|
|
|
 Re: إلى محسن خالد ..يا أيها التلفان .. (Re: عمر الفاروق)
|
ازيك يا عمر الفاروق:
يا زول خلعتني بعنوانك قلت الزول ده رجع لجنو القديم داك. ودي معناها واحد من اتنين
1/ ياما المدام خلتو ورجعت السودان
2/ باما المدام حاصل ليها حاجه بحيث انها مافي طريقه نشوف البوست ده
لكن الحمد لله لمن قريت البوست لقيت انو كلو في محلو
لك وللاديب محسن التحايا
ومزيدا من الابداع لبادي
بادي و عوض الكريم عبد الله بالنسبه لي من احسن الناس الغنو في السودان
| |
 
|
|
|
|
|
|
|
|
Re: إلى محسن خالد ..يا أيها التلفان .. (Re: Omar Bob)
|
بوب الهلالي الراقي:
منبرنا ده بقا عامل زي جريدة الدار 
ما بيجيبهم الا الشمار ..
لكن بيني وبينك محسن ده بيتشبكو فيهو تاني؟
يا كافي البلا لمن كان في بلاد الخليج كان بينضم ساي اسة مشى لي لي الخواجات ديل ماااا ظنيتني بتورط معاهو
وبعدين ياخ ما تضمني ممكن اكون قاعد اغش فيهو واكتل قلبو وقاصد موضوع التلف ده
عوض الكريم كان ما وقفتو البي الجمبة دي ما عندو عوجة
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
يا عمر ابو اضنين
غايتو اليومين ديل في جاه العريبي محسن نلوك ساكت ، غنا زى الورد , العريبي ـ الغريبة ـ زوقو سمح و حافظ و بعرف يغنى كمان ... قبل فترة اتلمينا في لندن ونسة عالية و منوعة و ناس مفتحة و بتعرف تجادع الكلام و الضحك و معانا عوادى ماكن ....
غنينا ياخى كل الغنا السمح و موهط و بيبسط ....
و بادى ما ساهل ... ده راستا معانا ... respect
وبالمرة كده : انت حريف كورة و مزيكة ... سميع و شواف .. بس بطل تعمل ناقد ، دى شغلة تانية عاوزة عرفة و قراية ... تعال انجعص جنبنا و قول "كمستمع ارى ..."
اها الديماقوقية راحت و لا لسه بتقوم عليك؟
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
عمر الفاروق ...كيفك يا موز ودى على وزن يا كوز
انت كريم ومحسن بستاهل
ده كلام عمك ودالرضى والاغنية لملهمة اسمها مليم
لو ملاحظ عمك قال فى اخر القصيده
اتناعس ونام من غير منام عالى اردام
ميمين ياء لام الخاتى ملام للاقدام
عمك لخبط حروف مليم وعندما اراد ذكر اسمها بالارقام
قال :
مية وتمانية وسته وسته حبيبى حليلو القام بوم سته
ولو جمعت 108+6+6=120 وهى حروف مليم
لانو فى ابجد هوز
حرف الميم يعادل الرقم 40 وحرف اللام يعادل30
وحرف الياء يعادل الرقم 10
عليه 40+40+30+10=120
وايضا ذكرت صراح فى ابيات ابو صلاح اثناء انقسام
الشعراء الى فرقتين ابو صلاح وعمر البنا وانضم اليهم
عتيق وفنانهم كرومة ،وسيد والعبادى وعبيد وود الرضى وفنانهم سرور
ابو صلاح فى تهكم لاذع قال:
شبعوا مساخر ماعرفو المدخور للاخر
مليم والبيها يفاخر
عامو طرور فى البحر الزاخر.
عمر ..هذا ماكان من امر مليم
اما انت ايها الفنان فلك الشكر اضعاف ما اسبغ
البرعى على الرسول من مدح..
ورحم الله البروف بادى فهذا جبل ابداع يمشى
على رجلين..
التحية ليك ولمحسن وللسميعة،،،
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: صديق الموج)
|
بسسسسسسس ود الموج جا ..
بعد كده لا يفتى وصديق في المدينة ..
تعرف يا موج انا جبت الاغنية دي وربعت يديني ومسحت السبورة وجبت الخرطوش الاسود والطبشيرة وختيتهم ليك في التربيزة عشان الحصة يا استاذ ..
واصل واصل فامهين يا استاذ ..
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: محمد عبدالرحمن)
|
عمر الفاروق
ازيك
اول هم
وحاتك اكان بقيت مركب المكنة دي طوالي
في جماعة حبايبي كدي علا كان يشوفوا ليهم شغلتن تانيه
تاني هم
اجمل حاجة البوست ده رجع لينا صديق الموج ودي معناها
اختيار موفق ونجاح حقيقي للبوست ( الراجل ده حكاية ...)
تالت هم
شوف الدناقلة لامن يبقوا هلالاب بيلخبتوا كيف......
| Quote: ومزيدا من الابداع لبادي |
يمكن قاصد مزيدا من الرحمة والمغفرة ....
والله ياقريبي بالغت عدييييييل
وكمان شوف جنس ده
محمد عبد الرحمن
شنو ياعمك
| Quote: حباب بادى ...افضل من يجيد التطريب ... |
افضل من يجيد التطريب ولا افضل من اجاد التطريب
بس عشان مايتلخبت علينا الاختساس
دي طبعا روقة ارشفة وكدة
ليكم كلكم محبتي
هارون دياب
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: haroon diyab)
|
ود الموج ؟
لقيتك بتضرب الرمل وبتجلب الغايب وبتقرا الغيب ،،،
وشنو كدا المندل ..
دا شنو دا ,, قل يا ايها الكافرون ,,
كلو كوم والحساب دا كوم !
ــــــــــــــ
خلاص انا عرفتك شغال شنو ؟
اختساسى حقيبه ،،، اقصد حقايب
فى واحده محيرانى فكرت اجيبها ليك هنا تطلع عينها ,,
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
Quote: بسسسسسسس ود الموج جا ..
بعد كده لا يفتى وصديق في المدينة ..
تعرف يا موج انا جبت الاغنية دي وربعت يديني ومسحت السبورة وجبت الخرطوش الاسود والطبشيرة وختيتهم ليك في التربيزة عشان الحصة يا استاذ ..
واصل واصل فامهين يا استاذ |
عمر يا زول استاذ شنو المنبر ده فيه تماسيح حقيبة كبار
د.احمد القرشى واحمد طراوة ونها ابوراس وعبد المنعم عمر
وود شيقوق وعيييك،لكن مادام شكرتنى قدر ده وبقيتنى استاذ
وكبرت لى راسى النقوم بالهوشة دى اسوى لى شى..
عمر حا اكتب ليك كلمات القصيده لاحقا مع شرح اتمنى ان
لايفسد عذوبة الكلام.
لكن كدى النكتب ليك اول شى ابجد هوز عشان تعرف تفك طلاسم
الارقام البتسمع بيها فى شعر هولاء الافذاذ.
الرقم الحرف الذى يرمز اليه الرقم
(1) حرف الالف ( أ )
(2) حرف الباء ( ب )
(3) حرف الجيم ( ج )
(4) حرف الدال ( د )
(5) حرف الهاء ( هـ)
(6) حرف الواو ( و )
(7) حرف الزاى ( ز )
(8) حرف الحاء ( ح )
(9) حرف الطاء ( ط )
(10) حرف الياء ( ى )
(20) حرف الكاف ( كـ)
(30) حرف اللام ( ل )
(40) حرف الميم ( م )
(50) حرف النون ( ن )
(60) حرف السين ( س )
(70) حرف العين ( ع )
(80) حرف الفاء ( ف )
(90) حرف الصاد ( ص )
(100) حرف القاف ( ق )
(200) حرف الراء ( ر )
(300) حرف الشين ( ش )
(400) حرف التاء ( ت )
(500) حرف الثاء ( ث )
(600) حرف الخاء ( خ )
(700) حرف الذال ( ذ )
(800) حرف الضاد ( ض )
(900) حرف الغين ( غ )
(1000) حرف الظاء ( ظ )
عمر اديك امثله.
ابوصلاح بقول:
سبعة ام لونا غامق الخضار
سبعة ام صدرا علا
سبعة زينة الدنيا وسعوده
وسبعة يرمز به الى حرف الزاى وهو اول حرف اسم زوجته زينب
ود الرضى يقول:
المرنوعة زى شمس الغمام فى طلوعه اتنبن
واثين يرمز به الى حرف الباء وهو اول حرف فى اسم زوجته بتول
ايضا تغنى الى احد الملهمات فى رمية مشهورة وقال:
ستين اسمك والشعر كالليل
اربعات ميات واحد وتلاتين
للقديم رتيل
كونو عارضك زى سيف على القتيل
لاحظ رعاك الله ستين حرف السين اربعات ميات اربعمائة
حرف التاء
واحد الف تلاتبن لام
يبقى قال ست ال... وترك الناس لخيالهم
من يقول ست البنات،ست النفر،ست الكل،ست الناس
ست الريد، وهلم جر من ستات زمان.
ابوصلاح عندما اراد ان يذكر طيبة وصفيه فى اغنية
الخوجلاب وهو لايستطيع ان يبوح بالاسماء فى مجتمع
ضيق ومحافظ مثل الخوجلاب
قال:
صاح وهبة فاقد عقله وكم جريح وطعين
الناس جروحهم تسعه وانا بى جروح تسعين
مع ان حتى الفنانين الكبار يغلطون ويقولون
الناس جروحهم تسعه وانا لى جروح تسعين
وكان ابوصلاح يريد ان يقول الناس بهم تسعة جروح
وانا كخالد ابن الوليد لم يبقى بجسمى موضع غير مجروح
ولكن ابوصلاح اراد ان يقول الناس ملهمتهم طيبه وانا
ملهمتى صفية..
وانا له ان يقول ذلك فى الخوجلاب فى ذلك الزمان
لتعدت الدماء الركب ولقامت داحس اخرى.
فلذا قال 9 ط و90 ص..
عمر سوف اعود اذا سمح لنا العمر والزمان
مرة اخرى لك الحب مثنى وثلاث ورباع واحسب دون ان تهدك
اللانهائيات فى علم الرياضيات،،،
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
الارباب ود دياب :
Quote: وكمان شوف جنس ده
محمد عبد الرحمن
شنو ياعمك
افضل من يجيد التطريب ولا افضل من اجاد التطريب
بس عشان مايتلخبت علينا الاختساس |
نوع محمد عبد الرحمن ده النوع اللمن يجي يتفلسف يقوم يقول ليك :
والله الست أم كلثوم غنااااااية ياخ بس عيبا ما بتجدد
زولك ده ما جايب خبر للدنيا اسألو من اب عشرين واب ستة والكنار وفتحوا ليكم الموية ولا لسة ؟
تسلم يا حبوب ..
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
دينا خالد :
شبكتيني اصبر لحدي بعد الارشفة واجيك بي رواقة وافضا ليك و و و و و انا قلت خلااااص اول مداخلة تكون ايميلك في واحدة من هذه العنكبوتيات او رقما من احدى الاتصالات ما بين سودن شبكتك وزين وكنار وما ادراك ما اريبا عشان نجيك بي الدرب تجي تشبكيني شنطة وحقيبة وموج و ترعة ..
يا زولة اقول ليك حاجة ؟ اخير لينا قبل الارشفة ..
وعلاقتك دي خليها وطيدة كده بس ..
والعريس وطار يعني بعد ده الا تنتظري الربع الرابع ..
تخريمة :
حا تعلموا رحلة لي جميعة اصدقاء الديماجوجية بتين عشان عندي ساوند تأجروهو مني..
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
(حرم) ديماجوجى وفايتا بهناك ..اها..
يعنى انت اسى بتفتكر انو بادى مات وبطل
التطريب !!..ياعزيزى الفن لايموت ..وكل ماتسمع
بادى بتصل فى الطرب (لنهايتو)..
لذلك كتبت (بادى افضل من يجيد التطريب)..ولازلت
عند قولى ..الزول الكتب الكلام دا (عذرناهو) ..تجى
انت تمشى فى دربو ..
شن عرفك انت ياخ بالغناء ..
عاش طارق الامين ..
وعاشت النوتة البتسكت الرجال ..
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: محمد عبدالرحمن)
|
العزيز / محمد عبد الرحمن
مساء الخير
Quote: (حرم) ديماجوجى وفايتا بهناك ..اها..
يعنى انت اسى بتفتكر انو بادى مات وبطل
التطريب !!..ياعزيزى الفن لايموت ..وكل ماتسمع
بادى بتصل فى الطرب (لنهايتو)..
لذلك كتبت (بادى افضل من يجيد التطريب)..ولازلت
عند قولى ..الزول الكتب الكلام دا (عذرناهو) ..تجى
انت تمشى فى دربو ..
شن عرفك انت ياخ بالغناء ..
عاش طارق الامين ..
وعاشت النوتة البتسكت الرجال .. |
ياعمك والله فاهمك لكن بوستات الفاروق دي
لازم تكون ظريفة ....
اها شلنا عدتنا وقلنا النهظر معاك لاول مره.,
لكن الظاهر طلعت حساس ياعمك ...
المهم ولا يهمك ....وحقك علي مرة اخري
وانا معك وابصم بالعشرة انوا بادي افضل من يجيد التطريب .
لك الود والمعزة
هارون دياب
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
يعني اسة يا ود الموج ناس ود الرضي وعبد الرحمن الريح ديل لو كان فيهم زول مجكس دينا خالد دي كان واطاتو اصبحت عشان يقدر يدخل اسمها في جملة مفيدة ارقاما مشاترة وحروفا مشاترة ..
يعني اسة انا لو شاعر وعايز اكتب فيها غايتو الا اقول:
اربعة في خور اربعات ..شال قلبي مني وفات ..
عشرة شهور على الميقات ..حافي وحالق للجمرات ..
وديل خمسين من الجديات ..قراب مني ودوام نافرات ..
ظبية و واحدة هالكاني ..طار عقلي وقليبي المات ..
اها عليك الله ما ياها دينا الدال 4 والياء عشرة والنون خمسين والالف واحد ..
غايتو جنس عولاق !!!!!
اسة كانت سمت روحا مي كان فووووكا حاجة ؟
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
Quote: اربعة في خور اربعات ..شال قلبي مني وفات ..
عشرة شهور على الميقات ..حافي وحالق للجمرات ..
وديل خمسين من الجديات ..قراب مني ودوام نافرات ..
ظبية و واحدة هالكاني ..طار عقلي وقليبي المات .. |
ياربى ده كلام عمر الفاروق والا عمر البنا؟؟
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: صديق الموج)
|
Quote: حميم يا حميم انت صاح
انا غلطان بعتذر
عمك خرف يا حميم،،،، |
الحبيب ود الموج
عمك وين يا شاب
الكتوف قريبة حتى أسأل ود قاسم
هسه عليك الله في زول خرف حافظ كلام سمح
بالتفاصيل زي الفوق دا !!!
لك الله على ما اوردته من تفاسير في لغة الارقام
في شعر الحقيبة
أدام الله لك الشباب روحاً
مرفق
مودتي
إسماعيل حميم
| |
|
|
|
|
|
|
|
|
|
Re: إلى محسن خالد ..يا أيها التلفان .. (Re: عمر الفاروق)
|
حميم يا ايها الامدرماني الاصيل ..
ياخ كل ما تمر بي جاي بشم فيك ريحة بيوت الطين ودافوري الساعة اربعة والتحدي بي قزاز البيبسي و ميدان المولد وما ادراك ما البحيرة وبيت المال وايييييييك ..
غايتو نحن صغار كنا حافظنها من مسمسلات الاطفال ابجد هوز حطي كلمون هذا ورقٌ هذا قلمٌ ..
الف باء تاء ثاء ..
هييييييييييييييييه ...ايام ..
تحياتي ليك يا حلو ..
| |
|
|
|
|
|
|
| |
عمر الفاروق
Omar Bob
يازولyazoalيازول
صديق الموج
محمد عبدالرحمن
haroon diyab
دينا خالد
عامر تيتاوى
إسماعيل حميم
فيس بوك
تويتر
انستقرام
يوتيوب
بنتيريست