راي خبراء الازياء و الجمهور في ازياء (ميشيل اوباما)!!
قيل حوالي 60% من الجماهير لم يعجبهم فستانها بتاع يوم الفوز وانا منهم. فانا اكره الاحمر و الاسود وبالذات للسمر . بينما 40% قالوا بان مظرها جيدا!! وانا لست منهم. انا ارى انها كانت شعبية المظهر وهذا لا يليق بالسيده الاولى لبلاد مثل امريكا ترسخت فيها مفاهيم عن الملابس الرسميه و الملابس الكاشوجال منذ قديم الزمان. ونسيت انها اول سوداء تتقدم لكاميرا ت بمنصب مثل هذا. ايضا لم يعجبني اطلاقا فستانها البنفسجي يوم فوزه بترشيح الديمقراطين كان نكسة آخرى. يعني حكاية الاكمام العريانه دي مكانها الحفلات الخاصه ايه الطبظات دي؟؟؟!!! الم ترى كوندليزا رايس كيف تلبس؟؟؟؟ الم ترى هيلاري كلينتون؟؟؟؟؟ وحتى المتعوسة سارة بالين؟؟؟ ونجيء للزوجات الم ترى سندي مكين؟؟؟؟؟ لورا بوش؟؟؟ كل هؤلاء يحرصن على مظهر راقي و محتشم اكثر من ميشيل للآن. فما السبب؟؟؟!! وكله كوم ويوم لابسه تي شيرت كوم ثاني؟؟؟!! طلع الضراعات يا بت خالتي والله ما راقي وبالذات في تجماعات رسميه مثل هذه. ثانيا: خبراء الموضه لا يجب ان نستمع لهم استماع كامل لابد ان نضع بصماتنا وخيارتنا حول كل ما نلبس. وغايتو الله يعينا لكن اعتقد النقد الاعلامي الواضح الوصلها يخليها تنتبه للهباب البتهبب فيه ده,وحتغير خبير الازياء الكانت بتثقف فيه ووتعامل معاه. ميشل امرأة ليست سهله اثق ان لمساتها وبصماتها في حياة اوباما كبيره ولا انسى انها المحاميه التي جاء متدرب تحت اشرافها. واعتقد كانت مستمعه جيده وخافت ان تضر بزوجها فتراجعت عن كلامها الهو كان حقيقه لكن طبعا طبقة الجلابه الامريكان بلعوها لسانها حوله لما قالت( للمرة الاولى في حياتي انا فخورة ببلادي )!!!!! ,ما قلته هو احساس كل السود الامريكان,لكن كان لازم تاكل بعقلهم حلاوة وتتراجع عشان راجلها يفوز..... وفعلتها فمبارك لها المكر السياسي ضروري احيانا . اها بت خالتنا دي ما عندها عوجة تب بس تغير مستشار ازيائها هذا. وربنا يعينها على طولة لسان الاعلامين و الجمهور من مناضلي الكي بورد على ذكرى طولة اللسان قبيل اخونا هنا عبد العظيم قال عايز يقص السنتنا ويعلمنا انه الناخب السوداني طبعا يتحدث عن( شريحته) لن يختار (اوباما/يه) سوداني/ه من نوع الناس اللسانها طويل هنا. يقصد كل من قال جلابه اها انا بقول له لسانا طويل وحيظل عارف ليه؟؟؟!!! يا اخوي بحقنا...أولا نحن غالبيه وقع لك نحن شنو؟؟؟غالبيه!!!! نحن المهمشين في السودان لسنا اقليه. ثانيا نحن اسياد بلد نقعد ونقوم على شنو ؟؟؟؟على كيفنا لا جينا مهاجرين ولا نازحين ولا عابرين...افارقة السودان البيطالبوا بالسلطه و الثروة هم اهل البلد الاصلين يعني حركات هيلاري ومكين وسارة بالين العملوها في اوباما دي ما بتمشي علينا شوفوا لكم اسطوانة آخرى. الذين نتحدث باسمهم هنا ونبدو اقليه هم في صناديق الاقتراع اغلبيه. انتو جيبوا المؤسسيه و النشوف البجي منو؟؟؟؟ ولسانا طويل ومستعدين لكتابة تاريخ بلادنا من اول وجديد واي سياسي ما بقول الكلام الواضح الزي ده نحن ما معاه. جلابه لم نعني بها يوما كل الشمالين وانما نعي بها الانتهازيه من كل الاعراق و القبائل مثلا ممثل حكومة الجنوب بالقاهرة جلابي درجة اولا لام كول جلابي درجه اولى. د.جون اكيج(سفيرنا سابق بواشنطون وبسويسرا حاليا) جلابي درجه اولى. اولاد دارفور الجلابه (حسين آدم الحاج) مثالا و ....عييييييييك....... ما تعدش كثار. ناس الشرق الجلابه(محمد طاهر آيله) و..... عيييييييييييك.......... ما تعدش. جبال النوبه الجلابه....عيييييييييك...... ما تعدش. كل من بارك الانظمه المتخلفه التي حكمت وسيطرت وهمشت ثقافات السودان الآخرى و كل من سمح بتمرير مخطاطات تعريب السودان هو جلابي. وكل من لا يعرف ان يفصل بين ميوله وثقافته المفروضه عليه وحقوق الغالبيه المغيبه بالسودان لليوم هو جلابي. كل من يدعي ان السودان و الفكر الذي يلائم اهله يا (my way or the high way) هو جلابي. يبقى يا عبد العظيم لا تحلم يا اخي بان نقص لسانا وشدة ما لسانا طويل وما بتقصه حسه في زول بيصدق تراجي مصطفى (المهمشه) عايزه تفتي بعين قويه في اناقة ميشيل اوباما!! (عدل بواسطة Tragie Mustafa on 11-09-2008, 06:54 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]