|
Re: دوما والأشواق.. (Re: انعام حيمورة)
|
ولا اعتقد يا دوما ان وقت الذهاب قد حان بعد!
نحن قوم كتب علينا في نهاية الأمر الذهاب الي مكان لا نعرفه..فلماذا نبعد من الذي نعرفه باحتيارنا؟؟
أشتاق لونسه فيها قعدة علي سرابر مرصوصه في حوش واسع.. سراير قاعده عليها اجساد كتيره تترج من الضحك المستمر.. وفي الونسه تسمعي كلام سمح وكلمات غريبه ما تفهميها.. واول ما توري انك ما فاهماها تلقي كل زول اتبرع بالشرح وضحك من عدم فهمك! اللمه يا دومه فيها مشاعر غنيه كتيره..
شوفتي لما المنبر ده هكروه كنا كيف؟؟ كنا منزعجين ومتوحدين في مشاعر الغضب والضيق.. كنا زي في الأحياء الشعبيه لما يوعدوها الحراميه بالزيارات قبل الفجر.. مش تلقي شباب الحي وقفوا بعكاكيزهم حارسين البيوت؟؟ اها المنبر يا دومه فيه ناس بنفس الشهامه.. شوفتي ود الصايم ومجدي وباقي الشباب كانوا حارسنوا كيف؟؟ احنا هنا كأننا حقيقي ساكنين في بيوت من طين واسمنت.. وجنب بيوتنا خيران وفيها كلاب لا بتمسك حرامي لا بتخوفه.. بس بالكتير تهوهو! وبيوتنا واحدات فيها حاجات غالية الثمن..وتانيات ما فيهن..لكن في النهايه كلها قيمه وكلها حقوق..مابيخلوا الحرامي يشيلها كده بالهين.. .............. ..........
يادومه..لو كل مره نحرد..التانين بيزعلوا..وتصدقي ما بيزعلوا بس من الخلانا نحرد..بيزعلوا مننا اكتر..لانهم بيشعروا اننا اتخلينا عن الكل.. تتذكري كلام تمبس ليك؟؟ اها تمبس ولدك ده..اسه بيكون زعلان منك..ومتأكده انك بتكوني فاهمة اساس زعله.. وأؤكد ليك زي تمبس في تانيين كتير.. ............... .............
زي ماقالت روزمينا.. بتي وبتك.. انا وصلت لمرحله كان أمر الذهاب من هنا علي قوب قوسين أو أدني.. وكان ضعف مني قدام سخف تاني برضه..وعارفه سخف الناس البايخه الواحد متعود منهم السخف ما بيأثر...قدر سخف الناس البنعزهم.. في لحظات زي ديك يا دومه الواحد بيسأل نفسه..وفايدة القعاد شنو مادام الكنا قايلين الغلط ما بيجي منهم بيجي زي ما بيجي من المتعودين علي غلطهم؟؟
سؤال مهم...موش؟؟ لكن برضه الأهم في لحظتها.. اننا ما نحاكم الباقيين البنثق فيهم بنفس حكمنا علي المصدومين فيهم..ولا شنو؟؟ ولما نمشي..بنكون تركنا رساله بتقول.. كلكم زي بعض! ........... .............
قعدت يا دومه علشان الناس البحبهم وبيحبوني من قلوبهم.. ولأني انسان محتاج في غربته لمكان زي سودانيزاونلاين.. أتواصل فيه وأكتب ما اريد دون أذي..وأقابل الناس البيحيوا فيك ريحة تراب السودان وشوارعها المليانه حفر وعاجبانا.. وفولها البياكلوه قدام الدكاكين وأي حاجه عشناها هناك.. انتي كلمو وطن لمن لا وكن له قايلاها ما حقيقه؟؟ سمح يا دومه هو الوطن ممكن يكون بدون ناس؟؟
.............. ..............
Quote: امي حبيبتي دومة ...
منذ اول لحظة التقيتها ادتني احساس الامومة كاملا وحتي اللحظة ..
حلوة هي علاقات الصداقة التي تربطنا مع بعض هنا ..
وتتباين الاحاسيس والمشاعر من اخوة وندية الى احترام
وامومة ...
اخجل ان اناديها باسمها (حاف) .. وحتى لقبها (دومة) لا
استطيع ان انطقه قبل ان اردفه بماما...
عشان هي بتقول لي (بت كبدي) اها في تعبير اقوي ولا انبل من كدة ... !!!
ماما دومة شخصية فريدة في عصرنا هذا ...
ومع يا طير .. بنقول ليك عود لينا يا ليل الفرح !!
منى خوجلي .. تقاسمين ماما دومة نفس احاسيسي التي سطرتها..
الله يخليكم لي يارب
___________ |
شكرا يا نعومي علي الأغنيه.. واقول ليك يا دومه الأغنيه دي بتبكي عديل..فيها محنه ماعاديه.. نزلتها انعام أول مره في بوست ذكر وأنثي.. وجه أبي عزالدين نزلها لينا بدون أوركسترا..روعه ولأننا بنجبك وبنحبها جبناها ليك..
تسلمي نعومي
|
|
|
|
|
|
|
العنوان |
الكاتب |
Date |
دوما والأشواق.. | Muna Khugali | 11-03-08, 09:38 PM |
Re: دوما والأشواق.. | Muna Khugali | 11-03-08, 09:45 PM |
Re: دوما والأشواق.. | Emad Abdulla | 11-03-08, 10:01 PM |
Re: دوما والأشواق.. | Muna Khugali | 11-04-08, 02:53 PM |
Re: دوما والأشواق.. | Muna Khugali | 11-03-08, 10:05 PM |
Re: دوما والأشواق.. | انعام حيمورة | 11-03-08, 10:13 PM |
Re: دوما والأشواق.. | Muna Khugali | 11-07-08, 02:16 PM |
Re: دوما والأشواق.. | Abdelmuhsin Said | 11-03-08, 10:12 PM |
Re: دوما والأشواق.. | Muna Khugali | 11-26-08, 11:13 PM |
Re: دوما والأشواق.. | انعام حيمورة | 11-03-08, 10:31 PM |
Re: دوما والأشواق.. | maia | 11-04-08, 06:37 AM |
Re: دوما والأشواق.. | عواطف ادريس اسماعيل | 11-04-08, 06:46 AM |
Re: دوما والأشواق.. | Muna Khugali | 11-04-08, 10:51 AM |
Re: دوما والأشواق.. | rosemen osman | 11-04-08, 02:59 PM |
Re: دوما والأشواق.. | Yassir Tayfour | 11-04-08, 03:49 PM |
Re: دوما والأشواق.. | Muna Khugali | 12-22-08, 10:58 PM |
Re: دوما والأشواق.. | Muna Khugali | 11-27-08, 00:13 AM |
Re: دوما والأشواق.. | هند محمد | 11-04-08, 06:07 PM |
Re: دوما والأشواق.. | Muna Khugali | 12-24-08, 01:43 PM |
Re: دوما والأشواق.. | ismeil abbas | 11-05-08, 05:30 PM |
Re: دوما والأشواق.. | طارق ميرغني | 11-06-08, 11:30 AM |
Re: دوما والأشواق.. | Faisal Al Zubeir | 11-07-08, 09:06 PM |
Re: دوما والأشواق.. | كمال سالم | 11-26-08, 11:29 PM |
Re: دوما والأشواق.. | ناهد بشير الطيب | 11-26-08, 11:38 PM |
Re: دوما والأشواق.. | خالد العبيد | 11-26-08, 11:48 PM |
Re: دوما والأشواق.. | Sana Khalid | 12-24-08, 05:11 AM |
Re: دوما والأشواق.. | مجدي عبدالرحيم فضل | 12-24-08, 02:15 PM |
|
|
|