|
|
 Re: عضو جديد (Re: محمد الشيخ أرباب)
|
مليون مرحب بابن البراري العزيز، ..
محمد الشيخ كيفنكم..
طلعنا معارف، من حيث المكان والذكرى...
ياخي مكتبة الملتقي في محطة وسوق اربعة علمتنا القراية، من تختخ لنجيب والطيب صالح، والكورة، وفيتكور هوجو..
وقصي ده صاحبي شديد، قالوا تزوج؟...
ولوي، أعمق المحبة لهم، اقصد لؤي حامد..
والله سعداء بك، وشايف ناس البراري الايام اصابهم حنين، بعد أن توغلت الاحياء الراقية حولهم، كالأسورة حول المعصم، وهسي شايف عمارة جنوب بري الشريف، طويييييييييييييلة، تشوفها من امضبان، قالو بتاعت الاتصال، دي حا تخلي ناس بري يشوفو شمس الفجر الساعة 11.3. ظهرا، وتغيب 2.3. بسبب الابراج الغربية كمان، شفتك حصار ناطحات السحاب، ياخي السودان ده ماواسع، ليه الامتداد ما يكون أفقي، عشان العلاقة مع الطبيعة شئ أصلي وأزلي، وشاعري، وصحي، يقلب وجهه في السماء، والغروب كالشروق، يحمل بسطوره أرق شعر كتب على سرير الأفق..
ياخي بري دي سمحة، وناصر، وابوحشيش، وكوريا، وطبعا المحس، حتى بيت عبدالله الطيب وزجته التي اصرت أن تسكن بري، بس ياريت يكف ازعاج نادي الشرطة، والذي يجوار المقابر، في سوريالية عجيبة، لا تفهمها إلا في بري، وزي ماقلت عبقرينا معاوية نور، معجب ببري حلاوة وطلاوة..
والله ياود الشيخ سعداء، وخلاص تب نتلاقى في إجازة العيد لو مد الله في العمر، وجماع ده علمني القراية،تصور هو ابن اختي، وأكبر مني، يعني الخال أصغر من ابن أخته، وجماع ده زول قراااااااااااااااااااي، شديد..
عفيفي، لمن ابوه جاء من الحج، لطخ البيت كلو باللون بالاحمر، حج مبرور بالأحمر، وسعي مشكور بالأحمر، وياداخل هذه الدار صلي على النبي المختار برضو،، الناس قالو ليها (ياخي ابوك ده جاي من مكة، ولا من موسكو)..
أول مرة اشاهد محمد الأمين الموسيقار العظيم والفنان الكبير في مربع واحد، في حفلة عند ناس نصرالدين حسب الله، لو بتعرفهم، واتذكر انو ا لحفلة انتهت بشكلة، لأنو في بت حلوة، كانت تلبس زي لون ذهبي، وفي واحد برابي متيم ظل يصرخ (أحب البنسون، أموت في البينسون)، وكنا نظنها سجارة، ....
واتحرمنا من ود الأمين، موقتا..
يوم الجمعة من امتع الايام حين أرى احتفالات الاخوة الجنوبين في نادي بري، تخيل يوم الجمعة لأناس مسيحيين، والله ده كان في السودان، في اللاذقية ضجة ما بين احمد والمسيح..
كيف حالك، ومرحب بيك، والبيت بيتك..
اخوك ابدا عبدالغني
|
|
 
|
|
|
|
|
| العنوان |
الكاتب |
Date |
| عضو جديد | محمد الشيخ أرباب | 06-18-08, 08:18 AM |
 Re: عضو جديد | Magdi Ahmed Elsheikh | 06-18-08, 08:24 AM |
| Re: عضو جديد | محمد الشيخ أرباب | 06-18-08, 08:38 AM |
| Re: عضو جديد | كمال علي الزين | 06-18-08, 08:59 AM |
| Re: عضو جديد | محمد الشيخ أرباب | 06-18-08, 09:08 AM |
| Re: عضو جديد | محمد أبوالعزائم أبوالريش | 06-18-08, 08:51 AM |
| Re: عضو جديد | محمد الشيخ أرباب | 06-18-08, 08:54 AM |
| Re: عضو جديد | اساسي | 06-18-08, 08:58 AM |
| Re: عضو جديد | Saifeldin Gibreel | 06-18-08, 09:03 AM |
| Re: عضو جديد | محمد الشيخ أرباب | 06-18-08, 09:18 AM |
| Re: عضو جديد | محمد الشيخ أرباب | 06-18-08, 09:12 AM |
| Re: عضو جديد | شهاب الفاتح عثمان | 06-18-08, 09:06 AM |
| Re: عضو جديد | محمد الشيخ أرباب | 06-18-08, 09:21 AM |
| Re: عضو جديد | الزنجي | 06-18-08, 09:17 AM |
| Re: عضو جديد | محمد الشيخ أرباب | 06-18-08, 09:26 AM |
| Re: عضو جديد | عبدالغني كرم الله بشير | 06-18-08, 09:42 AM |
| Re: عضو جديد | محمد الشيخ أرباب | 06-18-08, 10:06 AM |
| Re: عضو جديد | طارق جبريل | 06-18-08, 09:39 AM |
| Re: عضو جديد | محمد الشيخ أرباب | 06-18-08, 10:09 AM |
| Re: عضو جديد | hani babiker | 06-18-08, 09:43 AM |
| Re: عضو جديد | ماضي ابو العزائم | 06-18-08, 09:58 AM |
| Re: عضو جديد | محمد الشيخ أرباب | 06-18-08, 10:13 AM |
| Re: عضو جديد | محمد الشيخ أرباب | 06-18-08, 10:11 AM |
| Re: عضو جديد | haroon diyab | 06-18-08, 10:09 AM |
| Re: عضو جديد | محمد الشيخ أرباب | 06-18-08, 10:15 AM |
| Re: عضو جديد | احمد العمار | 06-18-08, 04:28 PM |
| Re: عضو جديد | adam alamar | 06-18-08, 09:45 PM |
| Re: عضو جديد | محمد الشيخ أرباب | 06-19-08, 11:23 AM |
| Re: عضو جديد | محمد الشيخ أرباب | 06-19-08, 11:11 AM |
|
| |
عبدالغني كرم الله بشير
فيس بوك
تويتر
انستقرام
يوتيوب
بنتيريست