|
Re: أمانه ماوقع راجل (قولو حمدا لله علي السلامة) (Re: Elmosley)
|
التحايا للجميع ،،
الاخ العزيز ، الموسيقار الرائع // موصلي ..
ألف لا بأس عليك وسلامتك ألف سلامة .. وتسلم من كل وقعة
أرجو أن تكون استرديت صحـّتك .. وان تكون "الزلقة دي " واحدة من شواهد تعبكم " المقدّر " في إثراء الوجدان السوداني المتلـهـّف لجديدكم ..
مع وافر تمنـّياتنا لك بدوام الصحة ،،/
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: محمد أبوجودة)
|
احبتي نحن لاندفع ضريبة الفن انقاصا وتشريدا واهمالا ولكننا ندفعها تفكيرا والما جسديا ايضا
ههههه ضحكتنى ضحك..
معليش انت متالم مفروض الزول يكون جاد شوية
لكن الجملة دى ما انسبقت عليها
والله برضو حاسة بالمك و سلامتك والف حمدالله على سلامة "الكاحل"
بيقولو الكاحل عذرو معاه..
المهم الشريط يطلع
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: Elmosley)
|
يا الف حمدالله على السلامة بلا وإنجلى
خففوا الوزن يا جماعة ، كان تكونوا ضاربين ليكم وجبة معتبرة وإلا شنو مع تحياتى الخالصة للصديق الجميل بطران والاخت الغالية هادية وشرنوبى الهارب من الضبح فى العراق ،قول ليهو الموت حتمشى من الموت ويين ؟ قول ليهو جريت من الضبح المسالة بعد ده بقت سلالم والتحايا العطرة للصديق على السقيد وماهر ومجدى وميرغنى وكل الحبان بدون فرز
والف حمدالله على السلامة
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: Elmosley)
|
ألف حمدلا على السلامه أخى يوسف ... وأكيد دى سلامه كبيره ودايره الكرامه..... ياريت لو قريب ليك... تعرف كان شديتا ليك حسب المقادير التى أحفظها عدل عن ظهر القلب من لسان حبوبتى " الشيف " عليها رحمة الله كانت دايما تقول "البلا بى يكافوه بالبليله" وعلى قولا " من قولهابالفصحى" فى طريفتين وذلك حسب حاله الجيب " ملان ولله فاضى " لوالجيب ملان تكون المقادير كالآتى - قدر كبير - 2 ملوه عيش "دبيكرى" - عتود - 3 حزم حطب " أى نوع ماعدا الطلح"وذلك حتى يتفادى القدر أية حالات دخانيه"
أما فى حالة الجيب الفاضى فيستعاض عن العتود بالبلح وبالعدم يمكن أن تكون بليله "إسكتو" بعد إكتمال عملية الشـــد توزع هنيا مريا على كل الجيران والماره بالشارع مع مراعاة ضرورة التوزيع فى صحانة الطلس الأبيض والصياح الكرامة ..... الكرامه .... الكرامه......
سلامتك .. سلامتك والتحايا لمن معك
أبحجل
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: Salah Abuhigill)
|
Quote: أما فى حالة الجيب الفاضى فيستعاض عن العتود بالبلح وبالعدم يمكن أن تكون بليله "إسكتو" بعد إكتمال عملية الشـــد توزع هنيا مريا على كل الجيران والماره بالشارع مع مراعاة ضرورة التوزيع فى صحانة الطلس الأبيض والصياح الكرامة ..... الكرامه .... الكرامه...... |
اعلاه هي الحاله الموصليه الان وشكرا ياحبوب علي النصح وجميل التمني
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: Omer Abdalla)
|
Quote: العزيز الأستاذ الموصلي أن عملا تدك دونه الركب لابد أن يكون عملا رائعا:-) ألف كفارة وحمد لله على السلامة عمر |
لك الشوق وعلي فكره ممكن ترسل لي قصيدة الفرجوني في الاستاذ محمود في البوست ده او علي الايميل من اجل المشاركه في الاحتفال القادم وحتسمع سمع جميل ان شاء الكريم
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: Elmosley)
|
قالوا متألم شوية ياخي بعد الشر عليك... عارف أنا أول مرة أسمع للبلابل كان هنا في أغانى سودانية وأعجبت بيهم لحدّ الدهشة وسألت عنهم قالوا إتفرقوا..زعلت لكن اليوم وبعد ما قريت الكلام دة فرحت خالص وحأفتش شريطهم الجديد. رجاء زول ينزّل أغنية ياحبايبنا
| |
|
|
|
|
|
|
Re: أمانه ماوقع راجل (قولو حمدا لله علي السلامة) (Re: Elmosley)
|
عزيزي الموصلي للأسف لا أملك قصيدة الشاعر المجيد والفنان القدير أحمد الفرجوني في صورة تمكنني من ارسالها لك على الفور والا لكنت فعلت ولكن أعدك بالتنقيب عنها في مخزون أشرطتي وارسالها لك في شكل مادة صوتية متى ما وجدت الى ذلك سبيلا .. أنا في توق لرؤية أعمالك الجديدة وللقائك في أيوا عمر
| |
|
|
|
|
|
|
|