|
|
 الحالة
|
الحالة
- طَيِب قُبال ما يحصل الحادِث بِتشوف شِنو ؟
- ما بتذكر في كُل مرة إلا صوت واحِد بِينادي واحِد إسمو عبدالجبار وبعد ده بلقاني مَيِت وبعايِن لِروحي وأنا مَيِت ... مَيِت يا دِكتور مَيِت ...
- طَيِب إهدا ... إهدا ... الحالة دي يا سَيِد الكجر مفهومة جِداُ في الطِب ... إنو الواحِد يِشوف نفسو مَيِت أو في وضع مُختلِف عن حقيقتو ... أو يشوف الناس البِحِبهُم والبِعرِفُم في وضع مأساوي ... ده مفهوم مفهوم ... عاوزك ما تقلق أبداً ...
- لكِن يا دِكتور الحِلم ده يوماتي بِجيني يوماتي ... وأنا مُصدِقو ...
- ليه ما بِتعتبِروا حِلم ... مُش إنت مُتذكِر إنك مشيت تنوم ... أكيد نُمت وحِلِمت ...
- في زول ... في زول ... بِيحلم بِبُكره ... وبُكره يحصل ليهو نفس الحِلم بيهو ...
- إهدا ... إهدا ... هاك أبلع الحبه دي ...
- يا دِكتور أنا ما شفت روحي بس المَيِت !
- شُفت مِنو تاني يا سيدي ؟
- بعد ما شُفت روحي مَيِت ... بعد كم يَوم كِده شُفتك إنت في حِله إسِما درب النمِل برضو مَيِت !
- درب النمِل ... عِرفت إسم حِلتي كيف ... مِن وين ... إتكلم ... إتكلم ... إتكلم
- سعد ... سعد صباح الخير ... حتِتأخر على العِيادة ... قوم يا كسلان ...
- صباح الخير ...
- بابا ... بابا الليلة مُش عيد ميلادي ؟
- ما في صباح الخير يا نانا يا حبيبتي ؟
- طَيِب صباح الخير ... الليلة مُش عيد ميلادي ؟
- الليلة عيد ميلادِك يا أجمل نانا في الدُنيا ، حأعمل ليك حفلة كبيرة
- ما تنسى يا سعد تجيب معاك زِيادة كيك وزينة
درس الطِب النفسي وبعد تخرجِهِ مُباشرةً إفتتح عِيادة أمراض نفِسية في شارِع الدِكاترة بِأُم دُرمان ... عِيادة أمراض نفسِية سعدالدين الفاضِل عبدالله ... والِدهُ الشيخ الفاضِل عبدالله يس مِن قرِية درب النمِل ريفي القضارِف ، فقيه القرِية وإمامِها ومُعالِجُها ... كان جُل وقتِهِ يُقضيهِ في حُجرتِهِ المُظلِمة مع كُتُبِهِ الصفراء وارِد الفجالة بِمِصر ، خافهُ بعض الناس وإحترمهُ بعضِهِم ...
- أزِيك يا عم علي ... كيف حالك ؟
- بِخير يا دِكتور ... نحمُدالله
- أها في زبائِن ... ولا أقرا لي كِتاب كالعادة ؟
- في واحِد إسمو الكجر عثُمان عبدالسَيِد
|
|
 
|
|
|
|
|
|
|
|
Re: الحالة (Re: عزام حسن فرح)
|
ممدوح أبارو ...
كُل عام وأنتُم بِخير ... مُشتاقين كتير ...
الحالة الفوق دي مُش أخير مِنا العِرس ... ولا ... أخير الـ!!!
| |
|
|
|
|
|
|
|
|
|
Re: الحالة (Re: عزام حسن فرح)
|
Quote: ممدوح أبارو ...
كُل عام وأنتُم بِخير ... مُشتاقين كتير ...
الحالة الفوق دي مُش أخير مِنا العِرس ... ولا ... أخير الـ!!! |
وإنت بخير
دي ذي حالة صاحبنا الحلم إنو جاء خاشي الاوضة
قام ظبط روحو بالثابتة مع واحده!!!!!!!!!!!
| |
|
|
|
|
|
|
|
|
|
Re: الحالة (Re: عزام حسن فرح)
|
عبدالوهاب ...
الواحِد يحكي النُكتة ويقوم يشرحا ... دي ما تبقا نُكتة ... دكتور حلمان بِزول إسمو الكجر قال ليهو إنو شافو مَيِت في حلتو ... قام مِن نومو ... مشا عِيادتو ... لِقا مريض إسمو الكجر ... تاني شنو ... أتِم ليك شنو ... ما خلاص حِكوه وإنتهت ... تقول لي أنا برضي رطاني ... عارفك فِهمتا الحِكَوه ... بس عاوِز تخرب لي الدهشة ... خربتا إسترحت ... الله لا ريحك ...
| |
|
|
|
|
|
|
|
|
|
Re: الحالة (Re: عزام حسن فرح)
|
عزام
ياخ خلي روحك رياضية
والكجر دا ما يخرب البيناتنا
والله المخ تقل شوية ...
معليش دي فوتها وبعوضك ليها في بوست تاني
| |
|
|
|
|
|
|
| |
عزام حسن فرح
ممدوح أبارو
عبدالوهاب علي الحاج
فيس بوك
تويتر
انستقرام
يوتيوب
بنتيريست