|
Re: ساعدونا سريعا في تصميم غلاف للمبدع عبد الرحمن عبد الله (Re: البعيو)
|
الأستاذ الموصلي ... بعد السلام
كما يقولون: النية زاملة سيدا... وإن شاء الله سنجد المصمم من اعضاء البورد وهم كثر.. ربنا يسخّر احدهم ويجد الوقت ليقوم بالتصميم
الأستاذ البعيو تكفي مشاعرك الطيبة وحماسك للمساعدة وربنا يساعد... وإن شاء الله نلتقي بالرياض بعد الدنيا ما تبرد عندكم شوية
أها ياشباب بتعرفوا تصمموا ولا ندخل لينا مدرسة تصميم عشان نقوم بالواجب
شدرا كان دار بقع ترا بنتكي في إخيتو
| |
|
|
|
|
|
|
The Intent of Man is better than his work (Re: Elmosley)
|
Dear Friend Moseley Salam Really The Intent of Man is better than his work. U R really nice U did a lot. I hope I would do But sorry I have nothing to do with art though I was supposed to do according to my profession. All the best to U
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: HOPELESS)
|
كتّر خير سلفر وحقه انت تكون قولد لانك معدن نفيس يا سلفر لك التحية والقومة ليك والتحايا موصولة لأبن اخي علاء شاموق... وورونا الفن الأصيل الذي يناسب روعة مبدعنا بلبل السودان وبلوم الغرب
والتحية للمجاهد هوبفول .. وعاوزين همتك معانا يا هوبفل في التوزيع في حلتكم كان ماية ولا ميتين سي دي لاصدقاءك من الرجال الشهمين امثالك وبرضو انت يا علاء يا ابني خاصة وان المبدع عبدالرحمن قد استعمل إيقاع الدليب بتاع عيال شايق...شفت كيف يا علاء يا ابني نحن ناس كردفان حلا وحمار... بفتح الحاء
واهلنا قالوا ايد على ايد تجدع بعيد ولا عدمنا امثالكم من النشامى
شدرا كان دار بقع ترا بنتكي في إخيتو
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: cantona_1)
|
العم كانتونا التحية والود
والله الأستاذ عبد الرحمن عزيز علي قلوبنا كان استخدم إيقاع الدليب ولا ما أستخدمو كفاية الأدانا ليهو والقدمو لي فنه ووطنه، والله دا أقل القليل في حق مبدع في قامة عبد الرحمن عبد الله.
غايتو صممتا لي تصميم كدا ما عارفه مناسب ولا لا، لكن أهو زي ما قلتا إيد على إيد تجدع بعيد، ولسع حأصمم كم تصميم تاني.
.
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Shinteer)
|
يا شانتير ياولد اعمي ناس دار فور قالوا: مسكين دقل .. ترا كان ما طقّاك ولا تشيف
الحقيقة في حالة سفر متواصل واكتب الآن من كايرو ومتابع مع استاذنا الموصلي وابن اخي علاء والذهب مش سيلفر ربنا لا يجيب يوم شكرهم
وبهذه المناسبة الأستاذ يشكرك ويدعو لك بالصحة والعافية
شدرا كان داير بقع ترا بنتكي في إخيتو وفي رواية اخرى : هي ترا امهل لي واتا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: ود شاموق)
|
ياود اخوي شوف صفحة ناس الأبيض فيها تبلدية كبيرة
وفي رجل عارف السودانيين كويس وقبائلهم ومواطنهم. قال ذلك الرجل لو عاوز تعرف الزول من ناس البحر ولا من ناس الغرب قول ليهو جمع حصان شنو؟
كان من البحر بقول ليك حصين- زي ما قال ود اخوي علاء وكان من ناس الغرب بقول ليك: خيل
وقال اديهو بطيخة وقول ليهو قطّع لينا البطيخة دي كان من عيال البحر بمشي بكوس السكينة- يعني السكين وكان من ناس الغرب بضرب بيها الأرض
لكم التحية
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Shinteer)
|
الاحباب شنتير كانتونا والبعيو الحليله وهوبلس لطكم محبتي الاخويه
اما انتما يا ودشاموق وسلفر فقد حيرتماني بفنكما الرفيع واهتمامكما الرائع الله يخليكم لينا واقترح ان نختار واحد من ود شاموق وواحد من سلفر للغلافين الداخلي والخارجي واقترح ان يكتب كل واحد منكما اسمه كمصمم في ركن الغلاف الذي يختار ولكم حبي
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: سلفر)
|
يادهب يا أخي والله بصراحة ماشاء الله حيرتنا المفاضلة بين تصميماتك زي المفاضلة بين الأرز باللبن والفطير بالعسل
إذا قدرت تفاضل اديني خبر.. انا بفضل استخدم كل التصاميم بتاعتك وبتاعة إبننا علاء, لاننا حنطبع كميات كبيرة وفي كل كمية نغيّر وجه السي دي من اجل التغيير ولا رأيك شنو
شدرا كان دار بقع ترا بنتكي في إخيتو وفي رواية اخرى: امهل ليهو الواتا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: ود شاموق)
|
الرائعين
الموصلي كانتونا والمصممين الموهوبين سيلفر ودشاموق ومعاذ وقريبي ودشنتير والمصمم المحترف بالجريدة السعودية يعطيكم ربي الف عافية
كنت اود ان اقترج مع المقترحين ان يكون اسم الشريط رقصات الطنبارة
لانو سمعت عبد الرحمن يغني يا تومي طرينا رقصات الطنبارة اذا كانت الاغنية ضمن اغاني الشريط
وهي اعم واجمل من ضابط السجن
ولكن يبدو سبق السيف العزل
عموما البيجي منكم حا يكون جميل وعندو معناه ونحن جاهزين يا موصلي كانتونا
والفيها خير ربنا بسويها
والشدر ان مال بنتكي في اخيو يا كانتونا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Elmosley)
|
الموصلي وكل الأخوة المشاركين، أمنياتي ودعواتي للفنان عبد الرحمن عبد الله بالعافية التخصو في المصارين وتبقى لو هدم ونعلين.
أسعدتني متابعة العمل الجاري على قدم وساق في هذا البوست-ورشة العمل. هكذا يتسابق الفنانون والكتاب في (تصميم) لوحة جميلة لل(النفير) السوداني ، ولما ينفع الناس ، فلكم التحية.الأخ الموصلي جاءت كلمة الأخ هنا في آخر السطر وهذا لم يكن مكانها الأول اذ كتبتها سابقة لاسمك في أول السطر ولم أستطع التعديل فعذرا. حسن أن أبدأ بالاخوة واختم بها فهى جوهر ما تقومون به هنا.
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: nazar hussien)
|
النية واصلة يا استاذ نزار الأغنية بتقول: ياتومي طرينا دقات النقارة ياتومي طرينا صفقات الطمبارة الحلوات بريدن بنات البقارة
وهنا إن جاز لي الإقتراح بعد موافقة استاذنا الموصلي هو ان يحمل كل تصميم اسم مختلف لاننا سوف نستعمل كل التصميمات لانها بصراحة رائعة جدا
والشكر موصول لكم جميعا
شدرا كان دار بقع ترا بنتكي في إخيتو وفي رواية اخرى: ترا امهل ليهو واتا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: ود شاموق)
|
بارك الله فيك يا علاء يا ابني انا بختار التصميمين التحت.. عشان الأولاني دا فيهو فولاية كبيرة ونحن اهلنا وصونا قالوا لينا كان جيت جنب الفولاية الكبيرة دي التمساح بياكلك وتانيا ما تقطعها إلا راكب طيارة واو كبري اوعك من المعدية والمركب وما شابه
هل تصدق انه عمك عايش في الخرطوم من سنة 1965 وما شاف توتي لهسع بس منتظر لمن يبنوا الكبري امشي اشوف توتي
لا شلت يداك
شدرا كان دار بقع ترا بنتكي في إخيتو وفي رواية اخرى: ترا امهل ليهو واتا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Elmosley)
|
الاستاذ cantona_1 لك التحية طلباتك يا استاذ ما عندي اي مانع وانشاء اللة نصل للاحسن بفضل توجيهاتكم ولك خالص ودي ولسة لو دايرين زيادة وراجع لكم بعد فترة
الاستاذ الموصلي لك التحية ما عرفت الاول من الثالث اختارو من ديل يخيل لي هذا ما تقصد ان وجدت اخطاء لكم العتبي حتي ترضون
الاستاذ نزار حسين لك التحايا العاطرات ودمتم لنا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: AL BOOS)
|
الموصلي وكل الأخوة المشاركين، أمنياتي ودعواتي للفنان عبد الرحمن عبد الله بالعافية التخصو في المصارين وتبقى لو هدم ونعلين.
أسعدتني متابعة العمل الجاري على قدم وساق في هذا البوست-ورشة العمل. هكذا يتسابق الفنانون والكتاب في (تصميم) لوحة جميلة لل(النفير) السوداني ، ولما ينفع الناس ، فلكم التحية.الأخ الموصلي جاءت كلمة الأخ هنا في آخر السطر وهذا لم يكن مكانها الأول اذ كتبتها سابقة لاسمك في أول السطر ولم أستطع التعديل فعذرا. حسن أن أبدأ بالاخوة واختم بها فهى جوهر ما تقومون به هنا.
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: رقية وراق)
|
ياسلام عليك يارقية يا راقية يا بت ورّاق
شكرا ليك على إهتمامك باستاذنا المبدع عبدالرحمن عبدالله وجاينك في حلتكم نجيب ليك كم سي دي كدا تبيعيهم لينا لصاحباتك وصاحبونك-كما تقول صباح بنتي- فهي مستشرقة. وطبعا حتغدينا قرّاصة بالدمعة مش كدا؟؟ في جماعة ريقهم جمّ لمن جبنا سيرة القرّاصة بالدمعة
لك الود
شدرا كان دار بقع ترا بنتكي في إخيتو وفي رواية أخرى: ترا امهل لي واتا
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Elmosley)
|
بسم الله الرحمن الرحيم
المبدعون/ موصلي سيلفر ود شاموق كنتونا1 المحترمون المشاركون سلاااااااااااااااام بقدر قامة الفنان عبدالرحمن عبدالله
أنا سعيد جدأ بهذا النفير وورشة الإبداع من أجل الخير والإنسانية ورد الجميل وزي ما الأخوة سيلفر وعلاء مصممين أنا برضو (مصمم) على شئ واحد وهو تقديم شكري وتقديري لمجهود الجميع
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Elmosley)
|
سلام يا شباب كلكم ، اخوكم ما عندو فكره في التصميم ولا حتي في الذوق الفني ، لكن اسمحوا لي بان اقول راي
في راي المصمم يحاول الاكتفاء بشعار واحد بمعني اي مصمم عليه ان يختار بين الشجره او الحصان ، لانو جمال التصميم -حسب رايي الذي لا اثق فيه كثيرا- في بساطته ، وتعبيره باقل الادوات الممكنه كما ان كثرة الادوات المستخدمه قد تبعد المعني بدال من تقريبه وقد تصيب العين ببعض الاضطراب
وبعد ده كلو وبكل صراحه اعجبني كثيرا تصميم البوس ، رغم انه عكس الاسم
ملاحظه للاخ سليفر ، اليس من الاجمل عدم كتابة كلمة الفنان علي الغلاف يعني انا بحس كأنها كلمة تعريفيه بالاستاذ عبدالرحمن عبدالله ، وهو علم علي راسه نار
ياربي ملاحظاتي دي صاح انا معتمد علي قولة (لولا اختلاف الاذواق لبارت السلع )اعجابي الكبير بكل الجهد المبذول ، ويا الموصلي ربنا يديك العافيه
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Elmosley)
|
الاستاذ الموصلي لك التحايا حاولت ارسال هذة الرسائل بالبريد ولكن رجعت تاني
الاستاذ cantona_1 تحياتي لك وتحياتي لكل الشباب
ويا ود شاموق روعة في روعة اللة يديك العافية
Shinteer لك كل التحايا والود ولك جزيل شكري
بدرالدين شنا لك كل التحايا والاحترام ولك امنتاني لرقيق كلامك ودمت اخا عزيزا
رقم صفر لك التحايا والشكر انا معاك ولكن يمكن الشوق للسودان بخلينا دايرين نملا المساحات بكل حلو من السودان ولك العتبي حتي ترضي لنا في تصميم جاي
رقية وراق
peace builder
AL BOOS
mekki
HAMZA SULIMAN
الفاتح يسن
التحايا والشكر لكم
| |
|
|
|
|
|
|
Re: ساعدونا سريعا في تصميم غلاف للمبدع عبد الرحمن عبد الله (Re: Elmosley)
|
اخي الموصلي والاخ كباشي وكل المشاركين في هذا البوست بعد غياب عن البورد وجدت هذا البوست واسعدني جدا النجاحات التي تقومون بها والتي تدل على عمق اهتمامكم وكنت اود المشاركة ولكن كترت الترحال جعلتني على بعد من الاستقرار وحال عودتي للرياض ساواصل معكم بالمناسبة يمكنكم الاستعانة بالاخ حامد الباشا وهو رجل موهوب ومصمم معروف لكذا مجلة سعودية وهو مقيم بالرياض وساحاول الاتصال به اليوم من القاهرة بعد عودتي لها وساعطيه عنوان الموصلي ليتواصل معه
صلاح غريبة الاسكندرية
| |
|
|
|
|
|
|
|