|
Re: خبر عادي ، قطار ياباني سريع يقف في محطة صغيرة لانزال طفلة (Re: Amjad ibrahim)
|
عادي جدا
يعني كان قطر حلفا بقوم يوم 6 وبصل يوم 26 .. عادي برضو وكان محطات النمر من ابوحمد لي حلفا مافيها موية .. عادي برضو وكان بتصل حلفا وشكلك زي صبي الطاحونة من الغبار ..عادي برضو وكان ركبت مصطح وربطت الحزام عشان ما تقع من القطر .. عادي برضو وكان عفصوك وطلعو زيتك ورمو فيك العكاكايز والاباريق الجايبنها من مصر .. عادي جد وكان القطر بقيف يوم بدون سبب غير انو عاوزين الناس يشترو من حلفا .. عادي برضو وكان قلت لي احسن ليك امشي بي كرعينك ما عادي برضو
ما قلت ليك عادي زي الزبادي مستغرب مالك؟؟؟
الله غالب
تنقو
|
|
|
|
|
|
|
|
|