|
أنا ذاتي داير أعـــــــرّس
|
أمي تنتقل من بيت إلى بيت ، تزف الخبر في كل دار : محمد ولدي داير يعرّس ،، عليكي النبي ، عاد آ يمة جيد ليكي ،، والله في جنياتنا كلهن ما في واحدا كبر زي محمد ولدك ،، عاد آ يمة نقول شنو ، القراية هي السّوتا فينا ،، إن شاء الله القراية تطير ، ضيّعت بطان وليداتنا ،، ابتسامة أمي لا تنقطع ، فبيوت القرية متقاربة ومتشابكة ، لدرجة أن الناس يسمعون أنات بعضهم البعض ،، فكان صوتها يصل إلى البيت التالي قبل أن تصله هي ، وتنقل الخبر إلى أهله ، فيقابلها بعض أهل البيت عند الباب مهللين مزغردين ومبشرين ،، ها حاجة آمنة ، خلاس ولدك داير يعرّس ؟ آي والله آ عمتي ، ربنا رضى عليهو ،، الحمد لله يا بنيتي ، يعلم الله أنا شايلة همو .. همّ السواد والرماد يا يمة ،، هسة الوليدات القدرو أولادن نفّعوا ،، والله يا بنيتي هسة وليد علي ود زينب بتي بمشي يدقق العيش في الطاحونة ،، أجي يا يمة صلاة النبي ،، والله يا بتي ، صلاة النبي عليهو ،، أها أبوه نديد محمد ولدك .. آي والله ، أنا وزينب ولدنا في سبوع واحد ، أنا جبت محمد ، وهي جابت علي ،، بس يا بتي المدرسة هي الخربت عليكن ،، والله المدرسة ضيعت محمد ولدك ،، هسة كان وليداتو يكونوا كبار ، عاد آ يمة نسوي شنو ،، ابوه دار ليهو المدرسة ،، نان هي قراية نصاح ؟ أجي آ يمة ،، شوفيهو بقرأ من بتين ؟ من زمن الترك ،، أها ، وهسة داير يعرّس ليكن وين ؟ والله آ بت أمي ، دار ليهو مرة في الخرتوم ،، يا ها شغلة أولاد المدارس ،، ما بدوروا بنّوتنا ،، بدوروا بنّوت البندر ،، والله بس نحن قلنا يعرّس ، وين ما داير ، بس دايرين نشوف جناهو. هسة كان عرّس لينا هنا مالو ،، كان زيتنا في بيتنا ، والله بنات خالاتو زي اللا لوبة الممصوصة ،، أجي آ يمة ، أولاد المدارس ديل بدوروا بنات الخالة ،، ديل بعاينوا بعيد ،، ربنا يتمّ ليهوا على خير ،، وتتجه أمي إلى بيت جدي حاج أحمد ، خالها ، وهو رجل أرمل ، توفيت عنه زوجته قبل أربع سنوات ، وهو في السبعين من عمره ،، اقتربت أمي من جدي حاج أحمد لتحدثه من قرب ، فهو لا يسمع إلا إذا اقتربت منه واستخدمت أعلى طبقات صوتك ،، خالي ، ماك طيب ،، حبابك آ بتي ،، نعل ماك حاس ،، لا ،، لا ،، طيب الحمد لله ،، وليداتك نعلهن بي خير ؟ طيبين الحمد لله ،، أها السنة دي أبوكن عندو عيش ؟ الحمد لله آ خالي ، بلادنا جابت عشرة أرادب . الحمد لله ،، وبهايمكن فيها شي ، وللا راحت ،، لا ،، لا ،، الحمد لله ، البقرات قاعدات ، والغنم تراهن ينقصن ويزيدن ،، الحمد لله ،، وأبوكن مو طاري الحج ؟ إن شاء الله ، ناوي ، ربنا يسهل ليهو ،، إن قوّى نيتو ربنا بسهل ليهو .. بس قلنا السنة دي دايرين نعرّس لي محمد .. محمد منو ؟؟ محمد ولدي ،، ها زولة ! محمد طرى ليكن العرس ؟ آي والله آ خالي ، دايرين نعرس ليهو في اليومين ديل ،، الحمد لله ، والله الساجور إنفكّ تب ،، باقي الجنا طوّل خلاس ،، الحمد لله ، إن شاء الله نشوف وليداتو ،، أها ، وبعرّس وين ؟؟ والله قال بدور بنات الخرتوم ،، سمح ، خلوه يعرّس وين ما داير ،، يعني إت راضي آ خالي ؟ كيفن ماني راضي ،، والله راضي عليهو رضايا يهنيهو ويمنيهو .. الله يكتّر خيرك آ خالي .. بس أقول ليك قولة آ بتي ؟؟ أها ، شن قولك آ خالي ؟؟ أنا ذاتي داير أعرّس ..
|
|
|
|
|
|
|
العنوان |
الكاتب |
Date |
أنا ذاتي داير أعـــــــرّس | ودقاسم | 07-22-04, 00:16 AM |
Re: أنا ذاتي داير أعـــــــرّس | ahmed haneen | 07-22-04, 01:39 AM |
Re: أنا ذاتي داير أعـــــــرّس | ودقاسم | 07-22-04, 01:14 PM |
Re: أنا ذاتي داير أعـــــــرّس | الجندرية | 07-22-04, 02:00 AM |
Re: أنا ذاتي داير أعـــــــرّس | ودقاسم | 07-22-04, 11:14 PM |
Re: أنا ذاتي داير أعـــــــرّس | ابو مهند | 07-22-04, 09:54 AM |
Re: أنا ذاتي داير أعـــــــرّس | ترهاقا | 07-22-04, 01:00 PM |
Re: أنا ذاتي داير أعـــــــرّس | حبيب نورة | 07-22-04, 05:14 PM |
Re: أنا ذاتي داير أعـــــــرّس | ودقاسم | 07-23-04, 10:28 PM |
Re: أنا ذاتي داير أعـــــــرّس | ودقاسم | 07-23-04, 06:49 AM |
Re: أنا ذاتي داير أعـــــــرّس | ودقاسم | 07-22-04, 11:27 PM |
Re: أنا ذاتي داير أعـــــــرّس | Hani Abuelgasim | 07-22-04, 05:34 PM |
Re: أنا ذاتي داير أعـــــــرّس | ودقاسم | 07-23-04, 10:02 PM |
Re: أنا ذاتي داير أعـــــــرّس | الجندرية | 07-22-04, 11:24 PM |
Re: أنا ذاتي داير أعـــــــرّس | ودقاسم | 07-23-04, 10:08 PM |
Re: أنا ذاتي داير أعـــــــرّس | ابو مهند | 07-23-04, 03:47 AM |
Re: أنا ذاتي داير أعـــــــرّس | معتصم دفع الله | 07-23-04, 04:00 AM |
Re: أنا ذاتي داير أعـــــــرّس | Ishraga Mustafa | 07-23-04, 04:57 AM |
Re: أنا ذاتي داير أعـــــــرّس | ودقاسم | 07-23-04, 10:55 PM |
Re: أنا ذاتي داير أعـــــــرّس | ودقاسم | 07-23-04, 10:34 PM |
Re: أنا ذاتي داير أعـــــــرّس | ودقاسم | 07-23-04, 10:25 PM |
Re: أنا ذاتي داير أعـــــــرّس | صديق الموج | 07-23-04, 05:47 AM |
Re: أنا ذاتي داير أعـــــــرّس | ودقاسم | 07-24-04, 00:03 AM |
Re: أنا ذاتي داير أعـــــــرّس | نادر | 07-23-04, 06:37 AM |
Re: أنا ذاتي داير أعـــــــرّس | Ishraga Mustafa | 07-23-04, 01:41 PM |
Re: أنا ذاتي داير أعـــــــرّس | Habib_bldo | 07-23-04, 02:33 PM |
Re: أنا ذاتي داير أعـــــــرّس | معتز تروتسكى | 07-23-04, 11:03 PM |
Re: أنا ذاتي داير أعـــــــرّس | ودقاسم | 07-24-04, 06:18 AM |
Re: أنا ذاتي داير أعـــــــرّس | ودقاسم | 07-24-04, 04:25 AM |
Re: أنا ذاتي داير أعـــــــرّس | ودقاسم | 07-24-04, 04:03 AM |
Re: أنا ذاتي داير أعـــــــرّس | ودقاسم | 07-24-04, 02:47 AM |
Re: أنا ذاتي داير أعـــــــرّس | عبد الباقي الجيلي | 07-24-04, 01:10 AM |
Re: أنا ذاتي داير أعـــــــرّس | ودقاسم | 07-24-04, 05:22 AM |
Re: أنا ذاتي داير أعـــــــرّس | صديق الموج | 07-24-04, 02:32 AM |
Re: أنا ذاتي داير أعـــــــرّس | ودقاسم | 07-24-04, 11:29 AM |
Re: أنا ذاتي داير أعـــــــرّس | عثمان عووضة | 07-24-04, 08:56 PM |
Re: أنا ذاتي داير أعـــــــرّس | ودقاسم | 07-25-04, 03:19 AM |
Re: أنا ذاتي داير أعـــــــرّس | mustadam | 07-25-04, 01:52 AM |
Re: أنا ذاتي داير أعـــــــرّس | عثمان عووضة | 07-25-04, 02:43 AM |
Re: أنا ذاتي داير أعـــــــرّس | ودقاسم | 07-25-04, 04:27 AM |
Re: أنا ذاتي داير أعـــــــرّس | Hozy | 07-25-04, 03:58 AM |
Re: أنا ذاتي داير أعـــــــرّس | حبيب نورة | 07-25-04, 04:34 AM |
Re: أنا ذاتي داير أعـــــــرّس | عثمان عووضة | 07-25-04, 04:38 AM |
Re: أنا ذاتي داير أعـــــــرّس | ودقاسم | 07-26-04, 03:01 AM |
Re: أنا ذاتي داير أعـــــــرّس | mustadam | 07-25-04, 05:53 AM |
|
|
|