|
من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم
|
من بين الأشخاص المسجلين الحضور في المنبر هنالك بعض الاسماء شكلها مسجلة جديد او عضوية قديمة وما نشطة وفي النوع الخطر اللي زي العضو المسجل إسمwadda7a
وبالله شوفوا بروفايله/ا
Quote: الملف الشخصي ل wadda7a اللقب: wadda7a : .
عدد البوستات: 81 تاريخ التسجيل: 06-02-2003 محل الاقامة: الخرطوم : Not shown عنوان مكتبتى بسودانيزاونلاين دوت كم : اكلات مفضلة: ملاح النعيمية بالكسرة الاسم الحقيقى: التلفون: الجامعة/المعهد: بكالوريوس نظم معلومات-الجامعة التكنولوجية-بغداد-العراق الحالة الاجتماعية: Married العنوان الدائم: الفنان المفضل: وردي اللون السياسى: النوع: Female الهوايات المفضلة: القراءة وشوية حاجات تانية الوظيفة: تاريخ الميلاد: 23/6/1980 درست المرحلة الابتدائية فى ......و سنة....: بنات سرور الابتدائية درست المرحلة الثانوية فى ......و سنة....: عائشة أم المؤمنين درست المرحلة المتوسطة فى ......و سنة....: بنات سرور الاعدادية شاعرك المفضل: بحب القصيدة المعبرة بغض النظر عن شاعرها عدد الاطفال: ربنا يجيب الأولاني بالسلامة. معلومات اضافية: مثلا؟؟ مكان العمل: مكان الميلاد فى السودان: ده حصل في سلطنة عمان - نزوى صورتى:
|
ولمن بحثت عن مشاركاته في المنبر العام بيدي النتيجة دي
Quote: المنبر العام No Matches in المنبر العام |
؟؟؟؟؟؟؟
|
|
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: حمور زيادة)
|
حمور الجميل إزيك
Quote: غايتو عمو الهكر يخلينا ننضم برانا |
يا إنتا والله جد اعمل دراسة حالة بالإسم شوف وضعه بين الحضور وشوف مشاركاته من 2003م وما محصل الـ100 دي ما مشكلة يعني ممكن يكون قراي بس وما عضو مشارك بس لمن اعمل بحث عنه حتلقى ولا معلومة عنه متاحة ولا كاتب شنو يعني لقيت ليه بوستين في الارشفة الماضية بس ما بفتحوا والبوستين غير متاحين وكدا
Quote: شفتي الليله النكته الفي الموقع البهناك ؟ |
لا والله ما مشيت بي هناك كنت بره وجيت يااااادوب المركز خير اديني ملخص سريع وانا بمشي بشوف الحاصل راجياك بالشمار
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: حمور زيادة)
|
حموري تاني يا إنت
Quote: قالوا ليو يا هكوري كان راجل قال ليهم ليه يا جماعة الاستفزاز قالو ليو انشاالله خمسة دقايق قال ليهم بطلوا العباطة اها تجي انتي تدوسي المنبر العام يطفشك يوديك الخلا قالو ليو ده انت ؟ قال ليهم ده انا شفتوني شفت كيف ؟
صراحة مسرحية غريبة و لسه متابع اللغة لكن اظن و الله اعلم تصرفات خالتو فلانه تدل على انها بريئة .. بس مشكلتا بتندفع |
ولسع المسالة حتكون مدورة على ما اعتقد لكن قولي يازول انا ما فهمت شئ من كلامك الفوق لخص الفكرة برواقة ياااخ لاني الصفحة في منبر السودان الجديد كئيبة وما بتفتح سريع
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: حمور زيادة)
|
الاخت العزيزة / مياده كمال
سلامات
احب ان اؤكد لك اننى اعرف الاخت wadd7a وهى اخت فضلى متزوجة من احد اصدقائى وهو طبيب معنا بسلطنة عمان وهى معه هنا فى السلطنة ولطالما استضافونا واكرمونا فى منزلهم العامر ... وكذلك لدى علاقة طيبة مع والدها واسرتها الكريمة ... وهى قليلة المشاركة فى هذا المنبر لظروف كثيرة ... وحتى مشاركتها البسيطة فى المنبر لم تسئ او تؤذى فيها انسان او عضو فى هذا المنبر ... لها التحية ولابنها يوسف الصغير ولزوجها الكريم ...
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: محمد فرح)
|
الاخ محمد فرح تحية واحترام وكدا
Quote: مياده إزيك بورد تراجي ده والله أنا بقيت مابرضى فيو بإعتبار إنو لمانا لمن هكوري جدعنا في عز البرد
|
الاستاذة تراجي بالذات انا إشتقت للمناقرة معاها وبالجد دايرة لي سبب لانها قالت علينا بنسرح بين البوستات ووقالت على شولتي شنو كداداك ما بعرفه (نسيت الكلمة بالظبط لكن ممكن ارجع للبوست اياه واجيب ليك الكلمة)
Quote: إنتي بس قولي إن شاءالله تراجي ماتجي بي جاي |
أسكت ساي اصلوا ما بتجلي حتشوف حتجي أسع بس ما بهمني ... هكروني واسطتي.... إنت ما عارفت انو جاب بوست انا منزلاه في الاووفلاين وإستشهد بيه هنا في المنبر... يعني بقيت VIP عند الأخ الهكر
سعيدة بمرورك شفت مالقيت جرة حرف انا بكتب في البوست والله اتذكرتك
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: محمد فرح)
|
Quote: بس كمان الشئ المقلق مافي أي بوست ليها متاح والـ 83 مشاركة ديل هي كاتبهام وين مشخبطابيهم في حيطة بكري ولا شنو هو صحيح ممكن تكون قارئة أكثر من ما هي مشاركة بس ويييييين وبعدين لاحظتها قبل قليل كانت اوونلاين |
الاخت العزيزة / مياده كمال
فى فترة تهكير المنبر اختفى لى بوست من1700 مداخلة ( ولم اشخبطهم على حيطة بكرى ) بل كتبتهم ومعى بعض المتداخلين على صفحات هذا المنبر وكذلك اختفت فى تلك الفترة مكتبتى بالكامل ... اما كون الاخت wadd7a اونلاين لاننى ببساطة اتصلت بزوجها ليلفت نظرها لهذا البوست..
لك الاحترام والتقدير
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: mayada kamal)
|
بصراحة يا ميادة و الشئ بالشئ يذكر انا مستغرب انو بكري ما بعمل حملة كل فترة لايقاف الباسويردات الغير مستعمله رغم اني استفدت من المسألة لأني لما دخلت البورد دخلت كتيمي كتبت موضوع شتمني فيو محمد سليمان مرقت ما خشيت الا بعد سنه .. لكن .. ده ما بيبرر انو ناس تسجل و تغيب خمسه سنين و تكون مستفيده من كلمة المرور تستعملا فجأه اظن انو اي عضو ما يستعمل كلمة مرورو لفترة تكون معلومة و لا يكون له عذر يقدمه ينبغي ان تسحب منه كلمة المرور فورا مافي داعي لمنبر الخمسة الف عضو دي و البيكتبو ميتين او اكتر شوية ثم .. قصة العضو المافي زول بيعرفو دي ما جايه يعني السرية المطلقة دي اظنها ما معقولة اي عضو ما معروف للناس بشحمو ولحمو مفروض يتمسح .. يجينا باسمو عديل
الموضوع ما بس وضاحه .. الناس التانين كتار اذا اصلك عاوز تقرا .. ادينا الباسويرد و اقرا بمزاجك
شكلي بقيت صفوي .. مش ؟ رغم اني ما مبدع و الله
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: حمور زيادة)
|
Quote: بصراحة يا ميادة و الشئ بالشئ يذكر انا مستغرب انو بكري ما بعمل حملة كل فترة لايقاف الباسويردات الغير مستعمله رغم اني استفدت من المسألة لأني لما دخلت البورد دخلت كتيمي كتبت موضوع شتمني فيو محمد سليمان مرقت ما خشيت الا بعد سنه .. لكن .. ده ما بيبرر انو ناس تسجل و تغيب خمسه سنين و تكون مستفيده من كلمة المرور تستعملا فجأه اظن انو اي عضو ما يستعمل كلمة مرورو لفترة تكون معلومة و لا يكون له عذر يقدمه ينبغي ان تسحب منه كلمة المرور فورا مافي داعي لمنبر الخمسة الف عضو دي و البيكتبو ميتين او اكتر شوية ثم .. قصة العضو المافي زول بيعرفو دي ما جايه يعني السرية المطلقة دي اظنها ما معقولة اي عضو ما معروف للناس بشحمو ولحمو مفروض يتمسح .. يجينا باسمو عديل
الموضوع ما بس وضاحه .. الناس التانين كتار اذا اصلك عاوز تقرا .. ادينا الباسويرد و اقرا بمزاجك
شكلي بقيت صفوي .. مش ؟ رغم اني ما مبدع و الله |
تمام يا أفندم كلام مية مية
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: حمور زيادة)
|
Quote: شكلي بقيت صفوي .. مش ؟ رغم اني ما مبدع و الله |
فعلا ابوى انا ياحبيب تختلف ظروف ومقدرات وامزجه الناس مما يؤثر علي مشاركتهم
Quote: اظن انو اي عضو ما يستعمل كلمة مرورو لفترة تكون معلومة و لا يكون له عذر يقدمه ينبغي ان تسحب منه كلمة المرور فورا مافي داعي لمنبر الخمسة الف عضو دي و البيكتبو ميتين او اكتر شوية |
ليه؟ ومنو البقرر ومنو الاداك الحق عشان تطالب بسحب كلمات المرور خاصتهم ياحبيب طالما المنبر منبر حر ببقي من حقهم انهم يعملو العازينو طالما لم يخالفوا قوانين المنبر
Quote: الناس التانين كتار اذا اصلك عاوز تقرا .. ادينا الباسويرد و اقرا بمزاجك |
بما انو طرف السوط هبشني فاياحبيب عافي ليك الباسويرد بتاعى لكن مرة مرة كدة بستلفو منك ارد بيهو زى اسع وارجعو ليك ياصفوى هميم ودى
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: oudenoord)
|
oudenoord
سبحان ربي العظيم
كلامي ده رأي عرضتو على زميله هنا ما بوست كتبتو لبكري اطالب بسحب الباسويرد من زول ده اولا عشان مسأله الحقوق دي من حقي اقول رايي .. من حقي اقول انو الزول الاسمو مكتوب بحروف انجليزية يتمنع من المنبر .. ده قول انا حر فيو لما اسعى لتنفيذو انت بتعارضو لكن ما تعارضني في قولو
انا فكرتي الشكلي ما فسرتها كويس قايمه على كلمة فترة معلومة .. يعني يكون من قوانين المنبر انك لو ما شاركت لمدة تلاته شهور او سنة او حتى اسبوع تسحب كلمة مرورك ده موجود في منابر كتيره و حتى ايميلك لو ما بتستخدمو بيسحب منك هي فكرة للتنظيم لا للاحتكار
ازمة الهكر وضحت لينا كتير ناس غير معروفين لدى عامة المستخدمين يكتبون و يشتمون ده فلان ؟ ما معروف و الله فلان اتهكر ؟ و الله مافي زول بيعرفوا
الحكمة شنو من قفل التسجيل لو في خمسة الف باسويرد حايم من غير استخدام ؟ ده رايي لسه و لم اطالب قط بتطبيقو لانو بكري حر في منبرو قد في يوم اكتب عنو بوست و قد لأ
اسف لحدة الفاظي .. اعذرني فانا في غير مزاجي المعتاد و للاسف جات فيك اعتذر بشدة
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: mayada kamal)
|
مساء جميل يا ميادة ولكل من يطل..
بوست يحمل اسمي عديييل كده؟؟؟؟..يا سلالالام.
انتي عارفة؟؟انا لما طلبت الاذن من بكري للاشتراك في البورد ما كان هدفي عدد بوستاتي يحصل كم.. كنت بفكر في النوعية وليس الكمية... والا من 2003 كنت حطمت الرقم القياسي بمشاركات من نوع (يا ميدو ياخ) و(يا ميوية) وونسات عجيبة كده .
Quote: وفي النوع الخطر اللي زي العضو المسجل إسمwadda7a |
خطر كيف؟؟مافهمت؟؟
Quote: مشخبطابيهم في حيطة بكري ولا شنو |
أنا ما بشخبط في حيطة بكري...لكن انتي شكلك شخباااااااااطة.
Quote: بس لمن اعمل بحث عنه حتلقى ولا معلومة عنه متاحة ولا كاتب شنو يعني لقيت ليه بوستين في الارشفة الماضية بس ما بفتحوا والبوستين غير متاحين وكدا |
ما قريتيهم؟؟؟!!!!خسارة.
Quote: وبعدين لاحظتها قبل قليل كانت اوونلاين |
قبضتيني؟؟؟؟...ياستي بكون اونلاين كتير لكن غالبا بتكون في مواضيع بتسد نفس الواحد من المشاركة.
Quote: -------قصة العضو المافي زول بيعرفو دي ما جايه يعني السرية المطلقة دي اظنها ما معقولة اي عضو ما معروف للناس بشحمو ولحمو مفروض يتمسح .. |
انت قاصد ياتو ناس يا حمور؟؟؟؟ ناس كتار محترمين ومن رموز البورد بيعرفوني جدا...على سبيل المثال..د.أحمدالقرشي..محمد عثمان..بنت الحسين..ٍsoma
بسيييييطة..بس كده؟؟؟ أنا (أم يوسف) عثمان محمد عمر حسب الله . -احتمال اسمي ينبه صبري الشريف لحاجة..ليك التحية يا صبري-.
Quote: الموضوع ما بس وضاحه .. الناس التانين كتار اذا اصلك عاوز تقرا .. ادينا الباسويرد و اقرا بمزاجك |
مزاجي بيكمل لما يكون عندي باسورد.
Quote: الاخت العزيزة / مياده كمال
سلامات
احب ان اؤكد لك اننى اعرف الاخت wadd7a وهى اخت فضلى متزوجة من احد اصدقائى وهو طبيب معنا بسلطنة عمان وهى معه هنا فى السلطنة ولطالما استضافونا واكرمونا فى منزلهم العامر ... وكذلك لدى علاقة طيبة مع والدها واسرتها الكريمة ... وهى قليلة المشاركة فى هذا المنبر لظروف كثيرة ... وحتى مشاركتها البسيطة فى المنبر لم تسئ او تؤذى فيها انسان او عضو فى هذا المنبر ... لها التحية ولابنها يوسف الصغير ولزوجها الكريم ...
|
دايما زوق ياود القرشي.
Quote: نعتزر ليها عن الخلل الفني خليها تجي وانا حاعتزر ليها وكدا |
جيت وفي الانتظار
على العموم... عارفة يا ميادة؟؟؟ (اهتمامك) ده حيخليني اظهر اكتران شاء الله.
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: wadda7a)
|
وضاحة .. بركه الطليتينا
الكلام الانتي نقلتيو عني كان لميادة و مسبوق بعبارة الشئ بالشئ يذكر فما كان عنك تحديدا ثم .. هو موضح و مشروح للاخ احمد في مداخله اخرى .. ليه اخدتي الاولى و بقيتي تردي عليها كأنك المعنيه يا اختي ؟
اسمحي لي ان اعترض على ايحاءك بموضوع الكم و الكيف .. الكلام سليم لكن الايحاء منه غير لطيف بالمره
قولي يا هادي و خشي برجلك اليمين و لا تحملي الامور على محمل شخصي
راجعي هذا البوست بعناية و تفهمي كلام ميادة اولا كلامي ليس مهما
مع ودي
| |
|
|
|
|
|
|
Re: من هو/ي العضو المسجل دخول بإسم wadda7a؟؟؟؟؟؟؟؟؟؟؟؟؟.... ما يكون هكروني يا ود الصايم (Re: wadda7a)
|
الاخت وضاحة مساءك طيب ان شاء الله أولا تقبلي اعتذاري للدخلة الشمال فيكي دي ولكي علي ما شئتي
Quote: بوست يحمل اسمي عديييل كده؟؟؟؟..يا سلالالام. |
إنتي هينة ولا لينة
وبعدين من جيتك الحارة دي ظاهر انك كتابة ونضامة (النضمي ليست هنا بمعنى الكلام الكتير بل النضمي تعني في العامية السودانية الكلام المفيد)
Quote: انتي عارفة؟؟انا لما طلبت الاذن من بكري للاشتراك في البورد ما كان هدفي عدد بوستاتي يحصل كم..
|
من غاب جاب الغنائم وجاء
أصبتي في ما ذهبتي إليه يا حبوبة ولا نحن هدفنا كدا
Quote: والا من 2003 كنت حطمت الرقم القياسي بمشاركات من نوع (يا ميدو ياخ) و(يا ميوية) وونسات عجيبة كده |
تليمح غير ظريف بس ما حاعلق عليه لانو على الاقل انا محقوقة لكي لحدي الان.....
ما تمشي لي بعيد يا حبوبة في فهمك انا بقصد المعلومات الفي بروفايلك تودي اللفة عديل مقارنة بعدد مشاركاتك اللي لا تتعد83 مشاركة طوال السنين اللي قضيتيها هنا ولمن عملت بحث باسمك عشان اطلع مشاركاتك اداني انك غير متاحة.... لمن اعمل بحث ولا معلومة متاحةغير بوستين في الارشفة الماضية بس ما بفتحوا والبوستين غير متاحين وكدا........
Quote: ما قريتيهم؟؟؟!!!!خسارة. |
تتصوري!!!!!! يمكن انا هايفة عشان كدا ما خشيت في بوستينك الدسمين
Quote: مزاجي بيكمل لما يكون عندي باسورد. |
قطيييييييييمة
كلام الاخ حمور كان موجه لي على العموم وليس تجاهك شخصيا ولو في اي لوم صبيه فيني انا فهو غير ملام.... انا السبب لاني فتحت البوست لكي العتبى حتى ترضي
Quote: Quote: نعتزر ليها عن الخلل الفني خليها تجي وانا حاعتزر ليها وكدا
جيت وفي الانتظار |
يا ستي مثلك لا ينتظر اعتذار من واحدة مثلي ومع ذلك انا بعتزر جدا جدا لكي
Quote: على العموم... عارفة يا ميادة؟؟؟ (اهتمامك) ده حيخليني اظهر اكتران شاء الله. |
دا من أصلك انتي بس وحبابك... ومكسب... ونعتبرها سانحة للتعرف عليكي قبل كل دا...لايوجد شئ شخصي تجاهك واتمنى دوام التواصل
| |
|
|
|
|
|
|
|