|
Re: عتل كتل بي عود الكتر (Re: ممدوح أبارو)
|
وقف حسن مغلوباً علي أمره يندب حظه العاثر ويقول لنفسه:
*حسي أكان لقيتا براي ما كان فارقت عطية؟ بس نقول شنو الواحد حظوا ذي وشو،
ياخ أنا ذاتي غلطان البخليني أحفر قدام الراجل الطماع ده شنو؟
هي لكن أنا بعلم بالمصيبة دي ؟ أحححح وأخز يعض شفتيه ندماً.
تركه عثمان مع تهيأته وأسرع صوب دار جدته لأمه آمنه لينبئها بما حدث
*يمه آمنه بدور أحدثك بي حديث بس ما توري بيه زول سمح؟
*كلام شنو يامسخوت قول وليك اللمان
ردت جدته بخبث بائن أحسه في كلاماتها إلا أنه لا يملك سوي إخبارها
وبالحقيقة كاملة كما عهدته, فأفرق ما بجعبته بأذنيها وهي تبتسم
تارة وتغبط جبينها تارة أخري ،حتى إذا ما فرق قبلته بنظرة حانية
ومسحت علي جبينه بيدها وهي تقول :
*ذي ما قال جدك ما تجيب سيرة لي زول بالموضوع ده حتى أمك زاتا.
في الجانب الآخر كان حاج أحمد يحاول جاهداً إخفاء الغنيمة عن زوجته الصغرى حنان،
التي ما إن رأته يعبث داخل دولابه الخشبي العتيق (السحارة ) حتى إنهالت عليه بالأسئلة :
*ده شنو ده البتدس فيه يالحاج ومالك ذي السارق ليك سريقه تتلبد؟
فاجأه صوتها فأنتفض كمن لسعته حيه
*بسم الله ولا حوله ولا قوه إلا بالله ، ياوليه أنا ما قلت ليك تاني ماتجي داخله فوقي ذي الضل؟
بتدوري تكتليني ولا رايك يعني؟
*هي لكن
*مالكن ولا غيرو
قاطعها وهو يغلق (سحارته) بإحكام قم أردف
*أمشي سوي لينا شيتا ً ناكلو.
![](http://www.sudaneseonline.com/u1/pur05a24d541cab5813.gif)
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
عتل كتل بي عود الكتر | ممدوح أبارو | 10-10-08, 07:57 PM |
Re: عتل كتل بي عود الكتر | كمال علي الزين | 10-10-08, 08:21 PM |
Re: عتل كتل بي عود الكتر | ممدوح أبارو | 10-10-08, 08:32 PM |
Re: عتل كتل بي عود الكتر | ممدوح أبارو | 10-10-08, 08:26 PM |
Re: عتل كتل بي عود الكتر | اميمة مصطفى سند | 10-10-08, 08:42 PM |
Re: عتل كتل بي عود الكتر | ممدوح أبارو | 10-11-08, 08:10 AM |
Re: عتل كتل بي عود الكتر | ممدوح أبارو | 10-10-08, 08:43 PM |
Re: عتل كتل بي عود الكتر | ممدوح أبارو | 10-11-08, 05:05 PM |
Re: عتل كتل بي عود الكتر | ممدوح أبارو | 10-11-08, 06:22 PM |
Re: عتل كتل بي عود الكتر | ممدوح أبارو | 10-12-08, 09:09 PM |
Re: عتل كتل بي عود الكتر | العوض المسلمي | 10-11-08, 08:23 AM |
Re: عتل كتل بي عود الكتر | محي الدين جبريل | 10-11-08, 12:02 PM |
Re: عتل كتل بي عود الكتر | ممدوح أبارو | 10-11-08, 05:29 PM |
Re: عتل كتل بي عود الكتر | ممدوح أبارو | 10-11-08, 05:10 PM |
|
|
|