|
|
|
 Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
مرحبتين صحفيتنا نادية..تسلمي.. أن شاء الله نحاول نسمعكم
...........
وكمان مرحب عزيزنا الغالي ملامح..مشتاقين يا رجل..طيب يعني بالحفظ بس يا ملامح؟ استماع ساكت ماظاهر...؟ كل الناس ما بيستطيعوا بنظام الحفظ.. ممكن واحد من أصدقاءنا قدير يشيل الرابط ويعمل ليهو كود..
| |
 
|
|
|
|
|
|
|
|
Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
يا ملامح..تتذكر أيام البالطووك؟ كان لك فيها القدح المعلا..
..........
أقولك.أنا خايف نادية عثمان تهجم على الأيام دي في لقاء تلفزيوني..عندها لقاءات تعجب.. وانا هذه الأيام لاعندي عود ولا طنبور..أصلو العود شلتو معاي إجازتي الفاتت السودان سجلت بيهو لى ناس قناة ساهور..وماجبتو تاني...ودا تسجيل قديم شوية..
| |
|
|
|
|
|
|
|
|
|
Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
ياسلام يا منصوري يا فنان... كمان أنا حالف البوست دا مايغطس ويا ريت كمان تلحقنا بواحي من النعام آدم. وأهديك قصيدة الشاعر الرباطابي عبد الحفيط محمد أحمد (قشيش نومي)
يا قشيش نومي أب سحيباتا بكن لو
البلا رد النعام مال ما ب يطلو
يا مرسالي قوم لي زولي قولو
كفاية الشفتو زي ما تقول لو قولو
قولو تعبان ديمي والفكر اشتغلو
قولو يابس ريقو مو قادر يبلو
اديتو المي قال لي شن أكلو
قولو اكسير البلد قلعوهو كلو
نبت عود الخراب قام في محلو
البوم والغراب قيل في ضلو
إن يقى غادي للسهني أوصلو
إن بقى في سرير النوم أدخلو
جيبو معاك حتما لا تخلو
قدر ما يتعذر لك ما تقبلو
إن بقيت ما جبتو ما تجي كلو كلو
يا قشيش نومي أب سحيباتا يكرن
طول الليل براريقك يورن
المدلوق سيلو بالوديان مقرن
التاويلو اتقرن ومعزاهو درن
جنس غيرك على حلواتو مرن
في خشيمك حترب السكر مدرن
البلد مشتاقلو والخاتر مو طايب
عليهو بنبكي وأما البكا مو جايب
علي فرقتنا أبكن يا الحبايب
الجدي المرعاه في الوادي أب دبايب
علي تاه دربو في وديان حلايب
البعيد ماب يقلبو الكلب أب سبايب
مامان
| |
|
|
|
|
|
|
|
|
|
Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
مامان رجل التوثيق..وينك يا رجل.. لسه في المملكة..أشكرك على الدخول هنا وإنت ما تدخل في بوست إلا تخليهو حلو.
هل شاهدت الحفلة اللي كانت في الفضائية السودانية وفيها شعراءنا الفحول محمد سعيد دفع الله والسر عثمان الطيب ومحمد كرم الله. ذكرتنا تلك السهرة الأيام الجميلة ..أيام مجد محمد كرم الله
...........
قولو تعبان ديمي والفكر اشتغلو
إنت الكلمات دي كلمات رباطابي والله منصوري وشايقي
لأنو في الشمالية كلها مافي زول قاعد يكسر الكلام غير أبناء القبيلة الواحدي المناصير والأمارة والحامداب والشايقية..كلمة ديمي دي قاعدين يقولوها جماعتنا.. أما الرباطاب يأكلوا آخر الكلمي,,
اللهم إلا رباطابياً إتربى عندنا.. وهي كلمات رائعة
تحياتي
| |
|
|
|
|
|
|
|
|
|
Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
مامان...
عيدك مبارك
ياخي هو في واحد ينسى فضل النعام آدم... تربينا على أنغامه ورددناها..
الشئ المخجل إنو بعض الناس في المنطقة بدأوا يقللوا من قدره.. وبعض الكورس الكان معاهو في لقاءات في التلفزيون بدأوا يتحدثوا عن إنو النعام بخيل.. ومليت من شاعر معين.. كان يقول أنا بعطي بعض الأشعار للنعام آدم لوضعو كزول أعمى... وهكذا.. تألمت
......
أنا افتكر النعام آدم هو الذي أخرج فن الشايقة من أضابير( القسيبة) الي باحات السودان الكبير...
1 متفرد في الصوت
2 لم يتكرر مثل صوته حتى الآن
3 صوت طمبوره معروف يتحرك في مساحة معينة.. أول نقشطة في الطمبور قبل ما يغني تعرف دا طمبور النعام آدم
4 مبدع منفعل بفنه، من هنا جاءه التجويد..
1 نوارة قنتي
2 فاوضني بلا زعل
3يوم الجمهة ودع وقام
وخلا أعضاي تزيد آلام
4ليه مازينا ليه تنسانا
5قلبي الشلتو عندك أمانة
6الغرام ياناس الغرام
7 الفوسيب القايم دقاق توتيب( جاهل ننو)
8فريع البانة مرحبتين حبابك
واليوم السعيد الليلة جابك
زهيرة النرجس الفتحتي دابك
أرضك طيبة من النيل شرابك
الجمال معناهو ضارب في شعابك
إنت ختمتي أصلو قبيل بدابك
9 كيفن القليب بي يطيب
مادام إنت ياكا طبيبو
مارعيت جروحوا تطيب كل مايوم يزيد لي صليبو
10 مليح اللون شوفتك تفرح المحزون
11 ضهب شيبون القمر المضوي الكون
12خلاص المنقة منقولة
الفي قلبي مشتولة
13الزول الوسيم في طبعو دايما هادي
من أوصافو قول أسكرني هات يا شادي
14مقسوم لى مقدر
الحب والغرام مكتوب مسطر
سبق النجمة قام تربالو بدر
ما بيتكل سقايتو على المأجر
ود الأريل السارح مبطر
في بكر الخريف واديهو مطر
15 روحي في ريدكم دار تروح
يا حمايم زيدي نوح
..............
يمكنك أن تصنف نقلات الطمبور والإبداعات والقفزات بهؤلاء الفنانين عندنا
1 النعام آدم
2ادريس إبراهيم( كان في خط ظل موازي للنعام آدم) إلا أن أصوله الدنقلاوية لم تعطيه المساحة الواسعة من الإنتشار في أرض شايق .. امري.. المناصير.. الحامداب.. البديرية..( كمجموعة واحدة)
3عثمان عبد الرحمن اليمني
إسحاق كرم الله( النار أم لهيب جذابة
يا زهرة جناين الغابة
يومو اللبسو الدبابة
سجل في قليبي إصابة)
4 صديق أحمد ود التاجر
5 محمد جبارة
6 محمد كرم الله
...........
هذه القامات.. يمكنك أن تقول انو بعد محمد كرم ماجات قامة ترفع قامة الطمبور الي مستوى يتحق انو يكون قامة
لكن هنالك مد أفقي كبير وكثير وفيهو ابداعات كثيرة وجيدة وجميلة لكن بالتأكيد ليست هي قمم شواهق
وقد ظهر في هذا المد الأفقي عدد هائل من مطربي الطمبور هم بالتأكيد عندهم اسهامات كبيرة.. لكنها ليست بمستوى هؤلاء العمالقة..
والقمم دي كل واحد سببو معاهو
مثلاً
النعام آدم
نشر أغنية الطمبور من المحلية الي بقاع السودان المختلفة وكان ثابت في برنامج ربوع السودان هو يختم البرنامج بي اغنية وغالباً ما تكون جديدة( خالة لى لما تدور تشكر ليك واحدة يا مامان.. تقول ليها أها البت دي كيف؟ تقول ليك.ز( زي النعام آدم وسط الفنانين)
بعدين الكم الهائل من الأغاني للنعام آدم
تفرد الصوت
العزف الرائع على الطمبور
أخرج غناء الشايقية من الدلوكة والشتم والجابودي الي الطمبور والنمط الحديث
تجويده جر شعراء كبار عشان يمدوهو بالشعر الرصين والعربي الفصيح
أمثال حسن الدابي ومحمد سعيد دفع الله
...........
ادريس ابراهيم
رفع غناء الطنبور بصورة موازية للنعام في نفس الزمن وأضاف إبداعات في عزف الطمبور حيث يغطي عزفه مساحة غير المنطقة التي كانت عند النعام لها طعمها الخاص ولونها الخاص..
حدة الصوت عن ادريس ابراهيم
دخل في الأناشيد الوطنية إدريس ابراهيم.ز سواء محسوبة له أو عليه ولكنها واقع فني كان
ومن أناشيده في ثورة مايو
صباح الخير يا صباح
فيك هدر وادلكا السلاح
...........
انت يا مايو المنتصر
......
كذلك ادريس ابراهيم أدخل الموسيقى في الغناء خاصة مع ألناشيد الوطنية
............
نجي للباقين يا مامان
بس بعد نعييد على الجيران
| |
|
|
|
|
|
|
|
|
|
Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
السنة الميلادية الجديدة ربنا يحقق فيها طموحات الناس
والما اتحقق في السنة الفايتة يتحقق في الجاية
........
وربنا يزيل جميع الشرور والآلام.. والمعاناه والهم والغم والحزن والكدر والضجر والوهم.. ومكابدة الرزق.. وتبقى الحياة سلسة وساهلة وهينة ولينة وطرية ورغدة لجميع الأخوة والأخوات البورداب هنا.. بصورة أخص.. وبصورة خاصة ..لجميع معارفنا... وبصورة عامة... للبشرية كلها في جميع مرافئ هذا العالم...
| |
|
|
|
|
|
|
|
|
|
Re: منصوري يهيدكم لحناً هادئأ بعزفه وصوته بمناسبة عودته (Re: منصوري)
|
المنصوري الحنين
انت بتروح وين
حاسب لا يبتلعك الربع الخالي والصحاري...
بالمناسبة دي عايز لي طنبور ...
وين ألقاه...
الحمد لله على سلامتك..
ويسعدنا الإطلاع على الإضافات التي تتكرم بها هنا في هذا البورد العامر من محبي الفن الشعبي والتراث الغني بالمواهب والملكات...
كما تعلم انه طريق حياة لا تخبو وسهول واسعة من المبدعين الذين اثرو هذا التراث
دائماً تعال...
| |
|
|
|
|
|
|
| |
منصوري
ALazhary2
maman
Tragie Mustafa
elhilayla
المسافر
فيس بوك
تويتر
انستقرام
يوتيوب
بنتيريست