Quote: حيث بدأت اشتباكات بسيطة مع قوة من افراد جهاز الامن فجاءنا القائد وقال لينا بعد ذلك ممكن تطلعوا ونحن ما حا نسألكم الا اضربوكم ناسكم او تجيكم طلقة طائشة، ونزلنا من عربتهم وتسحبنا الى ان دخلنا في بيت من بيوت الثورة بعد ذلك اتصلنا بي وحدتنا في المرور السريع الذين امرونا بتغيير ملابسنا الى الزي البلدي وقد كانت بعد ذلك طلعتنا سهلة للشارع.
اها الناس الشابكننا انتو قايلين البلد دي ما فيها رجال ولاشنو.. و الناس المسعورة البتصرخ في الأطفال العزل.. دق العب..و أبرم الشافع..و بطيخ..ماذا سيقولون؟
هو في رجالة اكتر من انو.. تدخل الخرطوم عشان تكاتل النظام..و تقوم تقبض ليك ضابط شرطة..و تفكوا و تقول ليهو امشي الله يعدلها عليك؟
و من هنا يبدأ الحساب و المراجعة..و خلي واحد تاني يجي يقول ليك حاقدين و عنصريين ووهم من الشكل ده..
التحية لضابط حركة العدل و المساواة حيا او ميتا..فلقد علمنا درس في الإنسانية بليغ للغاية..مهما اختلفنا معه أو اتفقنا.. الإ انه لم يترك لنا الإ أن نقول له: فعلا سوداني اصيل..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة