|
Re: تم تهكير حسابي بالبنك والحمد لله.. (Re: humida)
|
طيب يا حميدة
اطلعت على واحد من المواقع الرسلتها ولقيت فيو الاتي:
"يسرنا ان نبشركم عملاءنا الكرام أنه تم طرح بطاقة فيزا إلكترون التي تسمح لكم بالتسوق على شبكة الإنترنت وكذلك التسوق من المحلات التجارية
واستخدامها في الصراف الآلي"
طيب دا مش كلامي الاول ذاتو!
| |
|
|
|
|
|
|
Re: تم تهكير حسابي بالبنك والحمد لله.. (Re: humida)
|
Quote: يسرنا ان نبشركم عملاءنا الكرام أنه تم طرح بطاقة فيزا إلكترون التي تسمح لكم بالتسوق على شبكة الإنترنت وكذلك التسوق من المحلات التجارية
واستخدامها في الصراف الآلي |
بالجد انا شكلي اقلقت منامك .. ايوه يا سيدي .. قلنا البتعمل الحاجات دي كلها .. هر بطاقة الكترون .. وبتكون مرتبطة بحسابك .. وممكن تكون يا اما في حساب ماستر كارد .. ولا فيزا .. وفي النهائية بطاقة ائتمانية بس ما بختو ليك فيها قروش .. نحن هنا بنتكلم عن بطاقة الصراف .. في آلة اسمها الصراف الآلي .. ( انظر الصور 1-1 ) .. عندها بطاقة .. ونحن بنتكلم عنها .. نحن منو .. دي الحاجة الما قادر احددا لحدي هسع ..
.. ..
صورة 1-1 .. ( صورة الصراف الآلي في ناصية شارع ) ..
.. ..
يا جماعة والله اعذروني .. ماشي انوم .. اخوكم لايوق جدا .. بس يعني في ميتنغ طويل عريض مع ناس امير الحاج بكرة الصباح .. من الساعة سبعة .. وقدر ما قلت ليهو يا امير خليهو تسعة .. عمل لي فيها مدير .. ما عليكم .. بحاول أحل مشاكلي الشخصية براي .. انا اساسا ما بحب اسلوب الدعاية دا .. بس امير دا والله زول سكرة .. والله علي ما اقول شهيد ..
.. ..
المعز يا زول والله ما بينا .. بجيك يوم الخميس بجيب ليك شوال قروش .. وشوال ليمون .. !!
| |
|
|
|
|
|
|
Re: تم تهكير حسابي بالبنك والحمد لله.. (Re: humida)
|
العزيز
دكتور معز
أن تركن المسألة لصالحك عاجلاً
****************************** تمنيت ان القاك ابان حضورك البهي لدبي,الرجاء ارسال رقم موبايلك على الماسنجر او على بريدي الالكتروني
لك الود كله والتقدير
د.محمد عبدالله تيراب _______________________ الحق يعلوا ولا يٌعلى عليه
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
حميدة معليش ساهرت بيك .... ما بحب الغلاط ......
الكرت فيهو CVV CVV1 وفيهو من قدام 18 رقم ومن وراء على طرف ال CVV سبعة أرقام ...
لكن والله بالجد تستعمل في أي شيئ ..... وهنالك مليون طريقة لتزويرها يبرع فيها - الهنود - و الروس وأولاد بمبة بسوقوها ...
لك الوُد .... اسامة
| |
|
|
|
|
|
|
Re: تم تهكير حسابي بالبنك والحمد لله.. (Re: Osama Mohammed)
|
دي كريتد كارد يا مان ما ATM CRDA فهمت .. الناس الفي اوروبا .. وامريكا وكندا .. كلها بطاقات اريتد كارد يا جماعة في الخليج العربي والسودان وشمال افريقيا واسيا والدول الجيعانة عندنا حاجة اسمها ATM CARD
.. ..
ممكن الخروف يمشي ينوم ولا عندكم اسئلة تاني
| |
|
|
|
|
|
|
Re: تم تهكير حسابي بالبنك والحمد لله.. (Re: humida)
|
يا مسئول عن نظم الحماية في البحرين:
منذ عامين تم إلغاء كل كروت الـ ATM الجايبها لينا في الصورة دي
وفي كل البنوك العاملة في البحرين وطنية أم اقليمية أم عالمية
وتم استبدالها بفيزا الكترون
تستخدم كما في العالم المتقدم في كل مكان
من صراف آلي لإنترنت لعمليات شراء
..
وهذا وحده كفيل لأن يجعلني أتصل بصديق..
راجع مداخلتي التحذيرية اعلاه..
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
Quote: وتم استبدالها بفيزا الكترون
|
طيب ما قلنا ليك .. ما تتكلم ساي ةكت ما عارف الحاصل ليك شنو .. بنبح لينا ساعة .. بطاقة إلكترون بطاقة ائتمانية ما بطاقة صراف آلي .. لمن تعرف اتسرقت كيف .. تعال بعدها اكتب بوستات في الانترنت ..
.. ..
يلا خلاص يا جماعة .. البوست جبر .. الدكتور كان غلطان ..
.. ..
| |
|
|
|
|
|
|
Re: تم تهكير حسابي بالبنك والحمد لله.. (Re: Marouf Sanad)
|
اها يا معروف .. كروتك دي .. واحدة ماستر كارد .. والتانية فيزا .. والاتنين بطاقات ائتمانية .. وبختك يا عم .. كان لحست القروش دي وجست السودان .. زول بقدر يفتح خشمه معاك مافي .. لكن دا بتحدد بالحد الائتماني البدوك ليهو .. واغلب الاحيان بدوها ليك فاضية ..
| |
|
|
|
|
|
|
Re: تم تهكير حسابي بالبنك والحمد لله.. (Re: humida)
|
Quote: وأنا من الأول كنت حاسي إني غلطان ....لأنو في واجهة البطاقة مكتوب
DEBIT CARD |
ما كل الكروت ديبت, ولمن تمشي اي دكان بسالك اذا كنت حتستخدمو كديبيت
ولا كريديت, اذا قلت ديبيت بتدخل ال PIN ,واذا كريديت بتمضا بس.
هنالك بعض الكروت ديبيت بس وتحتاج لل PIN , في حالة الشراء.
| |
|
|
|
|
|
|
Re: تم تهكير حسابي بالبنك والحمد لله.. (Re: Marouf Sanad)
|
Quote: هنالك بعض الكروت ديبيت بس وتحتاج لل PIN , في حالة الشراء |
بس يا معروف .. كروت ATM كلها ديبت .. وعندها PIN .. وما بكون فيها شريحة ذي بتاعت الموبايل كدا .. بتعتمد علي الشريط الممغنط .. byte53 s = 48 bytes of data and 5 bytes of header information اها هي البنوك بتقوم بتعمل للصراف كروت مخصوصة .. كروت محلية بتاعت البنك .. ما بتكون تابعة لماستر كارد ولا فيزا شركات البطاقات المعروفة ..
| |
|
|
|
|
|
|
Re: تم تهكير حسابي بالبنك والحمد لله.. (Re: Marouf Sanad)
|
Quote: دخل لبطاقة الصراف الآلي ATM بأي تعامل في الانترنت .. ولا يمكن استخدامها لهذا الغرض .. عملية الشراء عبر الإنترنت تتطلب الدفع بواسطة بطاقة خصم أو ائتمان |
Dr moiz
Your money will be back soon. It happend alot here but you are gnna got all your money Back
.
| |
|
|
|
|
|
|
Re: تم تهكير حسابي بالبنك والحمد لله.. (Re: humida)
|
My brother Humida Various banks in the world and Multi national companies and the defense agent issues ATM card but with limited,restricted and confined in their usage, WHILE there is Marks eithor Masterd or visa but still required your PIN number before the authorization go throw.
this types of ATM card helps law enforment to locate where and when and who used this card Everything is possible and this is real
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
الأخ الدكتور / معز عمر بخيت تحية طيبه كفاره .. والجاتك في مالك سامحتك الف حمد لله على سلامتك . ربنا يجمع انا برضو يا دكتور حصل معي نفس الشئ ولكن بطريقه مخالفة . واحد نيجيري استطاع أن يصل إلى كلمة السر بتاعت عنواني الإلكتروني وارسل رسائل لجميع من في القائمه باني موجود في نيجيريا وحصل لي حادث وسرقت جميع اموالي التي كانت بحوزتي وطلب منهم ان يرسلو لي مبالغ على رقم حساب في بنك بنيجيريا . ولكن الحمد لله تم كشف العمليه بواسطة اخي اتصل بي عبر الهاتف ليستفسر وايضا تلفون اخر من صديق بخصوص نفس الموضوع لاكتشف بعد ذلك بأن كل من في القائمة ارسل لهم . وقمت انا بدوري بإخطار الجميع بأن كل ذلك كذب . الف حمد لله على سلامات وتسلم من كل شر وإلى الملتقي
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
دكتور معز
سلامتك و ربنا يعوض عليك إن شاء الله
الدنيا ما فيها أمان
يا ناجي
Quote: واحد نيجيري استطاع أن يصل إلى كلمة السر بتاعت عنواني الإلكتروني |
أوعى دة يكون بتاع "الشريف مبسوط مني" ،، أتاريهو بيوزع في النقطة ساااااااااكت تقول من قروش أبوهو
تحياتي و الدنيا لا تسوى ساعة زعل و الله
يا حميدة "خروف البورد النباح" هدي اللعب ياخي شوية "دة هزار ، كويس؟؟ ما تنفتح فيني"
يعني إنت و الهكر تبقو على الجار معز؟؟
بس لكن دروسكم المجانية دي أفادتنا برضو
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
الأخ دكتور معـز، كفارة، والحمد لله.. هـذه مسؤوليـة البنك لأن ال ِATM card أساسـا مغطى أوتوماتك.. تانى أحفظ كروتك دى فى نتروجين سـائل ,امن عليها الباب! وتذكـر لاءات الخرطوم الثلاث فى هـذا الأمـر:
1- لا دفع فى المطاعـم بأى كرت.. كاش بس. 2- لا نقر على وصلـة فى الإنترنت عند الدفع.. لابد من طباعـة العنوان باليـد، والتأكد من العنوان، وإن البداية ب https://www وليست http://www لا بد من حرف ال S. أو على الأقل التأكد من العنوان بعد النقر ومراجعة اسـم الشركـة حرفا حرفاً. 3- عدم السمـاح للمحلات والفنادق وشركات الطيران بنسخ الكرت، أو الذهاب به بعيـدا.. يجب السماح فقط بإستعمال المسح المغناطيسى، وأمام ناظريك. ولو أصر المحل أن ينسخ الكرت فأدفع الفاتورة نقـداً.
الأخ حميـدة، سلامات.. ياخى ال ATM اليوم يلعب يمين شمال.. رئيس شركـة Gateway المشهـورة للكومبيوتر ما عندو كردت كارد، وهو ضـد كروت الإتمان أساسا ويعتبرهـا صممت لأكل أموال الناس بالباطل.. لذلك يستعمل ATM بتاعو فى كل معاملاته، سـواء كانت أنولاين أو أوفلاين. أى بنك اليوم يوفر كروت أى تى أم لعملائه وبهـا 16 رقم وال CVV وواحد من شعارات شركات الإتمان، تعمل كل ما يعمله كرت الإتمان ولكنها ليست كروت إئتمان، فلا تدفع رسوم مشتروات مثل الإتمان لأن كل ما تشتريه من الإنترنت بهـذه الكروت التى تحمل شعار الفيزا والماستركارد يخصم فى ذات الوقت من رصيدك فى البنك. أنا ما عندى كردت كارد الأن، ولكنى أستعمل ال ATM لأشترى من Ebay وغيرها من دكاكين الإنترنت.
أتمنى المسـالـة وقعت ليك.. مع أن الشـرح قد لا يكون واضح.
| |
|
|
|
|
|
|
Re: تم تهكير حسابي بالبنك والحمد لله.. (Re: yasir Abdelgadir)
|
كفارة يا بروف .....وإنشاء الله فلوسك ( من العائدين ) في مسقط تم إكتشاف شبكة تقوم بنسخ البطاقات ال ATM بالطريقة التالية التي ذكرها أحد الإخوة :
ما حصل لك يحصل بشكل يومي و لكثير من الناس ... وسببه سهولة سرقة المعلومات عن طريقين وهما أولاً: unsecured websites ثانياً: portable card readers والاخيرة هذه عبارة عن جهاز صغير يوضع في الATM MACHINES ويظهر كانه جزء اصيل من جهاز الصرف الآلي و لكنه يوضع تماما بمحازاة THE ORIGINAL CARD READER و يمكن لهذا الجهاز حفظ معلومات عدد معين من الكروت حسب سعته و يمكنه كذلك تحويل المعلومات الي RECEIVER في نطاق معين حسب ال TRANSIMITTING POWER OF THE PORTABLE CARD READER و يمكن لهذا الجهاز ان يوضع في اي مكان SPECIALLY SMALL GROCERY STORES .... فيجب علي الجميع توخي الحذر و التاكد من عدم وجود اي نتوء او اي جهاز إضافي ملصق عند الفتحة المخصصة لكرت الصراف الآلي ... فبعد حصولهم علي المعلومات يقومون بصناعة كرت جديد بمعلوماتك و من ثم استخدامه..... واظن يا دكتور هذا ما حصل لك للاسف
بعدين يا دكتور : تمنيتك لو لم ترد علي ملاسنات حميده......وهضح أنو معلوماته قديمة شوية و ( محموق منك أوي) وبالمناسبة نحن في الخدمة
| |
|
|
|
|
|
|
Re: تم تهكير حسابي بالبنك والحمد لله.. (Re: Osama Mirghani)
|
الغالي أسامة ميرغني،
شكراً عميقاً للتوضيح ولكلماتك الطيبة أيها الحبيب
..
حقيقي قمت بالرد على من ذكرته لأنه استلذ التطاول على شخصي
في أكثر من مكان وفي اكثر من مناسبة
وقد درجت على تجاهله فظن أن صمتي ضعفاً
لكن هذه المرة قررت تماماً أن ازيل الوحل
ولأن تزيل الوحل لا بد أن تخوض فيه..
تقديري واحترامي العظيم لك
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
اولا ربنا يرجع لي قروشك
النقاش الحاصل خلاني اتحمس بان امدكم ببعض المعلومات عن البطاقات المصرفية بكل انواعها (اي بطاقات الصراف الآلي والبطاقات الئتمانية ) ،،، وكلام الاخ حميدة -بكل اسف - غير صحيح ، لان جميع البطاقات atm اصبحت تحمل شعار اما شركة الفيزا او الماستر ، والسبب بسيط جدا ان هذه الشركات توفر للبنوك عمل المقاصة الالكتورنية في حالة سحب مبلغ ما من لندن وانت حسابك في البحرين مثلا ،يعني كيف لنظام مصرفي في لندن يستطيع ان يتعرف علي بطاقتك مالم يكن هناك نظام الكتروني وسيط بين بنك لندن وبنك في البحرين ، وهذه الانظمة توفره شركتي الفيزا والماستر ، ولكي اقرب لكم المعني ، عندما تسحب من صراف الي في لندن ،وانت تحمل بطاقات صراف آلي (اكرر اي تي ام )وهذه البطاقة تحمل شعار الفيزا يقوم الجهاز بسحب المبلغ من شركة الفيزا والتي تقوم بسحب المبلغ من حساب البنك ، ولان العميل تتم خلال ثواني ، فجهاز الصراف يرسل لشركة الفيزا طلب باعتماد السحب ، وشركة الفيزا تدخل علي نظام البنك المصدر للبطاقة ، وتتأكد من كفاية الرصيد وبالتالي تمرير العملية ، هذا باختصار ما يتم ،،، يصبح اي بطاقة في هذا الزمن لابد لها ان تحمل واحد من شعاري هذين الشركتين ، سواء كانت بطاقة اي تي ام ام بطاقة ائتمان . وذلك لجعل قبولها علي نظاق العالم ,,, يصبح كلام ان بطاقة الصراف الالي لا تحمل شعار الفيزا او الماستر غير صحيح هذا باستثناء البنوك التي تتعامل بشكل محلي او عملتها غير مصنفة (مثل السودان ، او تشاد) ,,, هذه البطاقات محلية ، وبالمناسبة اي مجموعه دولية يمكن ان يكون لها بروفايدر لهذه الخدمة مثل الشبكة الخليجية .
الكلام اعلاه ، به تبسيطات من اجل الشرح ...
كيف تحدث السرقات ،،
اكثرها شيوعا ، هي البطاقات الائتمانية ، وهناك انواع كثيرة قد تندهش من كثرتها ، وذكاءها ، وبساطتها ، يعني هناك اجهزة تستطيع عمل كوبي لبطاقتك الائتمانية ،يعني متي ما تحصل السارق ، علي بيانات البطاقة الائتمانية ،يستطيع ان يصنع بطاقة بها نفس البيانات ، وبالتالي سرقتك دون ان تشعر ، السؤال كيف تتم السرقة بالنسبة للبيانات ... عن طريق الانترنت ، يعني اي سايت غير موثوق متي ما ادخلت بيانات بطاقاتك اصبحت في قبضته ، وهنا قد لايحتاج الي صنع بطاقة ، لانه ببساطة يمكن ان يستخدم البيانات الرقمية في الانترنت ... ولكن يستطيع ان يصنع بطاقات ، لاستخدامها في شراء اشياء من متجر ما ...
عن طريق وضع ماسح في اجهزة الصراف الآلي تستطيع ان تقرا البيانات في البطاقة وبالتالي صنع بطاقة اخري مماثلة لبطاقاتك ...
هناك سؤال لماذا يتم التركيز علي سرقة البطاقات الئتمانية دون الصراف الآلي ، السبب بسيط ، لان البطاقة الائتمانية في حد زاتها تمثل رصيد متحرك ، بينما الصارف الآلي مربوط بحساب يسهل التحكم فيه ...
البطاقة الئتمانية مقبولة ووسيلة سهلة للدفع (انترنت ، محلات ، بل حتي عبر التلفون الخ ,,,
ساعود لشرح كيفية سرقة الحساب المصرفي ،
معصتم (مصرفي) بالمناسبة انا لا انتمي الي جهاظة الكمبيوتر
| |
|
|
|
|
|
|
Re: تم تهكير حسابي بالبنك والحمد لله.. (Re: Dr. Moiz Bakhiet)
|
العزيز د معز عمر بخيت ..
الجاتك في مالك سامحتك.. وإنشاءالله ستعود لك المبالغ التي أخذت من حسابك بدون علمك أو تفويض منك .. وطبعآ شايف كميات من التنظير وتقديم النصائح لك.. وكأن الشخص الذي تخصص في مخ الإنسان عاجز أن يعرف تكنلوجيا المال والبطاقات المالية .. وربنا يجبر كسرينك .. الكسر الأول فقدك لأموالك والتي حتمآ راجعة والكسر الثاني محاولات تكذيبك وتجهيلك من بعض المتداخلين .. ومحاولتهم تقديم محاضرات مالية وإئتمانية وهلم جرا ..! ولعلها فائدة المهجر والإغتراب في شأن تنظيم الأموال من ( مفحطة) الحبوبة و( جزلان) الأب إلى عالم البطاقات المالية و الإئتمانية.. !! ولك تقديري وأحترامي لشخصك العظيم..
| |
|
|
|
|
|
|
Re: تم تهكير حسابي بالبنك والحمد لله.. (Re: malamih)
|
الرجل الشامخ ملامح،
تأتي أحرفك مسكاً لختام أنت عافيته
شكراً مقدساً لك ايها النبيل
وسيعيد البنك المبالغ قريباً بإذن الله
كما وعدوني
وقد سلكت الطرق القانونية الرسمية في هذا الشأن
ولدي محامي جداً ممتاز والحمد لله
كل الحب والتقدير
والإحترام لشخصك الحبيب
ومودتي العميقة
| |
|
|
|
|
|
|
|