|
.. أنا بقي مرّيخــابى ..!!
|
خالو صلا ح ... خالو صلاح ..!! نعم ! أنا بقيت مريخابى .. فاجأنى إبن أختى (الباشق) بهذه العبارات وأنا أدلف إلى منزل شقيقتى الحمراء صفاء مهنئاً بالعيد والكأسين . وتذكرت على الفور ما كتبه الأخ الصحفى الرياضى صلاح دهب فى عموده عقب فوز المريخ بالكأسين فقد ذكر فى عموده أن معظم الجيل الحالى يشجعون المريخ وأن الهلال قد فقد قاعدة كبيرة فى السنوات الأخيرة وخصوصا هذا العام وذكر أن إبنه المشجع الهلالى الصغير أحمد قد تحول إلى مريخابى ..!! وصرخ منادياً فى عموده أن يا هلالاب إدركوا هذا الجيل فقد أصبح كل هذا الجيل مريخاب ..!! وبالمقارنة ... وجدت أن حديثه يمثل حقيقة واقعة فإبنى (بسبوس) قد تحول بمحض إرادته يا عبد اللطيف تحول إلى مريخابى كبير جداَ... ولا أنسى إبن خالتنا الكبير البالغ الراشد العاقل الباشمهندس أحمد أبودية الذى قال لى : أنا حارق أعصابى ومارض قلبى فى شنو؟ ما فى سبب واحد يخلينى أشجع تيم جنازة زى ده ديل خمسة بلنتات ما قدروا يجبوا منها قون واحد !! ولا ننسى أخوانا البورداب !! لكل من إفتقد وإشتاق طعم النصر والفرح ... ولكل من جافاه المنام سهراً وسهاداً وأرقاً بسبب فريقه المتهالك ... ندعوك ومعك آخرين ... ألحق نفسك .. وصون صحتك وقلبك ... وأفرح ذاتك وأهلك وإستمتع ... وأبقى مريخابى .. فالمريخ عالم جميل !!
|
|
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
Quote: ألحق نفسك .. وصون صحتك وقلبك ... وأفرح ذاتك وأهلك وإستمتع ... وأبقى مريخابى .. فالمريخ عالم جميل !! |
يا صلاح لازم معاينات انت قايل الانتماء للصفوة بهذه السهولة؟..في ناس كده ما بنفعوا معانا أي زهجة قوارير الموية تتطاير..نحن ناس هيبة نحن ناس نجمة..
| |
|
|
|
|
|
|
Re: .. أنا بقي مرّيخــابى ..!! (Re: الحاج حمد الحاج)
|
Quote: يا صلاح لازم معاينات انت قايل الانتماء للصفوة بهذه السهولة؟..في ناس كده ما بنفعوا معانا أي زهجة قوارير الموية تتطاير..نحن ناس هيبة نحن ناس نجمة.. |
أخى الحاج
كل سنة وإنت طيب ..
الكلام واضح ...
الرشاشات للتنفيذ !
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
صلاح أبو دية سلام كل سنة وانت طيب والأهل والأقارب وجميع من تحب القابلة تتحق أمانيكم باذنه العلي القدير
أصلا لا يوجد هلالابي بالفطرة كلهم شالتم زعلة وسوء تفاهم بسيط من معسكر الجمال المريخي إلى حيث الضلال الهلالي وبناء عليه فالاجيال في تناسلها الأبدي تحمل الجينات الحمراء وتهيم في حب الوهاج بالوراثة .
| |
|
|
|
|
|
|
Re: .. أنا بقي مرّيخــابى ..!! (Re: محمد البشرى الخضر)
|
ود البشري يا حبيب
ابو اديه العثل
طلوح حبيبي
كل سنة وانتو طيبين والقابله نتلاقي في عرفات
قومو لفو يا مريخاب علي ثول ود البشري
خمسه سنه والسودان كلو بقي مريخاب
ويا طلحه السودان كلو هلالاب وهلالاب زعلانيين ما تخطف الاصل
مبروك عليكم الكاسين السنه دي والسنه الجايه انشاء الله سيحه يطير
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
Quote: الباشمهندس أحمد أبودية |
عاطر التحايا لحبيبي وأخي أحمد .. قول ليهو طلال حلفابيهديك التحاياوالأشـواق ويرحب بك في عالم المريخ الرهيب .. مش حتقدر تغمض عينيك ! ___________________ لكن ما وريتنا رأيك في الشغل الحصل امس:
بالنهـار عقد مليـاري وبالليل جري بالوحدات سـداري اللهم ادمها نعمه (المريخ) واحفظها من الزوال ..
لك التحايا أبودية
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
ود بحري سلام
زي ماقال الحاج حمد .. لازم تكون في معاينات
يعني واحد زي عابدون محمد عابدون يجي يقول
أنا مريخابي كدا نقوم نقبل بيه..مش ممكن أبدا
لا وألف لا
فعلا المريخ عالم جميل لايقبل الشينين
| |
|
|
|
|
|
|
Re: .. أنا بقي مرّيخــابى ..!! (Re: شمس الدين ساتى)
|
Quote: ود بحري سلام
زي ماقال الحاج حمد .. لازم تكون في معاينات
يعني واحد زي عابدون محمد عابدون يجي يقول
أنا مريخابي كدا نقوم نقبل بيه..مش ممكن أبدا
لا وألف لا
فعلا المريخ عالم جميل لايقبل الشينين |
شمس الدين !!
مّنور والله !!
الله بينا وبين الشنة !!
وبالذات شنات الطبع بتاعت الأمراء !!
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
حبابه في ارض الوهاج .. حبابه في ارض الامـــــــل..
مبروك للمـــريخ _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: .. أنا بقي مرّيخــابى ..!! (Re: طارق ميرغني)
|
Quote: يا صلاح كل سنه وانت طيب
ياخي ما عملتوا اي شي جديد ..مما قمنا خيلانك كلهم مريخاب ......!!!! واخص صديقي المرحوم ابراهيم وفتحي ابو ديه.. |
طارق الليبى !!
كل سنة وإنت طيب !!
ربنا يرحم الخال ابراهيم أبودية ويمد فى عمر خالنا وأخونا الكبير فتحى أبودية !!
| |
|
|
|
|
|
|
Re: .. أنا بقي مرّيخــابى ..!! (Re: شمس الدين ساتى)
|
Quote: ومحسية كمان
ومريخابية كمان الله أكبر الجديدة
المحس أجمل ناس المحس أشرف ناس المحس أنبل ناس المحس أكرم ناس المحس أشطر ناس أحب المحس أنا محسي ومن جزيرة سمت |
قريبي ود سمت .. تعرفوا الشئ الجميل الوحيد في السودان . . . . . . . .. . . . . . . . إنه المريخ .. عالم جميل ..
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
لما قلنا ليك شغال تبشير في أولاد وبنات الأسرة زعلت : = هسي ياصلاح تخيل انو السودان دا كله بقى مريخاب : والله أحلف نصكم ينشق يكون فريق إسمه الهلال!!!
=
Quote: عاطر التحايا لحبيبي وأخي أحمد .. قول ليهو طلال حلفابيهديك التحاياوالأشـواق ويرحب بك في عالم المريخ الرهيب .. مش حتقدر تغمض عينيك ! |
غايتو ياطلال حلفا عمري ماشفت لي فنان قاسي كدا على ثلاثة أرباع جمهوره!! مشكلتنا بنحب صوتك الجميل وأداءك الرائع وإلا لغنيت فقط لربع أهل السودان،،
= أحمد أبو دية؟؟؟؟ والله لكن المرة دي ماحسبتها صح يابتاع الحساب إنت،، = الباشق هين بتلحق ياصلوح ،،
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
نحن في المريخ اخـــوه نعشق النجم ونهوى وعام سعيد للجميع انشاءالله . _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: .. أنا بقي مرّيخــابى ..!! (Re: شهاب الفاتح عثمان)
|
Quote: صديقنا الهلالى الأستاذ المحامى عبدالله حمدودة بالصحافة مربع 24 أعلن إنسلاخه عن الهلال بدون رجعة
وإنضمامه للصفوة .. ألف مبروك أخى حمودة مع تأكيدى الكامل على أنك لن تندم |
الفقرة أعلاه من عمود الأستاذ الصحفى إسماعيل حسن وكفى بجريدة الصدى الصادرة
صباح اليوم ..
بدورنا نهنئ الأستاذ عبدالله حمودة المحامى ..
ونقول ليهو جيتا جيت !!
| |
|
|
|
|
|
|
Re: .. أنا بقي مرّيخــابى ..!! (Re: صلاح أبودية)
|
صلاح أبو دية ياعاشق الجمال الاحمر الوهاج .. لك التحية والاحترام ......
ياود البشرى وود الصائم .. لا زال المجال مفتوح لكم للعودة لرشدكم .. أخشى أن تستمرون في الفرعنة وعند العودة للصواب لا تجدوا مقعد لكم في عالمنا عالم المتعة والجمال ... هيا ياأحبائي فباب المريخ لا يزال مفتوحاً قبل أن يؤصد .... لا حياء ولا خجل لانه زعيم وسيد البلد والرجوع للحق فضيلة ....
أعلن كامل تضامني ومساندتي لكم للعودة قبل ان تخرب خرابتكم ديك أكثر فتصير ......... .
صلاح لك ولكل من عاد لرشدة المودة والاحترام والمحبة .......
| |
|
|
|
|
|
|
Re: .. أنا بقي مرّيخــابى ..!! (Re: عماد محمود علي)
|
Quote: هيا ياأحبائي فباب المريخ لا يزال مفتوحاً قبل أن يؤصد |
يا عمدة ..!!
لك التحية والود والشكر على المشاركة !!
لن يؤصد باب المريخ أبدا ...
سيظل مفتوحا لدخول الأحباب ,,,
فهذا الكوكب يسع الجميع !!
| |
|
|
|
|
|
|
Re: .. أنا بقي مرّيخــابى ..!! (Re: محارب)
|
Quote: الزول ده من اسي ما شايفو مقرط علي الازرق كيف ده جدو كل مره بجيب ليه هدايا عشان اقلب لي المريخ رافض جمو ازرق زي ابوه شعوب مختاره ياخ |
خلي الدوري بس يبدأ إنشاء الله وبعدها قابلني إن كان ما لقيتهو خاتي النجمة في صدره ... قال مقرض قال ... ماشفت مشجعكم الزول الكبير دااااك سوى شنو ؟ قال رجع لي عقلي ورجعت لقديمي واصلي وفصلي وإرتحت والحمد لله .... وفي إنتظار هذا الشبل الذي حتماً سيعود لعرينه ...
| |
|
|
|
|
|
|
|