|
Re: الليلة العشرين بعد العودة (Re: Haydar Badawi Sadig)
|
ودقاسم يابو الريف تحياتى لك وللخالة فوزية والله موضوعك دا شيق لكن نقاش زى دا عاوز ليه قعدة مع شاى المغربية... بس كيف وانا لخمس شهور بداوم جمعة وخميس ومعزول من البشر تمام لكن حتما سنلتقى يوما قبل ليالى العودة انا طبعا من الريف ولكن حضرى بعنى من عاصمة الريف فابقوتة تبعها 144 قرية وهى المدينةبالنسبة لتلك القرى بالتالى كل واحد من شباب القري يحلم بزوجة وبيت فى المدينة(ابقوتة) فكان كل متعلمى القرى يحظون بهذا الشرف النسب والقرب وما زلت النظرة موجودة على الرقم من تمدن القرى او تريف المدن احكى لك قصة واحد زميلى يريد ان يتزوج من بنت جامعية وهم رايدين بعض لكن اهل الولد وقفوا له فى سكة الريد لان البنت من احدى القرى ,ودا كان عيبها ,فالبنت ابوها مغترب والولدايضا مغترب فتعاونا مع بعض واشتروا بيت فى الدخينات ورحلت اسرة البنت هنالك فصارت من المدينة ...فالشاب كل اخر اسبوع معذبنى وسايقنى شارع غبيرا العام وعشان نشوف احدث الثياب المعلقة على الابواب فهذه العادات مازالت موجودة نظرة الريفى لبنات المدن ولكن لو اردنا ان نمدن القرى كيف او نريف المدينة مثلا الخرطوم العاصمة كانت حدودها الى الشجرة فدخلت العزوزاب والكلاكات والدخينات والشقيلاب وطيبة الحسناب والتريعات وجبل اولياء والانقاذ ود الكريل ومشروع سندس وود الهبيل وصغير نافع والقناطر وبعدها ابقوتة. ايه رايك ياود قاسم صرنا حى من احياء الخرطوم. مدينة بومبى ياود قاسم يتحرك الترماج الفاست فيها 3 ساعات حتى تصل الى اخر محطة. يعنى المناقل بمقياس بومبى حى من احياء الخرطوم يقولون المتر المربع فى العاصمى صار اغلى بكثير من العواصم الاوربية طيب ليش انا ما ابنى لى قصر فى اقرب فسحة على النيل الابيض بين الخرطوم القطينة وتكون عندى سيارة وبس وين اللقى الشارع المسلفت زى الدائرى الشرقى معليش للخرمجة خارج الموضوع ولكن فى تشابك فى الروىء ..وتداخل فى الاهازيج زى موسيقى الموصلى ولك ودى
|
|
|
|
|
|
|
العنوان |
الكاتب |
Date |
الليلة العشرين بعد العودة | ودقاسم | 02-18-04, 03:23 PM |
Re: الليلة العشرين بعد العودة | ابو جهينة | 02-18-04, 03:52 PM |
Re: الليلة العشرين بعد العودة | ودقاسم | 02-18-04, 09:11 PM |
Re: الليلة العشرين بعد العودة | حسن الجزولي | 02-18-04, 06:38 PM |
Re: الليلة العشرين بعد العودة | ودقاسم | 02-18-04, 11:19 PM |
Re: الليلة العشرين بعد العودة | Alsawi | 02-18-04, 09:52 PM |
Re: الليلة العشرين بعد العودة | Tumadir | 02-18-04, 11:55 PM |
Re: الليلة العشرين بعد العودة | Haydar Badawi Sadig | 02-19-04, 04:50 AM |
Re: الليلة العشرين بعد العودة | abuguta | 02-19-04, 08:15 AM |
Re: الليلة العشرين بعد العودة | ودقاسم | 02-19-04, 03:10 PM |
Re: الليلة العشرين بعد العودة | ودقاسم | 02-19-04, 10:26 AM |
Re: الليلة العشرين بعد العودة | ودقاسم | 02-19-04, 09:35 AM |
Re: الليلة العشرين بعد العودة | ودقاسم | 02-19-04, 09:10 AM |
Re: الليلة العشرين بعد العودة | شتات | 02-19-04, 12:46 PM |
Re: الليلة العشرين بعد العودة | abuguta | 02-19-04, 03:55 PM |
Re: الليلة العشرين بعد العودة | ودقاسم | 02-20-04, 10:17 AM |
Re: الليلة العشرين بعد العودة | ودقاسم | 02-19-04, 06:19 PM |
|
|
|