العربي | 03-13-08, 04:07 AM |
Re: ورق البردي | احمد العربي | 04-01-08, 02:57 AM |
Re: ورق البردي | احمد العربي | 04-06-08, 08:04 AM |
Re: ورق البردي | احمد العربي | 04-06-08, 09:24 AM |
Re: ورق البردي | عمر عبد الخالق سعيد | 04-09-08, 04:24 AM |
Re: ورق البردي | احمد العربي | 04-13-08, 11:05 AM |
Re: ورق البردي | احمد العربي | 04-14-08, 04:27 AM |
Re: ورق البردي | احمد العربي | 04-14-08, 07:32 AM |
|
|
|