|
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ (Re: Al-Shaygi)
|
أهه قول بسم الله رجعت ليك.
Quote: اول تبادى قرفتونا دى كتيرة ، لكن ما مشكلة بقبلها منك فى سياق الصالح العام البطنو طامة من الغلاط
انا شخصيا ما شديد على الكلام دا ولا متعمدو بس دوافعى كالاتى
|
قرفتونا وأعتذرنا عنها وآمل أن تكون قد قبلت الإعتذار . وخلينا ننقاقش الدوافع.
Quote: الاخوة فى حركة العدل والمساواة مصرين على الكذب والكذب الكبار الما عندو معنى ، الحركة نجحت بامتياز فى الوصول الى الخرطوم دى مافيها شك واى زول منصف بديهم النمرة الكاملة عسكريا واستخباريا فى النقطة دى والحكومة مغلوبة فيها عشرة صفر رغم انها استدركت وهو استدراك سبب غباء المهاجمين انفسهم طيب بعد داك بدا الكضب شفت من حكاية وادى سيدنا والطيارة الفككوها وشالوها لغاية احتلينا ام درمان والرصاص ضد الدارفوريين فى سوق ليبيا كلو كان فيهو مبالغات ما قايم على حاجة واحدة صح جينا للمطاردة
|
أتفق معاك بشأن الحركة وخطوتها الإنتحارية وكما جاء في تحليل العسكريين، نجحوا في الوصول وتخطي كل العقبات بما فيها الجيش بدارفور حتى أمدرمان وتجاوزوا كل الأماكن التي يوجد بها جيش وتحاشوا الإشتباك قبل الوصول وكما ذكرت الحكومة فشلت فشل زريع في حماية عاصمتها رغم علمها وتحذيرها. حكاية الطيارة أو الطيارات كما تطورت الحكايات، حتى الآن لم يفتي فيها أحد وحتى ما سمي بمعركة الجسر لا تفاصيل حولها، أما الإذاعة فده موضوع غريب لم تتحدثوا عنه مطلقاً رغم أن الكثير من الأقوال تتحدث عن معركة أمام الإذاعة وعلمنا فيما بعد بأن قائد الحراسة بالإذاعة أستشهد؟؟ وهذا دليل على حدوث معركة ولم يمت الرجل بالملاريا. فهل تضيء لنا هذه الجوانب الخافية؟ ما نحنا برضنا سودانيون وبنحب بلدنا وقلبنا عليها وعلى أهلنا والحقيقة تضيء لنا الطريق وتطمئننا على البلد والأهل، ولا رأيك شنو؟؟
Quote: قالو خليل اتكلم ومرق كويس ونطق للعربية - وطلع مزور - قالو جاى فى الجزيرة ( واحرج القناة الكبيرة جدا لان كان برضو مضروب ) وسكتنا قلنا خليل يمرق متى ما يشاء على كيفو جينا لعشر، شفت دا لو الحكومة تشبه بين الترابى والسنوسى ما ممكن يدقسو فى عشر والراجل اتمسك والحركة طلعت بيان تسال الناس الرافة بالرجل حسب المواثيق، والزول مستضاف وعندو دفتر اعترافات قدر الليلة وبكره يجى اخونا دا يقول ليك ما مقبوض وشنو انا ما عملت حاجة غير انى النهار اتصلت بعميد فى جهاز الامن وقابلتو فى حضور مجموعة من الاعلاميين وسالتو بالحرف عشر قالو ما قبضتو الراجل ضحك وقال قبضناه والدليل .. واحد ، اتين ، تلاتة ، وكلها حاجات سمع وشوف وبعد دا الراجل وعد انو الزول هسة كلامو بجهزو عشان يمشى الاعلام .. بالثابتة انا حاولت اثبت حاجة بس عشان ما اى زول ينط يقول طيرة نصدقو .
|
موضوع خليل: أنت زاتك أثرت غبار كثيف حول أختفائه في بوست (المعــــــــــــرد !!) وقد أوحيت بوجود صفقة وسألتك عن هذا الموضوع ولكنك فكيت البيرق وخليت البوست لأخونا ودالطالب بقى سايقه براه. طبعاً من حقك تفت الموضوع أو لا ولكن على الأقل أحترم عقولنا، ألهم إلا إذا كنت تكتب لناس الحركة في المنبر وبينكم كلمات سر ما بنفهما، ده يبقى موضوع تاني، لكن برضه فهمنا عشان ما نتابع كتاباتك وما نعتمد عليها في علمنا بالحاصل في البلد. نجي لي (عشر)، أنت تقول مقبوض ومتأكد من كلامك وأوحيت بأدلة نفهم منها أنك رأيته رأي العين...!!! وطالبوك ناس الحركة هنا بالدليل أو الصور أو أو ؟؟؟ دون جدوى، ولم نأخذ منك سوى الرموز ،،، قد نفهم بعضها ونجهل الباقي...؟؟؟ ودخلنا فيما شبهته بشكل أخوانا المصريين بقيت أنت والأخ إبراهيم سليمان قابضين في خناق بعض وكل زول مقبقب أخوه ويصيح (سيب وأنا أسيب) فك وأنا أفك وبقيتوا زي الكل واحد قابض ليه أضنين مرفعين وخايف يفك يروح فيها؟؟؟؟ وكما قالوا من سبقوني هنا في البورد التلفزيون عرض الأسرى وحتى الأطفال منهم والقتلى دون مراعاة لحرمة الموت، هل عرض عشر بالتلفزيون محرم؟؟ أمنياً على الأقل وهل عرضه سيفشي أسراراً للدولة؟؟ أم كما تقول الحركة على حروف كتابها هنا أنه في أريتريا وأن هناك صفقة نفذت من جانب واحد وماطل الجانب الآخر؟؟ وحكاية دفتر الإعترافات هل تعتقد الأجهزة الأمنية أن عرضه على الشاشات الفضية سيفشي أسرار الإعترافات؟؟ ولا زلنا ننتظر تجهيز الراجل عشان يظهر على الشاشة ويخرص الأقلام، لكن باقيلك تجهيز العروس ده ما طول، حفرفتم ما مولعة كويس ولا مالاقين ليها طلح؟؟؟
Quote: انا بؤمن فى حق اى زول انو يقيف فى الحتة العاوزها لكن ياخ الناس حقو ما تفرض علينا حاجات ويغالطوك لمن عينك تطلع ، وبالمناسبة الواحد اتنين تلاتة دى كلها (شوف ) وفى حضور اعلاميين اتنين منهم اعضاء فى المنبر وما كيزان كمان هسة الضحك كاتلهم فى اخونا دا
|
كويس جداً مبدأ الحرية وكل زول ينوم على الجانب الذي يريحه، وواحد أتنين تلاته وكلها شوف ؟؟؟ طيب ماتقول كده من الأول وما تخلينا زي الطرش في الزفة؟؟؟ ما عارفين نصدق منو ونكذب منو.؟؟
Quote: عموما انا عاوز شورتك لو عارف زول بيكضب هنا اسكت ولا انضم
|
كان بقيت على شورتي بتغرق ساي أخيرلك تمشي بي شورتك براك لا تقول الشايقي غتس حجري، لكن كان بقيت داير النصيحة، كان في زول أعور لا تقوله عينك التانية كويسه، أخير تقول ليه أعور وكان ما صدقك تديه مرايا هديه وعلى حسابي كمان وبس ما تحلف طلاق خلاص مدفوعة.
ولا زلنا في إنتظار أخونا إبراهيم سليمان لنرى ما لديه. الشايقي
http://alkatwah.com www.Alshaygi.dubaimlm.com .
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-05-08, 06:07 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-05-08, 06:10 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-05-08, 06:15 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | محمد حامد جمعه | 06-05-08, 06:23 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-05-08, 06:32 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-05-08, 10:54 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-06-08, 11:33 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | سيد محمد احمد سيدنا | 06-07-08, 07:53 AM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-07-08, 09:37 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | حنين للبلد | 06-07-08, 10:17 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-08-08, 04:20 AM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | حنين للبلد | 06-07-08, 10:21 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Tragie Mustafa | 06-08-08, 05:08 AM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-09-08, 05:33 PM |
Re: مابين محمدحامدجمعة وإبراهيم سليمان: قرفتونا :: سيب وأنا أسيب... لا ما تسيب أنت وأنا أسيب؟؟؟ | Al-Shaygi | 06-11-08, 05:08 AM |
|
|
|