Post: #2
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ادم الهلباوى
Date: 05-25-2008, 07:06 AM
Parent: #1
يا حنين يا ود يار زين تحايا عاطرات
يا حنان يا حنة تحيات عطرات .....
ليس هنالك غريب فى عالم المتغيرات !!
ياصحبى السياسة كده لا خصومة 100% ولا عداوة 100%
ومع السياسة يوم لك ويوم عليك !!
أصلا أولاد ساكسون عرفوها بانها :
policy is a dirty game If you want to play it play it dirty
لكن عرفها جقو جاب نار الغرباوى بأنها :
مثل كورة القدم لابد للمهزوم من الابتسامة أمام الخصم ولا بد من المباركة له
بالفوز ليس ذلك وحسب وإنما يتبادلون الأدوار .. ولو مامصدق أسأل هافلنج !!
|
Post: #3
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: Tariq Sharqawi
Date: 05-25-2008, 07:31 AM
Parent: #1
policy is a dirty game If you want to play it play it dirty
Is that suppose to be POLITICS?????
Tariq Sharqawi
|
Post: #4
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ghariba
Date: 05-25-2008, 07:12 PM
Parent: #1
الاخ احمد حنين
اي زلابية وأي طعمية
انها حقيقة الاشياء
وطبيعتها
ولكن احيانا نظن بان السياسة ثوابت
ونتناسى بانها متغيرات وتقاطعات
فهل فهمت الدرس يا صاح .............
|
Post: #6
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: Elawad Eltayeb
Date: 05-26-2008, 02:48 PM
Parent: #4
للأسف الإعلام عندنا في السودان يتحرك بالإشارة وليس بالمهنية المحترفة والإرادة الحرة النزيهة من الغرض والأجندة الظاهرة والخفية. ذلك لأنه إعلام نظام وليس إعلام وطن، وكذلك رموزه هي رموز حزب وليست رموزاً قومية هدفها مصالح الوطن. لذلك يأتي تحولها الدراماتيكي السريع والمباغت في الرأي، حسب اتجاه الرياح، مدعاة للسخرية وليس الإحترام.
قم بتتبع رؤية الإعلام عندنا تجاه الرموز السياسية ستجدها تتحرك حسب بوصلة النظام الحاكم؛ وستموت من الضحك وشر البلية ما يضحك.
وخذ كمثال الموقف تجاه الرموز السياسية التالية:
- جون قرنق (قبل وبعد الإتفاقية)
- الترابي (قبل وبعد حادثة القصر والمنشية)
- الصادق المهدي قبل وبعد شهر مايو
هل نحن شعب بلا ذاكرة؟
|
Post: #7
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ادم الهلباوى
Date: 05-26-2008, 05:48 PM
Parent: #6
ياحنين يا ضنين !!
Quote: يا هلباوي
خليك من السياسة ووسخها |
منو قال ليك السياسة فيها وسخ أنا كنت متوقعك تسالنى راي فيها شنو ؟ عشان اقول لك :
السياسة عندى بالظبط زى ما يدور هنا فى ( بورد) سودانيز أونلاين ... أحرار وعبيد
جلابة وكترابة ، زرقة وجنجويد ، عنصرية وترديد ، البعض يشيل ويعيد وفى النهاية البقاء
( للأصلح ) المصيبة أهو ده السودان وديل كمان هم أهلو !!
| Quote: ورينا رائك .. في عملية أسد الزغاوة .. |
أما فيما يختص بأعلاه أقول ليك جيتنى من الآخر لكن تلقاها عند الغافل !!
عارف أهلى البقارة عندهم مثل ( حلا بالأيد ولا حلا بالسنون ) عليه كثير من الحادبين على
مصلحة الوطن قالوا لابد من حل مشكلة دارفور لسلامته من التشظي وسلامة أهله من المواجهة
والعراك والوطن للجميع والكل فيه سواسية فى الحقوق والواجبات لكن يبدو أن مثل هذه
الرؤى لم تعجب البعض أصحاب المصالح الفالح منهم والطالح وناس الشورى سدوا دى بطينة وديك
بعجينة وضاعت الحقوق وتمايزت الكيمان و ظهرت النعرات وتفشت الجهوية إذا من البديهى جدا
يجى خليل! ليس ذلك وحسب بعد الطريق ده ما انفتح أكيد حيجيك خلى وخلخلة وخلا خل وخلى ساكت ..
|
Post: #8
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ادم الهلباوى
Date: 05-27-2008, 06:28 AM
Parent: #7
يا حنين يا حنية يا الدير تمتحنا الوطن فى محنة والمغترب فاقد محنة !!
الوله باين فى صمتو وكل زولا ياخد قسمتو !!
|
Post: #9
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: بهاء بكري
Date: 05-27-2008, 06:44 AM
Parent: #1
ياحنين الشعيرية ماالطعمية
|
Post: #10
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: صديق الموج
Date: 05-27-2008, 08:10 AM
Parent: #1
حنين هذا زمان الاستغراب الكبير؟؟؟
دحين ما قريت طرطوف الماكر للمشوطن نجيب سرور رحمه الله تغشى قبره
الايام دى زولك لابس على الله ومركوب فاشرى وطاقيه تمتد حتى عنان السفارة.
وبفصل فى جلابيه ختمية..هييييييييييييييع..
احمد اصلحك الله
الله يحلك من الضبان تبع الليان،والطيرة البتابع السيرة،،،
|
Post: #11
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: حمزاوي
Date: 05-27-2008, 08:24 AM
Parent: #1
| Quote: اخبار حزب الأمة .. ينشرها صلاح غريبة .. |
اخونا صلاح غريبة قال مشغول اليومين دوول وكلف اخونا ود الباوقة بالمهمة
اخونا ود الباوقة ابقى عشرة على اخبار الاحباب
وما تنسانا ينوبك فينا أجر
وأموووووووت أنا في بنطون كدباس
احمد حنين اخوي
انت يا اللخو
صديق الموج شارب حاجة
وما تنسى تقول لي اخونا الهلباوي يكتب بالعربي
|
Post: #12
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ادم الهلباوى
Date: 05-27-2008, 12:16 PM
Parent: #11
حمزاوى حياك الله
عارف يا أخوى حمزاوى لما جينا البلد دى كان مافى جمعيات وحاجة بالشكل ده
كنا سودانيين 100% وصلنا إلى البلد المباركة دى وكنا عشرة تعاقدنا مع شركة
واحدة وحتى تخصص عملنا كان واحد ومع بعض كان عملنا فى مكتب واحد فى ذاك المجال
وبالضرورة حنسكن فى محل واحد الجاي من دارفور والجاى من حلفا والجاى من الجزيرة
والجاي من العاصمة والجاي من حتات كده أهو بتتسمى سودانية برضك فطورنا محل واحد
وغدانا وكذلك عشانا فى محل واحد اخوك لشقاوته رمته القسمة مع حلفاوى فى غرفة واحدة
حصلت بيناتنا المعرفة وسادت بيننا الألفة وهات يا ونسة وودى يا ونسة ومرات كده بيجوه
إخوته من حوالين الرياض كل خميس للونسة وكان أخوك يعرف الدسبلن بيقوم بمشى بخلى ليهم
الغرفة عشان ياخدوا راحتهم فى الونسة .. عموما زى ما قلت ليك حصل اخاء ومحبة مما جعلنى
اطلب منه ان يعلمنى كلام الحلفاوين زى مثلا السلام عليكم مع السلامة كيف حالكم وهكذا دوليك
طبعا صحبى لم يبخل على ببعض المفردات الحلفاوية التى تعطى المعنى المشار إليه واخوك يا مؤمن
يا صديق حفظ وعن ظهر قلب أصلو أخوك كان شباب وذهنه متفتح تواق للمعرفة هو يملئ وأنا أشيل
واحفظ بس للأسف كانت كلمات غريبة شوية تعطى معانى تانية عجيبة جدا لأنه كان معى يحب المزح
والمقالب .. سبحان الله بعد سنتين من الاستمرارية فى العمل جاب والده زيارة قبل زمن كافى لزوم
الحج وبديهى حيكون معانا فى الشقة ولحظه السئ كنا نعمل على طريقة الورديات هو يعمل صباح
وأنا أعمل مساء طبعا فترة الصباح أخوك ينفرد ليك بالحاج شئ فول وشئ تفاح وشى ببسى وهاك يا
عمى محمد صالح معاها بإستلطاف كده مفردة مفردتين بالحلفاوى مما تعلمت من شقيقى وزميلى ومحلك
سر مفردات كلها (من العرقوب وفوق ) وعمك محمد صالح تبدو عليه الحيرة والدهشة واخوك المسكين
ظن إنو عمك (محمد سالح مبسوط هالص ) منو وأخوك يحاول يقلد اللهجة فاكر إنو عمك مبسوط جدا
والمسالة عديلة أو فيجله وما جايب خبر أن الكلام ( شين ) بلحين لرجل فى مقام العم محمد
صالح .. عندما وصل زميلى ناداه عمك محمد صالح جو الغرفة وبعد نقاش طويل خرج صحبى وقال يا
آدم ممكن تجي معاى بره كده قلت له ( sure ) وطلعنا خارج الشقة ولما بعدنا اوقفنى وقال لي
أوع تكون قلت للوالد كلمات الحلفاويين العلمتها لك .. قلت له الله ألله ومال أنا تعلمتها لشنو
ما لليوم الأسود ومن عرف لغة قوم أمن شرهم وصار محبوب لديهم .. بس اخوك مسك راسه بكلتا يديه
وقال لي تعرف الولد قال لى شنو ! قال يا إبنى إذا داير تعلم أصحابك كلام أهلك علمهم الكلام
السمح مش البطال !!وهنا ساد صمت رهيم .. وأنا لا تعليق محتار اسأل نفسى وهل هنالك كلام اسمح
من كلمة السلام عليكم !!
|
Post: #13
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ادم الهلباوى
Date: 05-28-2008, 04:31 PM
حمزاوى ..
إيلو ياأخى إيم دفوسو !
مندارى !!
|
Post: #14
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: Deng
Date: 05-28-2008, 04:37 PM
Parent: #1
يا حنين.
صلاح غريبة ده شغلو شغل إنتهازية عديل كده ولا دخل له بالسياسة أصلا.
دينق.
|
Post: #15
Title: Re: اخبار حزب الأمة .. ينشرها صلاح غريبة .. هانت الزلابـيــة
Author: ادم الهلباوى
Date: 05-29-2008, 09:25 AM
Parent: #14
| Quote: وما تنسى تقول لي اخونا الهلباوي يكتب بالعربي |
حمزاوى وحنين ... اولو ملو !!
ايوكا دولجلى .....................
|
|