|
Re: فراق الزين ونار البين حموني النوم أنا مساهر (Re: هاشم أحمد خلف الله)
|
Quote: الأغنية دي ساهرت بي الليل كلو وطلعت زيتي زاتو |
هاشم....فراق الزين ونار البين حمونى النوم انا مساهر
بس كيف تعد النجوم مع الشقق دى...نوم فى السطح...وليلك طال وبقى ليلين
ألأغنية دى مع الكمونية شكلها بكون عجيب..........حلفتك بالله كان ما شغلتها لينا بكرة بأذن الله مع كمونية أم أحمد الله يديها العافية.المافى زيها فى الرياض ما شاء الله..
والدعوة للكمونية محدودة.ما تغشونا زى المرة الفاتت.....المدعو انا ليها وأكلوها غيرى أخى هاشم/خالص مودتى............................إسماعيل محمد احمد عباس...
| |
|
|
|
|
|
|
Re: فراق الزين ونار البين حموني النوم أنا مساهر (Re: haroon diyab)
|
يا هاشم عمدة قال ليك شنو...
Quote: تبكوا بس ... عين قطرة وعين مس ..... |
وأهم حاجة تقش دموعك بالدس وده يا عمدة الما بقدر عليه ابوالشوش دا!!!! أبشنب بقيت طوالى شايل مناديل الوداع !!! وبكاهو فى نص السهلة ومرات معاه جعرة!!! وبالحيل زولا مرهف وقليبو رهيف وما بقدر على الفراق,,, وهسة كمان النوم طار ليهو وبقى يكوس فى التلج ومكتول هواك مفروض تكون شعار المرحلة,,
الأغنية عظيمة يا صاحب إذا كان المرحوم الفنان حسن عطية صاحبها..
تحياتى ..
| |
|
|
|
|
|
|
Re: فراق الزين ونار البين حموني النوم أنا مساهر (Re: أيمن الطيب)
|
Quote: يا هاشم عمدة قال ليك شنو...
Quote: تبكوا بس ... عين قطرة وعين مس .....
وأهم حاجة تقش دموعك بالدس وده يا عمدة الما بقدر عليه ابوالشوش دا!!!! أبشنب بقيت طوالى شايل مناديل الوداع !!! وبكاهو فى نص السهلة ومرات معاه جعرة!!! وبالحيل زولا مرهف وقليبو رهيف وما بقدر على الفراق,,, وهسة كمان النوم طار ليهو وبقى يكوس فى التلج ومكتول هواك مفروض تكون شعار المرحلة,,
الأغنية عظيمة يا صاحب إذا كان المرحوم الفنان حسن عطية صاحبها..
تحياتى .. |
تعرف يا أيمن كلامك صاح أخوك بشنبو الكبير ده ما بنستر والبكاء أصبح عنواني عديل كده مشكور على مشاركتي الأستماع للاغنية الجميلة دي
| |
|
|
|
|
|
|
Re: فراق الزين ونار البين حموني النوم أنا مساهر (Re: haroon diyab)
|
Quote: أ. هاشم سلام
ايوه كده ياعمكـ غيب وتعال باختياراتك الرائعة فراق الزين ونار البين الغناء الجميل من الزمن الجميل من الزول الاجمل
شكرا ياحبيب |
هارون يا ملك شرفني حضورك كتير والله ياخي والله الأغنية دي بهدلتني اخر بهدلة فيها طعم ومذاق خاص جداً والناس الذواقة اللي زيك كده بيجو ناطين طوالي سعيد والله بصداقتك يا طيب
| |
|
|
|
|
|
|
Re: فراق الزين ونار البين حموني النوم أنا مساهر (Re: ismeil abbas)
|
Quote: هاشم....فراق الزين ونار البين حمونى النوم انا مساهر
بس كيف تعد النجوم مع الشقق دى...نوم فى السطح...وليلك طال وبقى ليلين
ألأغنية دى مع الكمونية شكلها بكون عجيب..........حلفتك بالله كان ما شغلتها لينا بكرة بأذن الله مع كمونية أم أحمد الله يديها العافية.المافى زيها فى الرياض ما شاء الله..
والدعوة للكمونية محدودة.ما تغشونا زى المرة الفاتت.....المدعو انا ليها وأكلوها غيرى أخى هاشم/خالص مودتى............................إسماعيل محمد احمد عباس... |
سمعة يا فنان ياخي لمن الشاكوش يضربك والله تشوف النجوم اليوم كلو بعدين موضوع الكمونية ده سري للغاية هسع بكرة تجي البيت تلقاهو مستف وتعال تاني ابكي واشكي وقول كمونيتي الأكلة مني إنشاء الله ما تنفعوا بالنسبة للاغنية تخيل حفظتا في جهاز الكمبيوتر وفي الفلاش وفي الجوال يعني لو عايز تسمعا في إي وقت وإي زمن نحنا حاضرين يا باشا
| |
|
|
|
|
|
|
Re: فراق الزين ونار البين حموني النوم أنا مساهر (Re: أحمد طراوه)
|
يا سلااااااااااااام يا هاشم ياخ
اغنيتة جميلة وصوت طروب
لا انصح المغتربين بالاقتراب والتصوير
عارف يا ابو الشوش تستحق لقي حامل المسك بلا منازع
لان كل من يدخل الى بوستاتك لا يخرج الا بإحدي الحسنيين
مع التنويه بأنك لا تبيع العطر وانما توزعه مجانا الا لمن ابى
شكرا ابحمد
| |
|
|
|
|
|
|
Re: فراق الزين ونار البين حموني النوم أنا مساهر (Re: محمد على طه الملك)
|
Quote: كيفك ياهاشم .. مشتاقووووق .. الأغنية الحمد لله أبت تفتح عندي ونمت بدري .. اها جيناك صباح شوف لينا طريقة .. وياريت كمان بصوت سيدها عشان تكمل الناقصة .. تحياتي للأسرة . |
ود الملك الحبيب مشتاقين كتير والله اها إن شاء الله قدرت تسمع الأغنية من الرابط وبحاول الاقي لي تسجيل للفنان الراحل المقيم حسن عطية تسلم يا ذوق وسلام للاسرة وصل ومن جانبنا ابعث الأشواق والتحايا لاسرتك الجميلة
| |
|
|
|
|
|
|
Re: فراق الزين ونار البين حموني النوم أنا مساهر (Re: فاروق أبوحوه)
|
Quote: أنا غايتو طوالي وقفت الأغنيه.. قريت الكلام وطلعت.. كفانا شفنا (شيل التمساح فيك) .. (يبقن) علينا إتنين يا هاشم: وجع .. وغربه؟ وكمان ليل .. وبين..
أنا مارق من هنا..
يكفيني (إنطرابي)
محبتي هاشم..
___________ فاروق أب حُـوَّه |
اب حوه الله يكون في عونك غايتو حالتك متاخرة شديد جداً ربنا يرد غربتك وتسعد بلقاء الأهل والأحباب بس بيني وبينك الأغنية شرط عديل كده
| |
|
|
|
|
|
|
Re: فراق الزين ونار البين حموني النوم أنا مساهر (Re: mohmed khalail)
|
Quote:
يا سلااااااااااااام يا هاشم ياخ
اغنيتة جميلة وصوت طروب
لا انصح المغتربين بالاقتراب والتصوير
عارف يا ابو الشوش تستحق لقي حامل المسك بلا منازع
لان كل من يدخل الى بوستاتك لا يخرج الا بإحدي الحسنيين
مع التنويه بأنك لا تبيع العطر وانما توزعه مجانا الا لمن ابى
شكرا ابحمد |
محمد خليل الزول الجميل ليك وحشة والله يأخي والله القلوب شواهد لو تعرف كيف بحبك انا!!! وإنشاء الله دائماً بوستاتنا تكون جميلة وخفيفة على الناس ونترك إنطباع إيجابي يسعد كل الناس اسعدني مرورك يا وجيه
| |
|
|
|
|
|
|
Re: فراق الزين ونار البين حموني النوم أنا مساهر (Re: أحمد طراوه)
|
Quote: .. يا سلام يا هاشم ، يا قايد فيالق السهاري
.. دا غناء مدينة الابيض ، غضون تلك النهضة الخمسينية كتبها محمد علي عبد الله (الامي)
* و قال عبد القادر سالم : النوم جافاني .. قسمتو لحباني !
|
دكتور أحمد طراوه مشتاقين كتير والله وزيارتك للبوست شرف عظيم لينا دائماً نسعد بمداخلاتك القيمة
| |
|
|
|
|
|
|
Re: فراق الزين ونار البين حموني النوم أنا مساهر (Re: Alsa7afa_30)
|
نسرين هنا رهيبه يا هاشم وعرفت تختار أغنيه تقطع بيها قلوبكم.. شوف اسماعيل ده بريء كيف..
Quote: ألأغنية دى مع الكمونية شكلها بكون عجيب..........حلفتك بالله كان ما شغلتها لينا بكرة بأذن الله مع كمونية أم أحمد الله يديها العافية.المافى زيها فى الرياض ما شاء الله.. |
هي كمونيه يا اسماعيل اخوي.. يعني مصارين مقطعه وقلب مذبوخ وفشفاش وارم وحاجات عجيبه تاكلوها (ياماما) وعايز تسمعها مع الأغنيه الرقيقه دي؟؟
أسه نقول مسكينه نسرين وامعلومة طراوه ولا نقول مسكينه أم أحمد؟
| |
|
|
|
|
|
|
Re: فراق الزين ونار البين حموني النوم أنا مساهر (Re: مدثر محمد ادم)
|
Quote: : وشكراً لشعورك وإحساسك العالي يا مدثر بالجد كده الأغنية دي بت لزينة وعاملة فيني عمايل ما يعلم بيها غير الله
تقول شنو يارائع بقينا مساهرين الليل معاك
وتسلم تاني
تيف تيف |
شاعرنا الجميل مدثر سلام من جديد انا غايتو خففت السهر شوية لاني بقيت اسمع الأغنية في السيارة وفي المكتب وفي الشارع عن طريق الجوال
وبعدين البت نسرين الهندي عرفت تختار
| |
|
|
|
|
|
|
Re: فراق الزين ونار البين حموني النوم أنا مساهر (Re: Muna Khugali)
|
Quote: نسرين هنا رهيبه يا هاشم وعرفت تختار أغنيه تقطع بيها قلوبكم..
|
آي يا منوية أختي عرفت ونص وكمان
Quote: شوف اسماعيل ده بريء كيف..
Quote: ألأغنية دى مع الكمونية شكلها بكون عجيب..........حلفتك بالله كان ما شغلتها لينا بكرة بأذن الله مع كمونية أم أحمد الله يديها العافية.المافى زيها فى الرياض ما شاء الله..
هي كمونيه يا اسماعيل اخوي.. يعني مصارين مقطعه وقلب مذبوخ وفشفاش وارم وحاجات عجيبه تاكلوها (ياماما) وعايز تسمعها مع الأغنيه الرقيقه دي؟؟
أسه نقول مسكينه نسرين وامعلومة طراوه ولا نقول مسكينه أم أحمد؟ |
يا منوية إسماعيل والله معذور اصلو مدمن كمونية بعيد عنك لانو شكلك كده ما بتحبي الكمونية
| |
|
|
|
|
|
|
Re: فراق الزين ونار البين حموني النوم أنا مساهر (Re: هاشم أحمد خلف الله)
|
ألحبيب هاشم/
طبعآ قرينا ماكتبته منى سوى..لحظة ما بعد ألأندياح بعد أكل الكمونية المميزة ما شاء الله من ام أحمد..وعادل إسترخى وهو طرب يمسح بالمنديل دموع النشوى من الفرح الكمونى بعد ضربها ضرب غرائب ألأبل. وهو طرب بعدها وما زاده الطيبنة بله من طرب مرزوق المبدع عليه حتى امرت احمد بأحضار صندوق المناديل بقربه.
Quote: هي كمونيه يا اسماعيل اخوي.. يعني مصارين مقطعه وقلب مذبوخ وفشفاش وارم وحاجات عجيبه تاكلوها (ياماما) وعايز تسمعها مع الأغنيه الرقيقه دي؟؟
|
الرقة والعنف يا منى ده طعم الحياة الحقيقى...عشان كده طلبت سماع ألأغنية مع الكمونية....قلوبنا خليها تتقطع حتة حتة..وتبقى كباب...
عذرآ عزيزتى وغاليتنا كلنا ما زلت تحت تأثير................................................[/
B]\ مودتى..........إسماعيل محمد احمد عباس......
| |
|
|
|
|
|
|
Re: فراق الزين ونار البين حموني النوم أنا مساهر (Re: Muna Khugali)
|
Quote: ربنا يخليكم لبساطتكم الحلوه دي..
الكمونيه يا هشام بخاف منها عديل...والعجب المراره وقصة دراكولا فيها..
المهم شكلكم انبسطوا.. وده المهم يا اسماعيل يا واكل البشاكير (البشاكير دي الكرشه زي زمان ما كنا بنقول عليها في البيت) |
منويه اختي حبيبة الكل الله يديم المحبة والبساطةبين الناس والله العظيم إتبسطنا للأخر وغنينا وطربنا للطيش الله يديك العافية ويمد في أيامك
| |
|
|
|
|
|
|
Re: فراق الزين ونار البين حموني النوم أنا مساهر (Re: ismeil abbas)
|
Quote: ألحبيب هاشم/
طبعآ قرينا ماكتبته منى سوى..لحظة ما بعد ألأندياح بعد أكل الكمونية المميزة ما شاء الله من ام أحمد..وعادل إسترخى وهو طرب يمسح بالمنديل دموع النشوى من الفرح الكمونى بعد ضربها ضرب غرائب ألأبل. وهو طرب بعدها وما زاده الطيبنة بله من طرب مرزوق المبدع عليه حتى امرت احمد بأحضار صندوق المناديل بقربه |
.
يأخي دي ما كانت كمونية دي
| |
|
|
|
|
|
|
Re: فراق الزين ونار البين حموني النوم أنا مساهر (Re: أبوذر بابكر)
|
الأخ الحبيب هاشم لعلك بخير والأولاد والحبيبة هويدة الله لاجاب الفراق يحكوا لينا أماتنا حكاية المرة الماتت بتها وقاعدة تبكي وتقول : باقيات علي إتنين : ميتة بتي وفراق نسيبي الزين يبدو إنها ماعندها بت تانية تعوضا لي نسيبا غايتو ماسمعت الأغنية ولا شفت كلماتا مكتوبة لكن قريت كل المداخلات وبقول لي منـى مادام ما بتاكلي المرارة والكمونية جاية تسوي عندنا شنو في البطانة ؟ الكوفارة بتكتلك .
| |
|
|
|
|
|
|
Re: فراق الزين ونار البين حموني النوم أنا مساهر (Re: أبوذر بابكر)
|
Quote: هاشم
اسمح السمحين
كيفنك
فراق الزين دى أنا قاعد تبهدلنى
لكين بس لما يغنيها حسن عطية
والله يا هاشم لو سمعتها بالعود من ابو على
الجمبك ما تديهو معاك
عندى تسجيلات عجيبة جدا وقديمة لحسن عطية، وكلها بالعود
المشكلة بس أنا بعانى من أمية تقنية مزمنة، وما بعرف أنزل الأغنيات زيكم كده |
ابو ذر البحر عجبني ليك البهدلة خلينا مرة واحدة نسدا فيك كل مرة مبهدلنا بكتاباتك الطاعمة اتفق معاك تماماً يا بحر على جودة التطريب والأداء من صاحبها الحقيقي الراحل المقيم الفنان حسن عطية لكن والله نسرين هندي دي ما قصرت إجتهدت فيها شديد والتحية ليها تاني بالنسبة لتنزيل الأغاني يأخي دي من أسهل الأشياء
1- لو الأغاني موجودة على جهازك ما عندك اي مشكلة تطلع فوق لتحميل الفيديو والأغاني تضغط عليها يقوم يجيك بكري ابوبكر ويقول ليك إضغط على الرابط تقوم تضغط على الرابط بعد تضغط على الرابط يقوم يظهر ليك مربع يقول ليك إختار من جهازك اها تقوم تجيك كل ملفاتك يلا تقوم تختار ملف الأغاني العندك وتختار ليك منو غنية وتضغط عليها بالماوس دبل كليك تقوم تقعد ليك في المربع الأول داك تقوم بعد داك تحمل الملف لمن يكتمل معاك التحميل يظهر ليك رابط تقوم تعمل نسخ للرابط وتجي تنزلوا بالراحة في البوست وبكده نكون إنتهينا
2- في حال عندك شريط كاسيت او فيديو لازم جهازك يكون فيهو مداخل للكمبيوتر عشان تنسخ من جهاز الأستريو او الفيديو مباشرة علي الكمبيوتر بعد داك في برنامج خاص ( يضغط الأغنية او الفيديو حتى يتناسب مقاسها مع المقاسات المحددة بكري ابوبكر وخلاص
| |
|
|
|
|
|
|
|