|
بيان شجب و استنكار من الناس العاديين
|
نحن كأُناس عاديين نأتي للمنبر لنهش به بعض فكرة لا تصل إلى مراتب "ومخدات" الإبداع وبعضنا يأتي لغياب الونيس تأثرنا كثيراً وقُطعت رأسنا بانقطاع سودانييز اونلاين عن البث، لم يؤدي ما يؤديه سودانييز أونلاين أي موقعٍ آخر وكما تعلمون (الناس العاديين ولوفين)، بهذا الموقع ومن هذا الموقع تعلمنا كيف يمكن أن نكتب، اعتقد أن غالبية مرتادي هذا الموقع من قُراء وغالبية الكتاب (الكتاب هنا من كتب يكتب ==< كاتب أي الكتابة العادية كونها أتت من أناس عاديين كتابة ممتلئة بكثير من الخارم بارم وهو خارم بارم عادي فشتان ما بين الخارم بارم الابداعي وبينه، نحن الكتاب (من كتب يكتب --< يعني انشاء الله دجاجي يلقط الحبَّ) أتينا من آباء وأمهات عاديات مواطنين عاديين في وطن عادي، كنا نعتقد أننا لن نوصف أنفسنا أو نُصف في يومٍ ما بكوننا عاديين وحسب المنايا أن يكن أمانيا لكن الله غالب غُلب شديد، ممكن 6 صفر كدا، لكن نحن ندين ونندد ونشجب (............) وكل الذخيرة الشتمية المثقفاتية هكر سودانييز اونلاين وأي موقع في شبكة الانترنت حتى مواقع الحكومة التي حولتنا من شعب عادي الى لا شعب ولاعادي ولاهم يحزنون وينتهي العزاء بانتهاء مراسم الدفن
الرجاء من كل من كل العاديين والعاديات (ضبحاً) الذين يرو أنهم عاديون التوقيع على الخارم بارم أعلاه
7917 محمد الحاج: مواطن عادي
|
|
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
طبعاً هذا ليس اقصاءً للاخوة البعاعيت (مع التحفظ الشديد على كلمة اخوة) فالاخوة البعاعيت بشكل عام قد قامو لحد كبير بافساد طفولة معظمنا (أو كما جاء في رواية الاخت العادية غير الروائية سناء جعفر) جيت أن ابراهيم ابن ابراهيم ابن أخ ود العمدة سيد الاسم قد نال ما نال من هؤلاء المخاليق المخاليق، فهم كانوا أدوات "لقمع" وتدجيننا كزغب حواصل إذ ان الله قد قال بقولك اذا حاولت الخروج من البيت بعد صلاة المغرب ستتخيل أن أي ظل يتحرك في الحائط بفعل عربة أو ضوء شمعة هو بعاتٍ من هؤلاء البعاعيت، اضافة الى أن البعاعيت أنفسهم لا يمكن أن يضافوا الى الانسان كأحد الحيوانات الفقارية العليا حتى وإن قام الانسان نفسه باختراعه وتأليفه وتسويته وتركيبه، أن أعتقد أن البعاعيت مسئولة لحد كبير من الخيالات المريضة التي تراونا صباح مساء وهي مسئولة عن عدم مقدرتنا على الانتفاض في وجه البعاعيت الذين يحكموننا حاليا اذ ان الأمر أشبه بااسقاط (راكبة دي؟) اسقاط بعاعيت رشدنا وبعاعيت الطفولة، الاخوة البعاعيت نحن نحاول أن نكون ديمقراطيين، لكننا لا ننجح في كل المحاولات الرجاء get the hell out of here و take it easy
| |
|
|
|
|
|
|
Re: بيان شجب و استنكار من الناس العاديين (Re: عبدالوهاب علي الحاج)
|
يا محمد الحاج اذا انتم متعلمين ونشاطين وشمالين وسموكم عادين يبقى نحن ناس الهامش وفي الهامش كمان نساء نمشي نشوف لينا لسه للزينا.
عن كتاب ما تحت العادين بتاعت ناس المركز دي.
وعشان ما تزعل يا محمد لما نقول في جلابة منابر ياهم شفت زي ناس البيان اياه اللا بهشنو لا بينشوا...طبعا ليس جميعهم ولكن بعضهم واعتقد هم الكانوا امكر وورطوا بعض الطيبين معهم......
عرفت في ناس الاقصاء ده كامن جوها لاي درجه.
يازول ما عادين شنو وحياتك بوستاتهم بووندي زي ما قال عليها خليل
وبعدين ما يغيظوك الناس ديل ولا يرفعوا ضغطك الناس ديل قبل كدعه ففرفروا وعمولا فيها باروا ناس بولا ونجاة وانشأوا سودان فور ال وبعيدن عانوا من بوار الموقع وجونا راجين بجاي للناس العادين.
ابداعهم ده اليبلهوا ويشربوا مويته لو هو ممن يكون بغير هؤلاء العادين.
نحن العادين ديل بملاليمنا دي بنشتري ابداعهم المدعى هذا ولو وما اشترينا بيظلوا كتاب مغمورين.
يحبوا على كرعيهم عشان يسوقوا كتبهم وموسيقاهم وفنونهم لنا فخليك بلاه بلا ابداع بلا بطيخ.
وطظ كبيره في الابداع القعاد متفرج على وطن بيتمزق وكظ اكبر في الابداع البينهشوا في بعضهم وردي العملوا فيها فرجانين بضم توقيعه هم اول من اكل لحمه حيا.
قال ابداع قال!!
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
يا استاذة منى خوجلي تحياتي واحتراماتي وتشكراتي زاتو كمان
Quote: انت زعلان ولا حاجه؟ وزعلان ليه؟؟ |
لا أنا ما زعلان ، أنا( ببعبر) عن نفسي كزول عادي انا زول عادي ما "أقل من عادي" عشان كدة ما حأقدر امشي اازر الناس الما عاديين ما يجيني واحد اقل من اقل من عادي أو أقل من اقل من اقل من عادي يطالبني بالتوقيع البوست دا للناس العاديين كل واحد يلتزم بي كلاسو الثقافي
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
يا عبدالوهاب علي الحاج و طارق جبريل اقيفوا لينا في الصف لأنو بنتفاوض حالياً على انو نتيح مكان للرجرجة والدهماء في آخر الصف في ناس ما موافقين على الرجرجة وفي ناس ما عايزين الدهماء، في اتجاه انو المستوفين الشرطين ممكن ينضموا للمولد دا. الى ذلك الحين زحوا لينا من الباب خلو الناس الشايلين تذاكر يدخلوا يا عسكري انت بتسوي في شنو الرجرجة والدهماء مالين البوست الديمقراطية لا تحتمل الرجرجة والدهماء والرجرجة والدهماء والرجرجة الدهماء والزبادي
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
الموقعون من العاديين والعاديات
Abureesh »abzahana »Adil Isaac »Ahmed Abdallah »Ali Sirelkhatim »doma »Elawad Eltayeb »Elmoiz Abunura »ELTOM »Elwaleed M. Ahmed »emad altaib »Gawhar Abdelmagid »ghariba »Hussein Mallasi -------------> ما مستعد أقول اي حاجة يا حسين لأني ما حافر خيران ومتاريس »Mahadi »mayada kamal »Medhat Osman »Mohamed Foto7li »Mohammed Elhaj »Muna Khugali ----------------> أقل من عادية »Omer Mustafa Omer »Omer Sakin »Rawia »Talal Halfa »TarigAbdalla »Tragie Mustafa »wadismail »Yassir Bainwi »Yassir Tayfour »Zoal Wahid »أبوبكر أبوالقاسم »أنور سيد ابراهيم »ابراهيم بقال سراج -----------> بليييز صنف نفسك »البشير دفع الله »الشامي الحبر عبدالوهاب »ايهاب »برير اسماعيل يوسف »بكرى ابوبكر »تماضر الخنساء حمزه »جمال السنوسي »حسن الطيب يس »خالد حامد الجزولي »خالد عبد الله محمود »داليا حافظ »رقية وراق »صديق عبد الهادي »صديق محمد عثمان »طارق جبريل »طلعت الطيب »عادل فضل المولى »عبد اللطيف بكري أحمد »عبد المنعم سيد احمد »عبدالعظيم محمد أحمد »عبدالكريم الامين احمد »عبدالله عثمان »عبدالوهاب علي الحاج ---------> »عزاز شامي »عزالدين طه »علاء الدين يوسف علي محمد »على محمد على بشير »عماد الشبلي »عماد موسى محمد »فدوى الشريف »مبيوع »محمد صباحى »محمد عبد الله شريف »معتز القريش »معتصم محمد صالح »ممدوح عثمان »نهال كرار »هند محمد
مافي واحد يجي يقول ما وقعت واول مرة اشوف البيان الشيوعي دا كلكم وقعتو "غصماً" عني "وغصما" عنك
الجدير بالذكر أن الترتيب اعتباطي اذا كان في هذه المجموعة أي بعاتي أو أي شخص غير عادي سولت له نفسه التسول هنا فليخرج من هنا خروج الأي حاجة من أي حتة، الرجاء الابلاغ عن أي شخص (غير عادي)
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
Quote: »علاء الدين يوسف علي محمد |
يا زول هوي إنت داير مشاكل ولا شنو؟ منو القال ليك أنا من العاديين ولا العاديات فخشاو فخش يفخش فخشاً فهو فخشاش يمكن هسي أكون كاتب أو كاذِب أو قاص قصاص طرق مثلاً أو فنان إنشاء الله فنان حريف بالحجر أفِن التمرة من فوق نخلتة بالحجر أجيبة واطة أو مسرحي يعني مُهرِّج مثلاً أنطط عشان الناس تقول دة ممثل أو روائي و مرائي
أنا عاوز أوقذِع مع المبدعين و أعيش زول ليهو قيمة لأنو يبدو لو إنت ما مبدع معناتة ما زول ليهو قيمة زول ساكِت يعني
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
الجدير بالذكر وطبعاً (أي زول بيعتبر البيقولو جدير بالذكر) أنا حائرٌ، ليس أنني مغير، ولكن الأمر مُحير عندما يتعلق بهولاء الناس الذين يُطلق عليهم شعب، فتعريف ويكيبيديا العربية يقول (مجموعة من الأفراد أو الأقوام يعيشون في إطار واحد من الثقافة و العادات ضمن مجتمع واحد و على أرض واحدة) لكامل المقال اذهب الى شعبفي ويكيبيديا وفي ويكيبيديا الانجليزية يعرف بـ People (أعتقد أن الأخ محرر كاتب الصفحة في ويكيبيديا العربية قد نقلا بي ضبانتا)، و(شوف الاخوة الفرنسيين Gensعرفوها كيف نفس اتجاه الشعب المعلم والشعب الاسطة (يلا جيبو مونة) ويقظة شعب والشعب البطل (والشعب الفضل حسب تعريفه لنفسه في حالة شعبنا) هل شعبنا صحيحة عندما نطبقها على حالتنا هل يمكن أن نقول الشعب السوداني؟ طيب اذا كانت هذه الوصوفات جميعها تعبر عن الشعب وكلها وصوفات ايجابية، يبقى مين العوام؟ هذه الكلمة تعطيني احساس انهم اشخاص هائمون على وجوههم في مشارق الوطن ومغاربه، أيضاً يمكن تقسيمهم فالأفندية هم الجزء الذي يعمل كموظف من الشعب، والمهنيين هم الذين يعملون عملاً ليس بالوظيفة وهم ليسو بأفندية (والوصفين والتصنيفات التالية يعني أنهماغي معنيين / Not involved في (لعمل العام) وأخيراً طبعاً ربات البيوت وأرباب البيوت (حالياً هناك ارباب بيوت يعني بس كدة not more) والبقية هي الرجرجة والدهماء سوري يا طارق ومحمد) فعن أي شعب يتحدث المتحدثون ؟!؟!
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
يا حميدة،الزبادي بتاعك دا ريرة؟ لو أي حاجة تانية شيلو واتخارج بيهو
يا علاء الدين انت ما شفت الكلام دا Quote: مافي واحد يجي يقول ما وقعت واول مرة اشوف البيان الشيوعي دا كلكم وقعتو "غصماً" عني "وغصما" عنك |
البتقول فيهو دا كلو ممكن يتعمل تحت مظلة التأمين الصحي
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
انا مازعلان يا تراجي زي ما قلت لي أستاذة منى خوجلي البزعل شنو؟ هسع في بوست ما أنا صنفت نفسي كالآتي محمد الحاج: مبدع في زول بيقدر يغالطني؟ لكن هسع داخل في دور واحد عادي من الشعب العادي برضو مافي زول يغالطني لا مغيوظ من زول ولا ضغطي مرتفع، لا والله مرتفع لكن بي سبب تاني مختلف خالص ولا مسحور بعدين ما تأدلجي لي االبوست يااخ هسع مين القال ليك أنا شمالي ؟ وهل شمالي ما معناها انو مهمش قصدي قبل تهميشة الابداع الاخيرة دي
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
الاخ محمد الحاج ،، ادين بشدة ماحصل لموقع سودانيز اون لاين
انا زول ماعادي بس من باب من تواضع لله رفعه كلمات الاغنية دي هدية للناس العاديين
I don't believe in superstars organic food and foreign cars I don't believe the price of gold the certainty of growing old that right is right and left is wrong that north and south can't get along that east is east and west is west and being first is always best. But I believe in love, I believe in babies I believe in mom and dad, and I believe in you. Well I don't believe that heaven waits for only those who congregate I like to think of God as love He's down below, He's up above He's watching people everywhere He knows who dies and doesn't care and I'm an ordinary man sometimes I wonder who I am. But I believe in love, I believe in music I believe in magic, and I believe in you. I know with all my certainty what's goin' with you and me is a good thing it's true, I believe in you. I don't believe virginity is as common as it used to be in working days and sleeping nights that black is black and white is white that Superman and Robin Hood are still alive in Hollywood that gasoline's in short supply the rising cost of getting by. But I believe in love, I believe in old folks I believe in children, I believe in you. I believe in love, I believe in babies I believe in mom and dad, and I believe in you.
زاتوووو
| |
|
|
|
|
|
|
Re: بيان شجب و استنكار من الناس العاديين (Re: عبداللطيف حسن علي)
|
يا محمد الحاج وكل العاديين..
هناك دعوه لوضع الاصابع في عيونكم في حالة عندكم رأي مخالف
Quote: يا جماعة الناس ديل كتاب ومبدعين ومبدعين جدا كمان وجاء الوقت الناس تقول فيهو الحقائق , كمان ما أى واحد خط سطر فى اونلاين يزعل ويعتبر نفسو كاتب على كيفكم هو؟ وياخ هنا فى ناس مبدعين فى مجالات أخرى كان هندسة كان كورة كان كمبيوتر كان عملو بيان باسمهم حتغالطوهم ؟ الناس ديل فنانين وادباء ومبدعين كمان ويا خطاب ما تتمسكن وتتواضع انت مضيت وافقت بى صفتك البتجمعك مع الناس ديل انت فنان وشاعر متفرد ومخرج مسرحى واذاعى وأى زول قراء ليك ولا حضر البرنامج الثانى فى الاذاعة السودانية ذمان ولا حضر ليك عرض مسرحى بعرف انك مبدع وتقدر تخت اصبعك جوة عين العندة رأى لفونا كدة ولا كدة. |
وقائع المؤتمر الصحفي لمركز الخرطوم لحقوق الإنسان تنمية البيئة
غايتو يا حليلنا احنا.. النكام الحاكم في السودان يضطهدنا.. واي زول تاني برضه يضطهدنا!
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
يا استاذة منى تعرفي في بوست مجاور الاتكتب فيهو خلاني ارتاح جداً ثانكس يا معتز أحمد، خلاص فور مي هذا البوست الذي نكتب فيه أدى غرضه دعوه يسقط في غيابة الصفحات، انه مأمور، أنا عموماً اهو رديت على استاذة منى خوجلي وحأرد على روزمين وبعدها ما عندي علاقة بهذا البوست
| |
|
|
|
|
|
|
Re: بيان شجب و استنكار من الناس العاديين (Re: Mohammed Elhaj)
|
مرحبا روزمين عثمان، مرحبا بالناس العادية أما بخصوص الاتهامات فاضربي بيد من حديد بتاعة البيانات الاولى ديك عشان على الأقل تفشي غليلك البتكوني عايزة تفشيه من زمن، كل الذخيرة التهكمية والساخرة والمزدرية بتنفع شديد في الحالة دي قوو اهيد
| |
|
|
|
|
|
|
|