|
هديه للبشير ماذا قال ابناء الشعب حول دخول د.خليل ابراهيم للخرطوم!!
|
جاءنا الارباب هجو الاقرع متحاوم بهناك بهناك دي عارفها وين يا ريس..منبر اسمه السودان الجديد ( يعتبر هايد بارك المنابر بنقلو كل حاجة بلا مقص لرقيب الجلابي.)
يازول هناك ناس جدعان خلاص....مستعدين وقابضين على السلاح اربعه وعشرين ساعه سلاحهم كي بورداتهم يصلون بها العالم جحيم....
اها هجو صديق خالك الطيب مصطفى قال جاي يشاغلنا بهناك قام كتب هجو الاقرع بوست سماه:
حلاوة جرية خليل من الميدان وبعدها مداخلته الاساسيه كان هذا السطر فقط وعارف ميتن بعد اسبوع اظن مندخول خليل ابراهيم يعني هجو في الدوحة الا اسبوع حتى قدر ينطق يعني الدخلها فيكم خليل ما ساهله خليك من الدخلها فيكم في داخل الخرطوم:
Quote: اها الرجل عمل بمقولة الجراى ربه عيالو ......حضرت لكى ازيد مغصتكم بس |
قاموا يازول عينك ما تشوف الا النور....(فرسان السودان الجديد) ناس عادين لا جنود خليل ولا يحزنون ومن كل فئات الشعب شمالين وجنوبين ومن الغرب و من الوسط ردوا عليه ردود عجبتني فقلت لنهديها لجناب رئيسنا الهمام عله يعرف حقا ماذا يقول له ابناء شعبنا وخليك من القربوا يفرجوا عليك خلق الله وعملوك زي الفرعون العريان عارف قصته ولا احكيها لك كمان؟؟؟
كدي كان ما عرفتها اسأل خالك الما منه فائدة غير الفتن والحفر للحركه الشعبيه وقول له ارعى بقيدك يا الطيب مصطفى الحركه الشعبيه دي شعرا ماعندك ليه رقبة وآخير يبقة وناس بدل بدلا صحفي ويقعد يحكي لك قصص بدل العك البعك فيه ده.
اها ده شاب ممتاز اسمه احمد بم عوف عجبتني مداخلته قلت اهديها لك اولا بعدين بقنل باقي المداخلات:
Quote: تعديل للنكته اعلاه
قيادات المؤتمر الوطني في حديث للبشير: خليل وقياداتة اتحركت من ابشي الي الخرطوم
البشير : طيب والعمل شنو؟
قيادي متهور: عملا بنظرية نيوتن - الجماعة ما كلهم دكاترة وبروفسيرات وكده- انت لازم تتحرك وبكل قياداتك برضو بنفس السرعة وفي الاتجاه المعاكس
البشير: نمشي برنامج الاتجاه المعاكس بتاع الجزيرة ونكب النقه هناك ولا شنو؟
قيادي بارز : لا سعادتك، الاتجاه المعاكس يعني خليل متجة شرقا وانت وقياداتك تتجةغربا وتتلاقو في النص
البشير: والاحتمالات شنو لو عملنا بنظرية نيوتن، بالمناسبة نيوتن دا منو زاتو؟
قيادي منظراتي: نيوتن دا سعادتك من دول الاستكبار وبنظرياتو دي خلانا متخلفين والكفار متقدمين علينا
البشير : اعوذ بالله منه، ما قلتو لي الاحتمالات شنو، وفي خيارات ولا لا؟
القيادي المنظراتي: حسب النظرية المحصله حتكون صفر
البشير: يااخوانا احنا بنديكم في القروش والعمارات والمناصب علشان تستهبلوا علينا ما تتكلموا عديل واشرحوا الكلام بالعربي!!!
مع اعتلاء النبرة وفيها هرشة تدخل القيادي البارز وشرح: المحصلة صفر يعني خليل وقياداتو وانت واحنا باعتبارنا قياداتك حنتلحس يعني حننقرض كلنا، ومافي احتمالات ولا خيارات دي قوانيين فيزياء وحساب - يعني قفلا معاهو
البشير: يا دي الليله السودا يا دي الليه المش فايته، لسانو فجأه قلب مصري وما نقشا الا القيادي المتآمر واستأذن من الاجتماع ليجري اتصالاته باللغة المصريه
البشير: والعمل شنو
القيادات كلها صانه
هنا قفز القيادي الفقيه، بتاع كله عندو مخرج في الشريعه وقال مش احنا مسلمين - بعد ساعتين في الاجتماع حتى تذكروا انهم مسلمين- والاسلام أمرنا بمخالفة اهل الكفر
قيادات حشرات في الخلف : تكبير
قيادي بليد: بعد ما سكتت القيادات الحشرات، ما فهمنا!!
القيادي الفقيه: مش احنا امنا على انو نيوتن دا هو سبب البلاوي الاحنا فيها دي، اذن لازم نخالف نظريته، احنا نجري بنفس السرعة وبكامل القيادات - بصوت واطي بس نخلي القيادات الحشرات- بس في نفس الاتجاه، يعني غربا
القيادي البارز: ونفس المسافة كمان سعادتك، علشان ما نكون قصرنا في اداء واجباتنا الشرعية ونلقى الله بوجه حسن
القيادات الحشرات : تكبير
وكان ما كان |
اها شفت ود ابن عوف ده ناقش افلامكم كيف؟؟؟
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 06:20 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | ود الباوقة | 05-25-08, 06:26 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 06:35 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 06:38 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 06:42 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 06:48 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 06:48 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Balla Musa | 05-25-08, 06:50 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 07:06 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 07:09 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 07:10 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 07:15 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 07:24 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | خالد الطيب أحمد | 05-25-08, 08:03 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-25-08, 10:17 PM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-27-08, 04:33 AM |
Re: هديه للبشير ماذا قال ابناء الشعب حول دخول د.خليل ابراهيم للخرطوم!! | Tragie Mustafa | 05-28-08, 06:15 AM |
|
|
|