|
الأحباب السودانيين بدولة قطر الشقيقة أنا فى عرضكم
|
أحييكم من عروس البحر الأحمر جدة المدينة الوادعة التى تستقبل آلاف الحجاج فى هذه الأيام المباركات وأقول لكم كل عام وأنتم وأسركم بألف خير
قطر ، تلك الدولة الفتية الواعدة والتى تشرفتم بالإقامة فيها وقدمتم لها ما تستحقه من جليل خدماتكم وتفانيكم لها كبقية أخوانكم فى سائر الدول
علمنا مؤخراً أن بقطر طفرة هائلة تشابه طفرات السعودية السابقة وأن بها فرص عمل تعد جيدة بمقاييس اليوم ، فعليه فقد قررت أن أقوم بزيارتكم للسلام عليكم ومشاهدتكم على الطبيعة وفى نفس الوقت (نبحبت) سوياُ عسى نجد بينكم فرصة عمل لمترجم سودانى له زهاء الثمانية وعشرون عاما فى أعمال الترجمة لدى البنوك والمؤسسات المالية إضافة إلى خبرات إدارية وخبرات فى الموارد البشرية والسكرتارية التنفيذية وإدارة الأعمال
افكر جاداً فى الحضور لكم بعد عيد الأضحى المبارك مباشرة لقضاء شهر الزيارة بين جنبيكم فهلا مددتم يد العون لسودانى عجوز لم يتمكن من أن يضع عصا الترحال بعد ،
لمن يود تقديم يد العون والنصيحة الإتصال على رقم هاتفى الجوال: 966566268454+
ولمن يرغب فى أن أبعث له بسيرتى الذاتية أن يراسلنى على الإيميل الموجود فى البروفايل [email protected]
وتقبلوا وافر تحياتى وتقديرى
ملحوظة: سأحضر بمفردى وبدون أفراد أسرتى لأظل خفيفاً عليكم إلى أن يجعل الله أمراً كان مفعولا
أخوكم هشام شيخ الدين
كان الله فى عون العبد ما دام العبد فى عون أخيه
ودمتم فى رعاية الله وحفظه
|
|
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: يازولyazoalيازول)
|
مرحبا كثيرا بيك وتشرف الدوحة والباقى الارزاق على اللة ولو اللة كاتب ليك رزق بتاخدو
غصب عن عين اى زول يا زول ؟
وانصحك اولا بفتح المواقع بقطر اولا من هناك لان معظم التقديمات عن طريق النت..........
شوف مواقع البترول والغاز وبقية الوزارات................................
والبنوك ...............................
ولمن تجى يحلها الف حلال.................
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: عمر سعد)
|
بعض المواقع التى سوف تفيدك كثيراً:
http://www.gulftalent.com/home/index.php?gtp=1021>pd=24
http://www.qtel.com.qa/IndexPage.do;jsessionid=ac109685...e6fznA5Pp7ftolbGmkTy
http://www.arabo.com/links/,222,216,209/,212,209,223,19...,202,230,217,237,221
http://www.qatarvisitor.com/index.php?cID=433&pID=1383
http://jobs.theemiratesnetwork.com/jobseeker/me/qatar.php
صديق
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: يازولyazoalيازول)
|
أهلآ ياهشام واول حاجة عايز اقول ليك شكرآ عشان بريتنا بالزيارة وميزتنا على العالمين وتاني حاجة عايز احذرك ، ماتجينا براك ، لازم تصطحب معاك أسرتك الكريمة وإلا سوف ندبسك في وظيفة وفي زيجة
ثم زي ماقال ليك صديق وعمر سعد لابد ان تبحث وتراسل وتقدم عبر الانترنت وتدخل على المواقع القطرية والحكومة اللالكترونية وح تجد مايسرك
للأسف انا ح اكون خلال الفترة التي حددتها خارج قطر ولو في إمكانية للتأجيل حتى نهاية يناير بتكون عملت فيني خير وفي كل الاحوال ماهيتاب موجودة لذلك أفضل تصحب الأسرة على الأقل تتقلوها لغاية مانرجع
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: يازولyazoalيازول)
|
Quote: علمنا مؤخراً أن بقطر طفرة هائلة تشابه طفرات السعودية السابقة وأن بها فرص عمل تعد جيدة بمقاييس اليوم ، فعليه فقد قررت أن أقوم بزيارتكم للسلام عليكم ومشاهدتكم على الطبيعة وفى نفس الوقت (نبحبت) سوياُ عسى نجد بينكم فرصة عمل لمترجم سودانى له زهاء الثمانية وعشرون عاما فى أعمال الترجمة لدى البنوك والمؤسسات المالية إضافة إلى خبرات إدارية وخبرات فى الموارد البشرية والسكرتارية التنفيذية وإدارة الأعمال
افكر جاداً فى الحضور لكم بعد عيد الأضحى المبارك مباشرة لقضاء شهر الزيارة بين جنبيكم فهلا مددتم يد العون لسودانى عجوز لم يتمكن من أن يضع عصا الترحال بعد ،
لمن يود تقديم يد العون والنصيحة الإتصال على رقم هاتفى الجوال: 966566268454+ |
هشام يا اخوى كان بتسمع نصيحتى اقعد قبلك اولا ناس فى عمرك وعمرى بعد ده الا يشتغلوا بوابين لانو اى وظيفة تقرأ اعلانها يقول ليك ان لا يزيد العمر عن 32 عاما حتى لو دايرين جدود يقولو ليك كده. بعدين جنا تعرفوا اخير ليك من الجن الما بتعرفوا. تلاته افتكرت مناشدتك كايس معاشك والا حقوقك قلت اساعدك. هشام لا اريد ان ازعزع يقين القانع. لكن خلى نبراس وصهيب يخلصوا امتيازاتهم وقراياتهم وسوى ليك فروة كبيرة وكل جمعه على مكه صلى فى الحرم وارجع حرف الكسرة بتلقاه عندهم لاننا فى عمر زى ده ما دايرين غير شوية كسرة ونبلع وراهم الحبوب. انا خايف السيرلاك يغلت علينا بعد ده. ودعتك الله يا اخوى ان شاء الله عجبتك نصيحتى،،،
| |
|
|
|
|
|
|
أخوك نزار مبارك أحمد (Re: محمد عبد الماجد الصايم)
|
وصلنى الايميل ادناه من الاخ نزار مبارك أحمد و هو يعكس قيم اهلنا فى تقدير كلمة الخير و فعل الخير و توصيله...... و أقول للاخ نزار انت منى و انا منك و نحن فى الانسانية أخوة.......واخوان لا نمن بل نعمل لعلى وولعلك نلتقى فى عمل اكبر وهذأ هو أصلنا....وما بعده الا الخير الكبير للبلد الكبير الذى ما زلنا نحيا وسط اهلى فى الخليج بما فعله من كان من قبلنا من سيرة طيبة و ذكرى حميمة لن ينسوها، فامتد اثرهم حتى الان يعطرنا برغم رحيلهم قبل أعوام وأعوام من هذه البلاد ومن هذه الدنيا.
رسالتك ادناه اعطتنى الامل فى اننا ما زلنا بخير و لا يبخل علينا الخير بماءه ما دام فينا امثالك الطيبون.
صديق -الدوحة ________________________________________________________________________________________________________________
بسم الله الرحمن الرحيم
الأخ العزيز صديق
السلام عليكم ورحمة الله وبركاته
لا تربطنا سابق معرفة أو زمالة ولكن بوابة سودانيس أون لاين هي المعبر لهذه العلاقة . فأنا من المتابعين للمنبر العام ومن أشد المتابعين له رغم عدم مشاركتي فيه . وتشدني فيه المساهمات الرزينة الحكيمة التي ينأي فيها صاحبها عن البذاءة والفحش وسقط القول ولعمري هذا ما تتصف به كتاباتك . كنت أود التداخل معك قبل فترة من الزمن ولكن الفرصة لم تسنح . وما دفعني للكتابة إليكم اليوم هو استجابتكم السخية والسريعة لمناشدة السيد هاشم الباحث عن العمل في قطر رغم عدم معرفتكم به كما يبدو وهذا والله مما يثلج الصدر و يؤكدأن الإنسان السوداني هو دائماً يتميز بالسماحة والتراحم والعطاء في زمن عز فيه مثل هذه الصفات وسادته روح الأنا . ولعل المعلومات المتوفرة في بروفايلك هي دليل على رغبتكم الجامحة في التواصل الشفيف مع الآخرين . أود في هذا المقام الإشادة بمبادرتكم الطيبة ولفتتكم الكريمة التي كان لها الأثر الكبير في نفسي . أسأل الله لكم التوفيق والسداد .
أخوك نزار مبارك أحمد أبوظبي موبايل: 00971504166039
من مدينة طابت الشيخ عبد المحمود
| |
|
|
|
|
|
|
Re: أخوك نزار مبارك أحمد (Re: Siddig A. Omer)
|
الأخ هشام
تحياتي يا سيدي الدوحة ترحب بيك، وكما ذكرت وأوضح الأخوة فإن دولة قطر تشهد طفرة في تقديري غير مسبوقة، في المنطقة حيث أن تتسم بالشمولية، وفق خطة استراتيجية مدروسة، الأمر الذي يجعل الطموح للعمل أمر مشروع ومستحب في تقديراتي الشخصية، فأهلا بك، وكما أوضح الأخوان الذين سبقوني يمكنك أن تقدم لأي من المؤسسات والشركات القطرية أو الأجنبية العاملة بالدولة، عبر مواقعها الالكترونية..
ومرة تانية أهلا بييك.
| |
|
|
|
|
|
|
Re: أخوك نزار مبارك أحمد (Re: Siddig A. Omer)
|
يا صديق
عليك الله أشكر لى نزار ده شديد وقول ليهو يا هو ده السودان
وعشان هو زول من طابت بلد الأدب والجمال قدر يعرف المعانى الجميلة دى
التحية لكل أهل طابت فردا فردا
وكتر خيرك كتير
أخوك هشام
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: khaleel)
|
دكتور هشام .. لم اقابلك وتمنيت ذلك .. ولكني قابلت ابناءك وهم في قمة الادب والتربية الجميلة .. وما اسعدني اكثر هذا الكم الهائل من الترحيب والناس في الزمن دة بتزوغ من اي واحد داير خدمة ؟ وما لمسته هو هذا الترابط الحقيقي في هذا المنبر الجامع بل هذه الجامعة التي تزرع بيننا المعرفة والحب والاخوة والترابط .. والرسالة التي بعثها احد الاخوة القراء للاخ الفاضل صديق رسالة فعلا معبرة وله ولكم جميعا الشكر .. ..
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: حيدر امين)
|
لمعنى الصداقه كلمة فوق الكلمات .. معنى فوق المعاني ..وأي كلمة ؟؟؟ كلمة تسرح بها في خيالك .. لعلك تصل الى بحر ليس له نهاية كلمة تحلم بها دائما .. تتمناها .. تتوق لتحقيقها الصداقة كالمظلّة كلما إشتّد المطر كلما إزدادت الحاجة لها الصداقة لا تغيب مثلما تغيب الشمس الصداقة لا تذوب مثلما يذوب الثلج الصداقة لا تموت إلا .. اذا مات الحب الصداقة ود وإيمان الصداقة حلماً وكيان يسكن الوجدان الصداقة لاتوزن بميزان ولاتقدر بأثمان فلابد منها لكل إنسان ๏°๏ثمار الأرض تجنى كل موسم .. لكن ثمار الصداقة تجنى كل لحظة ..
๏° ๏°๏°๏ ๏° ๏°๏°๏ ๏° ๏°๏°๏ ๏° ๏°๏°๏ الصداقة هي الوردة الوحيدة التي لا أشواك فيها .. ๏° ๏°๏°๏ ๏° ๏°๏°๏ ๏° ๏°๏°๏ ๏° ๏°๏°๏ الصداقة هي الوجه الاخر غير البراق للحب , ولكنه الوجه الذي لا يصدأ .. الصداقة عصفور بلا أجنحة .. فمن هو الصديق الحقيقي وهل يوجد صديق في هذا الزمان ؟
نعم ؟ هشام شيخ الدين "يازول يا زول "
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: يازولyazoalيازول)
|
يازول يارائع.. سلام وشوق..مع الامنيات لك بالتوفيق ...رغم انى حديث عهد بالدوحة يعنى سبقتك بشهور لكن اليوم لفت نظرى اعلان بصحيف الراية ص8.. تحت عنوان جهة حكومية ترغب فى توظيف مترجم.. المهام الاساسية للوظيفة,,الترجمة..وثائق رسائل قوانين بريد وارد..الخ التاكد من صحة ترجمة المصطلحات الفنية والقانونية او العلمية مع النص الاصلى تدقيق الترجمات التى يقوم بها الموظفين...الخ الشروط: بكالريوس اداب لغة انجليزية او دبلوم مناسب لنوع العمل خبرة لاتقل عن 5 سنوات مهارة واتقان اجادة استخدام الحاسب الالى الطلبات تقدم على البريد الالكترونى :[email protected] مع امنياتى لك بالتوفيق والسداد
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: WadAker)
|
يا زول كل سنة وانت طيب وان شاء الله تتوفق فى مسعاك وبعد داك بالله ادينا خبر عشان نحن اصحاب مهنة واحدة...مترجمين.. لكن انت عندك حاجات كثيرة بجانب الترجمة وان شاء الله البورداب ما حيقصروا فى الدوحة الجميلة وكثر خيرك يا صديق عهلى المواقع المفيدة ما تنسى يا زول تورينا اخبارك بعد الوصول
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: WadAker)
|
ود عكر
إنت مية مية
قمت بإرسال سيرتى الذاتية إليهم
حقيقة عاجز عن الشكر عن هذا التفاعل الغير مسبوق وقد قدمتم خيراً لخلق كثر وهذا والله فى حد ذاته لا يناله إلا رضى والدين من أمثالكم
بارك الله فيكم يا أهل الدوحة وأتمنى أن أعيش بينكم ولو حيناً من الدهر
تحياتى لكم فرداً فرداً
العجوز هشام
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: jini)
|
ينصر دينك يا جنى
تعرف يا حيدر أنا من شدة ما بتجوهل عايز ألبس ساعة بلاتوث زى بتاعتك عشان تقعد تهزهز لى إيدى لما الموبايل يكون بعيد عنى ، وما يلقى طريقة لى زول يلطشوا ، لأن المشكلة ما فى اللطش ، المشكلة فى الشريحة ، وشريحة ناس صديق الموج دى لحقت أمات طه ,
حيدر إنت زول جميل شديد خلاس والله
خايف ليك من العين ومن شر خلقو ، عشان كده عاجبنى (غتغتيتك) البتسوى لينا فيهو فى جده ده
جنى الجميل ، جنى الثقة ، سودانيتو ما ها مغتغتة ، والله واضحة على الملأ ،
عايز صديق الموج يحبطنا ،
والتحية مجددا لكل ناس الدوحة ، يا بلد المبدعين ، وشهداء المبدعين (اللهم أجعلنا منهم) ، وكل السودانيين الرايعين ، البى سودانيتهم متمسكين ، وبأصولهم عاملين ، وفى فعلهم جادين ، ولا بنحادوا على الضالين ، آمين
شكرا يا جنى (فشيتنى)
| |
|
|
|
|
|
|
Re: الأحباب السودانيين بدولة قطر الشقيقة أنا فى عرضكم (Re: يازولyazoalيازول)
|
والله يا هشام لو مشيت مننا هنا حنموت عديل كده
يعني زول زيك ده مفروض يكون منو كم نسخة
وتوزعهم على المدن
دوحة دبي خرطوم وكده
بس الاصل يكون معانا هنا يا اصيل
الواحد ما عارف يطلب تقلية ولا شاي بي لبن
خلينا في تيت تايوتا تيت تايوتا
لحدي ما نلحقك في دوحة السني
وانا جد بجيكم
انشاء الله عمرة ظاااااااااتوا
دوحتنا الحقتنا وليالي هنانا انشاء الله تعود ونتلم
يا هشام
| |
|
|
|
|
|
|
|