عشان تعمل بيزنس مع السودانيين لازم تبقى قرد والا سجم رماد أمك وابوك!

Quote: 330 ألف ريال سعودي...ريال ينطح شيخ جبهجي كوز!!! والله يا حيدر ، ربنا يعينك ويقويك...وأنحنا أخوانك وناس حارة...أعتمدنا معاك طوالي في مصابك الجلل! ومن باب كلنا في الهوى سوا... في عام 2007، جاني زبون سوداني هنا في كوريا، لشراء بعض السيارات...عبر زميل وصديق عزيز من السودان... الزول غتيت غتاتة، أصلو ما وراني راسو فيهو شنو، (أتاريهو راسو فيهو حلّة وسوق على قول حبوبتي)... زول أشترا ليهو 7 عربات...دفع حق واحدة كاملاً...وعربون 600$ لبقية السيارات...التي يبلغ قيمتها أكتر من 19 ألف دولار... رجع السودان وقال لي بالحرف الواحد: قروشي قاعدة في البنك...بس مسافة أرجع وأحول المبلغ... عندما جننوني الكوريين "يا جني"...أضطريت دفعتا المبلغ من حرّ مالي...الذي رجع للعبد لله بعد زمن، يكفي لقلبتين تلاتة وفوّت عليّ باخرتين شحن!!!! المؤلم في الموضوع بعد ده كلو...أنو عمولتي كانت 600 دولار ...يعني دافع لي قريب العشرين ألف دولار...ومنتظر شهرين وفورة دم.. عشان ال 600 دي...راحت تلفونات! الله كريم يا حبيب...و ما بنفوتك براك في مصيبتك دي. أنور