|
Re: ×× جمعية اصدقاء مرضى الديماقوقية ×× (Re: دينا خالد)
|
أول حاجة نتفق على حاجة ..لأنو شايف المرض ده في الشرق الاوسط اسمو غير الاسم الطالع في الشرق الما اوسط (سويسرا دي وين بالضبط يا ود جبر الله)؟ ناس الشرق الاوسط بيقولوا ليها الديماجوجية بينما ناس الشرق الما اوسط بيقولوا ليها الديماقوقية .. انا وحسب وجهة نظري المتواضعة في علم اللغويات والرخويات اتوقع انو الديماجوجية هي نفسها الديماقوقية فقط يبدو ان من نقل هذا الاسم للشرق الما اوسط كان مصري ومعروف (اكيد ما سند) عن اخواننا المصريين انهم بيحولوا حرف الجيم لحرف القاف فمثلا يقول المصري للبرقاوي بتاع الدكان (البرقاوي ده اسم سيد الدكان وهو جعلي يا تراجي ) ويقول ليهو ممكن تديني قبنة !!! وهو بكل تأكيد يقصد ممكن تديني جبنة !!والعكس بالعكس فانهم يحولون حرف القاف الى حرف الألف المهموز كيف لا وقد عاد صديقي وليد من رحلة اغتراب لمصر دامت 9 ايام عاد بعدها مكسور اللسان واللهجة و صار مصريا صرفا حتى انه قال لي ذات يوم : يا عمر إنت إرد ولا أأو ؟؟ وكان يقصد انت قرد ولا ككو ..فما كان مني الا وان رديت بسرعة رهيبة اكدت لي مدى استيعابي للغة المصرية الفرعونية : انا أأو .. المهم تختلف التسميات والمرض واحد فها هم يقولون بطنو جاريةفي الضواحي وطرف المداين بينما يقول سكان الشرق الاوسط اسهال بينما يقول له الخواجات (فاسيليتيز) ..مش يا ناس اوروبببببببببببببببا ؟ وعلى ذكر الاسهال فلا بأس ان نعيد ما قاله صاحبنا في حصة الانجليزي وهو يقرأ من BOOK2من الNILE COURSE درس الافعال وما ادراك ما Will و ٍshall وهو يقول باعلى حسه : إسهااااااااااااااال دوووو.. لنكتشف بعدها ان الكلمة هي i shall do ما علينا .. نرجع ونسأل اختنا دينا عن أعراض المرض ده شنو بالضبط ؟ يعني بتقوم ليك قوبة في راسك ؟ بتحس بي رجفة في اصبع رجلك الصغيير ؟ البنكرياس بتاعك بيضمحل؟ بتحس بي بونية في كيانك ؟ شنو بالضبط افصحي عشان ممكن عااادي جدا البورد ده كللللو يكون مصاب بي الديماقوقية (يا لهووووووووووي).. بالنسبة للجمعية اين مقرها وما هي اهدافها وشروط العضوية ورسوم الاشتراك كم وهل هي مسجلة في السفارة لانو ممكن عادي جدا تنشق من جمعيتكم دي جمعية تانية اسمها جمعية الديماجوجيين الصحفيين (لاحظي الفرق بين دمياجوجيين وديماقوقيين).. اتوقع انو المرض ده مرض صديق ولو قدرت تتعايش معاهو ما بيضرك بس لازم تحافظي على النظام الغذائي بتاعك يا دينا اختي .. الصباح تاكلي ليك بسكويتة على الريق وما اي بسكويت في بسكويت معيين كده بتاع النخالة حقت القمح .. في الفطور اكلي ليك ملاح خدرة بي كسرة بايتة ولازم الكسرة تكون بايتة بالمناسبة ..الغدا ما مشكلة ممكن ما تتغدي لكن العشا مهم شدييييد .. بالمناسبة المرض ده عايز ليهو (نوتة) غذائية ..
تخريمة : وبعدين يا عزاز نبقا في يا دينا والله غرضي شريف وانا ما قاصدة والشريف مبسوط مني هو القصد ده كيفنهو عاد زيت العربي يشيل الكلوسترول زووووووووووووووووووت
|
|
|
|
|
|
|
العنوان |
الكاتب |
Date |
×× جمعية اصدقاء مرضى الديماقوقية ×× | دينا خالد | 07-02-08, 07:19 AM |
Re: ×× جمعية اصدقاء مرضى الديماقوقية ×× | حمزاوي | 07-02-08, 07:28 AM |
Re: ×× جمعية اصدقاء مرضى الديماقوقية ×× | عزاز شامي | 07-02-08, 07:30 AM |
Re: ×× جمعية اصدقاء مرضى الديماقوقية ×× | دينا خالد | 07-02-08, 07:43 AM |
Re: ×× جمعية اصدقاء مرضى الديماقوقية ×× | دينا خالد | 07-02-08, 07:47 AM |
Re: ×× جمعية اصدقاء مرضى الديماقوقية ×× | osman righeem | 07-02-08, 07:55 AM |
Re: ×× جمعية اصدقاء مرضى الديماقوقية ×× | عمر الفاروق | 07-02-08, 07:59 AM |
Re: ×× جمعية اصدقاء مرضى الديماقوقية ×× | فيصل نوبي | 07-02-08, 08:00 AM |
Re: ×× جمعية اصدقاء مرضى الديماقوقية ×× | فيصل نوبي | 07-02-08, 08:15 AM |
Re: ×× جمعية اصدقاء مرضى الديماقوقية ×× | محمد عبد الماجد الصايم | 07-02-08, 08:32 AM |
Re: ×× جمعية اصدقاء مرضى الديماقوقية ×× | فيصل نوبي | 07-02-08, 01:28 PM |
Re: ×× جمعية اصدقاء مرضى الديماقوقية ×× | دينا خالد | 07-02-08, 03:47 PM |
Re: ×× جمعية اصدقاء مرضى الديماقوقية ×× | دينا خالد | 07-02-08, 06:23 PM |
Re: ×× جمعية اصدقاء مرضى الديماقوقية ×× | osman righeem | 07-02-08, 06:54 PM |
|
|
|