|
Re: موسم الهجرة الى عطارد (Re: Tagelsir Elmelik)
|
ثم ان عمي هاتفني مباركا فقال( يابني توكل على الله، يمكن شواطين عطارد تطلع فيهم فايدة، اصيلين باين عليهم، احسن من شواطين الملحة ديل، اول ما تصل عرس ليك ( سعلوة) ، تتعلم منها اللغة، ما تنسى ترسل لى بكتة امواس ناسيت، معدومة ليها زمن) ،
التأريخ الاجتماعى والاقتصادى والسياسى والنفسى والعاطفى والفكرى والهجرى والميلادى للحالة السودانية. عيدك سعيد يا ابن عطارد. ابو عركى عنده حفلة فى زحل!
| |
|
|
|
|
|
|
Re: موسم الهجرة الى عطارد (Re: Adil Osman)
|
Quote: التأريخ الاجتماعى والاقتصادى والسياسى والنفسى والعاطفى والفكرى والهجرى والميلادى للحالة السودانية. عيدك سعيد يا ابن عطارد. ابو عركى عنده حفلة فى زحل! |
عادل الحبيب كل سنة و انت طيب يا أخي العزيز لو كنت تبعد في زحل الخوف نمشي عطارد بى جاى الجيكس يمشى زحل كل سنة و انت طيب
| |
|
|
|
|
|
|
Re: موسم الهجرة الى عطارد (Re: Rihab Khalifa)
|
Quote: فأنا من صلب شعب (مارق للربا و التلاف)، فتلاف الى تلاف اولى به تلاف عطارد. |
قلت كدة أحسن يا زول خير وشوف لينا طريقة معاك شعبنا عجيب يا تاج نفسى أكتب حاجة كويسة عنه لكن ما لاقية غايتو الله يستر ماشين على وين ما عارفة
كل سنة وأنت طيب
| |
|
|
|
|
|
|
Re: موسم الهجرة الى عطارد (Re: Tagelsir Elmelik)
|
Quote: أنا يا علي تطارد نطارد في مطار عطارد دايراك تجي |
أتخيل هؤلاء البنغالة و المكاسيك و البني كجة و هم على ظهر سفينة الفضاء.. يفرفروا من الحر و الشمس.. يرددوا دون كلل....نشيد العلم..
وا ناري الما بقيت سواق.. أطلع العالي و أنزل الدقداق.. ناااااري الليلة وا ناري. ...
عيدك مبارك ( بالعطاردي ) و كل سنة و إنت طيب.
| |
|
|
|
|
|
|
Re: موسم الهجرة الى عطارد (Re: Ishraga Mustafa)
|
Quote: المضيفات تتبعهن اذنابهن الأنيقات، يقدمن البنقو و العرقي للركاب مجانا، |
غايتو يا تاج السر لو ما ركبنا طيارة عطارد و تمتعنا بخدمتها الجوية المميزة.. ما اظن الواحد فينا يقدر يكتب زي كتابتك دي.
| |
|
|
|
|
|
|
Re: موسم الهجرة الى عطارد (Re: سيف النصر محي الدين محمد أحمد)
|
Quote: مثلما ستف اسلافي من قبل اغراضهم، اجدادي الذين هجروا الغابة و الصحراء وفي متاعهم صفائح الحديد، و البقجة، و قراصة التمر و لحم ( ابو العفين) المقدد، و شريط ( حسنك أمر). |
حبلت حروف اللغه عندك سنين ضوئيه ....سافرت معك فى نفس الرحله..شنطه حديد مكتوب فيها يا مسافر وناسى هواك...وورده كبيره بلونين ظهرى واحمر فى الجانب الاخر ....
| |
|
|
|
|
|
|
Re: موسم الهجرة الى عطارد (Re: Esam El-Khawad)
|
أخ تاج إنت وكت شايل الارض دي -تاني - معاك ( بنقو وجزء عمً ولاب توب وخلافو) هاجرا مالك؟.. أرجي القيامة هنا، على وشك (أظبط منبهك) . المسلمين هنا، مسلمين CIA، بعد ساحت أمولهم في Wall st قالوا دي علامات الساعة ( الساعة دي سيسكو ولا شنو؟) .. المهم تصحبك السلامة (علي قول ناس الارض)..
* كتابك نلقاو كيف؟ * *
لو ناس عطارد ديل ما عندهم رمضان رسل ليً فيزا، نجي نعمل مطعم سوداني هناك (علي قول آل بندر )
| |
|
|
|
|
|
|
Re: موسم الهجرة الى عطارد (Re: mutwakil toum)
|
( قوم بي .. و خد سنده ) .
أيمان رحمن قام بيك ود العيش الداشر .. فياهو ده الحاصل : من السنوات المشيها أحمسي .. للسنوات الضوئية العطاردية , بمعية مؤخرات طاقم الضيافة الكبيرة .. كبير الله .. ثم أريتو حالنا .
كلام فاينال : عيدك سعيد .. و القابلة ليبتون و غادي .
| |
|
|
|
|
|
|
Re: موسم الهجرة الى عطارد (Re: Emad Abdulla)
|
الأستاذ تاج السر
عيدك سعيد
Quote: وقد تبين لي خلال بحثي في شأن الغربة و الأغتراب، ان ثقافة الحنية التي اشتهر بها مجتمعنا، تلك التي تدفع حبوباتنا الى اخذ قبضة من تراب اثر المفارق العزيز تيمنا بعودته، انقلبت الى ثقافة حنية مضادة، فقد ظلت خالتي توقظ ابنها العائد لتوه من الخليج كل صباح بصياحها ( اها قايم متين لى بلدكم السمحة ديك... قالوا عطارد فتحت). |
تجسيد حى للمآلات يا عزيزي. أحسب أن الحبوبات و الخالات سيقومن بمحو أثر كل مفارق لهذا الكوكب ، تيمناً بعدم العودة ... بل ربما يجعلن المسافر لا يلتفت للتزود بنظرة أخيرة حتى لا يحن
متعك الله
دمتم
| |
|
|
|
|
|
|
Re: موسم الهجرة الى عطارد (Re: Esam El-Khawad)
|
Quote: حبلت حروف اللغه عندك سنين ضوئيه ....سافرت معك فى نفس الرحله..شنطه حديد مكتوب فيها يا مسافر وناسى هواك...وورده كبيره بلونين ظهرى واحمر فى الجانب الاخر ... |
عصام الخواض صديقي ما تنسى دهان البريلكريم الأحمر و المعجون اب صفقة كل سنة و انت طيب تاج السر الملك
| |
|
|
|
|
|
|
Re: موسم الهجرة الى عطارد (Re: سيف النصر محي الدين محمد أحمد)
|
Quote: غايتو يا تاج السر لو ما ركبنا طيارة عطارد و تمتعنا بخدمتها الجوية المميزة.. |
انت يا سيف بنلقى ليك ( جوب) فى الطيارة زااااتا مصقوع و جنب الشباب الربة انشورانس مافي لكن لك تحياتي و كل سنة و انت بخير عليك الله فك الحداد ده. تاج السر
| |
|
|
|
|
|
|
Re: موسم الهجرة الى عطارد (Re: mamkouna)
|
Quote: عيدك مبارك ( بالعطاردي ) و كل سنة و إنت طيب. |
ممكونة كدى النعرس السعلوة اول حاجة عشان نتعلم اللغة و الكرت الأحمر ( القرين كارد بتاع عطارد) ههه كل سنة و نتي طيبة و كل الأهل تاج السر
| |
|
|
|
|
|
|
Re: موسم الهجرة الى عطارد (Re: Tagelsir Elmelik)
|
Quote: أقفلت جهاز التلفاز، فلم يعد يعنيني من امر انهيار البورصة و البنوك شىء، فأنا عطاردي الوجهة و المبتغى، و انا دائما، ابن بار للجهة التي تنتظر وصولي لتحتويني، اتصلت ببقية اهلي في السودان ظهر ذلك اليوم ( آخر دولارين في جيبي)، و اعلمتهم بفوزي باللوتري العطاردي، فصاحوا صيحات فرح حقيقي و هموا الباقين على ( باقي العقاب والعقاب ) |
ملوكي كل عام وانت مبسوط في عطارد
خلي بالك مننا......(عذرا المرهفة حنان النيل )
اصلوا جراحنا ما بشفيها إلا رحلة بالسنة الضوئية
كل سنة وانت سعيد من غير احلام يقظة
ما تنسانا من لوتري عطارد
وسوقني معاك يا الحمام ....(عذرأ الرئعان محمد النصري وحميد...)
وعساك من عواده
| |
|
|
|
|
|
|
Re: موسم الهجرة الى عطارد (Re: ابراهيم عدلان)
|
Quote: و مع وصول بني كجة سيجتمع العطارداب و يكونوا( التجمع العطاردي الديمقراطي )و ما بعيد كل واحد يسوي ليهو ( ثريا ) و يا خلا نيبتون جاك بلا |
والله يا ود عدلان اول حاجه يحصل اختلاف منو يكون الرئيس..والتجمع ده يبقى عشرين حزب ... يعنى معقوله حزب واحد والمعارضه منو طيب ... العطاردى الدميقراطى العطاردى من اجل التغير... العطاردى للمهمشين فى الكواكب الاخرى .. حزب المجموعه الشمسيه الاصلاح والتجديد.. العطاردى جناح المجره (القصر)
العطاردى جناح الشهب(المنشيه) (القصر والمنشيه ديل فى عطارد ماعيزين اى فهم غلط)
| |
|
|
|
|
|
|
Re: موسم الهجرة الى عطارد (Re: Osman Musa)
|
Quote: والله يا ود عدلان اول حاجه يحصل اختلاف منو يكون الرئيس..والتجمع ده يبقى عشرين حزب ... يعنى معقوله حزب واحد والمعارضه منو طيب ... العطاردى الدميقراطى العطاردى من اجل التغير... العطاردى للمهمشين فى الكواكب الاخرى .. حزب المجموعه الشمسيه الاصلاح والتجديد.. العطاردى جناح المجره (القصر)
العطاردى جناح الشهب(المنشيه) (القصر والمنشيه ديل فى عطارد ماعيزين اى فهم غلط) |
Amazing ya Khawad
| |
|
|
|
|
|
|
Re: موسم الهجرة الى عطارد (Re: Osman Musa)
|
Quote: عيد مبارك وانشاءالله 2009 كتابك التانى يكون فى المكتبات .. ومسعول من الخير يا تاج بصح فى عطارد FREE HEALTH AND LIFE INSURANCE وكمان خبر الزظائف شنو ؟ |
انت يا عثمان خليك مع ناس برودواى دسل مالك ماشي عطارد ما شفناك في العيد.
| |
|
|
|
|
|
|
Re: موسم الهجرة الى عطارد (Re: ابراهيم عدلان)
|
Quote: و مع وصول بني كجة سيجتمع العطارداب و يكونوا( التجمع العطاردي الديمقراطي )و ما بعيد كل واحد يسوي ليهو ( ثريا ) و يا خلا نيبتون جاك بلا |
ابراهيم عدلان الصديق
الخوف من عطارد صنقعت و عطار بالظلط كام ختينا ( عمر قمر) القصة بتمش نفتح رادى عطارد الصباح الصباح نلقاهو في حوار ، بعدين ما بتقدر تجيب سيرة بيوت الأشباح هناك ( دى بلد الأشباح زاااااتا).... معادلات صعبة
لك تحياتي و اذا تمكنا سنحضر لفعاليتكم في نيويورك. تاج السر
| |
|
|
|
|
|
|
Re: موسم الهجرة الى عطارد (Re: Tagelsir Elmelik)
|
بحلم بي عطارد والسفر الفارق والعرقي الخطر - وبالله يا ملك
اهدي ليك هذه الاغنية
يا الماشي لي عطارد
حيب لي معاك بارد من من كاسهم المارد -
نحن جزء شعب ادمن السفر
اما الجزء الاخر فقد ادمن الاستوزار
حتي صارت الحكمة اليومين ديل يا وزير
يا سافر عطارد يا عوير
كل سنة وانت بالف خير
| |
|
|
|
|
|
|
Re: موسم الهجرة الى عطارد (Re: د.محمد حسن)
|
Quote: بحلم بي عطارد والسفر الفارق والعرقي الخطر - وبالله يا ملك
اهدي ليك هذه الاغنية
يا الماشي لي عطارد
حيب لي معاك بارد من من كاسهم المارد -
نحن جزء شعب ادمن السفر
اما الجزء الاخر فقد ادمن الاستوزار
حتي صارت الحكمة اليومين ديل يا وزير
يا سافر عطارد يا عوير
كل سنة وانت بالف خير |
العزيزد. محمد حسن و انت بألف خير
ساعدنا فى تطوير الأغنية زيادة كمان الملك
| |
|
|
|
|
|
|
|