|
|
 Re: ليركس مصطفى (Re: Bashasha)
|
ناهد والعجب أريتكم طيبين، ولكما الحب
ناهد دي يا عجب زولة فنّانة، خلّي بالك منها.
حقو الواحد يكاويك ويقول ليك: ما أفضّلها عليك.
مش عليك الله يا عجب لمّا السوداني يفك فيك جُملة زي دي بحيّرك ذاتو!
تلقى الواحد يحكي ليك في قصّة عن زول، وإنت فاتح خشمك، فجأة يقيف نُص الكلام ويقول ليك: والله الزول دا، وألا فلان دا، عزيز عليّ جنس معزّة، ما أفضّلو عليك!
غايتو أنا زول يقول لي العبارة دي، تاني لا بسمعو ولا بضيّع فيهو وكتي، ح يقول شنو يعني زول بهذا المستوى من الحساسية المقلوبة؟
وبرضو كمان الجُملة بتاعة (لامؤاخذة) (أكرم الله السامعين) وعيييك يا قول بشاشا. لامن تلقى ونسة الشعب السوداني كلّللها طلعت ونسة واحدة بس، بتونّس بيها أي زول ويرجعها صادة لبيت كلام المسلمين.
المهم، أنا بقيت أنق في أي حاجة ياخ، والله بقيت نقّاق كيف! المشكلة الحاجات كلّها غبية ومن طرف. حبّيت أقول ناهد صديقة حقيقية من الزمن القديم وبيناتنا ملح وماء، وبرضو طبائخ من الكتابة
ولتكونا بخير، معاً
---------------------------
سيف بشير،
يا صديقي العزيز
إنت يا أخوي قريت كلامي الفي الصفحة الأولى كلّو وألا بتتفلهم علي ساكت!؟
لو قريت كان لقيت بالخط العريض إنّي هنا أتحدث عن (أخطاء الليركس) في تجربة مصطفى. والموضوع كلّه مُصاغ ومُساق نحو هذه الغاية، شفت كيف؟
الكلام بتاع طيش الفنّانين العمالقة دا قالوا صلاح شعيب براهو، أنا قلت طيش الليركس بس. يضحك نهارك
أمَّا الصلاحان ديل، خليني أنا، أسأل ود الأمين صاحبك دا ذاتو ما المميّز في تجربتهما وجيب لينا كلامو هنا عشان نستفيد منو! ما يبقى الموضوع حَرَد ساكت.
بالنسبة لـ"نرجسة" و"يا جميل يا رائع" أهو إنت واعدني بيهن ولاحدّي هسع ما تصدّقت علي بشي. ولا ينوبني منّك إلا فشخرتك علي بيهن هنا، الله كريم علي المسكين.
ياخي أبو الأمين لامن يقول ليك:
يا ريتني لووو أقدر أقول فيييك الكلام الما انكتب
الله الله... يمين جسمك يقوم من الطرب كلو شوك شوك...
وبس فجأة كدا يقول: حسنك وشاح وألا إيه مش عارف!
وأجلي المقاطع بالدهب...
أها هسّع في ذمتكم دا الكلام الما نكتب!؟
وألا دا الكلام المافي زول ما كتبو!؟ ومسخّر للناس من طرف!؟
إنت ليه الفنانين ديل ما يشاورو ناس محترفين شعر! فيها شنو يعني؟
غايتو يمكن يوم من الأيام أجمع بعض الأعمال الشعرية الجميلة من الشباب البكتبو سمح ديل، وأكتب معاها رسالة كدا من النوع المدنكل داك للأستاذ ود الأمين. يا ليته يجرّب شعر هؤلاء الشباب وينظر فيه، لأنو ياخ مقدراتو الجبّارة دي فعلاً محتاجة شعر غنائي جبّار زيها، ما تبقى لينا بندق في بحر ساكت.
هسّع عليك الله لو اشتغل علي حقّة عاطف خيري البتقول:
حنتقابل
حقيقة بقولها ما بحلم
غصباً عن عيون الهم
وعن كل الجايي والمُبهم
مش كان حيّر الدنيا دي موزيكا وليركس؟
وكن بألف خير وأرجو أن تبلغه تحياتي وودي ومحبّتي
------------------------
أمونة الحليونة
أمَّا مشتاقين، ويينك إنت يا صاحبتي ووين الحي بيك؟
| Quote: لكن بصراحة سخرية محسن من موهبة حيدر بورتسودان دى أزعجتنى شديد شديد |
أسمعي يا أمونة ياختي أنكلمك، كترة الكلام البلا رأس وبلا قعر في البوست دا ندمتني إني أتحاور ذاتو. الطاقة الجيت مندفع بيها في الموضوع دا كان -لهدا الحين- تميت بيها كلامي الداير أقولوا عن الليركس. البوست بالله طلع كلو على هذه الشاكلة:
والله أنا ما قلت كدا يا فلان، لالا فهمتيني غلط يا فلانة، لالا دا كلام فلان ما كلام علان. لالالا إنت ما قريت كلامي كلو يا هناي... وأشيل وأعتذر وأصوّب وأتمحرك...
إنتو بتقروا الكلام المكتوب قدامكم دا؟ وألا بتقروا من رأسكم، وألا أنا أكون مبدع مغرور –ساكت- قياساً علي بوستك البهناك! وبالمناسبة دي المبدعين ديل مساكين ساكت والله، الغنماية تاكل عشاهم، وإنتو ديل الحاقرين بينا، ترفعوا بوستاتكم في هجائنا فوووق، ونحن بوستاتنا قوقل ما يعرفها مشت وين!
فمتييين أنا يا أمونة الحليونة سخرت من موهبة حيدر، أمشي فتّشي البوست دا كلو جيبي لي سخرية من موهبة حيدر.
طيّب هل أنا سخرت منو في حاجة محدودة وعندها اسم في البوست دا، أيوة سخرت منو وتاني بسخر منو، وتالت، حتى يرعوي ويعرف إنو الكي بورد دا آلة واحدة بس، لازم يحشروا معاها آلات تانية عشان تعمل موزيكا. فهمت؟
لامن إنت تجي تكتبي السخرية من (((موهبة))) حيدر، هل كلامك دا صحيح!؟
موهبة حيدر دي بتتضمن قدراتو وطبيعة صوتو وحضورو وروحو في الغناء، فهل حيدر بورتسودان دا هو دااك يا الفنّان الذي له إنجازات –ضخمة- عشان الناس تتفرّغ لدراسة الحكاية دي كلّها في حيدر! ليه؟ قالوك أنا –عطالتي الحالية دي- ما عارف أنفقها علي شنو!؟ البوست دا ذنبو شنو عشان الموصلي يكرّر مداخلته العجيبة دي عن حيدر كذا مرة!؟
السخرية كانت يا أمونة الحليونة من الكي بورد الزهجنا بيهو حيدر، والموصلي الاقتبستِ كلامو دا أنا بجيهو راجع بمزااج، لأنو برضو تقوليهو كلام في الشرق يجي يديك كلام في الغرب، الحكاية شنو!؟ أنا والله بالجد زهجت من الشغلانة دي! وصابر لأنو صاحبي محمّد النور كَبَّر الله يطراهو بالخير، زمان ضحكني بمثل –ذكوري- من أهلنا المسيرية بقول: الضيق مو رأي رجال! (دا تابع للأمثال السرية يا آمنة، مش قلتِ عايزة تعرفي الرجال ديل بقولوا شنو وراكم!؟).
هو نحن سمّينا مصطفى سيد أحمد دا بالرؤيوي لشنو يا الموصلي وآمنة!؟
Quote: هل ذنب حيدر انه ظلم؟! وحاصره سوء الحظ والعراقيل؟!
بالاضافة الى جريه ورا أكل العيش ..فى مدينة ليست مدينته؟ |
ظُلِم؟ الظلمو منو؟ أنا براي يطرشني، كلمينا عن ظلمه دا شوية لأنو شطب لي رأسي ما عرفتك قاصدة شنو!
أما العراقيل دي فياها مصير أي فنّان يا أمونة، وكل الفنّانين بياكلو عيش برضو، ما فيهم ولا ملاك واحد بياكل تسبيح. أمَّا حكاية مدينة ليست مدينته دي فلو طلعتِ قاصدة الخرطوم فديّة أم الكوارث!
يا أمونة بوب مارلي جاء من مزرعة قصب حقة عبيد في جامياكا وبقى نجم النجوم، وناس يوسو ندور جاؤوا إلى أوروبا من السنغال وأصبحوا فنانين عالميين زي الترتيب. وناس رشا شيخ الدين الشافعة دي جات من زقاقات أم درمان وشقّت مستقبلها في أوروبا زي العجب، وجنيفر لوبيز يا ربي برضو؟ وشاكيرا؟ ديل بتوع جزر ولاتينيين غزوا العالم من خلال أمريكا. هوووي يا آمنة، كلامك دا كلو نَيْ ومواصة ساكت قولي كلام ساند حيلو وبيشبه المنطق. ولمعلوميتك معظم فناني السودان الكُبار مش بتوع عاصمة، كان في غناء كان في رسم كان في شعر كان في فكر، غالبيتهم أولاد ريف ساكت.
قلنا –فنياً- مشكلتنا معاهو الكي بورد، تقولي:
| Quote: وحكاية الأورغ دى جات لاحقا..وبرضه ما قصر فيهو. |
يقولوا ليك تيس تقولي برضو حيدر طلّع منو رطلين لبن؟
غااايتو، لو ما صاحبتي كان أديتك على رأسك والله. هسّع عليك الله يا آمنة لمّا الحواتة بتوع البحر الأحمر يغنوا:
البسيسة البسيسة، كلو حوتة بقرشين
الله يجازي الحواتة
بتوقيعها العجيب داك، وشغلها المسرحي الكامل المصاحب ليها، لو حيدر بورتسودان دا، قعد ساااكت يتصنّت في الناس ديل، وفي التراث المتفرّد دا، مش كان قدر اخترع ليهو مدرسة براااهو حقتو! ما دام هو عبقري زي ما بتقولي إنت وصاحبي الموصلي. العبقرية يا ناس الزول يشيل ليهو كي بورد في ضهرو و"عروس البحر" و"آخر المطاف" ويلطش ليهو أغنيتين من الكابلي ويقعد يكرّر ويردّد ويجترّ لامن يموت، سجمها والله العبقرية كان كدي، ونحن ذاتنا سجمنا قُبّال ناس شوبان وبرامز.
والله يا موصلي أنا لو عندي حق أتصرّف في أعمالك (آخر المطاف) السمحة دي كان أقلعها منو وأديها عادل مسلّم، هسع عادل دا ما عبقري أكتر منو، وأنجض منو؟ والله إنتو ديل يا آمنة والموصلي البتشوفو الدايرين تشوفوه، وكتين الحكاية بقت ناسات، أتقول أنا بعرف منهم زول!؟
يضحك نهارك
---------------------------------------------
أنور كينغ،
أبو الأنوار يا عزيز، قرأتُ حبّك الجميل لبنت البُطانة، إن شاء الله دائماً هانئين، وفي لَقَى عند المقسّم عاجها. أو كما أشعر من البطانة شاعر.
بعدين يا أنور، كتابتك مركّزة وسمحة، وألذَّ ما فيها نقاء الطفولية الفيها دا، أسعدتني ياخ. في بوست تحفة بهناك –بتاع منى خوجلي- لو شفتو، مدوّرة فيه الجرس بتاعة الشلتر البشري دي، والله يا ريت لو تكتب تأملاتك دي وتتحفنا بيها. ضحكتني بمسألة يقولوا عنّك "باطل" لأنّك بتقول فلانة مرتي قالت. أها أضحّكك وأقول ليك لازم تعصر دكين بتأملاتك المعاصرة دي، لأنّها بتفيد حاج دكين والغيرو وأنا الما حجّيت دا. حاكم الكلام عن الحب في مجتمعاتنا وكذلك العرس كلّو بيطلع في طبعات شعبية غير معاصرة. بتذكّر زمان جدّي بيعبّر عن حبّه لحبوبتي بإنو يقوم يشكّر الشاي بتاعها، تقول ليهو هووي، إنت عاجباك ست الشاي يمين الله. شايف؟ تقلع حقّها براها. وهو باعتبار إنّو شيخ قرآن كبير، يضحك بخفوت كدا، ويقول ليها: ها فقيرة ها، إنتِ المتلك منو؟ و(بس) ياها أمّها وبت عمّها، مسنودة بضحكة تانية، وبرضها خافتة، ويمكن كمان بأستغفر الله العظيم. يا حليلو، كان شاف عرسنا في المغربيات وحضر زمن ليركس: (بحبّك موت، بحبّك صورة وصوت). والنطّة الفي الرقبة ديك من جنب الباب، وصوت "أمببببح".. المكتومة لخروجها من أطراف مشرتمة لفمّين. كان بس إلا تسمع نهرتو الرعد ديك: نـchـجت الولدة الخايسة.
كن بخير يا عزيزي، وبلِّغ أسمح تحياتي لصاحبتك التي تُؤويك
--------------------------------
بشاشا،
قبل دا وداك، أنا عندي ليك معزة فوق التفاصيل كلّها، عشان أواصل في المعزة دي بالله اعفني من جنس هذه المزاعم التي تختلقها للناس من رأسك:
| Quote: (اما اسقاطك الجانبي، عن كيف سلفا اغلف، فلا يحتاج لتعليق). |
بشاشا أنا ما اتكلّمت بالشارع دا، ودي التلفيقة التانية ليك، الأولى بتاعة سودان أمريكا. ولا أقبل منك بأمور كهذه أبداً. أنا أعتبرها تقفز فوق كل شيء، ولا تضطرني للغضب منك بهذا الشارع. خلينا نتناقش ونتغالط بدون ما نألف في بعض ما يشين وبالباطل. دا تنبيه جاد جداً وخلّي بالك منّو. إنّي رجل كرّس نفسه للفنون والإنسانيات والمعرفة، فاشل أو ناجح دي قصة تانية، لكن لا أقبل تنسب لي إساءات لرفاق أعزّهم في صمّة خشمي. إنت بتعرف شوفي لسلفا كير شنو؟ إن كنت لا تفهم ما يُكتب، أو إن كنت ستتغابى وتلفّق، فو الله إنّي أغنى الناس عن ضياع الوقت ونسج الإساءات القبيحة مثل هذه للناس. فاحذر واحذر واحذر.
-----------------------
أوو السير بشاشا.. حمدلله على السلامة، متين الجيّة يا أيها الجلابي المستكرت!
جلابي نمرة واحد، أها مشيت شفت أهلنا المنكوبين في الريف؟ وألا عديتها كلها زواعة بالخرطوم ومشاوي بالكهرباء!؟
بشاشا يا صاحبي، عليك الله إنت السودان دا بتعرف عنو شنو؟ كياشتك يا جلابي وااضحة، وكونك ما بتعرف أي شيء عن السودان دي حاجة ما دايرة رفع ضو مطلقاً.
يا زول أنا كلمتك زمان إني مساواتي رعواتي زيك وما عندي استكبار علي الحوار. بس يا أخوي خليني أتم كلامي دا هنا –ليركس مزيكا- وأمشي أفتح ليك بوست نتم فيهو حكاية إنّك جلابي مستكرت تحلم بقيادة رعاع سود والدنيا في التلت الأخير من القيامة، تتفضّل عليهم طبعاً بكونك جيت تحررهم، سنة يا لنكولن السودان!؟ هسّع عليك الله أصحابي من غرب السودان ناس فلان وفلان وفلانة وعلانة، الواحد منهم بقرأ سبعطاشر كتاب في اليوم، داير تجي تقودهم إنت بكل تناقضاتك ونكاتك الفوق دي! الله ما ليك إنت؟ بالمناسبة أنت أكثر شخص تتجلَّى فيه أُميّة الجلابي وغباهو، وأحلامو التي لا تنتهي! يا بشاشا رجاء لو بتسمح، أفتح بوست منفصل سميهو بالاسم العايزو نتناقش فيهو، ما احتراماً لي ولا للقارئ ولا للناس الهنا ديل، بس احتراماً للنظام وللموضوع الحا نناقشو معاً.
اللغة وما أدراك ما اللغة!؟ وقريبتك قالت كيت وكيت!
يا بشاشا مسألة (ناس تانين) دي أمانة ما واسعة وساع، هسع إنت مفتكر روحك أنا، وألا أنا فاكرني إنت! راجع ناس سارتر في الحتّة دي يا بشاشا أنا ما فاضي ليك. ولو هم ما ناس تانين –فعلاً- الخلّى قريبتك دي عندها لغة غير، والناس التانين عندهم لغة غير شنو؟ إنت مفتكر قريباتي وقريبات دينق، والفلاتة، والبنقو، والداجو، والخاسا وإلخ.. معاهد لسانيات وألا شنو؟ ولو أصلاً المسألة محاصصة للّغات في تكوينها القبل ملايين السنين، فياخي دعوتك للإفريقية سقطت من أساسها، لأنو الخواجات بالنظرية دي برضهم بشر وأخوانا في آدم. مادام وصّلتها كوش تاني الفسالة ليك شنو، ما تمّها مرة واحدة وتوصّلها آدم عشان تلم علينا أخوانا الخواجات ديل. إنت حاسبهم جابهم نفّاج البحر؟ في واحد من أهلك البدو ديل مسمّي الخواجات (أولاد الحوتة) يقول ليك: عليك الله ما بشبهو الحوت!؟ والله صاح بشبهو الحوت، البياض والرهافة والقديديم والرويشات والعيون الملونة، حوت عدييل، لكن برضهم بشر. فما تفرزهم من الإنسانية يا قنيط، الشيء ناس ما كائنات بحر وأعماق. بعدين الناس ديل كان قاموا علي الفرز بديووونا، ويا ريت تشوف الدنيا من منظور أكبر من السودان، من منظور إنساني. الشيوعية القبل مئات السنين ياخي كانت أكرم منّك وداير تلم الناس كلّهم تحت مظلّة البشر والاشتراكية، بدون تمايزات ولا فروقات.
اللغة وما أدراك ما اللغة!
أرجو أن تكون متابعاً لبوست الخير محمّد حسين في بورد (الفورلاب). دا بوست أصبح مهماً جداً بدخول محمّد جلال هاشم إليه، أديك الموجز لكلام د. هاشم عن لغات جدودنا لو بتفهم:
1- لا يعرف العلم من اللغة (الكوشية) أي (الكرمية) حرفاً واحداً.
2- اللغة المروية وهي (الأم المباشرة للغة المحسيّة –فاديجا)، وهي أقدم من اللغة النوبية القديمة ولم تفك أبنيتها حتى الآن، ما تزال طلاسمَ بعد.
3- اللغة المحسية التي هي ابنة مباشرة للّغة المروية خلاف الدنقلاوية وتسبقها وغيرها وغيرها وغيرها، من مجموعة اللغات النوبيّة.
أها يا بشاشا، إنت رأيك اليوم، في شخص معاصر ينضم ويكتب ويفهم بالعربي، وأيضاً هناك من ينضم ويكتب ويفهم بـ(اللغات) النوبية المُعاصرة، واللغات الإفريقية الثانية، رأيك شنو يعني الخاتم في الحكاية دي!؟ نقوم من هنا ولقدّام نتعلّم الكوشية التي لا يعلمها أحد!؟ وألا المروية التي لم تفك أبنيتها بعد!؟ وألا النوبية القديمة اللِّساها غباش؟ وألا نتوزّع على اللغات النوبية المعاصرة –انتبه، اللغات وليس اللغة، كما نبّه د. محمّد جلال- أها نتوزّع اللغات دي ونعملها هلال مريخ بيناتنا وبين العربي وباقي اللغات الإفريقية الفي السودان، وألا الحكاية دي حدّها وين مع عُمُر الإنسان البي الكتير ثمانون عاماً، وألا نضيّع عمرنا معاك في غلاط لا بودي ولا بجيب ولا يغني عن الواقع شيئاً ولو مثقال ذرَّة؟ حكاية اللغة دي يا بشاشا وإن صدقت تخرّصاتك فهي ورطة لا يمكن تفاديها اليوم كما تعترف بنفسك.
إنت داير الناس تسوي شنو بالخصوص دا!؟ ورينا، وترانا بنسمع. نجي لقريبتك دي تعلّمنا الدنقلاوية نقرأ بيها الوندوز والديسكفري وألا شنو؟ ياخي اللغة العربية دي ذاتها انتهت نهاية مُرَّة لمّا انتهت الحضارة الإسلامية. وهسّع أنا في بريطانيا دي –على وجه الخصوص- لأجل تطوير لغتي الإنجليزية عشان أقرأ الدايرو من المعرفة بدون ما يختار لي حصَّتي منّها المترجمون.
(بالله الإجابات علي كلامي دا تعملها في بوست جديد ومنفصل، مش هنا، عشان نتغالط لما نشبع).
Quote: ديمابور، اتي ليكمل مشروع التعايشي الذي قبره الجلابة!
فالحركة الشعبية، هي الرسالة الثانية، من المهدية، اللتي لم تبلغ بعد! |
انتهيت من الرفيق دي مابور عديل! وانتهيت من الحركة رسمييي. السودان الجديد فرع القرون الوسطي، مش كدا؟ كلامك دا ياهو البجيب الانفصال من أضانو، ولو وقع الانفصال جنس كلامك دا بتودي وين؟
أها أنا سمع أضاني دي، وفي اليو تيوب، ببساطة جداً قال الرفيق دي ما بور:
إنتو سمعتو بدولة كافر، وتاني واحد مسلم!؟ إنتو شفتو دولة بمشي صلاة بتاع جُمعة وألا كنيسة!؟
يا بشاشا مصطلح (السودان) بمعناه المعاصر كدولة دا إيّاهو شغل الأتراك بضبانتو، ما تجي تقول لي كوش معناها أسود، أنا بتكلّم عن المصطلح السياسي، أوَّل ما ظهر يا السي كمال ظهر في فرمانات الخديوية، والدنيا من قبلو كانت ممالك سااااكت. لكن إنت البحبسك لدى معلومة علمية شنو؟ لا علم بحبسك، لا تحري بحبسك ولا غلاط ولا زهج الله والرسول دا ساي بتزهجو كان يحبسك من دور الببغاء الما بفتر من تكرار ما لا يفيد، نحبسك بشنو وإنت برااك نبي وعلمك لدنّي وكفاحي، نحتكم معاك ليشنو؟
أنا عدائي يا بشاشا مش للبشر السووا المهدية، زي ما إنت عداءك للناس جغرافياً، وإنما (((للدين))) أياً يكن، لامن يعملهو زِرِّيعة ويقعدوا يخمّروها عشان يسووا منها دولة عادلة.. وبشنو؟ بالجزية، وحد الردّة، وبالحجاب، وبسوطٍ يدقّ المرأة بأختها وبخيزرانة ضربٍ غير مبرح، فتأمَّل! وبقطّيع شنابير الرجال وأعضاء النساء التناسلية، ورقابهم، وأيديهم. دولة اسمها طبيخ (طالبان بالدكوة) فهمت؟ وهل إنت بالأساس ما فاهم!؟ أبداً، فاااهم، لكن بتستعبط وتستقنط. وكمان جبان، لأنّك بتخاف من الإسلاميين والإرهابيين.
الصحابي ود تورشين يا بشاشا؟ أليس هو ذات الرجل الذي أرسل إلى أخيه النجاشي المعاصر له "النصراني الإفريقي"، رسالة مختصرة جداً: (((أسلم تسلم)))، واخترع معه حرباً من العدم، دون أن ينصت لحظة واحدة لرجاءات الرجل، من دعنا نتفق ضد الأوروبيين! أنا وأنت إخوة في إفريقيا؟ فتأمَّل!
-------------------------
يا بشاشا يا صاحبي بلييييز، أفتح بوست جديد، رجاء خليني أتم كلامي دا هنا، وغلاطنا دا ننقلوا لبوست آخر. فهلا استجبت لهذا المطلب الصغير!؟
لو سمحت يعني.
|
|
 
|
|
|
|
|
| العنوان |
الكاتب |
Date |
| ليركس مصطفى | محسن خالد | 09-30-07, 09:15 PM |
| Re: ليركس مصطفى | محسن خالد | 09-30-07, 09:20 PM |
| Re: ليركس مصطفى | محسن خالد | 09-30-07, 09:24 PM |
| Re: ليركس مصطفى | Elmosley | 10-19-07, 01:01 AM |
| Re: ليركس مصطفى | Emad Abdulla | 09-30-07, 09:37 PM |
| Re: ليركس مصطفى | أبو ساندرا | 09-30-07, 09:55 PM |
| Re: ليركس مصطفى | esam gabralla | 09-30-07, 10:21 PM |
| Re: ليركس مصطفى | خدر | 09-30-07, 10:30 PM |
| Re: ليركس مصطفى | عبد المنعم سليمان | 09-30-07, 10:49 PM |
| Re: ليركس مصطفى | khatab | 10-01-07, 06:35 PM |
| Re: ليركس مصطفى | محسن خالد | 10-02-07, 10:38 PM |
| Re: ليركس مصطفى | محسن خالد | 10-02-07, 11:04 PM |
| Re: ليركس مصطفى | Manal Mohamed Ali | 10-02-07, 11:14 PM |
| Re: ليركس مصطفى | عبد المنعم سليمان | 10-02-07, 11:20 PM |
| Re: ليركس مصطفى | الملك | 10-03-07, 03:40 AM |
| Re: ليركس مصطفى | محسن خالد | 10-03-07, 01:55 PM |
| Re: ليركس مصطفى | Ali Alameen | 10-03-07, 02:33 PM |
| Re: ليركس مصطفى | Kostawi | 10-03-07, 05:12 PM |
| Re: ليركس مصطفى | ابو جهينة | 10-03-07, 07:14 PM |
| Re: ليركس مصطفى | nadus2000 | 10-04-07, 07:47 AM |
| Re: ليركس مصطفى | yasir Abdelgadir | 10-04-07, 02:09 PM |
| Re: ليركس مصطفى | سمندلاوى | 10-04-07, 08:12 PM |
| Re: ليركس مصطفى | najua hussain | 10-04-07, 08:47 PM |
| Re: ليركس مصطفى | bent-elassied | 10-05-07, 09:19 AM |
| Re: ليركس مصطفى | صلاح شعيب | 10-05-07, 10:32 AM |
| Re: ليركس مصطفى | أحمد الشايقي | 10-05-07, 11:28 AM |
| Re: ليركس مصطفى | فيصل عباس | 10-05-07, 12:26 PM |
| Re: ليركس مصطفى | سمندلاوى | 10-05-07, 10:03 PM |
| Re: ليركس مصطفى | سمندلاوى | 10-05-07, 10:04 PM |
| Re: ليركس مصطفى | Agab Alfaya | 10-06-07, 10:19 AM |
| Re: ليركس مصطفى | Agab Alfaya | 10-07-07, 07:36 PM |
| Re: ليركس مصطفى | سمندلاوى | 10-07-07, 10:03 PM |
| Re: ليركس مصطفى | Agab Alfaya | 10-09-07, 06:32 AM |
| Re: ليركس مصطفى | Ahmed Yousif Abu Harira | 10-09-07, 07:03 AM |
| Re: ليركس مصطفى | محسن خالد | 10-09-07, 01:42 PM |
| Re: ليركس مصطفى | محسن خالد | 10-09-07, 01:51 PM |
| Re: ليركس مصطفى | Elmosley | 10-09-07, 09:25 PM |
| Re: ليركس مصطفى | Elmosley | 10-15-07, 09:01 PM |
| Re: ليركس مصطفى | saif basheer | 10-16-07, 12:23 PM |
| Re: ليركس مصطفى | Elmosley | 10-16-07, 04:32 PM |
| Re: ليركس مصطفى | Elmosley | 10-17-07, 08:21 PM |
| Re: ليركس مصطفى | Masoud | 10-09-07, 09:42 PM |
 Re: ليركس مصطفى | عبدالله الشقليني | 10-11-07, 01:16 PM |
| Re: ليركس مصطفى | محسن خالد | 10-12-07, 05:39 PM |
| Re: ليركس مصطفى | محسن خالد | 10-12-07, 05:44 PM |
| Re: ليركس مصطفى | Elmosley | 10-12-07, 11:02 PM |
| Re: ليركس مصطفى | خدر | 10-12-07, 11:50 PM |
| Re: ليركس مصطفى | محسن خالد | 10-13-07, 06:09 PM |
| Re: ليركس مصطفى | Osman Musa | 10-13-07, 06:17 PM |
| Re: ليركس مصطفى | محسن خالد | 10-13-07, 06:20 PM |
| Re: ليركس مصطفى | الجيلى أحمد | 10-13-07, 09:17 PM |
| Re: ليركس مصطفى | Elmosley | 10-16-07, 04:16 PM |
| Re: ليركس مصطفى | سمندلاوى | 10-14-07, 09:05 PM |
| Re: ليركس مصطفى | محسن خالد | 10-14-07, 09:59 PM |
| Re: ليركس مصطفى | محسن خالد | 10-14-07, 11:13 PM |
| Re: ليركس مصطفى | محسن خالد | 10-15-07, 06:55 PM |
| Re: ليركس مصطفى | Agab Alfaya | 10-16-07, 07:47 AM |
| Re: ليركس مصطفى | سمندلاوى | 10-15-07, 08:48 PM |
| Re: ليركس مصطفى | محسن خالد | 10-17-07, 00:57 AM |
| Re: ليركس مصطفى | Ashraf el-Halabi | 10-17-07, 01:01 AM |
| Re: ليركس مصطفى | محسن خالد | 10-17-07, 01:18 AM |
| Re: ليركس مصطفى | mansur ali | 10-17-07, 05:41 AM |
| Re: ليركس مصطفى | Agab Alfaya | 10-17-07, 06:36 AM |
| Re: ليركس مصطفى | Agab Alfaya | 10-17-07, 07:12 AM |
| Re: ليركس مصطفى | mohmmed said ahmed | 10-17-07, 07:45 AM |
| Re: ليركس مصطفى | saif basheer | 10-17-07, 09:59 AM |
| Re: ليركس مصطفى | Adil Al Badawi | 10-17-07, 02:51 PM |
| Re: ليركس مصطفى | munswor almophtah | 10-17-07, 05:59 PM |
| Re: ليركس مصطفى | Agab Alfaya | 10-17-07, 08:12 PM |
| Re: ليركس مصطفى | Elmosley | 10-17-07, 11:24 PM |
| Re: ليركس مصطفى | Elmosley | 10-18-07, 00:48 AM |
| Re: ليركس مصطفى | Ashraf el-Halabi | 10-18-07, 01:30 AM |
| Re: ليركس مصطفى | Elmosley | 10-18-07, 04:12 AM |
| Re: ليركس مصطفى | يوسف الولى | 10-18-07, 02:32 AM |
| Re: ليركس مصطفى | Agab Alfaya | 10-18-07, 06:24 AM |
| Re: ليركس مصطفى | Elmosley | 10-18-07, 01:03 PM |
| Re: ليركس مصطفى | Agab Alfaya | 10-18-07, 08:28 PM |
| Re: ليركس مصطفى | Agab Alfaya | 10-18-07, 08:43 PM |
| Re: ليركس مصطفى | Elmosley | 10-19-07, 03:52 AM |
| Re: ليركس مصطفى | عبدالله الشقليني | 10-19-07, 07:01 AM |
| Re: ليركس مصطفى | Elmosley | 10-19-07, 02:04 PM |
| Re: ليركس مصطفى | Agab Alfaya | 10-19-07, 07:51 AM |
| Re: ليركس مصطفى | Agab Alfaya | 10-19-07, 08:02 AM |
| Re: ليركس مصطفى | سمندلاوى | 10-19-07, 08:40 AM |
| Re: ليركس مصطفى | mansur ali | 10-19-07, 09:18 AM |
| Re: ليركس مصطفى | محمد سنى دفع الله | 10-19-07, 10:58 AM |
| Re: ليركس مصطفى | Adil Osman | 10-19-07, 01:01 PM |
| Re: ليركس مصطفى | Adil Osman | 10-19-07, 01:43 PM |
| Re: ليركس مصطفى | Elmosley | 10-19-07, 02:22 PM |
| Re: ليركس مصطفى | خدر | 10-19-07, 03:45 PM |
| Re: ليركس مصطفى | mansur ali | 10-19-07, 03:52 PM |
| Re: ليركس مصطفى | Elmosley | 10-20-07, 03:03 AM |
| Re: ليركس مصطفى | esam gabralla | 10-19-07, 05:32 PM |
| Re: ليركس مصطفى | سمندلاوى | 10-19-07, 07:57 PM |
| Re: ليركس مصطفى | صلاح شعيب | 10-19-07, 09:28 PM |
| Re: الوقف | Agab Alfaya | 10-20-07, 07:29 AM |
| Re: محسن بين التنظير والتطبيق | Agab Alfaya | 10-20-07, 07:53 AM |
| Re: التحولات تتم عبر الحقب والاجيال | Agab Alfaya | 10-20-07, 08:10 AM |
| Re: ليركس مصطفى | Bashasha | 10-20-07, 08:34 AM |
| Re: ليركس مصطفى | mansur ali | 10-20-07, 02:39 PM |
| Re: ليركس مصطفى | abdelkhalig elgamri | 10-21-07, 07:16 PM |
|
| |
محسن خالد
فيس بوك
تويتر
انستقرام
يوتيوب
بنتيريست