|
|
 نقطة نظاااااام...الي جميع اعضاء سودانيز اون لاين!!!
|
المنبر حالته لا تسر..
منذ البارحة والغام علي الارض وبوستات مفخخة وعلي ما اعتقد يوجد اكثر من هاكر !!!
بكري ارسل رسالة ولكن ما متاكدين انها منه او لا...وهو لا يرد علي الموبايل؟؟؟
لا يوجد تنسيق بين الاعضاء فيما يتعلق بالهكر..
ويا حنين للبلد وود الصائم انتو ما قلبكم الوحيد علي المنبر...
فتحت بوست استسلام للهكر امس دخلتوا فيه وشجبتوا؟؟؟
طيب انتو فاهمين قصدي ايه في البوست؟؟؟؟
لو ما فاهمين الرجاء ما تخشوا وتجوطوا البوست!!!
انتوا اخواني وعافين معزتكم كيف عندي لكن ما قادرين تنسقوا معاي...
فتحت بروفايلكم عشان اشوف تلفون ولا ايميل ليكم ما لقيت؟؟؟
قلتوا اخرجوا من المنبر خرجنا بسرعة...بعد شوية حنين دخلت وقعدت فد قعدة في بوست بكري!!!
انتوا عايزين نحسم موضوع الهكر ولا عايزين المنبر جايط ونجوط في بعض من غير ما نفهم بعض؟؟؟
ما تحتكروا الامور ليكم لوحدكم..كلنا ممكن نساعد وبطرق كثيرة..
عايزين تنسيق تااااام بين كل الاعضاء..ولمن يكون في خروج نخرج كلنا وكذلك الدخول.
عايزين نكون مرآة لبعضنا البعض..نحذر انفسنا من الالغام والاسماء المفخخة...
عايزين تعاون تام من كل الاعضاء وعايزين يكون في اتصال بالتلفون والايميل..
يا حنين وود الصائم عايز تلفوناتكم...وارجوا من جميع الاعضاء وضع ايميلاتهم في البروفايل
حتي ولو ايميلات مؤقتة...
وارجوا من الاخ بكري الرد علي تلفونه او يطمئننا عليه..
اكرر يا حنين ويا ود الصائم ما تظلموا الناس ساكت..كلنا في خندق واحد وقلبنا حار..
جربوا وما حا تندموا...
اخوكم اشرف
|
|
 
|
|
|
|
ASHRAF MUSTAFA
فيس بوك
تويتر
انستقرام
يوتيوب
بنتيريست