الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
انجليزي جركانات
|
العبيد ود عثمان قال والله تلاتة سنين في الثانوي العام
ما طلعت من الانجليزي بغير
E DOBLE EGG
وكان يقصد الاسبلنق بتاع EGG
والعربجية في سوق امدرمان يرفعون جركانات الزيت وهناك زيت مشهور اسمه الخير
وكلمة الخير مكتوبة بالانجليزي ويستطيع العربجية تمييزها وقراتها
واي زول انجليزهو ضعيف يطلق عليه انجليزي جركانات
واكبر انجليزي جركانات ينطقه بعض المصريين
مثلا بقولو اللم بي سي ويقصدون MBC
كذلك بعض الافارقة والهنود ينطقون الانجليزي بصورة غريبة
انجليزيك كيف
|
|
|
|
|
|
|
|
Re: انجليزي جركانات (Re: khaleel)
|
في الثانوي العام في عبارة بتقول
BIMBO IS BRINGING WOOD FROM THE FOREST
صاحبنا الكدبي FOREST دي غلبتو قام قال
BIMBO IS BRINGING WOOD FROM
الغابة
| |
|
|
|
|
|
|
Re: انجليزي جركانات (Re: khaleel)
|
في الثانوي العالي
في استاذ رفعوهو من الثانوي العام وبقي يدرس ناس العالي
وكان الانجليزي بتاعو نص كلتش قام قال لينا
BECAUSE OTHER CLASSES IS
فايتننا
| |
|
|
|
|
|
|
Re: انجليزي جركانات (Re: khaleel)
|
صديقي الكوتش برهان تية مدرب الامل عطبرة وصديقي علي زهير
ارادا الالتحاق بمهعد سيلتي لتطوير الانجليزي وكان هناك امتحان لتحديد المستوي
برهان قال ما عرف غير كلمة سينما وكتب عن سينما النيل الازرق
وعاين لعلي زهير لقاهو كتب كتير خلاص في ورقة الاجابة
برهان قال والله انا انخلعت قلت دها علي زهير وللا علي المك
| |
|
|
|
|
|
|
Re: انجليزي جركانات (Re: khaleel)
|
ننسي الانجليزي ونعود للعربي شوية
استاذ عبدالله حديدة كان بدرسنا المعلقة وبشرح فيها
عفت الديار محلها فمقامها بمني تابد غولها فلجامها
قال
عفت امحت
الديار ديار المحبوبة
والباقي كله جبال
| |
|
|
|
|
|
|
Re: انجليزي جركانات (Re: khaleel)
|
خليل ازيك
[استاذ عبدالله حديدة
دا كان في حنتوب ؟ بالله ذكرني
واحدة حاجة مشت لحناكيش جابوا شاي قالوا ليها with or without يعني يسكر او بدون سكر قالت without جربت الشاي لقتو مر قالت ليها يا بتي كبي لي وزة وزتين في الشاي دا
| |
|
|
|
|
|
|
Re: انجليزي جركانات (Re: khaleel)
|
يا حاج بالله إنت من زمن BIMBO ؟؟؟؟؟؟
طيب هاك دي أستاذ إنجليزي طلب من التلاميذ كتابة كمبوزيشن عن رحلة واحد منهم كتب الآتي the bus went into a deep sand the driver gave it number one it refuse to go then he gave it number two , it also refuse at the end he gave it number one again and the bus goes like the rose
أترجم واللا أخليك تحاول؟؟؟؟
| |
|
|
|
|
|
|
Re: انجليزي جركانات (Re: Fadl Karrar)
|
Quote: أترجم واللا أخليك تحاول؟؟؟؟
|
فضل لا خالك خليل خبير ترجمة هاك دي
استاذ شايقي بسال الطلبة
IS IT
شورتي (SHORT)
الطلبة قالو NO ITIS NOT
قال ليهم
IS IT
لونقي (LONG)
الطلبة قالوا (NO ITIS NOT)
الاستاذ الشايقي قال
طيب نان (WHAT IS IT)
| |
|
|
|
|
|
|
Re: انجليزي جركانات (Re: khaleel)
|
خلل ازيك .. عندنا صاحبنا ( رضى الله عنه ) .. كان قاشر ( للجكس ) في ( المركز الثقافي الفرنسي ) بموضوع ( الهجرة الي كندا ) .. يوم واحدة سألتو .. انت يا ( رضى الله عنك ) .. ماشي ( كندا ) immigration
قال ليها .. لا لا والله ماشي ( مدينة ) في الشمال عندي عمتي فيها ..
| |
|
|
|
|
|
|
Re: انجليزي جركانات (Re: humida)
|
Quote: قال ليها .. لا لا والله ماشي ( مدينة ) في الشمال عندي عمتي فيها .. |
حميدة سلامات
عادل فرشة سالناهو
وين الملك
قال لينا جاهو اللوري ومشي امريكا
ويقصد اللوتري
| |
|
|
|
|
|
|
Re: انجليزي جركانات (Re: khaleel)
|
بعض الترجمات التي صادفتني:
الحبل السري: The Secret Rope
المسلخ المركزي: The Central Slaughter
البحر الابيض المتوسط: The White Medium Sea
الظروف القاهرة: Cairo Envelope
الفحم الحجري: Char Stone
| |
|
|
|
|
|
|
Re: انجليزي جركانات (Re: khaleel)
|
خليل بوسطيك عجيب انجليزي المصريين ده براااااااااهو في الثانوي جه مدرستنا كبير مدرسي اللغة الانجليزية من الوزارة عشان يشوف مستوي الطلاب كتب ليهو كلمة فى السبورة و قال لإستاذ الانجليزي لو سمحت فهم الطلبة الكلمة دي Self-sufficiency ينطقوها كيف وليه الكلمة تتكون من شقين الإستاذ غلبه النطق وقال سيلف سفيشن شييييييييييييييش .
This post is hilarious
ترجم يا خيلو
| |
|
|
|
|
|
|
Re: انجليزي جركانات (Re: Sayed Bekab)
|
Quote: خليل بوسطيك عجيب انجليزي المصريين ده براااااااااهو في الثانوي جه مدرستنا كبير مدرسي اللغة الانجليزية من الوزارة عشان يشوف مستوي الطلاب كتب ليهو كلمة فى السبورة و قال لإستاذ الانجليزي لو سمحت فهم الطلبة الكلمة دي Self-sufficiency ينطقوها كيف وليه الكلمة تتكون من شقين الإستاذ غلبه النطق وقال سيلف سفيشن شييييييييييييييش .
|
ابو سيد
احد لاعبي الفريق القومي زمان لقي بوكس مكتوب عليهو (TOYOTA)
عامل فيها بقرا انجليزي قام قال (برينسة)
| |
|
|
|
|
|
|
Re: انجليزي جركانات (Re: khaleel)
|
واحد سائق عربية وحائم جنب الاحفاد
المهم ركب واحدة من بنات الاحفاد اتونس معاها وفكر الاقيها تاني
قام قال ليها برنامجك كيف
قالت ليهو السبت شغالة من سبعة لحداشر
والاحد من تمانية لاتنين
والاثنين (OFF
قام قال ليها (OFF) من كم لي كم
| |
|
|
|
|
|
|
Re: انجليزي جركانات (Re: khaleel)
|
نحن في سنة اولي جامعة
خمسة شهور ما جايبين خبر
خليل لوووووووووووووووووووووووووووووول الله يفرحك ديمه جعلت صباحى مبتسم من بدايتو
| |
|
|
|
|
|
|
Re: انجليزي جركانات (Re: khaleel)
|
Quote: واحد سائق عربية وحائم جنب الاحفاد المهم ركب واحدة من بنات الاحفاد اتونس معاها وفكر الاقيها تاني قام قال ليها برنامجك كيف قالت ليهو السبت شغالة من سبعة لحداشر والاحد من تمانية لاتنين والاثنين (OFF قام قال ليها (OFF) من كم لي كم |
الله يطري أيام الثانوي العالي بالخير واحد في المدرسة الصناعية داير يفتح موضوع مع بت الثانوي قال ليها : واقفين في صفحة كم في الدكشنري؟؟؟؟؟ البت دي كان بتحفظ كل يوم صفحة هسه كان بقت شكسبير
| |
|
|
|
|
|
|
Re: انجليزي جركانات (Re: khaleel)
|
Quote: قام قال ليها (OFF) من كم لي كم |
هسي التابعي ده مش كان احسن رطن ليهم بالعربي اقرب للتركي من انجليزيهو ده يواندرستاند
| |
|
|
|
|
|
|
Re: انجليزي جركانات (Re: khaleel)
|
عمنا ود مصطفي سال جدنا ابو الحجاج قال يا حاج بتعرف انجليزي
ابو الحجاج قال ليهو ايوة
ودالشيخ قال ليهو ( طيب الليدي هاو معناها شنو
| |
|
|
|
|
|
|
Re: انجليزي جركانات (Re: khaleel)
|
ايام الانجليز حاكمين السودان حدث حادث حركة فظيع للوري
ولم ينجو الا المساعد فاخده الضابط الانجليزي
hey you what happened
المساعد قال ليهو
( زا عجل از طار اوي (away)
اند لوري شقلبي اند بيوبل الله لا وراك ليهو (people)
| |
|
|
|
|
|
|
Re: انجليزي جركانات (Re: khaleel)
|
Honorificabilitudinitatibus [Hono-rifica-bili-tudi-nita-tibus] is a word used by Costard in act five, scene one of William Shakespeare's Love's Labour's Lost.
ترجمتها للإنجليزية -لأنها كلمة لاتينية - :-
"the state of being able to achieve honours."
هذه الكلمة هي من لغة شكسبير شيخ الأدباء الإنجليز ...ولكنك يمكن أن تجد كلمات أطول منها في حقل الكيمياء أو صناعة الأدوية بما يصل ل 84 حرف أو أكثر .....أما الكلمة أعلاه فهي من الأدب الإنجليزي ......
وبعدين الإنجليزي ده حبلو غريييييق أعمل حسابك ...
إنجليزي المصريين ده خليهو ساكت من كترت القصص ما قادر اتذكر واحدة ... متصلبطين في حاجة ما يعرفوا ليها .... وبعد ده قليلين أدب ...
اسامة
معلم لغة إنجليزية و مترجم
بجيك راجع
| |
|
|
|
|
|
|
Re: انجليزي جركانات (Re: Osama Mohammed)
|
floccipaucinihilipilification is the act of describing something as worthless, or making something to be worthless by deprecation".
With 29 letters, it is the longest non-technical word in the first edition of the Oxford English Dictionary (OED), which presents it as "enumerated in a well-known rule from the Eton Latin Grammar". The OED dates its first use in literature at 1741 in William Shenstone's Works in Prose and Verse: "I loved him for nothing so much as his flocci-nauci-nihili-pili-fication of money".
النطق فى اللنك ده: http://en.wikipedia.org/wiki/Floccinaucinihilipilification
smart علاقتى بالانجليزى ذى علاقتى بالطب*
_________________________________________________________________________ *ما عندى اى علاقه بالطب و نسيت اقول البوست لذيذ
| |
|
|
|
|
|
|
Re: انجليزي جركانات (Re: smart_ana2001)
|
Quote: smart علاقتى بالانجليزى ذى علاقتى بالطب |
يا سمارت ويا اسامة
اطول كلمة في الانجليزي هي كلمة (SMILE)
عشان المسافة بين(S) و (E)
MILE واحد ميل
قالو شكسبير
| |
|
|
|
|
|
|
Re: انجليزي جركانات (Re: Osama Mohammed)
|
طيب هاك دي أستاذ إنجليزي طلب من التلاميذ كتابة كمبوزيشن عن رحلة واحد منهم كتب الآتي the bus went into a deep sand the driver gave it number one it refuse to go then he gave it number two , it also refuse at the end he gave it number one again and the bus goes like the rose
أترجم واللا أخليك تحاول؟؟؟؟
لووووووووووووووووول والله الليلة كتلتونى بالضحك شكرا فضل كرار وحبابك فى حوش بكرى الالكترونى عذرا ما حصل لى الشرف والتقيتك او رحبت بيك حبابك فى نيمة خليل السمحة دى ذكرتونى ونسة ضل الضحى
| |
|
|
|
|
|
|
Re: انجليزي جركانات (Re: soma)
|
Quote: شكرا فضل كرار وحبابك فى حوش بكرى الالكترونى عذرا ما حصل لى الشرف والتقيتك او رحبت بيك حبابك فى نيمة خليل السمحة دى ذكرتونى ونسة ضل الضحى |
شكراً عاطراً يا سوما وحبابك ألف
| |
|
|
|
|
|
|
Re: انجليزي جركانات (Re: Osama Mohammed)
|
Quote: هذه الكلمة هي من لغة شكسبير شيخ الأدباء الإنجليز ...ولكنك يمكن أن تجد كلمات أطول منها في حقل الكيمياء أو صناعة الأدوية بما يصل ل 84 حرف أو أكثر .....أما الكلمة أعلاه فهي من الأدب الإنجليزي ......
|
والله اسامة كلمتكم دي ما اعرفها الا شكسبير ذاتو
| |
|
|
|
|
|
|
Re: انجليزي جركانات (Re: khaleel)
|
أما من عمنا اكسفورد
هذه أطول كلمة إنجليزية بدون إضافات ..
Quote: The one most commonly cited is screeched (nine letters). However, one ought to mention also scratched, scrounged, scrunched, stretched, and the plural nouns straights and strengths (all with nine letters). |
ولك جزيل الشكر والتقدير وأبقو زورونا في المنتدى الإنجليزي ...إن شاء الله أقرو بس ... عسى ولعل ...
اخوكم اسامة
| |
|
|
|
|
|
|
Re: انجليزي جركانات (Re: ودرملية)
|
Quote: إنجليزي المصريين ده خليهو ساكت من كترت القصص ما قادر اتذكر واحدة ... متصلبطين في حاجة ما يعرفوا ليها .... وبعد ده قليلين أدب ... |
خليل تحياتي استاذ إنجليزي مصري شابك ليك التلاميذ He do & they does قام واح من الطلبة التفاتيح قال ليهو يا استاذ ما ممكن نقول they does وإنما they do الاستاذ المصري قال " منعارف بس does أحلى.
| |
|
|
|
|
|
|
Re: انجليزي جركانات (Re: Gaafar Ismail)
|
Quote: خليل ســلامات زرت استراليا قبل اربع سنوات لقيت شباب يا دوب وصلوها ينطقون سنتر لنك ....... سنتر لييق |
جعفر اسماعيل
واحد ساكن توتي سالوهو ساكن وين
قال ساكن في(اتنين شاي)
TWO TEA
| |
|
|
|
|
|
|
Re: انجليزي جركانات (Re: عامر تيتاوى)
|
Quote: خلو سلامات فى حاجة برضو اسمها انجليزى مطارات بت عم الجركانات ويت انجليست |
الصديق تيتا
بعض الجركانيين ناس الكتشينة بتكلموا انجليزي واحتمال اكونو ما درسوا انجليزي خالص
مثلا اسكوري كم
دخلت الزون
عندي داون واحد
| |
|
|
|
|
|
|
Re: انجليزي جركانات (Re: عدلان أحمد عبدالعزيز)
|
واحد مصري جركانات شغال مترجم في الكويت علي قولك ياخلي الفردة In the night of yesterday, Imet such areligus girl, she was sweet and egg الترجمة كالاتي في ليلة الامس قابلت حتة دين بت كانت حلوة وبيضاء
| |
|
|
|
|
|
|
Re: انجليزي جركانات (Re: Mutwali Malik)
|
Quote: واحد مصري جركانات شغال مترجم في الكويت علي قولك ياخلي الفردة In the night of yesterday, Imet such areligus girl, she was sweet and egg الترجمة كالاتي في ليلة الامس قابلت حتة دين بت كانت حلوة وبيضاء |
متولي
واحد مصري عامل فيها بعرف السودان
قال زرت الخرطوم وامدرمان وام بحري
| |
|
|
|
|
|
|
أنجليزى جركانات (Re: khaleel)
|
أخى خليل
بوست حلو جدا ...
ويا أخى ... حليل زمن كنا بنضحك على إنجليزى العالمين لو كانو مصريين أو خليجيين أو غيرهم
كنا أحسن من يتحدث الإنجليزية بعد أهلها، و أحكى ليك حاجة بسيطة ...
مرة وجدت إعلان فى الصحف اليومية عن الدراسة عن بعد بجامعة لندن، وإتصلت عليهم بالتلفون عشان آخد معلومات،ردت على واحدة حلاة صوتها لما سرى، ويادوبك فتحت خشمى إعتذرت وقاطعتنى قالت لى: YOU ARE SUDANESE قلن ليها نعم لكن كيف عرفت .. فقالت لى من لهجتك عرفت إنك سودانى والله العظيم دة الحصل .. وقالت لى إنتو لغتكم مميزة إنتوأحسن من يتحدث الإنجليزية بعد البريطانيين. يا أخى دة عهد ولى وما أظنه يرجع تانى..
ويا أخوانا .. دى فرصة جميلة أنه نناقش موضوع التعريب فى الجامعات ...السلبيات والإيجابيات
| |
|
|
|
|
|
|
Re: أنجليزى جركانات (Re: Mohiedin Sir El Khatim)
|
Quote: يا أخى دة عهد ولى وما أظنه يرجع تانى..
ويا أخوانا .. دى فرصة جميلة أنه نناقش موضوع التعريب فى الجامعات ...السلبيات والإيجابيات [/
QUOTE]
شكرا محي الدين
التعريب سيخلق ماساة كبيرة في التعليم
وكمية من الخريجين الجدد فشلوا في المعاينات بدولة قطر وذلك من اجل العمل
بالمدارس المستقلة
| |
|
|
|
|
|
|
Re: انجليزي جركانات (Re: khaleel)
|
خليل ليك التحية ... زمن الدارسة عندنا واحد ظريف كده اسمه سيف عنده علاقة مع واحده انجلو اندين ِANGLOINDIAN يا زول يوم اكان مبسوط معاها فقامت قالت ليه انت SACRIFICE قام جانا وقال والله المرة مبسوطة منى يمن قالت لي سيف ابركايز.
تحياتي
الامين
| |
|
|
|
|
|
|
Re: انجليزي جركانات (Re: elameen)
|
Quote: خليل ليك التحية ... زمن الدارسة عندنا واحد ظريف كده اسمه سيف عنده علاقة مع واحده انجلو اندين ِANGLOINDIAN يا زول يوم اكان مبسوط معاها فقامت قالت ليه انت SACRIFICE قام جانا وقال والله المرة مبسوطة منى يمن قالت لي سيف ابركايز.
تحياتي
|
الامين
سوداني نحيف جدا مشي اشتغل في العراق ومشي قابل المدير
المدير قال ليهو انت ضعيف البنية وزولنا مسطح
الشباب السودانين سالوهو (بالله انت ضعيف البنية دي اشتغلتها وين
قال ليهم (ياخي مدني دي انا كلها خططتها
| |
|
|
|
|
|
|
Re: انجليزي جركانات (Re: khaleel)
|
أها والباقين ؟؟
قلت لي الواو حقتكم ؟؟؟؟
ال واو حقت الحركة الشعبية يا فردة
(بوستينك ) ده بعد ده إلا نعمل ليه slow motion
اسامة
| |
|
|
|
|
|
|
Re: انجليزي جركانات (Re: khaleel)
|
خليل ( ويعز عليّ هذا الإسم لأنه إسم عمي العزيز عميد مهندس معاش خليل )
وأديك سر ...
بعد حضوري لأرض الإنجليزي ومهدها وإقامتي فيها ( ردحاًُ من الزمن ) والله ردحاً من الزمن دي عجبتني عجب - تعرف يا عمك عرفت ليك إنو الخواجات أسياد اللغة ديل
أبلد ناس في الإسبيلنق والقرامار spelling and Grammar ودي أخدها مني ...
لكن الله غالب برضو
| |
|
|
|
|
|
|
Re: انجليزي جركانات (Re: khaleel)
|
تعرف يسا خليل
في المنطقة القاعد فيها دي بقولو she don't he don't والله ولا بتلفتوا
وحتى زوجتي المولودة هنا ومتربية هنا بتقول نفس الشئ
أنا حاولت أعمل فيها ( جاب الديب من ديلو ) لكن طلعت فارة ساكت ...
الناس ديل قواعدهم في الكتب ..بث..!!!!
وحتى لمن إشتغلت في السعودية ابلد ناس في العربي السعوديين... أنا خايف الموضوع ده يكون عادي ويكون الألمان ما بعرفوا ألماني ... والله بقوم جاري .عديييييييييييييييييييل
المه نحن طلعنا بي شكسبير ...وده المهم ...لمن أقول للخواجات ديل إسمو .. بسكتو وبعاينو ساااااااااااااكت ... قايلني واحد من النبلاء الضلو الطريق .... وإشتغلو أساتذة...
المهم ما تحكها شديد ....في فرقة في أي لغة .... حتى النوبية .. مسكاقنا .. مسكاقمي سرييناقمي..
اسامة لك التحية
| |
|
|
|
|
|
|
Re: انجليزي جركانات (Re: khaleel)
|
مره يا خليل في السعودية جده مشيت على محل ميكانيكا بتاع واحد صاحبنا لقيتو فاكي مكنة سيارة عايز يركبها في محلها بعد ما عمرها ومعاهو جماعة يساعدوه. كان شابك الجماعة: لما أقول ليكم ريدي ميد ready made ترفعوا على طول.. فاهمين؟ أها قام قال ليهم ريدي ميد Ready made الجماعة بي وراهو Ready made قلت ليهو ياخي الكلمة دي جبتها من وين؟ قال لي: من لياقة القميص (قميص جاهز) ready made .
| |
|
|
|
|
|
|
Re: انجليزي جركانات (Re: عزيز عيسى)
|
Quote: قال لي: من لياقة القميص (قميص جاهز) ready made . |
عزيز عيسي
واحد برضو بتفلهم بالانجليزي قال للجماعة
( والله العربية براند نيو سكند هاند)
| |
|
|
|
|
|
|
Re: انجليزي جركانات (Re: khaleel)
|
في بورتسودان عندنا اسمو (انجليزي البحارة ) وده مشهورين بيه البحارة لانهم بنزلوا في المواني الاوربية فبكون عاوز يعرف وين البار وين محل الاكل وين الطريق البرجع الباخرة
تخريمة : حليلك يا سودانلاين
| |
|
|
|
|
|
|
Re: انجليزي جركانات (Re: خالد العطا)
|
Quote: في بورتسودان عندنا اسمو (انجليزي البحارة ) وده مشهورين بيه البحارة لانهم بنزلوا في المواني الاوربية فبكون عاوز يعرف وين البار وين محل الاكل وين الطريق البرجع الباخرة
|
خالد العطا
بمناسبة المطعم النكتة الشهيرة بتاعة (again) ام كرعين وكان يقصد ياكل دجاجة
| |
|
|
|
|
|
|
Re: انجليزي جركانات (Re: khaleel)
|
مرة عندنا شغالة باليومية اندنوسية ما بتعرف انجليزي ولا نحنا بنعرف لغتها يلا لقيناها معلقة لينا في الباب ورقة
suzi come susi go suzi come again
سلامات يا خلي مالك ما بتجي تعزيني في ابوي؟
| |
|
|
|
|
|
|
Re: انجليزي جركانات (Re: khaleel)
|
Quote: اسامة شوف زي ديل لقوا فرص
وكربوا الانجليزي حقهم |
ياخي هو كريب نصاح؟؟؟؟؟؟؟؟؟؟؟ أجمل ما فيها روح اللغة زمان ضيعوا زمنا في القرامر والإسبلنلق ونسوا أهم حاجة ( الروح ) روح يا خليل الله يديك العافية
| |
|
|
|
|
|
|
Re: انجليزي جركانات (Re: khaleel)
|
1- واحد من عندياتنا كان يقرأ الـ Future فتور ،، والفتور لدينا هو الفطور .
2- المترجم الأول فى مستشفى خالد التخصصى للعيون ( وكان مصرياَ ) سؤل يوماَ لترجمة شىء فقال : أى دونتيكى نو ،، برهابس يس ،، وبرهابس نو : I dontiki no, prehaps yes prehaps no،، وذهب مثلاَ بعد ذلك وسط السودانيين .
بوست بطعم الشاى الإنلجيزى يا خليل ،،
ماهر
| |
|
|
|
|
|
|
Re: انجليزي جركانات (Re: khaleel)
|
رقبتي معسمةMY NAKE WITH SKY الاتجاه الاسلامي..ISLAMIC DIRECTION ركن نقاش= CORNER OF DISCUSSION قضايا الساعة=PROBLEMS OF THE HOURS
| |
|
|
|
|
|
|
Re: انجليزي جركانات (Re: khaleel)
|
ابو الخل سلام ليك و لضيوفك الكرام
Quote: ونحن في سنة اولي جامعة
خمسة شهور ما جايبين خبر |
لا و إنت الصادق صاحبك الباشمهندس "كونصايدر" في البرلم شايل كلمة consider و حايم يسأل : يا جماعة كونصايدر دي معناها شنو
تحياتي
عمار يس النور
| |
|
|
|
|
|
|
Re: انجليزي جركانات (Re: عمار يس النور)
|
كيكي سلام
Quote: رقبتي معسمةMY NAKE WITH SKY الاتجاه الاسلامي..ISLAMIC DIRECTION ركن نقاش= CORNER OF DISCUSSION قضايا الساعة=PROBLEMS OF THE HOURS |
سعد محمد علي و خطاب اولاد مدني اللذيذين كانو بيحكو لينا عن نكات حموري و الذي تصدر من مدني نكات عنه قالوا مرة حموري سألوهو : يا حموري ما معني Electricity رد ليهم حموري: معناها المدينة المنورة
تحياتي
عاشق بخت الرضا
| |
|
|
|
|
|
|
Re: انجليزي جركانات (Re: عمار يس النور)
|
Quote: قالوا مرة حموري سألوهو : يا حموري ما معني Electricity رد ليهم حموري: معناها المدينة المنورة
|
عمار يس
احد لاعبي المريخ عندما كان المريخ معسكرا في المانيا قام الصباح
وقال الليلة الجو اوربي عديل كدة
| |
|
|
|
|
|
|
Re: انجليزي جركانات (Re: khaleel)
|
يا خلي هاك دا إنجليزي سوداني في محلات االأحذية :
واحدة سودانية عاملة فيها بت إكسفورد في الإنجليزي.....
أها يوم مشت تشتري جزمة من محل الأحذية...
اها قالت للهندي بليس برينج مي ذات شوز.... (Please Bring me that shoes)
الهندي نو بروبليم مدام .....
و قام جاب ليها فردة الجزمة:
أها قاستـها و عجبتها شدييييد ...
قامت قالت للهندي:
ويرز هار سيستر (Where's her sister)
إتخيل.....
| |
|
|
|
|
|
|
Re: انجليزي جركانات (Re: khaleel)
|
يا خلي هاك ديل فوق البيعة:
زمان كنا في المتوسط و حصة الإنجليزي شغالة... في واحد جنبي ما بريد الإنجليزي... بتكلم و ما شغال
بالأستاذ.... قام الأستاذ قاليهو أقيف على حيلك و أدخل لي كلمة(SKY)
في جملة مفيدة... صاحبنا قعد يتلفت و قال ليهو:
ماي نيق وز إسكــاي(My Neck with Sky).... فهمتهـــا ؟؟؟؟
قصدوا يقول رقبتي معسمــة
__________
واحد صاحبنا عندو حب الشباب في وشو.... و متعقد منها.....
قام قال لي أرحكا معاي الدكتور.... و بوووو مشينا للدكتور الهندي....
الدكتور راجل ظريف و بتاع نكتة سألو قاليهو عندك شنو؟
قام صاحبنا رد ليهو قاليهو آي هاف أتابلتس إن ماي فيس (I HAVE A TABLETS IN MY FACE)
الدكتور قنب يضحك و قاليهو جيف مي ون (GIVE ME ONE)
| |
|
|
|
|
|
|
Re: انجليزي جركانات (Re: Haytham Abdulaziz)
|
Quote: قام صاحبنا رد ليهو قاليهو آي هاف أتابلتس إن ماي فيس (I HAVE A TABLETS IN MY FACE)
الدكتور قنب يضحك و قاليهو جيف مي ون (GIVE ME ONE) |
مرة كنا في عرس في نادي الضباط وكان واحد من الجماعة البجيبوا العشاء جاب عشاء
لصديقنا محمد بدوي
محمد قالوا ليهو (thanks alot)
الراجل سمع (alot ) غلط وقامت شكلة صاموتية
| |
|
|
|
|
|
|
Re: انجليزي جركانات (Re: khaleel)
|
اخونا اسامة الخواض في مدرسة عطبرة الثانوية مشي للخواجة لمن لقاة أتاخر عن الحصة وعاوز يتظارف معاة ويسألوا لية اتاخرت قال لية - you myst come early الخواجة كان جاي جديد من بلدة وزهجان من عطبرة وسخانتها قام مسك لية في اسامة وجرجرة للناظر وقال لية دة منو دة البيقول لي must واصر ينجلد ونادوا الطلبة بعد الفطور وعملوا لية طابور مخصوص اخد فية اسامة الخواض عشرة جلدات كاربات
| |
|
|
|
|
|
|
Re: انجليزي جركانات (Re: khaleel)
|
ابن خالي محمد عبد اللطيف وكنا دفعة في الكليات التكنولوجية في البرلم كانت معانا واحدة هندية اسمها شيفالي وطبعا نص سنة اولي ما كنا بنعرف الاستاذ بيقول في شنو ولا المادة ذاتها شنو وكانت شيفالي تقعد تسال الاستاذ سؤال الفاهم الحاصل شنو وكنا بنقعد انا ومحمد نعاين ليها ساكت مرة بتتكلم مع استاذ دالي كلام كبار كدة محمد قال لي بالله البت التقول البي بي سي قلت لية ما تنجة البت والله سنة اولي ما عدتها دسمسوها ليك من اول سنة three subjects +aggregate
| |
|
|
|
|
|
|
Re: انجليزي جركانات (Re: الزبير صالح الزبير)
|
Quote: مرة بتتكلم مع استاذ دالي كلام كبار كدة محمد قال لي بالله البت التقول البي بي سي قلت لية ما تنجة البت والله سنة اولي ما عدتها دسمسوها ليك من اول سنة three subjects +aggregate |
الزبير
كانت هناك كلمات ساهلة في الاسبلنق معظم الجركانيين بكتبوها صاح زي
cat
hat
pen
| |
|
|
|
|
|
|
Re: انجليزي جركانات (Re: الزبير صالح الزبير)
|
Quote: خليل بالمناسبة انا انجليزي لليلة دي موغل في الجركنة لكن فعلا ناس هن وبن ديل بقدر عليهم تب |
الزبير
وانت قائل يعني نحن امنا تاتشر لو الزول بتكلم بالانجليزي وانت سطحت عليك بي
yes sir
| |
|
|
|
|
|
|
Re: انجليزي جركانات (Re: khaleel)
|
خلي احكليك الموقف الحصل معاي دة لقيت مرة اعلان في جريدة سعودية بتاعت اعلانات عن شخص مصري يطلب عمل بالساعة في مجال الترجمة قمت اتصلت علية وجبتة المكتب وسالتة انت اتعلمت الانجليزي وين قال لي انا درست في امريكا وهسي شغال مترجم في الشركة الفلانية وحقيقة هي شركة محترمة ومعروفة علي نطاق المملكة كلها علي هذا الاساس اتفقت معاة انو لمن نحتاجة بتصل علية واتفقنا علي اساس الصفحة A4 بسعر كذا ريال المهم يوم عندنا فايل كبير عبارة عن دراسة جدوي عن الشركة الطبية التابعة لنا مطلوب ترجمتها وارسالها لامريكا علي وجة السرعة المهم اتصلت علية في جوالة قال لي انا الان في مصر رسل لي المطلوب ترجمتة بالايميل وبترجمة ليك في 24 ساعة وبرسلة ليك راجع المهم كلمت الجماعة في المكتب رسلوة لية بعد يوم لقيت ليك الترجمة جات راجعة رسلتها القسم المختص قاموا رسلوها امريكا بعد شوية لقيت ليك مدير الشرق الاوسط في الشركة الامريكية بيتصل علي (اصولة مصرية ) وبيقول لي يا عم الترجم الدراسة دي مصري ولا اية قلت اه نعم لية قال لي انت ما قرأتها قلت لية والله قريت منها شوية برضوا لية قال لي اقراها وبعد داك اتصل علي قمت فتحت الصفحة الاولي لقيت ليك صاحبنا مترجم قسم الطواري ambulance section وحاتكم ما اتصلت علية لليوم دة عشان اناقشة في الموضوع دة بس ترجمناها تاني من اول وجديد ورسلناها لية
| |
|
|
|
|
|
|
Re: انجليزي جركانات (Re: الزبير صالح الزبير)
|
Quote: الامريكية بيتصل علي (اصولة مصرية ) وبيقول لي يا عم الترجم الدراسة دي مصري ولا اية قلت اه نعم لية قال لي انت ما قرأتها قلت لية والله قريت منها شوية برضوا لية قال لي اقراها وبعد داك اتصل علي قمت فتحت الصفحة الاولي لقيت ليك صاحبنا مترجم قسم الطواري ambulance section وحاتكم ما اتصلت علية لليوم دة عشان اناقشة في الموضوع دة بس ترجمناها تاني من اول وجديد ورسلناها لية |
تعرف يا الزبير
طلع جيل جديد من المصريين ودرس في الجامعة الامريكية بضرب انجليزي زي الطلقة
اما ناس الجامعات المصرية انجليزهم مش جركاني قيراوني خالص
| |
|
|
|
|
|
|
Re: انجليزي جركانات (Re: khaleel)
|
اول ماخشيت الجامعة بالانقليزي الدراب بتاع الثانوي داك جيت اسجل في قروب بتاع واحد خواجة اسمو سايمون دخلت المكتب قت ليو بعوجة خشم'I want to write my name' طوالي رد علي 'o.k take a pen and write it' طبعا الزمن داك كلمة register'دي ولا اول القروب بتاعنا ما ناقشها
| |
|
|
|
|
|
|
Re: انجليزي جركانات (Re: Mohd Ibrahim)
|
Quote: طوالي رد علي 'o.k take a pen and write it' طبعا الزمن داك كلمة register'دي ولا اول القروب بتاعنا ما ناقشها |
محمد ابراهيم
برضو في سنة اولي واحدة جابت لي مسالة عشان احلها
مكتوب كلمة (verify)
والكلمة طرطشتني خالص ما عرفت حتي اقراها والبت كانت من شهادة لندن
قمت قلت ليها هي ذاتها الكلمة دي معناها شنو
قالت لي ( يعني قالو القوها
| |
|
|
|
|
|
|
Re: انجليزي جركانات (Re: khaleel)
|
جائزة مالية لمن يترجم دي
واحدة مشت لدكتور انجليزي وليس معها مترجم وهي جركانة كبير
قالت للدكتور
(عندي خمة نفس وشحتفت روح )
ترجموا لهذه المسكينة والدكتور المغلوب علي امره
| |
|
|
|
|
|
|
| |