|
حفلة وداع مشاطيب الهلال !!
|
شهدنا بالأمس الأول حفلة وداع مشاطيب الهلال المقامة بإستاد الخرطوم والتى كانت برعاية إتحاد الطريفى والتى أحياها الفنان عبد الباسط (حكم المباراة) وأوركسترا الهلال بقيادة المايسترو هيثم مصطفى أكبر المشاطيب سنا والتى بذل فيها المحتفى بهم الرفيس والدفيس للحيلولة دون شطبهم . وقد أشاد السيد صلاح إدريس الممول والممون الريئسى للحفل ، أشاد بالتنظيم والترتيب الدقيق لإخراج الحفل ، وأعرب عن سعادته برسائل الإعجاب التى ولجت هاتفه الجوال بعد إنتهاء الحفل مباشرة . ومن جهته أشاد السيد الطريفى صديق راعى الحفل الرسمى أشاد بفنان الحفل الذى أحى الهلال بعد موته وكذلك أشاد سيادته بمشاطيب الهلال وتمنى لهم التوفيق مع فرقهم الجديدة بدورى الخرطوم ولم يفت على سيادته الإشادة بأدب قائد حفلة الوداع البرنس هيثم مصطفى الذى عاونهم بالصمت طيلة زمن الحفل . وقد تألق فى حفل الوداع المبدع سورى شريف والمخضرم حفيانى الذى حفر المسرح برقصة الهياج كذلك الفلتة الدعيع الذى صال وجال داخل وخارج منطقة الجزاء ، والطفل المعجزة رونالدينو والأخ الزميل أسامة التعاون المتعاون مع خط التماس . وفى نهاية الحفل قام المحتفى بهم بإستلام هدايا التكريم والكاس فى منظر فريد لن ينسوه طيلة حياتهم .
|
|
|
|
|
|
|
|
Re: حفلة وداع مشاطيب الهلال !! (Re: abas)
|
عاد يا ايمان
جبتي ليه الدليل بتاع الرفس الجد من الرفاس الجد
كان وين ده ايام الخمسه سنه الشال فيهم الهلال البطوله
ده يا عباس ياخوي الرفيس اما الطقيع فحدث ولا حرج
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
يا إيمان !!
دى تمثيلية لزوم حبكة البيعة !!
بخيت وسعيد عليكم يا صلاح ياخوي رحم الهلال ولود وشفعنا الدقدق ديل بيضبحوا من الاضان للاضان قروش البلد تنفخ كرش ناديكم بالرزق الحلال ان شاء الله
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
Quote: والتى بذل فيها المحتفى بهم الرفيس والدفيس للحيلولة دون شطبهم
|
صباح الخير اخوي صلاح
يا أخوي المريخاب أخر ناس مفروض يتكلموا عن الرفيس
لكن الرايح ليهوا كاس بطولة مشتركة بدور على الرفيس
دمت إلى الخميس وكل خميس وأنت مغلوب
----------------- إيمان لقيتك جاهزة ، وقبل الميعاد كمان
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
ننستر نحن برضو يا إيمان ؟؟
فضائحكم موثقة عالميا ...
من زمن 2 و 12
يا صلاح يا ود امي وحاة النبي دوختني معاك يعني انت كمان في المناظرة دي خلينا نتعامل بالمنطق اتكلمنا عن التحكيم ارد عليك بخصوص التحكيم وشراء الذمم تنط لي للكلام عن اخلاق هيثم اها هيثم غلطااااااااااااااااان وسافي التراب لكن ملاسنة هيثم دي كانت مع العجب الما بيكون كان بيقول لهيثم آسف يا هيثم اخلاقي ما بتخليني ارد عليك وعشان ده في علم الغيب عن اخلاق العجب ولعيبتكم ممكن نتكلم ونتكلم ونتكلم وممكن نشوف ونشوف ونشوف كمان
فركز معانا عليك النبي عشان ما نشتت جهودنا في نقاش كله نطيط
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
والله يا ود خالي عاد الاوركسترا الظهرت ليك هنا دي جهجهتك بقيادة إيمان ،، ياخ والله جابت ليك شلالايت عمري ماشفتها في كرة قدم،،
ياصلاح : عارفك مريخابي وقلبك حار وكنت لزمن قريب حقاني في الكورة دي مابتجامل،،
صلاح نظرية المؤامرة دائما تكون شماعة للهزائم في كبرى اللقاءات ، الهلال غلبكم عدييييييييييل ، ورب الناس مباراة كاس الممتاز لو مدوا الزمن عشرة دقايق كانت النتيجة وصلت 4 ،،
ياصلاح أكتر حاجة غايظاني في ناس المريخ أنهم يبنو كل أمجادهم على إغاظة أهل اللهلال والعبث بفريق كبير وهو الكيان الرياضي الأكبر شعبية في السودان ،،
حركات مزمل أبو القاسم وعباراته المسيئة في حق اللاعبين هذا ماسورة وهذا فاتورة وهذا حفياني أصبحت أدباً مشاع لدى شعب المريخ وتقمص كل المريخاب الجانب السيء في شخصية مزمل وهو يعلم تماما إن حقق الله مراده وأختفى كيان الهلال من أمام ناظريه فليبحث له عن مصدر رزق آخر،،
صلاح ،، ياخوي ديل المشاطيب عملو فيكم كدا ، وليس الحكم ، وإن كان للحكام دور سالب فسل ياحبيبي حكم مبارة الهلال والمريخ التي حمل فيها صديقك زيكو الكورة من نقطة الجزاء وتوجه في هوينة ودلال صوب بوابة الخروج،، ماحصلت في التاريخ!!! أو أسال عبد الرحمة درمة عن هدف التمنيات الشهير،،
صلاح ،، سلم لي على الحاجة طيبة والبنيات والأبناء الذين بقدرة قادر حولته لمريخاب تارة بالإغواء وتارة بالإرهاب وقولتك الشهيرة : من له في قلبه ذرة حب في الهلال فليبحث عن منزل بديل،، دا برضو أسمو كلام؟؟؟؟
| |
|
|
|
|
|
|
Re: حفلة وداع مشاطيب الهلال !! (Re: عبد اللطيف بكري أحمد)
|
Quote: والله يا ود خالي عاد الاوركسترا الظهرت ليك هنا دي جهجهتك بقيادة إيمان ،، ياخ والله جابت ليك شلالايت عمري ماشفتها في كرة قدم،،
|
عليك الله الكان بسوى فيهو إفيانى ده إسمو كورة قدم ؟
Quote: ياصلاح : عارفك مريخابي وقلبك حار وكنت لزمن قريب حقاني في الكورة دي مابتجامل،، |
ولغاية الآن ..
بس أحكم إنت على فاول الدعيع مع إيداهور !!
Quote: وهو الكيان الرياضي الأكبر شعبية في السودان ،،
|
كان زمان !!
Quote: فسل ياحبيبي حكم مبارة الهلال والمريخ التي حمل فيها صديقك زيكو الكورة |
سألتو قال لى إنت دايرها يا صلاح تنتهى عشرة صفر يعنى ؟؟
داك وقت ولى يا عبداللطيف نحن أولاد النهار ده!!
Quote: وقولتك الشهيرة : من له في قلبه ذرة حب في الهلال فليبحث عن منزل بديل،، دا برضو أسمو كلام؟؟؟؟ |
لا أذكر أننى قلت مثل هذا الكلام لأولادى !!
وليس لى منزل حتى الآن لأطرد منه الهلالاب !!
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
إنتو زعلانين ليه ..؟
مفروض تكونوا فرحانين بالكاس الشلتو ده وبالمواهب الإكتشفتوها دى !!
الكأس المشتركة بين إتحاد الخرطوم والهلال !!
إنتو عارفين الهلال إتأهل كيف ؟؟
راجعوا نتائج المباريات التى لعبها الهلال ومنها تأهل لملاقاة المريخ !!
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
إنتو زعلانين ليه ..؟
مفروض تكونوا فرحانين بالكاس الشلتو ده وبالمواهب الإكتشفتوها دى !!
صلاح ازيك لا يا صلاح ياخوي انت فاهم غلط نحن ما زعلانين يا يابا بالعكس والله الحاصن انك انت مريخابي وبدل تكتب موضوع عن فريقك المريخ كاتب موضوع عن فريق الهلال فنحن كهلالاب الموضوع بيهمنا اكتر منك وقاعدين نقرا ليك ونرد على كلامك زي ما بيحصل في كل البوستات الفي البورد ده الناس بتكتب موضوعات والناس المهتمين بيها بيدخلوا يقروها ويردوا على الكاتبينها فزعل ما في بالعكس في فرح شديد من الاضان للاضان
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
Quote: وليس لى منزل حتى الآن لأطرد منه الهلالاب !! |
يعني انت ناسي في حاجة إسمها قوقل إيرث؟؟ انت العلمتنا ليها !!!
طيب سميناها رضينا : عليك الله امرق الذمة : بيت الإيجار دا فيهو كم هلالابي؟؟؟؟؟؟
| |
|
|
|
|
|
|
Re: حفلة وداع مشاطيب الهلال !! (Re: عبد اللطيف بكري أحمد)
|
نظرية المؤامرة دائما تكون شماعة للهزائم في كبرى اللقاءات ، الهلال غلبكم عدييييييييييل ، ورب الناس مباراة كاس الممتاز لو مدوا الزمن عشرة دقايق كانت النتيجة وصلت 4 ،،
ياصلاح أكتر حاجة غايظاني في ناس المريخ أنهم يبنو كل أمجادهم على إغاظة أهل اللهلال والعبث بفريق كبير وهو الكيان الرياضي الأكبر شعبية في السودان ،،
حركات مزمل أبو القاسم وعباراته المسيئة في حق اللاعبين هذا ماسورة وهذا فاتورة وهذا حفياني أصبحت أدباً مشاع لدى شعب المريخ وتقمص كل المريخاب الجانب السيء في شخصية مزمل وهو يعلم تماما إن حقق الله مراده وأختفى كيان الهلال من أمام ناظريه فليبحث له عن مصدر رزق آخر،،
صلاح ،، ياخوي ديل المشاطيب عملو فيكم كدا ، وليس الحكم ، وإن كان للحكام دور سالب فسل ياحبيبي حكم مبارة الهلال والمريخ التي حمل فيها صديقك زيكو الكورة من نقطة الجزاء وتوجه في هوينة ودلال صوب بوابة الخروج،، ماحصلت في التاريخ!!! أو أسال عبد الرحمة درمة عن هدف التمنيات الشهير،،
انت يا عبد اللطيف ياخوي ان شاء الله لا تفوت لا تموت
| |
|
|
|
|
|
|
Re: حفلة وداع مشاطيب الهلال !! (Re: إيمان صالح)
|
Quote: يا صلاح ياخوي انت جد ناوي تتكلم عن الحكام؟ وعن شراء ذمم الحكام؟ يا ولد امي النصيحة اخير تنستروا |
إيمان !!!.. سؤال ....!!!!
كيف تغير رقم فانيلة لاعبي الهلال قبل مباراة الاهلي الشهيرة حيث أصبح الرقم ( 2 ) ( 12 ) ؟ أظن ح تقولي لي قسطنطين .....!!!!!!
قال حكام قال .... لأول مرة في تاريخ حياتي أشوف حارس بيطلع وياخذ الكرة بيده خارج منطقة الجزاء والحكم مابطرده ... ولاعب يأخذ الكورة داخل منطقة الجزاء بيده الاثنين والحكم لا يحتسب ركلة جزاء .. وبرضو تقولي لي الطيارة فيها بوري ... إنتظرينا يوم الخميس إنشاء الله وعندها سيكون لكل حدث حديث ...
| |
|
|
|
|
|
|
Re: حفلة وداع مشاطيب الهلال !! (Re: عماد محمود علي)
|
Quote: كيف تغير رقم فانيلة لاعبي الهلال قبل مباراة الاهلي الشهيرة حيث أصبح الرقم ( 2 ) ( 12 ) ؟ أظن ح تقولي لي قسطنطين .....!!!!!! |
الأخ عماد تحياتى ..
تصدق حتى الآن يفاخروا بأنهم وصلوا النهائى بالفضيحة دى
إلا المرحوم الطيب عبدالله قبل ما يموت قال ليهم ...
وصول الهلال للنهائى بهذه الطريقة شى غير مشرف !!
| |
|
|
|
|
|
|
Re: حفلة وداع مشاطيب الهلال !! (Re: إيمان صالح)
|
Quote: انت يا عبد اللطيف ياخوي ان شاء الله لا تفوت لا تموت |
العزيزة إيمان بنت الحاج صالح: إن شاء الله إنت كمان لا تموتي ولاتفوتي ،، شغلك نضيف والله،، وإن شاء الله كمان المريخاب برضو مايموتوا ولا يفوتوا، ديل برضو حباينا ،، المشكلة مكابرين وراسهم ناشفة عايزين بأي صورة يساوا بين الهلال ونائبه، ودا طبعا مستحيل،،
= عليك الله ياإيمان صورة الشلالايت الفوق دي جبتيها من وين؟؟ موسى الزومة تجاوز حدود التعدي اللفظي إلى الشروع في القتل وأقلاها الأذى الجسيم ،، عليك الله شوفي الكورة وين والزول دا رجلو وين؟؟
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
كان الحكـم خارج الفورمه .. واسماء مهدده بالشطـب قدمت اقصى ماتستطـيع .. حارس استمر بعد تعطـيل هجمه بيديه خارج ال 18 ..
كره مجنونه, لكن اعادت للنديه نكهه.. ضد الشغب و العشوائيه من اي جمهور كان !.. مبروك للهلال , تعالوا بدري بالخمــيس _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: حفلة وداع مشاطيب الهلال !! (Re: طلحة عبدالله)
|
Quote: صحيح أن المريخ لم يعر المباراة إهتماما بدليل تساهله في الميدان وظهور نجومه وكأنهم يؤدون مباراة تجريبية لكن ما فعله الحكم كان وصمة عار في جبين لجنة التحكيم المحلية وإتحادها الخرطومي وسكرتيره الهلالابي المتعصب الطريفي الصديق العدو الأول لكل المريخاب والثاني لشداد وإتحاده . |
صدقـت !!
عليك الله رش لينـا الحمام الفرحـان ده من هنا
الطريفي ده سألوهو يوم كورة الشمالي وأهلي شندي الكانت في استاد الخرطوم عن انو مريخ هلال في موعدها
تخيلو ردو كان شنو!! آآآي قايمة في مواعيدها أنحنا فريقنا جاااهز البرنس موجود ومرق قاعد ويوسف محمد وحموده
وعلاء جبريل وداريوكان عمر بخيت والمعز وصالح عبدالله !!!! تصدقوا ده رد رئيس الأتحاد المجلي أقصد المحلي
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
جرجير ( من جرجرة) .. بعد يومين لقبك ح يكون الحداد والنجار والسمكري وماشابه .. طبعا يا عمك ما أظنك بنيت كلامك الفوق دا علي أساس ردي للعزيز عبداللطيف .. لأنو الزول دا واحد من الناس آخر من اتكلم معاهم بجفاء ( الزول دا لطيف بالجد ) .. ولو قصدك علي كلامي للطريفي الصديق وقبلها السماني فأصلا الناس دي من زمان كلامي ليهم من العينة دي وأفظع .. تاني ما عارفك بتتكلم عن ياتو جفاف يا لفيف ..
| |
|
|
|
|
|
|
Re: حفلة وداع مشاطيب الهلال !! (Re: طلحة عبدالله)
|
تنظير من تنظرة المعروف بطلحة قصدي وعلى غير العادة تناولك لشان المباراة الاخيرة فيه حدة لا تخفى على متابعي كتابتك اللتي يغلب عليها الجانب الكوميدي ودي ما اول مرة نغلبكم فيها ولا اول مرة الحكام يخرمجوا يبقى ارجع الحرقة الحاصلة دي للمواسير ليس إلا
| |
|
|
|
|
|
|
Re: حفلة وداع مشاطيب الهلال !! (Re: محمد البشرى الخضر)
|
صلاح ابوديه والله منى ومنك ازوووووووووووووووووغ بس وخلوك تنطط من الاحتياطى لى الاخلاق ومن رقم 2 الى 12 الزرزره حاااااااااااااااااااااااااااره
اها اثبت لى يوم الخميس انشاء الله البوكس بتاعك دا ح يتملى ركاب
ايمان صالح والله عافى منك وبجيك صادى .. تانى
| |
|
|
|
|
|
|
Re: حفلة وداع مشاطيب الهلال !! (Re: ahmed khidir)
|
أيمان صالح
والله لقيتك خطيييييييييييييييرة لكن
بالله شديتي الجماعة ديل كلهم....والناس غايبة
خليتي يتمتمو في الكلام كلهم...ويفتشو اربعين سنة لي ورا مالقو غير فنلة كندورة
شغلك نضيف
وبالدليل القاطع.....
بعدين نسيتي فضيحة الاربعين الف دولار لكابتن شبيبة القبائل والجابتها كل الصحف الجزائرية
وخلت الجماعه هنا يتجهجوا وقالوا حيرفعوا شكوي للفيفا...ومن ديك وعييييك
أما أنت يا اخي ابودية فاتح ليك بوست كبير عريض ماعندك ليهو قدرة...اها فنجرية هلالابية واحدة جهجهتك
واذا كان عايز تكتب عن المشاطيب ...ياخوي المريخ بيغربل كل سنة كل التيم بتاعو وبيقتات من فضلات الهلال
وهسي مشاطيبنا ديل سوقم حار وتلقاهم كلهم قبضو مقدم عقد من الوالي
بالله فكر قبل ماتكتب عن الهلال
تحياتي
| |
|
|
|
|
|
|
Re: حفلة وداع مشاطيب الهلال !! (Re: yasir Abdelgadir)
|
طمبل الشغيل علاء الدين طيارة اكرم الهادى سليم الغزال مجاهد خمسة من اعمدة المريخ الحالية مشاطيب لفريق الهلال الهلال يجهز لمشاطيبه والمريخ يجهز فى كشفه لضمهم هؤلاء هم مشاطيبنا..الذين يضخون الدماء لفريق المريخ الوصيف وكل سنة وانتم فى انتظار مشاطيب الزعيم
| |
|
|
|
|
|
|
Re: حفلة وداع مشاطيب الهلال !! (Re: yasir Abdelgadir)
|
بعدين نسيتي فضيحة الاربعين الف دولار لكابتن شبيبة القبائل والجابتها كل الصحف الجزائرية
وخلت الجماعه هنا يتجهجوا وقالوا حيرفعوا شكوي للفيفا...ومن ديك وعييييك
دكتور ياسر اريتك طيب عاد ناس شبيبة القبائل اريتهم يا يابا اولاد القبائل وحاتك اكان ما غلبوا الحمام الشبعان موت ولحقوا اتحكروا للموضوع ده كان اوكامبو خلى العوير وقبل على الخمير
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
الاخت أيمان .... أنت قلتي :
Quote: وقاعدين نقرا ليك ونرد على كلامك |
أها ردي لي علي دي : كيف تم تحويل الرقم ( 2 ) إلى ( 12 ) .... بســـرعـــة لو سمحتي علشان السؤال الجاااااي قبل الخميس .....
الاجـابة :
قســطنطين ..... الرد : خطا ...
الحكم بعد الرشوة : الرد : إجابة صحيحة 100% .....
| |
|
|
|
|
|
|
Re: حفلة وداع مشاطيب الهلال !! (Re: إيمان صالح)
|
كشف مشاطيب الهلال
1. هيثم مصطفى ( لبلوغ سن التقاعد) دون ذكر للأخلاق والقوارير
2. ريتشارد جاستن ( لبلوغ سن التقاعد)
3. داريو كان (إلى الإسماعيلى مع الشكر)
4. علاء الدين جبريل (لعدم الرغبة فى الإستمرار)
5. إفيانى الماسورة (لتحوله إلى فريق كرة قدم أمريكى)
6. سورى شريف (لإصابته بهستريا عقب هدفه فى المريخ)
7. صالح عبدالله (إيتو قال)
8. عمار مرق (لعدم الكفاءة)
9. الحاج كرنقو عبدالله (لمحاولة الإنتقال إلى القلعة الحمراء)
10. النعيم رونالدينو (لضعف المردود الرفسى)
11. أسامة التعاون (لعدم تعاونه مع البرنس)
12. كليتشى أوسونو (إلى المريخ)
13. عمر بخيت ( لنفاذ المخزون المنشّط)
14. يوسف محمد (إلى نادى أوربى بعد شراء وكيل لاعبين لحقوق تسويقه)
وتدعوكم أسرة النادى لحضور حفل الوداع الثانى المقام
بإستاد الخرطوم يوم الخميس القادم !!
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
Quote: الآن !!!
طازج من موقع الفيفا...
المريخ الـ96 عالميا
والثالث عربيا
الهلال 106 |
أهـا لكن ما وريتنا الرشاشات ترتيبهم كم عربيا" ؟ ومنو الأول والتاني ؟
آآآيواااا اتذكرت .. نفس الموقع قال الهلال الأول !!!!
في الرفس و الدفس
| |
|
|
|
|
|
|
Re: حفلة وداع مشاطيب الهلال !! (Re: Talal Halfa)
|
الهزيمة من الزعيم تطيع بنصف فريق المريخ هذا ما جاء بالصدى
.... خسر المريخ نتيجة مباراة امس الاول امام الهلال في نهائي البطولة المشتركة وفقد لقب البطولة التي كان يسعى للحصول عليها ولكنه بالمقابل كسب الكثير من خلال هذه المباراة التي منحت الفريق الأحمر مؤشرات جيدة يمكن الاخذ بها في عملية الاحلال والابدال وتحديد اللاعبين المغادرين لكشوفات الفريق في فترة التسجيلات الرئيسية بعد ان اتاح غياب نجوم الفريق بالمنتخب الوطني الفرصة لإشراك العناصر البديلة وبعض الذين لم يجدوا فرصة الظهور مع القائمة الأساسية في الفترة الماضية، وقد اكد لقاء الامس وما خرج به المريخ من فوائد اهمية الدورة المشتركة او المنافسات التي تشبهها لأنها تتيح الفرصة لرواد دكة البدلاء الظهور في مباريات مهمة يمكن اعتبارها تجارب حقيقية تمكن القائمين على امر الفريق من إصدار أحكام عادلة بحق اللاعبين بعد مشاركتهم في مثل هذه المواجهات التي تحدد صلاحية اللاعب من عدمه خاصة عندما يجد فرصة المشاركة بصفة أساسية.
وبالعودة الى موقف لاعبي الفريق نجد ان مباراة امس الاول منحت الجهاز الفني الضوء الأخضر للإبقاء على اللاعب الشاب سعيد مصطفى الذي ارتدى شارة كابتنية الفريق في المباراة وقدم اداء مقنعا جعل الكثير من المتابعين يطالبون بمنح سعيد الفرصة لمواصلة مشواره مع المريخ بعد ان كانت الانباء قد ترددت عن اتجاه للاستغناء عن خدماته خلال فترة التسجيلات الرئيسية، وعلى الرغم من غياب سعيد الطويل عن المشاركة في المباريات الرسمية الا انه نجح في تقديم مستوى مميز وتمكن من قيادة زملائه باقتدار قاطعا الجدل الدائر حوله ومؤكدا استحقاقه للبقاء بكشوفات الفريق استنادا على عطائه داخل الملعب بعد ان نجح في اجتياز امتحان القمة بجدارة. ويرى الكثير من انصار المريخ ان المستوى الطيب الذي قدمه سعيد يشفع له بمواصلة مشواره مع الفرقة الحمراء خاصة وانه يلعب في وظيفة المحور والفريق يحتاج الى جهوده بجانب الثنائي الشغيل ومجاهد احمد ، ويدعم المناصرون لاستمرار سعيد مطالبتهم بعدم شطبه بالسلوك الرفيع للاعب وانضباطه التام وروحه القيادية التي يحتاجها المريخ في المرحلة المقبلة باعتباره واحدا من اقدم اللاعبين في كشوفات الأحمر اضافة الى نجاحه في التجربة الاخيرة رغم ندرة الفرص التي اتيحت له في الموسم الحالي.
وعلى الجانب الآخر يأخذ البعض على سعيد تأخره في انتزاع موقعه في التشكيلة الاساسية ويقارنون بينه وزميله نصر الدين الشغيل الذي دخل كشوفات المريخ بعد سعيد بسنوات ونجح في اثبات وجوده وتمكن من الوصول الى تشكيلة المنتخب الوطني الاول.
وعلى النقيض من سعيد الذي تألق واثبت وجوده قطع المحترف النيجيري اوبينا بعدم جدواه من الناحية الفنية بعد ان قدم مستوى هزيلا اكد به ان المريخ شرب مقلبا كبيرا بالتعاقد مع هذا اللاعب الذي فشل في اثبات وجوده رغم الفرص الكثيرة التي اتيحت له ومشاركاته المتعددة مع الفريق في البطولتين المحلية والافريقية، وكان مستوى اللاعب قد شهد تدهورا كبيرا وحمله البعض مسئولية خسارة عدد من المباريات وفي مقدمتها مباراة الاشانتي التي كتبت نهاية مشوار المريخ الافريقي وهو ما دفع الجهاز الفني لإبعاده من القائمة الاساسية وان بقي موجودا في قائمة الثمانية عشر لاعبا في معظم المباريات، وفي لقاء الامس الذي منح فيه المدرب الفرصة لمعظم رواد دكة البدلاء فشل اوبينا في تأكيد احقيته بارتداء الشعار الأحمر وكان وجوده خصما على الفريق ليستحق المغادرة الفورية من كشوفات المريخ دون تردد.
وعلى درب أوبينا سار العراقي علاء الزهرة الذي تنتهي فترة تعاقده مع المريخ بنهاية الموسم الحالي واستنادا على المستوى المتواضع للزهرة في لقاء امس الاول نعتقد ان عدد المتحسرين على رحيله سيتناقص كثيرا خاصة بعد ان وجد اللاعب فرص مشاركة متعددة ورغم ذلك لم يتمكن من تسجيل اهداف توازي مرات ظهوره مع المريخ كما ان المهاجم العراقي الذي ينتظر ان يتوجه الى العاصمة القطرية الدوحة للتعاقد مع الخور القطري لم يحسم اي مواجهة مهمة للمريخ وبقي لاعبا عاديا لم تلفت مساهماته في مباريات الفريق نظر المتابعين كثيرا ولم تشفع له بالسعي لتجديد عقده عكس مواطنه سعد عطية الذي يجد امر تجديد التعاقد معه مساندة كبيرة بعد مستواه الطيب وتألقه الواضح في الكثير من المباريات الصعبة التي اثبت فيها سعد انه مدافع متمكن وصاحب خبرة ميدانية يحتاجها المريخ.
مباراة امس الاول خصمت كثيرا من رصيد البرازيلي باولينو الذي لم يقدم المستوى المطلوب رغم نجاحه في تسجيل هدف الفريق الوحيد حيث ظهر البرازيلي بلياقة بدنية متدينة اكدت تأثره بفترة التوقف الطويلة والغياب القسري عن تشكيلة الفريق، كما ان باولينو حاول الاعتماد على اجادته لتنفيذ الضربات الثابتة ولم يبذل مجهودا يذكر خلال المباراة جعل معظم المتعاطفين معه يغيرون رأيهم في طريقة ادائه السلبية ليضعف باولينو فرصه في الاستمرار مع المريخ ويجعلها معلقة فقط بالخوف من انتقاله للهلال في حال استغناء النادي عن خدماته.
وما ذكر عن باولينو ينطبق على لاعب الوسط نور الدين عنتر الذي لم يوفق في مباراة امس الاول وقد يساهم المستوى الضعيف للاعب في دخوله دائرة المرشحين للشطب بديلا لزميله سعيد مصطفى الذي قدم شهادة اجادته في المباراة فيما فشل عنتر في اقناع حتى من يناصرونه بأحقيته في الاستمرار بكشف المريخ.
| |
|
|
|
|
|
|
Re: حفلة وداع مشاطيب الهلال !! (Re: عبد المنعم سيد احمد)
|
Quote: تفيد متابعات قوون بان نادي المريخ خاطب اتحاد كرة القدم السوداني واتحاد كرة القدم المحلي بالخرطوم عبر مذكرة تطرقت للاضرار التي لحقت بالنادي بسبب التحكيم في قمة الدورة المشتركة الاخيرة التي خسرها المريخ ١ /٢ وطالبت المذكرة بضرورة اسناد قمة كأس
السودان المحتملة غداً لطاقم تحكيم دولي وهددت بالانسحاب من الملعب في حال الشعور بالانحياز للطرف الآخر منذ الدقائق الاولى وذكرت المصادر ان المذكرة كانت شديدة اللهجة
|
هذا ماجاء بصحيفة قوون وفى انتظار زيكو الجديد ترشيحاتكم
| |
|
|
|
|
|
|
Re: حفلة وداع مشاطيب الهلال !! (Re: عبد المنعم سيد احمد)
|
Quote: واثبت وجوده قطع المحترف النيجيري اوبينا بعدم جدواه من الناحية الفنية بعد ان قدم مستوى هزيلا اكد به ان المريخ شرب مقلبا كبيرا بالتعاقد مع هذا اللاعب الذي فشل في اثبات وجوده رغم الفرص الكثيرة التي اتيحت له |
Quote: وعلى درب أوبينا سار العراقي علاء الزهرة الذي تنتهي فترة تعاقده مع المريخ بنهاية الموسم الحالي واستنادا على المستوى المتواضع للزهرة في لقاء امس الاول نعتقد ان عدد المتحسرين على رحيله سيتناقص كثيرا |
Quote: مباراة امس الاول خصمت كثيرا من رصيد البرازيلي باولينو الذي لم يقدم المستوى المطلوب رغم نجاحه في تسجيل هدف الفريق الوحيد حيث ظهر البرازيلي بلياقة بدنية متدينة اكدت تأثره بفترة التوقف الطويلة والغياب القسري عن تشكيلة الفريق |
والله لو كنت فاضي كنت جبت كل الكلام الاتكتب عن الثلاثي دا عند تسجيلهم
الكلام دا بيتكرر سنويا ولمدة ستة سنوات ...وبنكتب بوستات سنوية عن محترفي المريخ وان المريخ كل سنة بيشرب نفس المقلب
قالو المؤمن مابيادغ من جحر واحد مرتين...لكن نادي المريخ ولمدة ست سنوات بيلدغ
ومليارات الدولارات بتصرف في الهواء
لكن من يقول البغلة في الابريق
طالما عندهم ابواق مابتشوف الا مواسير الاخرين لالهاء جمهورهم عن الفضايح دي
| |
|
|
|
|
|
|
Re: حفلة وداع مشاطيب الهلال !! (Re: عبد المنعم سيد احمد)
|
اضبط..احد المشاطيب فى طريقه لفريق المريخ حكايتكم شنو انتو مع المشاطيب ديل مرشح جديد للشطب السنة القادمة·
وافادت انباء صحفية صادرة فى الخرطوم امس ان رئيس نادي المريخ جمال الوالي كان قد ابدى رغبة اكيدة وجادة في الاستفادة من خدمات النجم التونسي في المرحلة القادمة لما يتمتع به من مواصفات يتطلب توفرها في لاعب الوسط الذي يجيد وظيفة المحور وظهر ذلك جلياً ابان مشاركة الاهلي المصري في مبارياته الافريقية وهي التي صقلته فنياً وعلي الفور بدأت المفاوضات مع وكيله (المصري الجنسية) والذي نقل رغبة المريخ للاعب الموجود هذه الايام بموطنه تونس وتزامنت مفاوضات المريخ مع التصريحات التي ادلى بها بوجلبان في اعقاب استبعاده عن قائمة الاهلي المشاركة في مونديال الاندية باليابان مؤكداً انتهاء علاقته بالنادي الاهلي وعدم العودة مجدداً الى القاهرة ·
| |
|
|
|
|
|
|
Re: حفلة وداع مشاطيب الهلال !! (Re: عبد اللطيف بكري أحمد)
|
Quote: صلاح إدريس رجل دوغري ووضاح ونضيف |
وعوير برضو ...
العوارة الواحدة دى ...
وح يودى الهلال الخووووور !!!
يجيد التلاعب بالألفاظ شاعر طبعا وصحفى أوهم الهلالاب
ووعدهم بالسراب ..
مرة مدينة الهلال الرياضية ...
ومرة قناة الهلال ...
ومرة إذاعة الهلال ...
والمفاجاة بتاعت كلو سنة ...
ياخ فوقوا أصحوا قبل ما الفاس تقع فى الراس ...
تعال وشوف إستاد الهلال عامل كيف ؟
وشوف النادى والله العظيم حاجة تخجل !!
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
شعب جمهورية الهلال يغنى و يردد فى منتصف مساء اليوم بتوقيت السودان :--
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
العزيز صلاح ألف مبروك الكأس
بس دايرين فتوى ما حكم الجمع بين الدوري والكأس
Quote: تعالى يا إيمان ...
إستخرجى الفوارغ ...
وأعملى الدوائر بتاعتك دى عشان أنا ما بعرف!!! |
في الإنتظااااااار
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
يا صلاح بالغت معانا
نحت قربنا نخلي البيت بي جاي
ونسايبنا الجداد طلعوا مريخاب ..
تاني لو جا زول يخطب واحدة في بناتنا نسألوا هلالابي ولا لا وبعد داك نجاوب عليهو ..
مبالغة يا المريخاب .. أبوي فيحان اوي ..
ولم يحرد العشاء معادته في حالة عدم فوزكم ..
مبروك عشان تعرفوا روحنا رياضية .. تعال لي ابوي دا ...اصلو الغريبة طلع ليهو مية علم ميخ علقهم في البيت من وين ما عارفة ..
المهم نحن هلالاب ياعبدة .. لن ترهبنا عصابة الأحمر بالبيت ..
عبده سلام وكل سنة وانتو طيبين ..
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
Quote: يلا خلوا روحكم رياضية ...
وباركوا لينا الكاس الحلال ده |
مبروك يا ابوصلاح
بس سؤال انت تلاته مباريات ما قدرت تغلبنى داخل المستطيل الاخضر ، واتنين منهم تعادل وده بيعتبر هزيمه لسيد البلد ، وفى عمليات شطب حتحصل اكيد فى الهلال من اجل ان يكتمل بدرا كما عرفناه .
انتو كيف بتشطبوا ام بتحتفظوا بكل الكشف الموجود حاليا ؟
ـــــــــــ
معا من اجل مجتمع رياضى خالى من التجريح
ـــــــــ
ولك كل التقدير و الاحترام
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
فيصل محمد رشوان
Quote: بس دايرين فتوى ما حكم الجمع بين الدوري والكأس |
قبل ده كانت 2 للهلال و واحد للمريخ .... وهسع اتعادلتوا
....
يعنى لا انجاز و لا بطيخ
ـــــــــ
وتانى مبروك
ــــــــــ
ومنتظرين صاحب البوست يرد علينا فى السؤال اعلاه ، و ما يحول عنوان البوست حفلة وداع مشاطيب الهلال لمواضيع تانيه
| |
|
|
|
|
|
|
Re: حفلة وداع مشاطيب الهلال !! (Re: طارق الكوتش)
|
Quote: قبل ده كانت 2 للهلال و واحد للمريخ .... وهسع اتعادلتوا
....
يعنى لا انجاز و لا بطيخ |
لكوتش طارق فعلا زي ما قال أساسي ده ياهو الانجاز الصاح
Quote: في انجاز غير مسبوق في الكرة السودانية قام فريق الهلال السوداني بتضييع كامل ضربات الجزاء في مباراته مع سوبر الكرة السودانية المريخ
التحية للود اكرم الهادي وهو يهدي الهلال السوداني ذلك الانجاز ( بقبضه) علي جميع ضربات الجزاء من اقدام فتية الهلال الاشاوس
صاحبوا الانجاز الغير مسبوق |
| |
|
|
|
|
|
|
Re: حفلة وداع مشاطيب الهلال !! (Re: طارق الكوتش)
|
Quote: و ما يحول عنوان البوست حفلة وداع مشاطيب الهلال لمواضيع تانيه |
الأخ طارق الكوتش
تحياتى ..!!
شكرا للروح الرياضية !!!
وموضوع البوست قائم !!!
والقائمة موضحة أعلاه !!
والقائم الشمالى يتجازى !!
والقائم للعيد يقوم بعد ده !!
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
صلاح لو سمحت فقط كورة داخل المستطيل الاخضر لانى حابب اتداخل و اتونس معاك لان عنوان البوست فيه شئ من حتى ممكن > وياريت كل الهلالاب و المريخاب برضو .
ـــــــــ
يعنى دايرين نتكلم عن موضوع البوست حفلة وداع مشاطيب الهلال بس بدون تجريح والتقييم هنا حسب الاداء فى الفتره الماضيه - الموضوع حلو بس يكون جاد ويشمل المريخ برضو
_______
عارف يا صلاح فى ناس كتاااااااااار متابعين سودانيز اونلاين خلينا نساهم ولو بالقليل فى شئ مفيد للكره السودانيه عارف لا مستوى الهلال و لا المريخ عاجبنى .... ولو بالصوره ده لا حتكون فى افريقيا ولا عرب و لا منتخب وطنى
ــــــ
بعدين ماذا قدم المحترفين الاجانب للهلال او المريخ من بداية الاحتراف بالسودان حتى الآن
عكس يوسف محمد اى كلام شوت باولينو اى كلام .............. الخ
منتظرك دوما
ــــــــ شعارنا القديم المتجدد > نعم للمناكفات لا للتجريح
مع خالص التقدير و الاحترام لشخصك و للسيد طلحه ( باعتباركم مريخاب ) وتانى الف مبروك
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
أبو دية مبروك التوالي الرابع .. رغم أن المستوى كان ضعيف واللعب عشوائي ولكن النتيجة هي الأهم في مثل هذه المباريات .. التنظيم كان في مستوى المبارة فوضى وهرجلة والغريب في الأمر تسليم ميداليات الوصيف بالجملة .. الزعيم حقق الأهم وفاز بالبطولة وأسعد قاعدته الجماهيرية .. وكل عام وأنتم بخير ..
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
ابو صلاح و المتداخلين سلامات
ياريت نعمل بوست واحد بعيدا عن التعصب نتناقش فيه بكل اريحيه > عن مشاكل الكره السودانيه ونطرح حلول ... لان سودانيز اونلاين يمتلك زوار مؤثرين فى الرياضه ( جمهور و اعلام و خلافه ) . وكمان نحاول نعمل شئ يقلل من التعصب لانه بقود الى تجريح و قطيعه فى مرات وده عكس اخلاقنا و تربيتنا كسودانين
انا هلالابى ... برشح د.شهاب المريخابى لفتح هذا البوست لسببين : حضوره الدائم وشعبيته الكبيره ما شاءالله + حياده فى تشجيع المريخ الرأى شنو يا شباب ؟
مع كامل التقدير و الاحترام
ـــــــــــ شعار المرحله القادمه > نعم للمناكفات لا للتجريح
| |
|
|
|
|
|
|
Re: حفلة وداع مشاطيب الهلال !! (Re: صلاح أبودية)
|
لمن فاتهم الإستمتاع ...
بحفلة وداع مشاطيب الهلال...
الخميس القبلى الفات !!
أنتم مدعوين جمعيا لحضور الحفل الختامى ..
لوداع مشاطيب الهلال ...
المقام يوم الخميس القادم بإستاد الهلال ..!!
| |
|
|
|
|
|
|
|