|
Re: هيثم مصطفى سيــدا .. اسألو العجــب (Re: محمد عثمان)
|
محمدج عثمان .. سلامات شديد والله ابيخ حاجة تكتب ليك رد يكون عاجبك وفجاة تحصل حاجة كدا تقنية تقوم تفقد المداخله قبلما تعمل ليها ارسال .. والله دا لاحصل بالضبط معاي لي مداخلتك دي ولو كتبت تاني مليون رد ما ح يعادل الكداخله ديك .. ياخ انا كاتبه ليك بي يديني الاتنين تخيل ..؟ ما زي جماعتنا المساكين ديل الواحد بيكتب ليهم بي اصبع يدو الشمال الوسطاني ويعمل ريفرش لي المداخله ويشوته .. خليني احاول ارد ليك تاني كان بتلفق:
Quote: انا طبعا ما اتفرجت على الكورة الغريبة حاسى بالراحة رغما عن الكاس للمرة الاولى يمشى للجماعة... فى اعتقادى الهلال يحتااج الى هذه الاستراحة من الممتاز لمراجعة الكثير فيما يخص الفريق و خطوطه المختلفة.. |
بالضبط يا محمد عثمان وبالمرة كمان عكست الحظ دي مدعاة للتأمل والناس تقعد تراجع حساباته في التسجيلات في الشطب وفي تاهيل الفريق بشكل كويس .. وعلى الاقل برضو الناس تدي فرصة لي غيره ونتمنى الدوري يكون فوقو نديه ما تكون صعلقه ساكت زي الحصل من الأمل عطبرة مع المريخ الموسم دا ومع الهلال الموسم السابق .. والأهلي مدني مع الهلال .. ويرتفع المستوى الفني يعني ما ممكن كل سنة الهلال يمشي يلعب مع اندية زي الأهلي المصري ويجي راجع علشان يلاقي ليهو اتيام يلم فيها يديها سبعة صفر والشمش فووق ياخ دي بتخلي الواحد زاتو يبقى اشتر عديل كدا .. Quote: بمناسبة موضوع هيثم لا اعتقد اساسا هناك اى موضوع واى زول لعب كورة وعاش فى جو المباريات يعرف عادة ما يحدث داخل الميادين من مناكفات و مناوشات بين اللعيبة و الذين هم فى اغلب الاحيان يكونوا اصدقاء و ربما ابناء حى واحد و ما يحدث داخل الميدان عادة ما ينتهى بانتهاء المباراة و تعود علاقات اللعيبة الى مجراها الطبيعى و مرات كمان بيمشوا يتعشوا و يذهبوا الى السينما مع بعض.. |
يا محمد عثمان والله البورد دا كلامو براهو .. ياخ الواحد ممكن يفتح موضوع جديد بعدما يسجل دخول .. ويكتب ليهو كلمتين في الكورة ويجي يمضي تحت منها ماردونـا وطوااالي بي وشـــو .. بعداك يجو اتنين تلاتة يقولو ليك والله الزول دا لعاب جنس لعب .. يازول والله دا ما ساعل ليك في (مدرونـا) زاتو .. شوف الجوبيك دا عليك الله .. اها دا الحال الحاصل هنا دا .. والله في واحدين الواحد لما يكتب ليهو حرفين في الكورة قبال ما تتم النقط حقته طوالي توديهو الماسورة وتجيب المصفى .. الما دقو الكفر ديل قالو اخير يجو ينظرو في الممبر دا .. ما كمان مكان بلاشي وما بي قروش والواحد عادي ممكن يبقى روماريو في رمشة عين بعدوك يا حبيبي ..
Quote: مشكلة المريخاب و لا اقول كلهم بالطبع ان اغلبهم لم يمارسوا كرة القدم من قبل و هذا ايضا واضح جدا فى قمة اعلامهم اذن من الطبيعى لا يعرف الكثيرون منهم خفايا و تفاصيل كرة القدم داخل الميادين اثناء المباريات..و كنتاج لهذا نجد المحصلة لما يحدث الان لتضخيم للامور فى مسائل عادية جدا تحدث داخل الميادين بين اللعيبة و مرات بين العيبة و المشحعين... |
دي مشكلة مشتركة يا محمد عثمان .. هلال مريخ .. وكل الأندية ياخ حسع دي وانا بكتب كلامي دا وحيات خوتك في اعلامي كبير جدا اتشعلق واتشعلق في الصحافة الرياضية ومسك المايك وقبل كم يوم جابوهو في التلفزيون عديل كدا بينظر في الكورة والله يا محمد لما كنا نحن بنلعب في الرابطة هو العيش ما كان بيرسلوهو ليهو طيب كيفن عاد الكلام دا ..؟ وتجي تقول للناس ديل والله نحن كنا بنعمل كورة الشراب وبندخل جواها حجـر يقولو ليك إنت جادي ..؟
Quote: افة البلد و العثرة الكبيرة التى تقف امام تقدمنا الكروى فى اعتقادى الخاص هو الاعلاام الريااضى و ان كان هناك قلة منهم يمتلكون المهنية العالية و الفهم الكروى المتقدم الذى يمكن ان يساعد فى بث الثقافة الكروية و الرياضية بصورة تخلو من الابتذال و التعصب الاعمى الذى عادة ما يخلق من الحبة قبة... |
كيفن لكن يا محمد عثمان طالما الصحفي الرياضي بيعمل ليهو جريدة وبيكتب فوقه بي عقلية المشجع بتاع المدرجات .. وممكن يتمادى اكتر من كدا ويشتم ليك اجعص إداري وأجعص لاعب ويروج لي اشاعات مقرضة ويفشي اسرار لي فرق خصوم خارجية .. عاادي جدا .. دا الاعلام شكلو عامل كدا وفهمو بالطريقة دي .. عندنا للاسف .. والاسف الاكتر من كدا أنو المشجع بيستمد قدراتو من اعلام زي دا والاعلامي في حركة دائرية ورباط وصل بينو وبين المشجع واللاعب كل واحد بياكل من تروس التاني وفي النهاية ممكن تلقاهم كلهم في المدرجات بيدردمو للحكم اياديهم ويطقعو بي بقايا قصب السكر .. ويشوتو قزاز الموية ويملصو فنايلم .. والواحد فوقم يجي يترصد ليهو كابتن فريق خصم .. ويجري وراهو ويسكو خمسة سنوات ..Quote: لك التحية اخ تمبس و مرة اخرى اقول ذهاب الكاس للمريخ فى هذا الموسم فيه خير كتير للقبيلة الزرقاء و اكيد ستنعكس هذه النتائج فى القريب العاجل... |
بالضبط يا محمد عثمان ونتمنى الموسم الجاي تجينا فرق من تحت خالص .. وتزاحم في المثلث الروتيني .. هنا بس ح نقدر نحس انو في اعلام رياضي واعي .. وجمهور مشرف .. ولاعب يحترم الملعب ويحترم خصومو قبال زملانو وإدارتو .. ما بعيد على الله الكلام دا يا محمد عثمان .. لكن البقنع لي ناس جر الحبل ديل منو..؟
|
|
|
|
|
|
|
العنوان |
الكاتب |
Date |
هيثم مصطفى سيــدا .. اسألو العجــب | tmbis | 11-18-08, 07:02 AM |
Re: هيثم مصطفى سيــدا .. اسألو العجــب | حمزاوي | 11-18-08, 07:09 AM |
Re: هيثم مصطفى سيــدا .. اسألو العجــب | tmbis | 11-18-08, 07:35 AM |
Re: هيثم مصطفى سيــدا .. اسألو العجــب | حمزاوي | 11-18-08, 09:02 AM |
Re: هيثم مصطفى سيــدا .. اسألو العجــب | tmbis | 11-18-08, 11:40 AM |
Re: هيثم مصطفى سيــدا .. اسألو العجــب | ارصد محمد جلال | 11-18-08, 07:14 AM |
Re: هيثم مصطفى سيــدا .. اسألو العجــب | tmbis | 11-18-08, 08:27 AM |
Re: هيثم مصطفى سيــدا .. اسألو العجــب | زول ساكت | 11-18-08, 09:40 AM |
Re: هيثم مصطفى سيــدا .. اسألو العجــب | tmbis | 11-18-08, 07:27 AM |
Re: هيثم مصطفى سيــدا .. اسألو العجــب | nazar hussien | 11-18-08, 07:43 AM |
Re: هيثم مصطفى سيــدا .. اسألو العجــب | tmbis | 11-18-08, 08:50 AM |
Re: هيثم مصطفى سيــدا .. اسألو العجــب | مجدي عبدالرحيم فضل | 11-18-08, 07:43 AM |
Re: هيثم مصطفى سيــدا .. اسألو العجــب | tmbis | 11-18-08, 09:14 AM |
Re: هيثم مصطفى سيــدا .. اسألو العجــب | محمد عثمان | 11-18-08, 07:46 AM |
Re: هيثم مصطفى سيــدا .. اسألو العجــب | tmbis | 11-18-08, 11:26 AM |
Re: هيثم مصطفى سيــدا .. اسألو العجــب | محمد البشرى الخضر | 11-18-08, 08:34 AM |
Re: هيثم مصطفى سيــدا .. اسألو العجــب | tmbis | 11-18-08, 12:03 PM |
Re: هيثم مصطفى سيــدا .. اسألو العجــب | عماد محمود علي | 11-18-08, 12:10 PM |
Re: هيثم مصطفى سيــدا .. اسألو العجــب | محمد عبد الماجد الصايم | 11-18-08, 09:01 AM |
Re: هيثم مصطفى سيــدا .. اسألو العجــب | حسن مضوي | 11-18-08, 09:12 AM |
Re: هيثم مصطفى سيــدا .. اسألو العجــب | tmbis | 11-18-08, 12:34 PM |
Re: هيثم مصطفى سيــدا .. اسألو العجــب | طلحة عبدالله | 11-18-08, 12:42 PM |
Re: هيثم مصطفى سيــدا .. اسألو العجــب | على محمد على بشير | 11-18-08, 09:18 AM |
Re: هيثم مصطفى سيــدا .. اسألو العجــب | tmbis | 11-18-08, 01:11 PM |
Re: هيثم مصطفى سيــدا .. اسألو العجــب | abas | 11-18-08, 09:55 AM |
Re: هيثم مصطفى سيــدا .. اسألو العجــب | nazar hussien | 11-18-08, 10:18 AM |
Re: هيثم مصطفى سيــدا .. اسألو العجــب | طلحة عبدالله | 11-18-08, 11:43 AM |
Re: هيثم مصطفى سيــدا .. اسألو العجــب | هجو الأقرع | 11-18-08, 12:25 PM |
Re: هيثم مصطفى سيــدا .. اسألو العجــب | هجو الأقرع | 11-18-08, 12:26 PM |
Re: هيثم مصطفى سيــدا .. اسألو العجــب | tmbis | 11-18-08, 12:59 PM |
Re: هيثم مصطفى سيــدا .. اسألو العجــب | omarmahdi | 11-18-08, 07:11 PM |
Re: هيثم مصطفى سيــدا .. اسألو العجــب | هجو الأقرع | 11-18-08, 11:18 PM |
Re: هيثم مصطفى سيــدا .. اسألو العجــب | هجو الأقرع | 11-19-08, 04:21 AM |
|
|
|