|
|
 ياسلأم عليك ياسلام يارابطة المرأةالسودانية بالدوحة
|
أقامت رابطة المرأة السودانية بالدوحة اليوم جلسة أستماع احياهاالأستاذ الدكتور
ياسرمبيوع( بالمركز الثقافى السوداتى)
تغنى الدكتور الفنان لعدد من الشعراء من الجنسين وتخلل الجلسة نقاش حول الكلمات
والألحات والموسيقى شارك فيهامن الحضور الأستاذ حعفر عباس ’ والأستاذ عادل التجانى
والأستاذ عماد حجازى ’والأخت حنان نميرى ’ وألأستاد عبد الجليل عبد الحليم ( نادوس) والأبنة ماهيتاب
بركات وكل أدلى بدلوه.
حقيقة كان الحضور جميل ومميز كان الدكتور ياسر قمة فى الأبداع والجمال وأسعدنا بألصوت واللحن والكلمات .
شكرا للدكتور الفنان المبدع ياسر مبيوع
شكرا للحضور .
والتحية لرابطة المراة السودانية بالدوحة على هذا العمل الرائع ومزيد من التواصل
|
|
 
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
أجمل هدية
لرابطة المرأة لدورها ونجاح برامجها التي قامت بها
خلال الهذا الموسم ..
نهدي لهم هذا النجاح اليهم بالرغم من انهم منحونا
الفرح والمعرفة ..
الليلة كانت رائعة والحضور باهي وجميل
من انجح ليلي الاستماع ..
ولابد من تنوع الليالي
وافراحنا ممتدة مع منتدى الحروف
والشاعر " بشرى سليمان واغنيات " ياسر مبيوع
وفي الطريق حفلات نادي السينما
وتتوالى ايام الثقافة
شكرا رابطة المرأة (( ســـــــــوا))
لدورها ونشاطها البديع
تحياتي واحتراماتي
ومودتي ناجية
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
أحييي بس دايِر أعرِف ... بِت إبراهيم مالكن ما حدثتوها
- ما مرا ...
- ما سودانية ...
أي ما ساكنة الدوحة لكِن ما في قطر ... ولا الشحانِية دي ما معدودة فيها ...
< رابطة المرأة السودانِية بِِالدَوحة > ... والله الهامِش كتلنا قتِل ... في السودان
الناس تسكُن بيوت ونِحنا البِيوت ساكننا ...
أُعلِن هُنا عن قِيام < رابطة المرأة السودانِية بِالشحانِية وضواحيها > ومبيوع ده بِنجيبو ... قنِبو ساي في البندر ده
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: عزام حسن فرح)
|
الأخ عزام حسن فرح
تحياتى لك وبت أبراهيم فقدناكم والله وجودكم كان مزيد من الفرح والبهجة
طبعا لما عرفت أنكم ما سمعتوا سألت عمر سعد قال لى الموضوع دا أتنشر فى
ثلاث جرايد بس الجرايد ما بتصل ناس الهامش
لكن ليك على أدينى تلفون بت أبراهيم وأنا أمشى بى نفسى أكلمها قصرت معاكم
والتحية لرابطة المراة بالشحانيةوتحية خاصة لبت ابراهيم
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
الفاضلة ناجية
طبعا مبيوع حكى لى كل التفاصيل فى الجلسة وهو مبسوط جدا جدا منها
فعرفت انها فاتتنى بالرغم من انو قالة نقلت الكراسى دى كلها من جوه الصالة ...
لكن قاتل اللة الدوام ..........................
كامل تضامنى مع بت ابراهيم وحا انضم لحزب الشحانية بقيادة عزام وبت ابراهيممم
وبنجيب مبيوع ...وما بنعزم زول من الدوحة.....
قالو لم يكن هناك اى تسجيل للجلسة لا صوت لا صورة وتحسب عليكم انحنا حا نسجل فى الشحانية
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: haroon diyab)
|
الأخ: العزيز هارون دياب
الأخ : العزيز مامون أحمد ابراهيم
تحياتى لكم جميعا
مشكورين على المرور الجميل وكان بودنا أنكم تكونوا معاناإلاإن السبب خارج عن إرادتنا
الأخت عواطف حسين نزلت الخبر فى الصحف اليومية وكتب بوست قبل كم يوم وكنا مفتكرين
الخبر عم القرى والحضر.والجايات أكتر من الرايحات
لكم مودتى وأحترامى
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
يا هارون دياب
واللة كان فى البال انو انزل الاعلان فى سوداني اون لاين
لكن كان عندى راى انو الناس ماتكتب فى اثناء التهكير عشان ما تدى الهكر احساس التفوق
ويكون مستمتع باهرجل التى حصلت وهو ما كان يريدةوتحقق لة بكتابات الناس اثناء التهكير
نحى ابطة المراه على فعالياتهاالضخمة ودورهافى نشر الوعى والثقافة
ومد من النجاحات ......
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
ظروف البورد كانت يا ناجية لا تسمح بنشر اى شى لوجود
ما معلوم للجميع .............................
مسالة الاعلام مسالة شائكة حتى على مستوى الجالية نعانى من الاعلام والاعلان
ونجد انفسنا مقصرين فى توصيل الفعاليات الى كل الجالية فى الوقت المناسب
واعتقد انها دايرة ورشة عمل حتى تبتكر وسائل للاعلام الجميع
حاضرين ان شا اللة
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: مبيوع)
|
بكل المحبه
سعدت جداً بهذه الليلة التي كان لي شرف إدارتها
سعدت للجمهور الجميل الذي ملأ الصالة وفاض خارجها
سعدت بالنقاش الجاد والملاحظات التي من المؤكد أن أخي مبيوع سيستفيد منها ويعمل بها
سعدت جداً بالدور النشط للمرأة السودانية بالدوحة
سعدت بدكتور / منار وبالأستاذة / عواطف وما يقدمانه دائماً لهذا المجتمع الراقي
سعدت بحضور صديقي الشاعر الكبير بشرى سليمان
ستكون هنالك ليلة جميلة لبشرى سليمان وياسر مبيوع في مساء السبت (بكره) الساعة 8 مساء بمركز البيئة (منتدى الحروف نسخة الدوحة)
والذي سيستضيف أيضاً الإعلامية الكاتبة الصحفية أ . بخيته أمين يوم الثلاثاء 28 أكتوبر 2008 بنفس الصالة
الدعوة موجهة للجميع وفي هذا البوست أخص بها (رابطة المرأة السودانية) وجميع الروابط السودانية بالدوحة
مرحباً بكم
عادل
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
السلام عليكم جميعا
التحية والتقدير لرابطة المرأة بقطر ومزيدا من الانجاز والعطاء
Quote: مسالة الاعلام مسالة شائكة حتى على مستوى الجالية نعانى من الاعلام والاعلان
ونجد انفسنا مقصرين فى توصيل الفعاليات الى كل الجالية فى الوقت المناسب
واعتقد انها دايرة ورشة عمل حتى تبتكر وسائل للاعلام الجميع |
يمكن يا عمر سعد المساهمة فى تسهيل هذه المهمة عبر الروابط المنضوية تحت مظلة الجالية فهى المحرك الأساسى للنشاط وفى ذلك تفعيل لدور كل أفراد الجالية كل من موقعه واشراكهم فى كل الفعاليات بصورة ايجابية
و أظن أنكم فى اللجنة التنفيذية لن تتمكنوا من ابلاغ كل أفراد الجالية بمفردكم دون مشاركة بقية الأعضاء
نحن فى رابطة الصيادلة نقوم بتبليغ الأعضاء بتقسيم العضوية لمجموعات يكون مسئولا عن كل مجموعة أحد أعضاء اللجنة ، وكذلك عن طريق البريد الألكترونى ولدينا مجموعة فى الياهو وأيضا عن طريق الرسائل النصية ويمكن للجالية أن تتبنى نفس الطريقة وأن تقوم بتسجيل كل عناوين أفراد الجالية حتى يسهل الاتصال بهم
تقديرى واحترامى
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ياسر شبيكة)
|
الاخت ناجيه تحية واحترام
فى رأى دائما انه جالية الدوحه مميزه جدا وصفوة
لها منا كل التقدير ..
ولكن انتن رابطة المرأة بالدوحه كل التقدير والاجلال
تحية خاصة لرابطة المرأة وامنياتنا بمزيد من التقدم ان شاء الله
الاخ العزيز مبيوع دائما يهدينا الفرح اينما حل ..
لك خالص التحايا اخى ياسر
شكرا للجميع ومزيدا من الابداع
اسماء الجنيد / مسقط
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: عماد الشبلي)
|
Quote: أقامت رابطة المرأة السودانية بالدوحة اليوم جلسة أستماع احياهاالأستاذ الدكتور
ياسرمبيوع( بالمركز الثقافى السوداتى)
تغنى الدكتور الفنان لعدد من الشعراء من الجنسين وتخلل الجلسة نقاش حول الكلمات
والألحات والموسيقى شارك فيهامن الحضور الأستاذ حعفر عباس ’ والأستاذ عادل التجانى
والأستاذ عماد حجازى ’والأخت حنان نميرى ’ وألأستاد عبد الجليل عبد الحليم ( نادوس) والأبنة ماهيتاب
بركات وكل أدلى بدلوه.
حقيقة كان الحضور جميل ومميز كان الدكتور ياسر قمة فى الأبداع والجمال وأسعدنا بألصوت واللحن والكلمات .
شكرا للدكتور الفنان المبدع ياسر مبيوع
شكرا للحضور .
والتحية لرابطة المراة السودانية بالدوحة على هذا العمل الرائع ومزيد من التواصل |
غايتو جنس فلهمه يا خاله, تحياتي لمحمد و الابناء و (الانجال) و مامون و عبدالحميد الشبلي و اخوه البشبهو ده, سلام للاخ عادل التيجاني, و فنان ايو سيتي ياسر مبيوع من عبرك يا خاله ناجية
لطفي ود اختك
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ياسر شبيكة)
|
الأخ مبيوع
تحية طيبة
سعدنا نحن باختيارك الموفق لما قدمت لنا من ألحان وكلمات وحضور
لك من الجميع الحب والتقديرونتمنى لك دوام التقدم والتوفيق
الأخ عادل التجانى
كان وجودك ظاهر للجميع ولك منا حميعا ألف شكر
الأخ عماد الشبلى
شكرا كتير على مرورك أفتقدناكم وكتا نتمنى وجودكم
لك الود
| |
|
|
|
|
|
|
|
|
|
Re: ياسلأم عليك ياسلام يارابطة المرأةالسودانية بالدوحة (Re: ناجية مصطفى)
|
| Quote: أُعلِن هُنا عن قِيام < رابطة المرأة السودانِية بِالشحانِية وضواحيها > ومبيوع ده بِنجيبو ... قنِبو ساي في البندر ده |
عزام عليك الله خلينى ابقى رئس وامين عام وناطق رسمى معاكم
الاخت ناجية ....
تحيات اكوام اكوام لرابطة المراة السودانية..
ولللفنان ياسر مبيوع بتجميله ليالى الدوحة...
ولك الود يا ناجية..
| |
|
|
|
|
|
|
| |
محمد سنى دفع الله
محمد خليل ساني
عزام حسن فرح
عمر سعد
haroon diyab
مامون أحمد إبراهيم
mahitab barakat
مبيوع
عادل التجانى
ياسر شبيكة
عماد الشبلي
محمد فضل الله المكى
فيس بوك
تويتر
انستقرام
يوتيوب
بنتيريست