|
|
 أثر تهكير سودانيزأونلاين على النفسيات
|
كل الزملاء في المكتب (كلهم أجانب) كانو بيسالوني من الصباح:
- يا زول مالك؟
- المات ليك منو؟
رديت:
- نفسياتي تعبانة... سودانيزأونلاين هكروهو.
- سودانيزأونلاين بنعرفوا.. لكن هكروهو يعني شنو؟
قلت اقول ليهم لحقوهو أمات طه يقولوا لي طه ده منو وكيف عندو أكثر من أم؟
المهم
قلت ليهم أتهكر وحصل ليهو زي ما حصل لي موقع العربية دوت نت.
فعلاً يا جماعة سودانيزأونلاين بالنسبة لينا
وطن موازي للوطن الأم
فيهو أخوان
وأخوات
أصدقاء
وصديقات
بل أسرة عديل كده
وفيهو تراث من الحوار الإجتماعي والوطني والمكتبات القيمة
والواحد والله شعر بي رأسو مقطوع
ونفسياتو تعبانة
لازم نشوف حل لتأمين الموقع
ونمد أيادي المساعدة
بعد موافقة بكري ابوبكر.
فلا يمكن تخيل الدنيا بدون سودانيزأونلاين
|
|
 
|
|
|
|
Elawad Eltayeb
العوض المسلمي
فيس بوك
تويتر
انستقرام
يوتيوب
بنتيريست