|
عندما إتهكرت يا موقع .. كركرت* رشيدة
|
رايتها في التبروقة* جالسة واياديها مرفوعة ومفتوحة كدفتي كتاب منخرطة في دعاء عميق سمعتها تبتهل : { يارب انصر بكري ابوبكر وعجل بعودة الموقع حتى ارتاح من بركوتا ويتلهي عني }
كانت تلك لحظة فارقة أو يمكنك إعتبارها رشة ماء بارد كتلك التي تطير الفي راسك وتفوقك دعائها ، وابتهالها العميق صحاني ف واضح انا أرهقتها جدآ بنزقي وضيقي طيلة ايام الإنقطاع
سألتها : في شنو؟ مالك ؟
وبالجد انا ماكنت عارف بالضبط كده عملت أو هببت شنو
ما جاوبت لكن واصلت ادعيتها: { بركة سيدي ومولاي سودانيز يرجع ونرتاح منك }
نرتاح منك ؟ لي شنو وسويت ليك شنو ؟
ياخ كرهتنا البيت كنت مرتاحة اديره بمزاجي وأعمل الفي مزاجي لغاية ماشفتك اليومين ديل متحكر معانا ومكرهنا أفتح مسلسل { لامكان لاوطن } تغيره إلى الجزيرة ومرات العربية تتابع أخبار مكرورة
امشي للخاسر الأكبر البستفيد منو في برنامج الرياضة تجي تغير عشان برشتونة*
اتونس مع صاحبتي* في التلفون ترخي أضانك تتسمع وكمان بدون خجلة ، تعلق
وكمان بقيت تعمل الحاجات البعملا انا تتصل بالتومات ودينا واليوم* شايفاك متصل بي ساندرا تبارك ليها يوم ميلادها وبدون ماتنسق معاي ، يعني نظام عايز تحرجني معاها من متين يا حسين ؟
في شنو ؟ سألتني
مافي حاجة ، بس لقيت عندي وقت فقلت اساعدك في مهامك شوية
لا ، شكرآ ،، ماعايزة أي مساعدة منك
خليك في دائرة إهتمامك وخليني لإهتماماتي انا بجيي أقعد معاك اليوم كلو في النت ؟
ماهو سودانيز اونلاين هكرو وماممكن ندخل
كر*
قالتها بأسف حقيقي وحزن ما بيغباني
وقالت: اتارييييك!
ده كلو ماكنتو عارفو كنت قاعد في نفس الولية
لولا ان سمعتها بتنده وتدعي لما عرفت ولتحطم راسي بطلقة داوية او إنخلعت بخلع
------------------------ * - كركرت : اي قالت كر { مشروحة فيما بعد } - التبروقة : وبرضو ممكن تقولو التبروكة وهي مصلاية السعف البتشبه البرش - برشتونة : هكذا تسمي نادي برشلونة ، إزدراءآ به وكراهة في الكورة - صاحبتي : اها دي مصيبة أخرى قد أحكي عنها ذات يوم - اليوم : 18 أكتوبر يوم ميلاد ساندرا - كر : بضم الكاف وكلكم سمعتوها من امهاتكم { رضي الله عنهن وارضاهن } وهي بالإضافة لإستخدامها المعروف تستخدمها مرات للتشفي
و نواصل
|
|
|
|
|
|
|
العنوان |
الكاتب |
Date |
عندما إتهكرت يا موقع .. كركرت* رشيدة | أبو ساندرا | 10-20-08, 11:08 AM |
Re: عندما إتهكرت يا موقع .. كركرت* رشيدة | أبو ساندرا | 10-20-08, 11:22 AM |
Re: عندما إتهكرت يا موقع .. كركرت* رشيدة | شادية عبد المنعم | 10-20-08, 11:36 AM |
Re: عندما إتهكرت يا موقع .. كركرت* رشيدة | mahitab barakat | 10-22-08, 09:50 AM |
Re: عندما إتهكرت يا موقع .. كركرت* رشيدة | شادية عبد المنعم | 10-22-08, 11:24 PM |
Re: عندما إتهكرت يا موقع .. كركرت* رشيدة | أبو ساندرا | 10-20-08, 12:07 PM |
Re: عندما إتهكرت يا موقع .. كركرت* رشيدة | شادية عبد المنعم | 10-20-08, 04:38 PM |
Re: عندما إتهكرت يا موقع .. كركرت* رشيدة | سلمى الشيخ سلامة | 10-20-08, 06:24 PM |
Re: عندما إتهكرت يا موقع .. كركرت* رشيدة | شادية عبد المنعم | 10-21-08, 02:35 AM |
Re: عندما إتهكرت يا موقع .. كركرت* رشيدة | أبو ساندرا | 10-21-08, 11:55 AM |
Re: عندما إتهكرت يا موقع .. كركرت* رشيدة | أبو ساندرا | 10-22-08, 07:03 AM |
Re: عندما إتهكرت يا موقع .. كركرت* رشيدة | أبو ساندرا | 10-21-08, 08:13 AM |
Re: عندما إتهكرت يا موقع .. كركرت* رشيدة | شادية عبد المنعم | 10-22-08, 06:40 AM |
Re: عندما إتهكرت يا موقع .. كركرت* رشيدة | عاطف عمر | 10-21-08, 05:52 AM |
Re: عندما إتهكرت يا موقع .. كركرت* رشيدة | أبو ساندرا | 10-22-08, 09:50 AM |
Re: عندما إتهكرت يا موقع .. كركرت* رشيدة | waleed dawash | 10-21-08, 02:35 PM |
Re: عندما إتهكرت يا موقع .. كركرت* رشيدة | أبو ساندرا | 10-23-08, 07:37 AM |
Re: عندما إتهكرت يا موقع .. كركرت* رشيدة | منتصر الامين | 10-22-08, 06:49 AM |
Re: عندما إتهكرت يا موقع .. كركرت* رشيدة | ابراهيم عدلان | 10-22-08, 07:00 AM |
Re: عندما إتهكرت يا موقع .. كركرت* رشيدة | أبو ساندرا | 10-22-08, 04:34 PM |
Re: عندما إتهكرت يا موقع .. كركرت* رشيدة | waleed dawash | 10-23-08, 07:10 AM |
|
|
|