|
الزهج...الزهج يا عماد...!!!
|
حالة من الزهج والقرف سادت .. الملاحظ كل من تحدث اليه في اليومين السابقين كان زهجان وقرفان وقافلة معاهو وانا ذاتي قافلة معاي و عماد عبدالله دعانا الي ممارسة الزهج فكنا اكثر زهجا منه خليل وصل زهجه حد طالب بقيام القيامة..فصرخنا جميعا يا قيامة قومي حسي وخلي الماتش ينتهي..!! عادل عثمان كتب ليه؟؟ ثم لم يقل شيئا ثم اختفي تكاد تجده ما بين البوستات بعد تلتلة.... الكل زهجان ..وانا سيدهم.... هل هي امراض الغربة والبعاد.. ام هي حالة الوطن الذي بداء يترنح بين الجهات الاربعة ام هي حالة مربوطة بالعولمة فلقد وجدت (خواجة ) وهندي وصيني وحبشي وقطري ايضا ضمن الزهجانين في الايام السابقة....!!!
|
|
|
|
|
|
|
|
Re: الزهج...الزهج يا عماد...!!! (Re: طارق جبريل)
|
كريم ..سلامات ياباشمهندس الزهج ده اصلا سوداني المنشأ..وزهجنا نحن معروف ومهضوم ..لكن انتم مالكم ومال الزهج قاعدين مرطبين علي الاقل ممكن يكون عندكم فراغ بسيط لكن اسباب الزهج بالكوم هنا ..والله ياكريم زهجانة بشكل؟ اميرة
| |
|
|
|
|
|
|
Re: الزهج...الزهج يا عماد...!!! (Re: عامر تيتاوى)
|
قصة عجيبة يا كريم .. عارف .. جدي مكاوي كان بيقول لينا : لو خفت من الكلب قول ليهو ده : كلباً كَلَبَكْ .. ربّاَ خلقك .. دنقِر راسك و أرفع ضنبك . و قال لينا دي بتحصنكم ضد الكلاب .. و والله كانت بتشتغل يا كريم .. حتى ( بُغْ بُغ ) كلب ناس عوض دوكة و أسد الحلة كان بيآمن و يدنقر راسو و يرفع ضنبو .. قلت أديها واحد كلباً كلبك للزهج ده .. يمكن يخاف و يتخارج .. قام أبا يا كيكي .. و قام فعلاً رفع ضنبو و .. ( بانت سوأته ) .. و فكّاها فيني . تكون الكلاب كترت علينا يا كريم حتى تشابهت علينا الرؤوس و الأذناب ؟؟ ياخ البلد بعيدة شديد .. و الغربة الشينة ما دايره تخلص .. أفرض خلصت .. شنو يعني ؟؟ نرجع وين ؟؟ .. ياتو سودان ده الراجينا ؟؟ سودان المؤتمر الوطني ؟ .. وللا سودان المعارضة الدايشة ولافّة في مكانها ؟ .. وللا سودان عفراء مول و الأوفر نايتس و الفلل و العمارات و الأبراج المن بره هلا هلا و من جوّه يعلم الله ؟؟ غيبوبة ماكنة كاملة الدسم مخدرة بيها الناس هنا وهناك .. و عااااااااااادي . تكرار و ملل , و اليوم البيشبه أمبارح و الأكيد ح يشبه بكره .. الحيطة قدامك و وراك . تبقى علينا يا كريم : كان غلبك سدّها .. وسّع قدها !!! و عـ....... أديها سوط !!! طيب أفرض وسّعنا قد الجن ده و أدينا بت اللذين دي سوط , أها و بعدين ؟؟؟ كيف الدبارة ؟؟؟
| |
|
|
|
|
|
|
Re: الزهج...الزهج يا عماد...!!! (Re: Emad Abdulla)
|
الحمدالله الذى لايحمد على السعادة سواه
مدخل : السعادة لاتأتى من زيادة فى الرفاهية المادية
بل من خلال انسجام قلبك وعقلك وسلوكك وهمومك واحلامك وافراحك واحزانك
ولانحياز لاي واحد على حساب الاخرى بكون الناتج كماتسميه انت وصديقنا عماد زهج
كيكى عشان اساهم فى اخراجك من هذه الحالة لابد من مساعدتى بالاجابة على هذه الاسئلة :
1 متى آخر مرة دخلت السنما وفى دوحة اكثر من 25قاعة سنما تعرض الافلام فى نفس
الوقت مع امريكا او اى مكان انتج فيه الفلم على شرط ان تكون لوحدك او مع شخص غير سودانى؟
2 هل لديك صديقة خاصة جدا واخرى جدا جدا وثالثة سيوبر صداقة تبوح لهم حسب درجاتهم؟
3 متى آخر مرة قدمت فيها هدية خاصة اوتسلمت فيها هدية خاصة؟
4 متى آخر مرة بكيت لوحدك وضحكت لوحدك؟
5 غير الموت ماهو اكثر هاجس يرعبك؟
6 لو قلنا لك اختار شخص وثلاثة اشياء ولك الحق فى قضاء شهر معهم فى الزمان والمكان الذى تحدده
فمن هو الشخص وماهى الاشياء واى زمان واى مكان؟
7 شخص آلمك وتتمنى ان تصفح عنه لكن لاتستطيع؟
8 متى اعتزرت وقلت انا آسف بدون ماتضيف لها مبررات اواسباب؟
9 حلم حققته وحلم تتمنى تحقيقه وامنية ترجوها لشخص عزيز عليك؟
10 ماهو المكان الذى يحمل لك اجمل ذكرى والعكس كمان والمكان الذى تتمنى ان تراه؟
11 حين تدخل الحمام لكى تستحم ماهو طقسك فى الاستحمام او عك تقول زى ما كل الناس
بتتحم طقس الحمام زى البصمة لا يوجد فيه تشابه؟
12 ماهى آخر حاجة بتتذكرها قل ان تنام وماهى او حاجة بتتذكرها بعد ماتصحو ضف لهم انواع
واشكال الموسيقى التى تفضلها؟.
ملحوظة الاسئلة التى لاترغب فى الاجابة عليها بشكل مباشرة ممكن تجواب عليها عن طريق الماسنجر
او الميل
| |
|
|
|
|
|
|
Re: الزهج...الزهج يا عماد...!!! (Re: Emad Abdulla)
|
Quote: نرجع وين ؟؟ .. ياتو سودان ده الراجينا ؟؟ |
عماد يا عمدة يا حرف الان.. عجيب امرك يا عماد وباي اغصان ولا ميتين بتكتب انت يا زول..!! وبالجد يا عماد الواحد لو عارف الزهج الجانا وعطر ديارنا ده ..بجيب جنس كلامك الجني ده كان الواحد زهج قبل اربعة شهور...!! تعرف نفس التفاصيل والدراما..التي يتلوها خالك الجميل هذا.. كانت لنا مثله حبوبة افريقية حقيقية ومرة صعبة المراس وجنها وجن الكلاب الضالة اوالغير ضالة.. واكثر المشاهد التي يمكن رويتها هو ذلك (الكانون) الكبير وفي سطحه (علبة) سوداء في كل الاحوال درجة حرارة (الماء بداخل تلكم العلبة) عالية جد ويكاد الماء يتبخر... تكره حبوبتي شيئين..الكلاب واللصوص.. فكان هذا الماء الساخن هو سلاحها الملائم لردع الكلاب التي تتحاوم بانصاص الليالي بالقرب من قطيتها الشهيرة.... اما اللصوص فقد اقتنت (عكاز) مضبب والعكاز المضبب هو عكاز تم تغطيته بجلد في الغالب للبقر فكانت تجيد استعماله في هنضبة اللصوص وردعهم وضربهم ...فقد كانت تسمي ام ضراع... فالامر يا عماد يحتاج الي هنضبة اللصوص وسكب الماء الساخن علي الكلاب حتي يعود لنا الوطن ,,, وكن بالجوار يا عمدة...ستهزم زي مليون زهجة كده...
| |
|
|
|
|
|
|
Re: الزهج...الزهج يا عماد...!!! (Re: عامر تيتاوى)
|
Quote: كيكى قول بسم الله يازول بنفتش ليك عشان نفرح تقوم تزهج .. معقولة |
تيتاوي سلام.. الان بوجودكم يا صديقي لامجال الا للفرح ... بس القصة يا عامر كل واحد تشد ليها (سلك) من الفرد يشبكك (زهجججان ياخ)..في النهاية انا زاتي زهجت معاهم..
حمدالله علي السلامة وفي انتظار اخبار (الكج) وحنفية وحكايات الامتداد والجلسات البترد الروح ديك..
| |
|
|
|
|
|
|
Re: الزهج...الزهج يا عماد...!!! (Re: اميرة الحبر ادريس)
|
Quote: والله ياكريم زهجانة بشكل؟ |
سلام يا اميرة الزولة الرائعة.. حتي انتي يااميرة..!! تعرفي يا اميرة ممكن واحدة من اسباب هذه الحالة العارضة هي الشوق العالي الي احداثيات الوطن الناس والوجوه والمكان والمدن ورائحة الناس البتعافر الحياة في اسواق البلد. فالشوق يا اميرة ايضا يولد في داخلنا (لحن) عندما لم يتحقق تبقي اعراضه في شكل زهج عارض وحتما سيزول او فنقل يجب ان يزول .فعندما (تكون صديقتي اميرة زهجانة) فهذه هي دعوة لاعلان حالة الطواري والخروج من الزهج سريعا..فما تزهجي يا اميرة..الزهج ده خليهو لينا نحنا..
| |
|
|
|
|
|
|
Re: الزهج...الزهج يا عماد...!!! (Re: طارق جبريل)
|
Quote: يا باشمهندس مالك كدي قول بسم الله |
سلام يا دكتور طارق... ولا عليك ايها النبيل .. بس ياطارق القصة ملاحظة قوية عمت العديد من الصحاب في توقيت واحد..فلذا صار الامر شوية مزعج ولكن اطمئنك ان الزهج الذاتي مقدور عليه..فنحن يا طارق منذ اول يوم رفعنا ارجلنا عن ذلك الوطن وعانقنا الغربة زهجانين ولكن نتعايش ونتكيف مع هذا الزهج وصار صديق لاغني عنه.. وكل الشكر يا طارق...
| |
|
|
|
|
|
|
Re: الزهج...الزهج يا عماد...!!! (Re: محمد المرتضى حامد)
|
كيكي الحبيب، و الله لو ما في ناس زيك في الدنيا دي الواحد كان مات كمد.
Quote: اسمع رسل لي واحد فسخوس خلينا نتم بيهو باقي الزهجة.. |
و الله يا كيكي انا الليلة جايب حاجة ابو لستك، و برضو ما قسمت، اها انا اعمل شنو بعد ده، افتح تدريب مهني؟:rotate:
| |
|
|
|
|
|
|
Re: الزهج...الزهج يا عماد...!!! (Re: انور تاج السر)
|
Quote: الحمدالله الذى لايحمد على السعادة سواه
مدخل : السعادة لاتأتى من زيادة فى الرفاهية المادية
بل من خلال انسجام قلبك وعقلك وسلوكك وهمومك واحلامك وافراحك واحزانك
ولانحياز لاي واحد على حساب الاخرى بكون الناتج كماتسميه انت وصديقنا عماد زهج
كيكى عشان اساهم فى اخراجك من هذه الحالة لابد من مساعدتى بالاجابة على هذه الاسئلة :
1 متى آخر مرة دخلت السنما وفى دوحة اكثر من 25قاعة سنما تعرض الافلام فى نفس
الوقت مع امريكا او اى مكان انتج فيه الفلم على شرط ان تكون لوحدك او مع شخص غير سودانى؟
2 هل لديك صديقة خاصة جدا واخرى جدا جدا وثالثة سيوبر صداقة تبوح لهم حسب درجاتهم؟
3 متى آخر مرة قدمت فيها هدية خاصة اوتسلمت فيها هدية خاصة؟
4 متى آخر مرة بكيت لوحدك وضحكت لوحدك؟
5 غير الموت ماهو اكثر هاجس يرعبك؟
6 لو قلنا لك اختار شخص وثلاثة اشياء ولك الحق فى قضاء شهر معهم فى الزمان والمكان الذى تحدده
فمن هو الشخص وماهى الاشياء واى زمان واى مكان؟
7 شخص آلمك وتتمنى ان تصفح عنه لكن لاتستطيع؟
8 متى اعتزرت وقلت انا آسف بدون ماتضيف لها مبررات اواسباب؟
9 حلم حققته وحلم تتمنى تحقيقه وامنية ترجوها لشخص عزيز عليك؟
10 ماهو المكان الذى يحمل لك اجمل ذكرى والعكس كمان والمكان الذى تتمنى ان تراه؟
11 حين تدخل الحمام لكى تستحم ماهو طقسك فى الاستحمام او عك تقول زى ما كل الناس
بتتحم طقس الحمام زى البصمة لا يوجد فيه تشابه؟
12 ماهى آخر حاجة بتتذكرها قل ان تنام وماهى او حاجة بتتذكرها بعد ماتصحو ضف لهم انواع
واشكال الموسيقى التى تفضلها؟.
ملحوظة الاسئلة التى لاترغب فى الاجابة عليها بشكل مباشرة ممكن تجواب عليها عن طريق الماسنجر
او الميل
|
والله يابدر اسئلة عجيب يازول انت عاوز توديني (مستشفي الرميلة ) ولاشنو خوفتنا من الزهجة دي عديل كده...يازول انا ذاتي الزهج خليتو خلاص..(بطلنا زهج) ولكن بالجانب التاني اسئلة مهمة وحيوية يا بدر و ح اجاوب ليك بالقطارة سعال سعال.. بس خليني اتجاوز المحنة,,,,,,بس كلام صديقة صديقة ده الا في الماسنجر يازول او اقول ليك بلاش منو...
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
أهم جزء فى ردك ياكيكى هو:
( يابدر و ح اجاوب ليك بالقطارة سعال سعال)
وترجمة هذا الرد تعنى يابدر ح اجاوبك بمزاج
وهذا دليل شفاء واستمزاج وبعد كده ياكيكى ترد ماترد ليس مهم
لا نو فى حالات غيرك يجب معالجتها قبل ان تصل لحالة عماد الميؤس منها
| |
|
|
|
|
|
|
Re: الزهج...الزهج يا عماد...!!! (Re: بدر الدين الأمير)
|
Quote: أهم جزء فى ردك ياكيكى هو:
( يابدر و ح اجاوب ليك بالقطارة سعال سعال)
وترجمة هذا الرد تعنى يابدر ح اجاوبك بمزاج
وهذا دليل شفاء واستمزاج وبعد كده ياكيكى ترد ماترد ليس مهم
لا نو فى حالات غيرك يجب معالجتها قبل ان تصل لحالة عماد الميؤس منها |
شكرا يا بدر انا كنت فعلا ملاوز من الاسئلة الكيلة وملوة دي... ياكافي البلاء زول تشف منو او تنقل منو ساكت ما تلقاهو..متي ومتي يازول انا لو بعرف متي سينما ومتي شنو شنو بتاعتك دي كان زهجت يا بدر....انت عارف يا بدر اي زول يشوف اسئلتك دي زهجتوا بتفك..!!
| |
|
|
|
|
|
|
Re: الزهج...الزهج يا عماد...!!! (Re: محمد المرتضى حامد)
|
Quote: يعني يا عبدالكريم كل ما نتناساهو تذكّرنا ليهو؟ |
سلام يا استاذ يا جميل.. ومعليش يا محمد بس قلنا نتونس بالزهج ونهزمه بوجودكم والقصة ما بتنسي لكن اليوم فقط علا الصوت وطفح... .. .. ياخ عندي صحبي شديد اسمو وليد زكريا معاكم بالسلطنة عليك الله بلغوا تحياتي وزهجي..وجرجروا الزول معاكم لسودانيز فهو رائع روعة لاتقاوم..
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
Quote: و الله يا كيكي انا الليلة جايب حاجة ابو لستك، و برضو ما قسمت، اها انا اعمل شنو بعد ده، افتح تدريب مهني؟:rotate |
انور يا سمح... ياخ دي احلي زهجة الجابت لينا سيرة ابو لستك دي...وبري والموز... وممكن لو جرت تتذكر بلية وفورتين وود العجوز كمان.... اضرب الفسخوس ده يا صديقي ضرب تقيل..والزهج خلي يولي..
| |
|
|
|
|
|
|
Re: الزهج...الزهج يا عماد...!!! (Re: عامر تيتاوى)
|
Quote: الحمد لله ياهوكيكى زولنازاتو تمام ياهندسة |
سلام ياتيتا يارائع ياخ زي ناس انور تاج السر وزيك كده يا تيتاوي بوجودكم الزهج قاسي والله..!! مشتاقين يا عامر والله وكب لينا الكج ده عليك الله خليني نخش الفورمة
| |
|
|
|
|
|
|
Re: الزهج...الزهج يا عماد...!!! (Re: سارة حمزة)
|
Quote: عبد الكريم بالله لما تلقي دواء للزهج قول لينا عووووووك |
سارة سلام وتسلمي من الزهج انتي كمان..!! ياريت يا سارة الواحد يلقي علاج عشان يجربوا في البداية في ناس عماد وخليل ديل وانا وبعد داك يطرحوا في الاسواق العالمية..ومنها يقول ليك عوووووك
| |
|
|
|
|
|
|
Re: الزهج...الزهج يا عماد...!!! (Re: شذى بله محمد)
|
Quote: حمدالله علي السلامة وفي انتظار اخبار (الكج) وحنفية وحكايات الامتداد والجلسات البترد الروح ديك.. |
كيكى ياصديقى .. الشوق بحور ما ليها حد لكين ياخوى الاجازة شرتموها شرتمة بطالة المهم الكج وحنفية شغالين نضيف والتنك مليان فل ..
| |
|
|
|
|
|
|
Re: الزهج...الزهج يا عماد...!!! (Re: شذى بله محمد)
|
Quote: غايتو انا لى زمن ما زهجت...
وبقيت (متقريفة) كمان....... |
سلام والف تحايا يا شذي وبلاش عليك الله تتسع دائرة الزهجانين كفاية علينا (عماد) رغم انو زهجوا احلي زهج في الشرق الاوسط الجديد..الا انني اتهمه بنقل عدوي الزهج الي وجرجرني الي حوار (زهجانين) توصلنا الي نفس طرحك بان المجاسات قد صدئت وتحتاج الي (تست).. ولكن يا شذي مجستانا وطن وفقراء وجوعي وحرب..فكيف الحل؟؟؟؟؟؟
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
Quote: كيكى ياصديقى .. الشوق بحور ما ليها حد لكين ياخوى الاجازة شرتموها شرتمة بطالة المهم الكج وحنفية شغالين نضيف والتنك مليان فل .. |
يا تيتاوي تخيل انا كنت راجي اجازتكم دي بفارق الصبر وخاصة لمن القصة بقت فيها صديقنا صديق حمدتو وقلنا ده بكون بوست الموسم نسمع اخبار المدينة ونشتم عبركم عطر المدن والشرتمة دي يا تيتاوي هي ذاتتها البتخلينا نزهج مع الاجازات الشمومة دي.. ودوما في انتظارك يا تيتاوي يا جميل..
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
Quote: ياخ عندي صحبي شديد اسمو وليد زكريا معاكم بالسلطنة عليك الله بلغوا تحياتي وزهجي..وجرجروا الزول معاكم لسودانيز فهو رائع روعة لاتقاوم.. |
يا كريم دي أسرة ناس رائعين، المهندس وليد زكريا والدكتور مأمون زكريا وعمك زكريا الرجل الرائع ، كلهم والحمدلله بخير وسأبلغ سلامك لوليد. الحاجه المسغرباني يا كريم انو بعد اجازتك السنوية الأخيرة دي مفروض يكون بينك وبين الزهج شهور ودهور.
| |
|
|
|
|
|
|
Re: الزهج...الزهج يا عماد...!!! (Re: محمد المرتضى حامد)
|
Quote: يا كريم دي أسرة ناس رائعين، المهندس وليد زكريا والدكتور مأمون زكريا وعمك زكريا الرجل الرائع ، كلهم والحمدلله بخير وسأبلغ سلامك لوليد. الحاجه المسغرباني يا كريم انو بعد اجازتك السنوية الأخيرة دي مفروض يكون بينك وبين الزهج شهور ودهور |
مرحب يا ود المرتضي وحبابك.. وفعلا هي تلكم لاسرة الرائعة فجميعهم اصدقائي واخوتي ووليد زكريا دفعة وصديق روح وكانت لنا ايام ولكن هذه هي الغربة والشتات وتحياتي مرة اخري لهم جميعا.... .. والاجازة (الشمومة ) دي ياها ذاتتها يامحمد البتخلي الواحد في شجن خاص وشوق كبير ....تعرف يامحمد انا اول مرة جيت البلد قعدت (خمسة سنوات) (ون قو) بقلب جامد وقاسي ولكن ومنذ ان بدات في السنين الاخيرة امشي الاجازات (النص كم دي) الموضوع بقي قاسي شديد والاشواق بقت زي الخطوط القطرية يوماتي مسافرة للسودان... والف شكر يا ود المرتضي علي الاهتمام ولك ودي..
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
كيكي الجميل،
Quote: الفسخوس ده دواء الزهج زمان. حسع يا الطاهر بنفتش في دواء جديد..!!! |
الليلة انا لقيت ليك دواء ايطالي بمواصفات سودانية، ذكرني بالبينسون الخصوصي.برسل ليك منو بالماسنجر.
دمت جميلاً، اريحياً و ملجأ لكل المدبرسين
| |
|
|
|
|
|
|
Re: الزهج...الزهج يا عماد...!!! (Re: انور تاج السر)
|
Quote: الليلة انا لقيت ليك دواء ايطالي بمواصفات سودانية، ذكرني بالبينسون الخصوصي.برسل ليك منو بالماسنجر.
دمت جميلاً، اريحياً و ملجأ لكل المدبرسين |
مرحب يا ابو ابو النور ايطالي دي ممكن يكون مضروب من ناس المافيا ويجيب لينا الهبايب كدي شوف لينا واحد من ود العجوز
| |
|
|
|
|
|
|
Re: الزهج...الزهج يا عماد...!!! (Re: انور تاج السر)
|
سلام يا ابوالنور يا دهشة..... وبالبكري ده جيهتني جيهة جد...ورجعتني زي مليون سنة الي وراء الي زمن (البقة) الشهيرة.. (بقة كريم)...تعرف يا انور كنا في كل الاحوال ثلاثة انا وصديقي باخوس وحسن (بجة) وكان يزور هذا المجلس بعض المضهبين وملح المجالس مثل السائق المرح (الهادي) والشهير باشري.... في كل الحالات كانت الطلمبة المعتمدة لفعاليات هذه الجلسات هي طلمبة (بلية) ذات الجودة الدنماركية عرقي نضيف وسيوبر اصلي(تكشحو في الهواء يطير كلو) سبيرتو بس..!!! السكرجية كرماء شديد يا انور ولكن لمن يكجنوك ويختوك في راسهم ممكن يكرهوك المولد ..كنت قد عودت نفسي علي (بقة) واحدة بس وتم تثبيتها في محضر القعدات واصبحت مشهورة جدا وفي البداية وبكرم حاتمي كانوا يخيرونني في مواعيد هذه البقة فكان الحديث مثل يازول شيل (بقتك) وخلينا نشوف الحاصل شنو ...!! وبعد شوية القصة جابت ليها اتهامات يازول (بقتك دي مالها بقت كبيرة كده)..كرهتنا البقق ذاتتها.... ثم يازول...الليلة نص بقة بس (ياخ انت لمن يومي عامل لينا فلقة ماتمشي لبلية ويومي اشتري قدر بقتك دي وتعال)... ثم اصبحت البقة في غضب الله والواحد بقي يجي للونسة مع هذه المجموعة الجميلة وكان محور الحديث في كل الاحوال هو مفاوضات حول تلكم( البقة )....وعندما اغيب عنهم طويلا كانت مغرياتهم هي يازول تعال وينك انت ياخي .. احنا فكينا الحظر عن البقة...ولكن الشاهد وعندما اعود اليهم مرة اخري يعود التسويف حول تلكم البقة الشهيرة وبصورة اكبر مرحا ..وتعنت ظاهر من الشهير حسن(بجة) وهو يردد لو جاء(صليبك) الليلة مافي ليك بقة.. كانت متعة هذه البقة تمكن في طريقة انتزاعها من براثن هولا الصناديد الكبار....
| |
|
|
|
|
|
|
Re: الزهج...الزهج يا عماد...!!! (Re: Adil Osman)
|
Quote: تعرف الزهجة دى الا نشيل كميات بنسون ونمشى جوبا مع الزول ده: |
ياسلام يا عادل حنمشي لحتة محببة وقريبة من الوجدان وفيها ذكريات السنين وياريت تكون السنين والحروب والايام لم تغير فيها شيئا حتي نتجول ما بين طرقاتها ونبداء من صالة(ناكروي) حيث السكسكو والبامبنغ ثم نردف الي سوق رجال مافي حيث (الكانجي مورو) والابيض ضميرك لنتحول الي صالة تا ملكية لنتسمتع الي الحان جاز الرجاف..ونختمها بجولات بصحبة امونة كبسي حتي خور (كربعو) حيث الجنقلي اصدقائي..... والف شكر يا عادل علي هذا البنسون اند هيدش...سيجارة راقي وبطير الزهجة حقا..ومحمود زول غناي وفنان كبير وود بلد راقي
| |
|
|
|
|
|
|
Re: الزهج...الزهج يا عماد...!!! (Re: سارة حمزة)
|
Quote: انشاء الله الزهجه تكون فكت
بعدين في زول صحبو خليل بيزهج |
فكت يا سارة بوجودكم جميعا ايها الاصدقاء والمشكلة يا سارة خليل(ذاتتو) زهجان..مزهجو الدولار النازل ده ودي زهجة ما يفكها الا صندوق النقد الدولي..
| |
|
|
|
|
|
|
Re: الزهج...الزهج يا عماد...!!! (Re: Faisal Al Zubeir)
|
العزيز عبدالكريم...سلامات
أنت إنسان متفائل...مبهج ومحب للحياة...
حالة الزهج لا تشبهك...
نصيحة مني...حاول أن تأتي في زيارة لسويسرا...حتي تنسي هذه الحالة نهائيا...
لا تنسي أن تشتري ساعات لصديقك الظريف خليل والإنسان الراقي بدرالدين الأمير
مع معزتي
سحر
| |
|
|
|
|
|
|
Re: الزهج...الزهج يا عماد...!!! (Re: خدر)
|
ياسلام يا خدر ووينك انت ياجميل ولوعارف الزهج السبب لي اذاي ده بجيبك لينا كان زهجنا من زمااان.. والاغنية مفصلة ياخدر ورائعة...وحرم احرف ترزي ما يقدر يفصل جلابية زي دي.. العاجباني فيها سيرة التمباك وده الكلام السمح ذاتتو مع الزهج ده..
الف تحية يا خدر وانا دوما احبك يارجل يا راقي
| |
|
|
|
|
|
|
Re: الزهج...الزهج يا عماد...!!! (Re: Sahar Abdelrahman)
|
Quote: أنت إنسان متفائل...مبهج ومحب للحياة...
حالة الزهج لا تشبهك...
نصيحة مني...حاول أن تأتي في زيارة لسويسرا...حتي تنسي هذه الحالة نهائيا...
|
مرحب يا سحر ونشكر قدومك الراقي دوما..وذلك حتما هم وهج النيل عندما يمتزج مع الرقي السويسري وساعتها حتما سيذهب الزهج بلارجعة... وشكرا علي الساعات السويسرية واتمني ان ازور بلادكم تلكم ولكن عاوزة ميزانية عالية حتي اشتري ساعات للكثير من الاحباب .. وخليل طبعا بشتري ليهو ساعة فيها (منبه) علي راس كل ساعة لانو بقي ينوم شديد الايام دي.. وتحياتي يا سحر
| |
|
|
|
|
|
|
Re: الزهج...الزهج يا عماد...!!! (Re: Faisal Al Zubeir)
|
Quote: كيكي : الزهج فكوا بالفرح |
مرحب يا فيصل يا صديقي ونفسي انضم الي مجموعة البيت الحبشي في الريان..وساعتها ودرملية اليشوف ليهو شغلة (تانية) لانو(الخرت) حيصل...
صحبك العجوز هاشم كرار ما قصر معاي اداناي (نكتة) من النوع البخليك تضحك 14 يوم..وتنسي الزهج والدبرسة ..هاشم عجوز مسخوت ياخي.. الف سلام و احترام يا فيصل واحجزوا لي كرسي مطرف مع استير دي وكتروا الزغني بس
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
Salams & Salamat Ya Handaza
Feeling bored or depressed is good sometimes ya brother because this
is a sign of life and here we feel like we are just machines sometimes
it's just a combination of many factors we Sudanese have enough of them
, ya man take it easy and enjoy it to the max and sure this will end soon
we All feel depressed and bored since we are living under pressure but as
they said its just a matter of having some fun in life and this
fun is completely yours and you have to find what suits you , I have some new books
and i will be glad to pass you any of them and having a cup of coffee with you will
sure makes me more happier,and if we have Khalil with us then this it's going to be great,
let's give him some hard times and enjoy the company.
Regards.
Ayman
| |
|
|
|
|
|
|
Re: الزهج...الزهج يا عماد...!!! (Re: Faisal Al Zubeir)
|
Quote: بس قول ليهو ودرت (ام المفاجات) ..ويا كيكي ودرت مجهودك في الكتابة لان (المتفلت) بحب الركلسة وبكتب بالدفرة |
مرحب يا فيصل اها الزي هاشم كرار وركلستوا العجيبة دي براها ما بتزهج يا فيصل ضيع اسمح واجمل بوست وتاميها لي كلها نكات تحت تتحت
| |
|
|
|
|
|
|
Re: الزهج...الزهج يا عماد...!!! (Re: أيمن الطيب)
|
والله زهجانين قالوا
والله مدلعين انتو ساكنين في غابات الاسمنت وتاخدو بالدولار وبيوتكم مكيفة
وعرباتكم مكفية وما بتجيكم ملاريا زي ناس السودان وبرضو عاملين فيها زهجانين
شاحد الله باكر نلقاكم في حلة ( ود لميض)
عشان تعرفوا زهج ناس ودكتوتة البسقط المربوطة
وكع يا كيكي
| |
|
|
|
|
|
|
Re: الزهج...الزهج يا عماد...!!! (Re: khaleel)
|
خدر يا عجيب،
كيكي والله انا اخر ما توصلت ليهوانو لمن تقفل معاك تتعولق طوالي، العولاق بيكون سري او جهري حسب مستوي القفلة. خلي بالك يا صاحبي انا هسي ماسك زي 500 Giga Volt . و بعدين انا كفرت بالبتاع الما قسم فيك امبارح ده و الليلة عملت خطة جديدة كرت لفك الدبرسة و الزهج. انا و الله خايفا ما تقسم فيك برضو. انت حكايتك شنو اليومين دي يا كيكي؟؟؟؟
| |
|
|
|
|
|
|
Re: الزهج...الزهج يا عماد...!!! (Re: أيمن الطيب)
|
مرحب يا ايمن يا سمح كنت ناوي ارد ليك بالانجليزي لكن خفت الكيبورد بتاعي يتعوج..!! وياخ مالك يازول حارمنا وصالك وبينا دوار دوارين.. وليك علي اجر ليك خليل من يدو ونجيك في اقرب فرصة... وانشاء الله يا ايمن يجوك في السمح
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
يا كيكي
تعرف احسن حاجة تودر بييها الزهـــج
اكتشفتها انا قبل شهرين ووالله يا كيكي عاوز اسجل البراءة بتاعتها
قبل شهر كنت زهجان لحد الاكتئاب وبدون سبب معلوم !!
ففي نص الزهج داااك جاني ليك وجع ضرس .. ااااخ
تصور جااني ليك في جرح
اصلو ابيت امشي الدكتور !!
بقيت افكر في الم الضرس نساني الاكتئاب والزهج
تعرف يا كيكي خفت امشي الدكتور يقوم يعالجني ساااكت كمان !!
عشان كده نصيحتي ليك
عليك بالحلاوة قبل النوم .. سمح
___
تاكل حلاوة وتنوم عششان يجيك وجع الضضضضضضضضرس
منعم
| |
|
|
|
|
|
|
Re: الزهج...الزهج يا عماد...!!! (Re: khaleel)
|
Quote: انا و الله خايفا ما تقسم فيك برضو. انت حكايتك شنو اليومين دي يا كيكي؟؟؟؟ |
ابو النور والله تعبناك معانا.. اسمع كدي الو زيد لينا البيغا وات ده شوية..ممكن تقسم معانا وانت عارف انا ندمت علي الايطالي الفوتو داك ساكت..الايطالي ده قالوا رهيب.خلاص
| |
|
|
|
|
|
|
Re: الزهج...الزهج يا عماد...!!! (Re: Masoud)
|
Quote: لو شرحت ليهم ( ماسمتك)
وناس المهلمة جو الزهج بفك
بعدين انا زهجتي فكت
عشان لقيت الرقم الناقص من المويايل |
كرع ياخلي وحمد الله علي سلامة ظهور الرقم الناقص. والفكة زهجتك بالكوريك يفك زهجتنا بالكباية.. وسمعنا قال الرد حصل يا خلي يا عسل... وحليل زمن الماسمتك
| |
|
|
|
|
|
|
Re: الزهج...الزهج يا عماد...!!! (Re: Masoud)
|
Quote: اسمع كدي الو زيد لينا البيغا وات ده شوية |
والله يا كيكي انت حالتك صعبة خلاص ياخي. يا زول برضو ما عندك مشكلة، الجنريتر العندي ده برشح لغاية2 Terra Volt بعني 2000 Giga Volt و كمان معاهو جهاز منظم كهرباء و لو دا ما قسم معناتو انت تشوف ليك سكة تاني.
تسلم يا جميل من الزهج و كل شر..
| |
|
|
|
|
|
|
Re: الزهج...الزهج يا عماد...!!! (Re: انور تاج السر)
|
مرحب يا ابو النور ودوما اصيل يا انور وانا سعيد جدا يا انور بوجودك في هذا المنبر وحتما سنعود يوما الي الزمن الجميل وحكاوي البركس وصحبك الصادق فيصل ابوصلعة ووليد زكريا وكل الكهربجية الكبار..وهاشم كونسايدر العربي الجميل
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
Quote: وجزاك الله خير يا فردةوبعدين دير بالك دي جماعة قطعها ناشف شغاليين تكفير وهجرة وجوازات |
يا اخوي ده هو الجايب ليك الزهج ذاتوووو
وبعدين معتز ده جن ولا شنو
بدل ما يهدينا للاسلام يكفرنا ؟
سبحان الله !!
___
خلي يجرب الحلاوة يمكن ضرسو يتاورو ( بث بعد النوم)
منعم
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
يا كيكي شــــنو ياااخ .. بلا زهج بلا سأم بلا انور
خليك مع الامل يا حامي الامل
___
اي مشكلة صحية اخري جاهزين !!
المرة الجاية الوصفة ما حلاوة باسطــــة عدييييل
ملحوظة : تكتب هذة المداخلات 12 و 30 ليلا بتوقيت السودان وع الاخوة مراعاة فروق الوقت
منعم
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
والله يارندا حبابك في زهجي السبب لي اذاي ..بركة الجيتي والظاهر انو القصة دي اليومين حايمة في بوادي وحضر الدوحة والظاهر عليها دي حمي ما بعد الاسياد .. افتكرنا الحاجات كها تنزل قامت الحاجات عصلجن وابت تنزل ونزل علينا زهج زي المطر ياكافي البلاء.
Quote: اها الواحد غايتو كل ما يتكفرن |
اليومين دي يارندا الواحد العايز يتكفرن (يقع) معتز قريش يكفرونو زي السلام عليكم ويخت ليهو سفة (بعد داك).. اول مرة اشوف لي زول بكفرن الناس وبسف تمباك ..(سجم تكفير وهجرة اخر زمن) حليلك يا( بن باز)
| |
|
|
|
|
|
|
Re: الزهج...الزهج يا عماد...!!! (Re: ضحيه ابراهيم)
|
Quote: واحد زهجان الف وبالذات منك انت ياكيكى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
شنو يا ود ابوك مالك يا ضحية نعلو خير... انت اخيي (خوة) ألجلابة دي خربتك حاااااااار ..شنو كلامك التعس ده.. .... انت تزهج مني يا ضحية انا اقبل وين في البلد دي عليك الله
| |
|
|
|
|
|
|
Re: الزهج...الزهج يا عماد...!!! (Re: ضحيه ابراهيم)
|
Quote: لانك بقيت من اصحاب النخبه النيليه |
الكلام ده يا ضحية حبيب قلبي وصحبي كلام زندية النخبة النيلية فيها سلطة وقصور مبنية وثروة تقول ياليل وقروش كمية وناس حلويين ديمة فاتحين النية ببقي معاهم واخوك انت عرفو اكبر سمبرية واعمل نايم بقسم من كل الف دولار (مية).. معتز قريش رفع جنينة وتعالوا نوديهو الرملية بكفر لفت رايت وقال ناس صلاح صحبك كفار ووشيوعية ولو كتر بفتح القديم وبنركبو التونسية
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
زهجي ودبرستي بقدر ما جابت لي الاصدقاء والصديقات الراقيات الخلص وشالوا معاي الشيلة وفرقوا علينا كربتنا دي الا انه جاب لي الكلام الكعب والمرمطة من صديقي هاشم كرار وساككني بتلفونات زي المطر.. ويا ضحية تقول لي ياخ انا ابقي نخبة نيلية تعال شوف الزول ده قال شنو..!!! اول حاجة قال لي في زول اسمو عبدالكريم ابكر بزهج وطيب ناس هيثم ولوي ديل ينتحروا ولا يعملو شنو... ثاني شي قال الحمد الله عمك الامين ما قاعد يعرف يخش (انترنت) كان زعل زعل شديد ومشي للحاجة قال ليها والله سبحان الله (عبدالكريم) باظت بقت تزهج كمان في الانترنت..!!! شفت كيف يا ضحية !! والغريبة بعد حركاتو دي يفك فيك نكات تضحكك زي اربعة اسابيع كده..اثنين ليس للنشر حفاظا علي بقائي في المنبر وواحدة ممكن نحكيها ليك هنا يا ضحية هاشم حكي عن زول زهجان زهج شديد وعندو قماش بنطلون وداهو للترزي وطوالي خشي في الترزي مع الزهج بتاعو داك.. ازيك يا اخينا القماش ده فصلوا لي بنطلون عليك دينك وماتعمل لي فيهو جيوب كده .واعمل لي فيهو جيوب كده.. الجيب الورا اعمل لي فيها زرارة كبيرة اوع تعملوا لي محذق وخليهو كده... وفجاة مع الزهجة ديك قال للترزي ولا اقول ليييييك جيب القماش ده ياخييي جيبووووووو انعلللللل. ..
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
يا كي اللعين واصحابك الفوقية
أنا ما زهجان أنا مولع نار
وداسيها تحت الجلابية والطاقية
وناسك ديل الجمهوريين واصحابم الشيوعية
أخير يختوني عشان ما أجيب ليهم بلية
أنا مولع نار وفي روحي فاكيّة
نلبع يمين وشمال وباقي لينا ناس الحولية
وأخير تزحو مني وتجرو معاكم أختكم رندا النرجسية
والداير يرفع بوستو بعد دا إلا إدفع في الجيوب الخلفية
هيييييييييييع أنا ابوك أأأأأأ محمد ود اختك ااا أورقية
| |
|
|
|
|
|
|
Re: الزهج...الزهج يا عماد...!!! (Re: معتز القريش)
|
انت يا ود القريش مصيبتك غاليه افكارك شوشت ....وبقت باليه تكفر فى الناس وبى حجج واهيه ارجع لى رشدك ماتروح فى داهيه
الجمهورى اخوك ناقشه بى روح صافيه والشيوعى صديقك ماجابته المافيه ارجع زى زمان... ظلامى وفنان
| |
|
|
|
|
|
|
Re: الزهج...الزهج يا عماد...!!! (Re: ضحيه ابراهيم)
|
ضحية صحبك قريش رفع الليلةالجنينة وبقي مسخوت وباره اهل مقشاشةالدقينة يكفر لفت ورايت والقصة عملها شينة. شالتوا الخشوم وضربوا ضرب بت اللذينة قريش اتلحس وكهربتو ما اظن تولع ليها رتينة. كلم البورداب في دوحتكم دي ولرجموا احنا رضينا
| |
|
|
|
|
|
|
Re: الزهج...الزهج يا عماد...!!! (Re: فيصل نوبي)
|
Quote: لقتل الزهج و الملل عليكـ إجابة هذا السؤال كيف حـالك مع القــرآن !!؟ |
مرحب يا نوبي وشكرا علي هذه السيرة العطرة فالقران هو ضياء القلوب ونورها المتوهج دوما برنين الايمان... ننهل منه يا (نوبي ) كثيرا ففيه سكينة وراحة بال لاتوصف....والف شكر..
كمين.. انت عارف يا نوبي بصراحة كده انا لي مدة لابد ليك وعامل ليك كمين(مسلح) لكن بصراحة كتلت (قلبي) عديل كده مع سيرة كتاب الله ده..فالعفو يازول ..!!
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
الزميل كيكي : تحياتي
Quote: كمين.. انت عارف يا نوبي بصراحة كده انا لي مدة لابد ليك وعامل ليك كمين(مسلح) لكن بصراحة كتلت (قلبي) عديل كده مع سيرة كتاب الله ده..فالعفو يازول ..!! |
وهكذا عهدنا بك كبيرا في العفو والتسامح انها شيمة العارفين من الرجال .
تخريمة :
هاشم (المتفلت) لازال مطاردا (التيس) ! اما انا فلازلت اضحك!!
| |
|
|
|
|
|
|
Re: الزهج...الزهج يا عماد...!!! (Re: Faisal Al Zubeir)
|
Quote: صدقني لا زالت اضحك من (محن) هاشم ، جيبوا معاك اليوم وهسع انا ماشي مقهى (البيت الحبشي) ومع ودرملية وهناك ضحية ، ليتك تكون حاضرا ، زيارة واحدة وتفك (الزهجة) ! |
سلام يا فيصل وهاشم فعلا زول لذيذ وداهية ومرة حكي لي نكتة عن زول (بتاع دفاع شعبي) قبضوا ناس الحركة الشعبية دي ممكن تضحك فيها سنة ونص...(خلي يحكيها ليك).. والله يافيصل جلساتكم جميلة والبن الحبشي دائما خطير لكن دايرة ليها دبارة عشان اجيكم بمزاج.. تحياتي لضحية وودرملية وقول ليهم ما يبحلقوا شديد ح يقعو مع المطرة دي..
| |
|
|
|
|
|
|
Re: الزهج...الزهج يا عماد...!!! (Re: Faisal Al Zubeir)
|
Quote: هاشم كرار سأل كيكي : انت (كيكان) ام (زهجان)؟
|
فعلا يا فيصل صحبك كرهني اليوم الفكرت فيهو ازهج ذاتتو... تخيل قال لي لاقي الزهج مدبرس قرفان شديد... والزهج قال ليهو انا كيكان.. عالم لبش وحاقدة...تحقد الواحد علي زهجوا ودبرستوا
| |
|
|
|
|
|
|
Re: الزهج...الزهج يا عماد...!!! (Re: Faisal Al Zubeir)
|
كريم ..
شكلها ظبطت معاك و بقيت من الباسمين .. أوعدنا يا رب ..Quote: تحياتي لضحية وودرملية وقول ليهم ما يبحلقوا شديد ح يقعو مع المطرة دي.. |
أول مرة يا كيكي أعرف إنه ( النونات ) بتقوم في مكان تاني غير الخدود !!! .. و ده شغل صاحبك ود رملية الما نصيح .. مافي زول غير الزول ده بيقعد يساكك في الجمال .. حتى لو في كوع .. قعد يباري في البخور لمن سرح بي وشو .. نونات في الكوع ؟؟ .. يطرشني .. قمنا كلنا أدينا العين حقها ( أحتفظ بالأسماء كسلاح سري عند الضرورة ) .. نلقى ليك النونات الما بيغبننا .. جد جد .. و الغريبة زي الحتة ديك فيها إبتسامة .. إبتسامة في الكوع
الزول ده أمسكوه .. السماحة يوم بتجيب خبرو . غايتو اليوم داك أكلنا كمية كبدة .. زي بتاعت دشلمية خروف . ياخ أقول ليك : أتيوبيا تكدم .. Ethiopea Takdam Wad Ramleyah kaman Takdam
| |
|
|
|
|
|
|
Re: الزهج...الزهج يا عماد...!!! (Re: Emad Abdulla)
|
الزميل عماد : تحياتي :
جاهز ليوم الجمعة ، الناس الفنانين في انتظار هذا اليوم الجميل . في مفاجأة عندنا زول سمح حيشارك معانا في هذه الجلسة .
ياخي (التشكيل) مطلوب عشان ود رملية مايزعل!
اصلوا زول بطانة من (النياق) الى (البونتياك) ! وده تعبير قالوا (ميرغني) !
| |
|
|
|
|
|
|
Re: الزهج...الزهج يا عماد...!!! (Re: Emad Abdulla)
|
Quote: ياخ أقول ليك : أتيوبيا تكدم .. Ethiopea Takdam Wad Ramleyah kaman Takdam |
وانت ذاتتك يا عماد اكبر Takdam وانت (لارنجا) كبير..لارنجا دي لطشتها من اديس معناها (جميل) وسمح والنونات فعلا في ياعماد(ما نونات نصاح) ..واخوك اليوم داك خشي ليهو في قميص من سوق (مركيتو) ولبيت نداء فيصل وود رملية فوجدتهم باسامي اخري(بيصل..وادرحيم).. ووجدتهم امهرا ومهرة... ياخ يا عمدة انا شفت نونات لكن نونات زي دي..(زي ما قالت خالتي النعمة برررررررررري)
| |
|
|
|
|
|
|
Re: الزهج...الزهج يا عماد...!!! (Re: عبدالكريم الامين احمد)
|
كيكي زهجان
وامال الباقين يعملوا ايه
اديك وصية حبوبتي
تمشي تتوضا وتصلي ركعتين و تقراء سورة االبقرة 3 مرات
وحاضمن ليك عدم زهج فترة اسبوع
تكرر الوصفة كل 3 يوم للشفاءالعاجل
ودعواتك
خارج التغطية : انت زهجان ولا خرمان للسودان والماما؟؟
| |
|
|
|
|
|
|
|