الأم

Quote: قصيدة حبيبتي أمي ريـّا أحمد الشيخ محمد تاج السر علي الشيخ يـا أُمي يا السمحة وجميلة يا باسمة يا ست القبيلة يا راضية يا نور يا عديلة يا الشِلتِ مننا كُل شيلة يا بت الحُنان أهل الفضيلة مِنو في النِسا شبهك؟ قليـلا لي روحي سَنّادة ودليلها عدّيتي النجوم في كل ليلة لي كُل مريض ليلاً طويلا تسبيحك طويل للهم مُزيـلا ودُعاك جميل للروح غليلها أمك فاطمة ويا حليلها وأبوك أحمد سوّى الجميلا أُختك بتول ست البليلة بلاّلة هادية للغم مزيلة وصفية سمحة وكمان أصيلة وخديجة ست النُكت الجميلة ليلى المواصلة ضو القبيلة راجلك خليفة وسمح الرجولة علي عمّك للناس دليلها كلامو سمح سال سلسبيلا عالم جليل نـادر المثيلا أشعاره حلوة رصينة وأصيلة ويا ريـّا الكلام حلو فيك عسيلا بنظم في صفاتِك نظماً طويـلا ودَيْنك عليْ دَيْناً تقيلا يا ربي هل بقدر أشيلها؟ شيلة رجال لي أُم أصيـلة؟ سمحة خصال وأخلاق جليلة؟ يا أُمي يا روحي العليلة طالِب رِضاك مـا عندي حيلة فضلك علَيْ فضلاً جميـلا وأنـا بي رضاك راجل القبيلة عفوك جميل وانتِ الجميلة يـا ربي تديها العمر الطويـلا حُسن الخِتام ظِلاً ظليـلا إنتِ ومعاك ضو القبيلة تاج السر ختـامو يكون جميـلا مع ختم الرجال خلف الرسولا سيد قريش أحسن قبيلة الصلاة والسلام ما قلت قولا يـا أُمي يـا ريـّا الجميلـة سِت النِسـا وسِت القبيلـة إبنك محمد تاج السر علي الشيخ الخرطوم في 25 ديسمبر 2003