الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: ناس التشكيل و الفنون الجميلة افتونا في هذه البينة(توجد رسومات) (Re: زول ساكت)
|
الأخ العزيز...زول ساكت.. انا لا من التشكيليين..لا من ناس الفنون الجميلة.. لكن بفتكر بتك..ما شاء الله عليها...موهوبة جداً.. خطوطها واضحة..و طريقة مسكها للقلم و الألوان فيهو حرص شديد و حرفنة ملحوظة.. كمان باين عليها بتهتم جداً بأناقتها و بتحرص على تهذيب شعرها و تجميله بكافة الإكسسوارات الملونة.. هي طفلة محبة جداً للحياة..واثقة من نفسها.. لكنها متوحدة....أي تعاني من الوحدة.. أو..egocentric ...أي عندها نوع من الأنانية و حب النفس.. لأنها دايماً بترسم نفسها وحيدة.. و الله أعلم.. --- يا ريت ترعى موهبتها..لأنو مستقبلها باهر بإذن الله.. و يا ريت ..قبل الأرشفة.. تشوف الموضوع دا.. رسومات أطفالنا..تكشف دواخلهم/ن....
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: mamkouna)
|
لقد بدا بيكاسو وفان جوخ ورينوار وانجلو وسيزار بنفس هذه الطريقة كانوا يشخبطون على كل ورقة يجدونها ملقاة على الطريق فيحولونها الى ورقة مليئة بالروح والأنفاس والحركة جميعهم ماتوا من الجوع لكن لو قدر لهم أن يستيقظوا الآن لأصيبوا بالذهول مما رسموه أتذكر ذلك الرسام اليوناني { يوكسس } رسم لوحة استغرقت معه ثلاثة أعوام الرسمة كانت بعنوان { الطفل والعنبة } وكانت عبارة عن طفل يحمل في يده عنقوداً من العنب وكاد الفنان يطير من الفرح حينما أكمل اللوحة ومن ثم قدم دعوة لعمالقة الفنانين يومها لإعطاء رأيهم الفني في اللوحة لكنهم خيبوا كل آماله حينما انتقدوا اللوحة انتقاداً لاذعاً وقالوا له : لقد أخفقت يا يوكسس لكنه سرعان ما قام بطردهم جميعا وكاد أن يحطم اللوحة الا أنه استلقى على فراشه يتأمل اللوحة وبينما هو يتأمل اذ دخلت مجموعة من العصافير الجائعة عبر النافذة وهجمت على عنقود العنب معتبرة أن العنب عنباً حقيقياً 00 سبحان الله حينها تمنى يوكسس لو أن اصدقاؤه موجودون الآن لأن العصافير قد انتقمت اليه منهم !!!! صدقني يا اخي 00 في داخل كل منا فنان مرهف !! بل وفي رموش كل إمراة فرشاة طبيعية تستطيع أن ترسم بها أجمل لوحات العالم لكننا لانهتم بذلك وكثيراً ماكنا ننظر للفن التشكيلي على أنه سلعة غير ضرورية فيتجمد لحظتها خيالنا الخصب ويموت وينزوي !!! أذكر أنني لم ارسم في حياتي سوى حمار وقطية وحتى هذه الأخيرة ضربوني فيها كثيراً لأنني نسيت الباب !!! فجاءت مغلقة وكئيبة واشبه ببيوت الأشباح بجوار سيتي بنك !!! أما الحمار فقد كنت ارسمه على الأرض ومن ثم ينهروك فجأة ليقولوا لك اذهب لتسقي الحمار وحينما تأتي تجد أن الرياح قد مسحت نصفه الأسفل المعقد فتحاول جاهداً أن تعيده لسيرته الأولى عليكم ان تنموا موهبتها وأن لاتنهروها وهي ترسم ادعموها جيداً وشجعوها وارفعوا معنوياتها فهذا مشروع فنان حتماً سينجح اكثر من مشروع سندس الزراعي !!! صفقوا لها 00 واحفظوا رسوماتها للمستقبل ولكن حذارى بأن تقوم برسم أمها أو أبيها !!! فقد رسمتنا ابنتنا قبل ذلك ومن يومها اخفينا عنها كل الألوان !!!!!!!!!!!!!!!!!!!!!!! قال { قطية } قال !!
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: mamkouna)
|
سلام
بنتك ما شاء الله.. عندها قدرة التحكم في الخامة التي تستخدمها في الرسم فبالتالي تظهر خطوطها قوية وجريئة تتعامل مع المساحات بشكل جيد وبنسب معقولة جدا.. والأهم التحكم في ترجمة أفكارها على الورقة بصورة غاية في التأني والتفاصيل الدقيقة التي تدل على صبر الفنانة الواعدة
نتمنى لها المزيد من التطور..
تحياتي
عبدالعزيز
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: Abdlaziz Eisa)
|
الاخ الفاضل عبدالعزيز عيسى
Quote: بنتك ما شاء الله.. عندها قدرة التحكم في الخامة التي تستخدمها في الرسم فبالتالي تظهر خطوطها قوية وجريئة تتعامل مع المساحات بشكل جيد وبنسب معقولة جدا.. والأهم التحكم في ترجمة أفكارها على الورقة بصورة غاية في التأني والتفاصيل الدقيقة التي تدل على صبر الفنانة الواعدة |
مايلفت النظر فعلاً هو صبرهاعلى الرسم بصورة اكبر من اي شيء اخر ارجو ان تنصحني هل اكتفي بتوفير الالوان وادوات الرسم ام هناك مايمكن عمله
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: زول ساكت)
|
سلام
'طبعا توفير معدات الرسم الملائمة لسن الطفل من الأشياء المهمة..(لا ألوان مائية ولا زيتية). التحفيز والتشجيع بإختيار الأعمال الجيدة وتعليقها في غرفتها أو المكان المناسب لها لمتابعة أعمالها.. المساعدة بالنقد الغير مباشر لأعمالها... الناس أحجامها بتختلف؟ الأشجار كلها خضراء؟ هذا بيلعب أم بيمشي؟ ماذا في الحديقة؟ في المحطة؟ الشارع؟ الخ.. وكثير من الأسئلة الخفيفة التي تثير فيها روح التحدي... دون التدخل المباشر..
تحياتي
عبدالعزيز
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: Abd-Elrhman sorkati)
|
زول ساكت
ما شاء الله تبارك الله
البت فنانة بكل المقاييس
أنا لست بفنان تشكيلى لأحكم عليها ولكن تذوقت رسومها وأعجبت بها غاية الإعجاب لدرجة قمت بتخزين جميع الرسوم التى أنزلتها وأظن يزجد كثيرون أمثالى ممن يتذوقون فن البنية الفنجرية ، ربنا يحفظها وأقترح عليك أن تقوم بإشراكها فى مسابقات الأطفال ويا حبذا الدولية منها وضرورى ضرورى من متابعة هذه الهواية وتطويرها فسيكون بإذن الله لإبنتكم شأن عظيم
أسأل الله أن يحفظها ويغطيها من عين خلقو
أخوك هشام
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: يازولyazoalيازول)
|
Quote: أنا لست بفنان تشكيلى لأحكم عليها ولكن تذوقت رسومها وأعجبت بها غاية الإعجاب لدرجة قمت بتخزين جميع الرسوم التى أنزلتها وأظن يزجد كثيرون أمثالى ممن يتذوقون فن البنية الفنجرية ، ربنا يحفظها وأقترح عليك أن تقوم بإشراكها فى مسابقات الأطفال ويا حبذا الدولية منها وضرورى ضرورى من متابعة هذه الهواية وتطويرها فسيكون بإذن الله لإبنتكم شأن عظيم |
الزول الاصلي يازول بالله خزنت الصور والله شرف لينا وربنا يقدرنا نعمل بنصائحك بارك الله فيك
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: زول ساكت)
|
والله أنا عجبني كلام (لنا المهدي) وقولها هي ما تشكيلية وطفقها بالقول (خطوط جريئة إلخ ) ... ... ... ... عن (الأُستاذة) حبيبتنا فهي مشروع فنان ضخم للآتي : أولاُ : تمتلك خيال ...لاحظ علاقات السحاب ... الشمس ... فرحة عصافير (الأستاذة) ... غناءها نتاج ذلك ... هذا جو لا يعيشه إلا فنان ثانياُ : الحِرفة فهي (ماشاءالله) لا تتجاوز ألوانها إطار الرسم كعادة أطفالنا ... فاللون بحدوده ... فهي قادرة على التحكم بالألوان
... ... ... نصيحتي بهذه المرحلة (وانا للدقة لست مختص) ... لا تتدخل كثيراً بتجربتها ... ... ... شُكراً لكما ...
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: محمد الأمين موسى)
|
الشباب من هنا لي عندكم سلام جاري جري وابو التشكيلييه الجايانا بي قوه لك التحيه وانت تهتم بهذه الموهبه اولا في المقام المعنوي الدعم والتحفيز دائما هم دافع للسعي المستمر خلف النجاح وفي التواصل المعرفي دائما وابدا زي ما قالوا جدودنا في علم النفس انو الزول ثقافتو مكتسبه والثقافه دي برضو قالو هي البتحدد اتجاهاتنايعني نبقى رسامين ولا اي تخصص تاني دي مبنيه على مدى رغبتنا في توظيف الطاقه الكبيره جدا عندنا في الاتجاه المرغوب فيهو يعني بالمختصر المفيد التثقيف مطلوب والاكتساب البصري الي مبني على الشوف الصحيح والسليم بدون تدخل يعني الواحد لمن يكون بيتعلم في الرسم بيرسم التربيزه مكلوجه ولمن اتدرب على انو يشوف التربيزه بطريقه سليمه بيرسمه ميه الميه يعني اول حاجه هو عرف التربيزه وبعدين بدا بالتدريب يعرف الخطوط بتاعته بتتقاطع وين وبتختفي وين وبتكون قريبه وين
ونواصل
اها يا زول يا ماساكت الكلام ده كيف معاك
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: احمد العربي)
|
سلامات يا زول,,,
شجع البنية وساعدها على صقل الموهبة فنحن نضيع كثيرا من المواهب بالإهمال وعدم الرعاية,,, شجع بقدر ما تستطيع وأعرضهاعلى متخصص وحاول نشر رسومها فهناك أماكن كثيرة لنشر رسوم الأطفال.. والصغيرة مشروع فنان إن شاء الله..
والدى تشكيلى وخطاط ورسام ومصمم,, أخوك البتكلم معاك دا ما بعرف يرسم التكتح...لدرجة لا يمكن أن تتخيلها والقصة دى محيرانى ومزعلانى جدا جدا.. رغم إن الرسم لم يستهوينى يوما
تحياتى
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: محمد الأمين موسى)
|
اخونا وصاحبنا القديم محمد الامين موسى اول حاجة عذراً للتأخير والعتب على النظر ياخي والله انا قايل شكرتك على كلامك القيم دا
Quote: أخي الفاضل إذا كنت زول ساكت في مجال التشكيل فابنتك مش زولة ساكت بل فنانة عديل كدي! قرض على كلام المبدعين أحمد العربي ومحمد مختار الذي تعتبر آراؤه أول دراسة نقدية لأعمال ابنتك يجب أن تسجلها ضمن مسيرتها الفنية.. وربنا يحفظها لك ويخرج من أناملها ما يسعد الناس. |
ومشكور ايصاً على الدعوات وربنا يحفظ الجميع
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: محمد مختار جعفر)
|
Quote: المآخذ وجوانب التوجيه .. وهذا مهم جدا أخى زول .. 1/ يجب تنبيهها على أن تملأ المساحة بتعدد الأشكال أو حتى تكبير الرسم لتتعود على التوافق بين المساحة والكتلة أى الشكل .. 2/ خطوطها قوية ولكنها تهتم بالتفاصيل وهذا ليس مطلوبا فى هذه المرحلة ، بقدر الإهتمام بالحركة واللون أكثر وأركز على اللون فى ملء المساحات ، لتتعود على خلق جوا لموضوعاتها أى أكثر من شكل واحد فى اللوحة .. 3/ ألوانها فيها ضعف فيجب إظهار قوة اللون لتحس به ليكون جزء هام فى العمل لدها ..
أكتفى لها بذلك وأعمل أنت على هذه الملاحظات لبنتنا وسوف نتابع معها بإذن الله ..
عمها التشكيلى العجوز / محمد مختار جعفر |
الفنان محمد مختار جعفر ياخي نورتنا وشكراً جزيلاً على الاهتمام بابنتنا الصغيرة واكيد ماادليتم به سيوضع في عين الاعتبار
نحن الان بصدد تنفيذ او تطبيق خطة اوليه رسمها الاخوان احمد العربي وقيسان تبداء بتوفير ادوات رسم بصورة علمية وان تقوم بمشاهدة اعمال حقيقة لفنانين وساحاول ان اشرك جميع الاعزاء هنا راجياً التواصل ما سمحت ظروفكم بذلك ولك خالص شكري مجدداً [email protected]
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: Nasr)
|
Quote: إنت زول ساكت لكن هي فنانة وموهوبة بس ما تتدخل كثير أترك لها حرية أن تختار الفن وسيلة للتعبير والتواصل الإنساني وزي ما بقول ناسناهنا Don't turn into a soccer mom |
الاخ ناصر شكراً على النصائح القيمة وبالتأكيد لم يخب ظني عندما قمت بانزال هذا البوست فقد وجدت من الملومات والنصائح اكتر مما كنت اتوقع بارك الله فيك
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: زول ساكت)
|
يا زولنا الما ساكت : ما تسمع لي كلام الناس الفوق ديل .. البترسم فيهو بتك ده عولاق ساي خلّي البت تركّز في قرايتها انت زول محمول وعليك بنا ومدارس وجامعات خلّيها تركز ليك في الصيدلة ولا الإتصالات وتشتغل ليك بي ماهية كويسة تنفعك بعدين مالك ومال الدقّوهو وشالو قروشو بعدين ياخ زولة بترسم وش الزول مافيهو لا خشم ولا نخرة ويجو يقولوا ليك جريئة !!! بالجد جريئة خااااااااااااالص تخريمة : الكلام الفوق ده كيتاً فيها عشان لمن أجيك قاعدة تتأخر في جيب الشاي والعصير .. يا زول ربنا يحفظها ويخليها ليك ويخليكم ليها ..
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: عمر الفاروق)
|
Quote: يا زولنا الما ساكت : ما تسمع لي كلام الناس الفوق ديل .. البترسم فيهو بتك ده عولاق ساي خلّي البت تركّز في قرايتها انت زول محمول وعليك بنا ومدارس وجامعات خلّيها تركز ليك في الصيدلة ولا الإتصالات وتشتغل ليك بي ماهية كويسة تنفعك بعدين مالك ومال الدقّوهو وشالو قروشو بعدين ياخ زولة بترسم وش الزول مافيهو لا خشم ولا نخرة ويجو يقولوا ليك جريئة !!! بالجد جريئة خااااااااااااالص
|
الفاروق ياخي سلام وبختك انته المجاور ومتابع الرسم السمح ده
لكن تعرف من تأخيره للشاي والمويه دي زوله تشكيليه لانو الراس بيكون شغال رسم طوالي بعدين تعرف الشخصيات الراسماها دي ما جابته من عندها ديل الناس البتشوفم يعني انته واحد منهم اها رايك شنو في تخريمتي دي كل الود والاحترام
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: اساسي)
|
اها يا زول نجي راجعين لي كلام الاكتساب وما ادراك طبعا بالنسبه للرسم ناسنا المنظراتيه في التشكيل دائما يقولو ليك المخزون اللوني والابعاد والعلاقات والاحساس نبداها من الاخر الاحساس ده طبعا بيتمثل في انفعالات الرسام وبالتالي بنعكس على رؤيتو للاشياء سواء كان في اكتساب الشكل او اسقاطو على العمل الفني يعني كل انسان عندو ذاكره ملانه بي اشكال محدده واللهي بتكون مربوطه بي زمن معين وبانفعال خاص يعني هسع خلى القاعد جنبك يغمض عيونو وقول كلمة تربيزه على طول تظهر ليهو تربيزه محدده وهي موجوده في ذاكرتو هو وبس وجيب واحد تاني قول ليهو برضو تربيزه برضو بتظهر ليهو تربيزتو البعرفه اي الراسخه في ذاكرتو وبالمناسبه شكل عمر الفاروق الفي ذاكرتك غير الفي ذاكرة بنتك الرسامه دي وغير الفي ذاكرة الزول تكعيب شفته الكلام ده كيف يعني اهم حاجه البنيه دي ذاكرته تكون مشبعه بالاشكال السليمه بالتدريب على الشوف السليم والكلام ده بيجي لاحقا يعني دي ما مرحلتو
ونواصل
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: احمد العربي)
|
تحيّاتي يا زول ساكت،
أنا غايتو ما حيّرتني (وما يتحيّر إلا مغيّر وما يتغيّر إلا محيّر) إلا ما حسبته فكرة تحليق ما في رسومات بنتك، الله يحفظها. لقد تراءى لي أنّ رسوماتها كلّها تقريبا (حتى الإناء المرسوم بالرسّام والذي يبدو طبقاً طائراً أكثر منه إناءً) فيها إما طيران أو حركة أقرب للطيران لاسيّما رسمها لصغيرة طائرة بمنقار وأجنحة ورسمها للطائر أبو ضفيرة طائرة...الحكاية دي من شنو يا ربي؟
يا زول أقول ليك زي ما قال العربي: خليها "ترِك" براها على ما تختار...وموفّقة إن شاء الله.
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: Adil Al Badawi)
|
Quote: أنا غايتو ما حيّرتني (وما يتحيّر إلا مغيّر وما يتغيّر إلا محيّر) إلا ما حسبته فكرة تحليق ما في رسومات بنتك، الله يحفظها. لقد تراءى لي أنّ رسوماتها كلّها تقريبا (حتى الإناء المرسوم بالرسّام والذي يبدو طبقاً طائراً أكثر منه إناءً) فيها إما طيران أو حركة أقرب للطيران لاسيّما رسمها لصغيرة طائرة بمنقار وأجنحة ورسمها للطائر أبو ضفيرة طائرة...الحكاية دي من شنو يا ربي؟
يا زول أقول ليك زي ما قال العربي: خليها "ترِك" براها على ما تختار...وموفّقة إن شاء الله. |
الاخ عادل البدوي تشكر على الملاحظات القيمة واهديك هذة الرسمة
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: مجدي عبدالرحيم فضل)
|
Quote: حباب فنانتنا الجميل وهذا المعرض الجميل سوف يكون لكي مرجع في يوما ما وهاهو الوالد وثق لكي وأبدا لن ننسي يوما أنك وضعتي هنا خطا ولونا
ومزيد من الإبداع في هذا المنحي الجميل الرسالة الخطية واللونية لونيه راقية من التعبير الوجداني والنفسي وعبرها نقرأ لكي أفكار وأراء تصل إلي النفس
عبر اللون .
،،،،أبوقصى،،،، |
مشكور اخ ابوقصي على التشريف والكلام النضيف
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: احمد العربي)
|
أيها الزول الساكت ... سلامات هناك خصائص رسوم للأطفال فى كل سن معينة ... سوف أشرحها لك مساءا ... فقد رأيت هذا البوست وأنا أستعد للخروج ... ولكنى أوافق الأخ أحمد العربى والتشكيلينن والمتذوقين الذين أشادو بموهبة الصغيرة الفنانة ... أخونا دكتور النور محمد حمد( تربية فنية) قال كلمة ، زمان : أعط طفلك أكبر كمية من الألوان المناسبة وأكبر كمية من الحرية ....وهذا يوافق كلام أحمد العربى ... سأعود بالتفاصيل ..
خلف الله عبود ( مشرف لمادة الفنون بوزارة التربية )
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: kh_abboud)
|
Quote: أيها الزول الساكت ... سلامات هناك خصائص رسوم للأطفال فى كل سن معينة ... سوف أشرحها لك مساءا ... فقد رأيت هذا البوست وأنا أستعد للخروج ... ولكنى أوافق الأخ أحمد العربى والتشكيلينن والمتذوقين الذين أشادو بموهبة الصغيرة الفنانة ... أخونا دكتور النور محمد حمد( تربية فنية) قال كلمة ، زمان : أعط طفلك أكبر كمية من الألوان المناسبة وأكبر كمية من الحرية ....وهذا يوافق كلام أحمد العربى ... سأعود بالتفاصيل ..
خلف الله عبود ( مشرف لمادة الفنون بوزارة التربية ) |
الاستاذ خلف الله عبود اهلاً بي ناس الفن وناس الرسم وناس التعليم ونحنا من ايدك دي لى ايدك دي وفي انتظارك استاذنا الفاضل
| |
|
|
|
|
|
|
Re: ناس التشكيل و الفنون الجميلة افتونا في هذه البينة(توجد رسومات) (Re: زول ساكت)
|
يا زول ما ساكت
براءة ما شاء الله عليها ربنا يحفظها
من خلال رسمها تحسسك بحبها للمرح والحياة والانطلاق
موعودة بي حياة باهرة ومبدعة ان شاء الله
عندها مقدرة في مزج الالوان بي ذوق جميل ..من تلوينها حتكون ذات ذوق راقي
ورفيع في اختيار الوان ملابسها
ذكرتني بي رسومات الاطفال في كروت اليونسيف ....
تابع يا اخي المسابقات رسومات الاطفال وخليها تقدم فيها وبذات
مسابقات اليونسيف وبرضو رسل رسوماتها ليهم ...ان شاء الله حتنال احدي الجوائز ...
سؤال : السمكة المرسومة بالكمبيوتر دي فكرتا هي ؟؟؟
لوالاجابة نعم : اقول ليك ما شاء الله عليها وربنا يحفظها جد دي فكرة عميقة
ذكرتني اغنية لمحمد منير بقول فيها سمك ياكل سمك
كونها تتخيل انو سمكة كبيرة ممكن تأكل سمكة الصغيرة !!!! ...ربنا يغطيهاويحميها من العين
| |
|
|
|
|
|
|
|