الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 سواق الحافلة (Re: اسامة الخاتم)
|
يومداك بالمساء كدا و الانوار بدت تضى و تنطفى فى السوق الكبير, كان فى كتاحة تكبر شوية شوية و تنقص شوية شوية.. الكتاحة شاغلتنا و غمزت عيونا.. ضلمت شوية و شاغلتنا تانى المرة دى بلكزة صغيرة طيرتنا,,.. و طيرت معاها حافلات حنتوب و الدباغة, فى الموقف اختفت الحافلات و اختفى معها بائعى المخلايات, طبعا يا جماعة الحكومة منعت اكياس النايلون فى مدنى- الجزيرة كلها افتكر- قالوا الحكومة حريصة على صحة المواطن و على صحة الماشية- عشان كدا طوالى منعو الاكياس و احنا صدقنا الحكومة( دا موضوع عايز ليه بوست براهو) ما علينا...
انا كنت وسط الهبوب اللى بدت تروق شوية كنت بفتش للود بتاع المخلاية عشان اشترى واحدة بى الف اخت لي فيها عيش بى الفين.. ما لقيت الود ولا الحافلة الماشة حنتوب.. اها بعد تحريات كدا اكتشفت انو الحافلات بتقيف هــنــاك بعيد من الموقف و الناس تقوم تكابس الحافلة, و انت و حظك
ما قت ليكم بلدنا دى لزيزة
اها و بسرعة كدا لميت لى فى جريدة و بتاع العيش فارشو فوق درداقة كدا و بكورك وسط الحرب دى( رغيف سخن و جديد) اشتريت بى الفين 8 رغيفات بلدى و لفيتم بالجريدة.. بتاع العيش قال لى انا متذكرك( زمان مرة كدا جطت معاه فى الرغيف لانو الوقت داك كان ببيع رغيف لا جديد و لا كان سخن) قال لى المرة دى هدا سخن و جديد. قت ليه المشكلة ما الرغيف هسى المشكلة فى الحافلة وقف كدا و فكر شوية ثم نظر بعيدا و قام اشر لى و قال لى هديك واحدة هــنــاك اجرى اجرى هناك واحدة وقفت بعـيد. المطرة بدت تنقط الساعة كانت حوالى 7 و نص مساء, اها انا جريت فعلا و لقيت لى كمان مقعد قدام جنب السواق, الحافلة اتملت لمن دفقت فى ثوانى.. لكن السواق ما موجود, اختفى وسط الجموع. الحافلة كانت مدورة. و بدا البحث عن السواق.. جينا نضرب البورى.. طلع البورى ما شغال.. بعد فترة كدا و الناس اتضايقت و المطرة زادت شوية ظهر اخينا شايل ليه بطيخة. و ركب و كمان شاكل الناس
السواق: انتو مالكم الزول يعنى ما يشترى ليهو حاجة من السوق
نظر كل ركاب الحافلة تجاهى و كانهم يفوضونى اتكلم باسمهم و اشيل وش القباحة و بعد التوكل على الله قت ليه: ياخى ما انت شحنت و اختفيت و الناس دى اتضايقت. انت غلطان طبعا
السواق: انا اصلو ما بغلط و لا بعرف الغلط
انا: لا غلطان هسى انا تخلينى انزل اشترى لى حاجة.. بتنتظرنى.
السواق : لا طبعا ما ح انتظرك
انا: اشمعنى طيب ما انت زول و انا زول.
السواق : يا كابتن انا ما غلطان
انا: ايوة انا الغلطان انى اصلا اتكلمت معاك, الغلطان انا
وافق السواق على انو انا الغلطان و سكت الجميع و انطلق يهدر بنا على غير هدى, جرى شديد و زعل شديد
المهم وصلنا كبرى حنتوب بسرعة و كانت حنتوب غارقة فى الظلام. الهواء وقف و المطرة كمان لكن الكهرباء ما رجعت الا بعد ساعات طويلة, حمدنا الله على لسان خالد ولدى القال الحمد لله جابو الكهرباء, وكل واحد اتجه فينا بصمت شديد الى سريره داعين الله ان يديم علينا نعمة الكهرباء و نعمة سواقين الحافلات اللى لا بغلطوا و لا بعرفو الغلط
و دمتم
|
|
 
|
|
|
|
|
| العنوان |
الكاتب |
Date |
 مشاهد و إشكالات يومية | اسامة الخاتم | 10-07-08, 10:56 AM |
| الخريف و قول يا لطيف | اسامة الخاتم | 10-07-08, 11:03 AM |
| Re: الخريف و قول يا لطيف | اسامة الخاتم | 10-07-08, 11:26 AM |
| Re: الخريف و قول يا لطيف | اسامة الخاتم | 10-07-08, 11:37 AM |
| Re: الخريف و قول يا لطيف | اسامة الخاتم | 10-07-08, 12:54 PM |
| Re: الخريف و قول يا لطيف | Fathi Ali Mohammed | 10-07-08, 01:09 PM |
| Re: مشاهد و إشكالات يومية | اسامة الخاتم | 10-07-08, 01:50 PM |
| البنوك و ما أدراك ما البنوك | اسامة الخاتم | 10-07-08, 03:39 PM |
| Re: مشاهد و إشكالات يومية | اسامة الخاتم | 10-07-08, 03:51 PM |
| مدنى بعد العيد | اسامة الخاتم | 10-08-08, 07:37 AM |
| ناس الاوقاف و الضرايب و .. و... و... | اسامة الخاتم | 10-08-08, 04:42 PM |
| Re: مشاهد و إشكالات يومية | اسامة الخاتم | 10-08-08, 04:57 PM |
| ستات الشاى | اسامة الخاتم | 10-09-08, 07:20 AM |
| Re: مشاهد و إشكالات يومية | اسامة الخاتم | 10-09-08, 10:22 AM |
| Re: مشاهد و إشكالات يومية | Fathi Ali Mohammed | 10-09-08, 01:20 PM |
| Re: مشاهد و إشكالات يومية | اسامة الخاتم | 10-09-08, 03:46 PM |
| Re: مشاهد و إشكالات يومية | اسامة الخاتم | 10-11-08, 09:00 AM |
| Re: مشاهد و إشكالات يومية | اسامة الخاتم | 10-12-08, 10:31 AM |
| الكسرة و الكسور | اسامة الخاتم | 10-12-08, 12:46 PM |
| Re: مشاهد و إشكالات يومية | اسامة الخاتم | 10-12-08, 02:42 PM |
| سواق الحافلة | اسامة الخاتم | 10-12-08, 03:47 PM |
| Re: سواق الحافلة | Khalid Saeed | 10-12-08, 05:27 PM |
| Re: مشاهد و إشكالات يومية | اسامة الخاتم | 10-20-08, 12:30 PM |
| الهكرو بينا | اسامة الخاتم | 10-20-08, 01:53 PM |
| Re: مشاهد و إشكالات يومية | اسامة الخاتم | 10-21-08, 08:18 AM |
| وضع صعب | اسامة الخاتم | 10-21-08, 08:29 AM |
| مكيف الموية | اسامة الخاتم | 10-21-08, 08:58 AM |
| Re: مشاهد و إشكالات يومية | اسامة الخاتم | 10-27-08, 02:51 PM |
 أنا و الجيران | اسامة الخاتم | 10-28-08, 09:45 AM |
| Re: مشاهد و إشكالات يومية | اسامة الخاتم | 11-02-08, 02:34 PM |
|
| |
اسامة الخاتم
فيس بوك
تويتر
انستقرام
يوتيوب
بنتيريست